يا محلى الصدف

البارت 20 :

الصوب الثاني في بيت اليد:

جاسم وصل وسلم عليهم و علطول انسدح ف الصاله شافه اليد؛

اليد: جسوم شو فيك؟

جاسم: ها مافيني شي؟

اليد: غريبة عندنا اليوم؟

جاسم(قام يلس): أبويه ابا اقولك شي بس لا تخبر حد؛

اليد: قول؛

جاسم: أول شي اوعدني انك ما تخبر حد ولا تسير؛

اليد: اوعدك بس قول شو السالفة؟

جاسم: أبويه عبود مسوي حادث و الحين هو ف المستشفى و كان ف العمليات بس الحمدالله الحين قام بالسلامه و هند عنده؛

اليد: شوو شو قاعد تخربط انت؟؟

جاسم: يدي هد ترى محد يعرف انته اول واحد اخبره لا تخبر حد؛

اليد: أمك و أبوك يعرفون؟

جاسم: لا بس لا تخبر حد؛

اليد: متى بيطلع؛

جاسم: باجر؛

اليد: انزين حمدالله على سلامته؛

جاسم: الله يسلمك؛

اليد: و التجنيد؟

جاسم: دكتوره بيعطيه ورقة؛

اليد: يلا نسير نتعشى يدتك زهبت العشى

عند شيخة و مريم:

راشد وصل عندهم و جاف شيخة واقفة عند الريال و مريم بعيد راشد عصب و سار عند شيخة؛

راشد(معصب): سلام

شيخة+هزاع: عليكم السلام؛

راشد: شو مستوي؟

هزاع خبره السالفه جان يسب مريم و هالوقت مريم طايفه و سمعته؛

مريم: خير خير الحماره حرمتك؛

هزاع: محد حمار غيرج؛

مريم: اسمع لا تخليني ادفنك هني؛

هزاع: انتي ايي تبين تندقين هني صح؟

مريم: ياربيه رشود شوف ها التيس اللي جدامك اذا ماسكت بحطه تحت التاير و بدوسه و بروح؛

راشد(ضحك): بس بس انته وياها جب عاد يلا مصختوها؛

المهم حلوا الموضوع و خلصوا و كل واحد رد بيته؛

صوب هند و عبدالله و سلطان:

سلطان: شو السالفة شو مستوي؟

عبدالله: سلطان لا تلف و لا تدور شو ستوى عشان تنهي اللي بينك و بين هند؟

سلطان ساكت

هند: ليش ساكت ارمس ولا نبلع السانك بس تروم ترد عليي يالله جاوب؟

عبدالله: هند جب خليني اتفاهم وياه؛

هند سكتت؛

عبدالله: سلطان قول اعتبرني اخوك مثل ما هند أختي؛