وصلوا البحر هند سارت بعيد عنهم ويلست روحها و هي تفكر في اخوانها المتضايقين يوم عرفوا عن السالفة انَ هند اختهم بالرضاعة؛
مهره و شيخة و عليا يتمشون؛ مريم و حور وحمده يصورون البحر؛ موزه تلعب بالرمل و حمدان يالس وياها و يسوون قلعه بالرمل؛
راشد سار سيارة سعيد يالسين في السياره و يتكلمون لانهم يايين بسيارتين؛
سعيد يطالع هند: اتصدق انه انصدمت من سالفة هند؟
راشد طالع هند عقب طالع سعيد: حتى انا ماكنت متوقع هاي السالفة؛
سعيد: مسكينه شوف كيف يالسه و سرحانه؛
راشد شافها و غمضته: لازم بتسرح الله يعينها؛
سعيد: آمين، عيل وين اخوانها ماشفت ولا واحد فيهم؛
راشد: سعيد هم بعد مب عارفين شو يسوون طلعوا و ماردوا؛
صوب هند:
اتصلت في عبدالله مايرد سارت عند مهره؛
هند: مهور
مهره: هلا؟
هند: عطيني ارقام اخواني؛
مهره عطتها؛
هند روحت و يلست نفس المكان و اتصلت في فهد ورد؛
فهد: الوو؟
هند: هلا؟
فهد: اهلين منو وياي؟
هند: اختك هند؛
فهد: هلا هند؛
هند: فهد وين عبود؟
فهد: مادريبه
هند: انت يالس تستعبط شو؟
فهد: احترمي نفسج و انا مب يالس استعبط
هند: انزين ماعليه، بندت في ويهه
صوب فهد يالس روحه و اتصلت عليه هند و بندت في ويهه عصب
فهد: حماره تبند في ويهي اللي ماتستحي اراويها مب ناقصنها انا هاي بعد؛
نرد صوب هند اللي متوتره:
اتصلت في عبدالله و مارد؛ دقت حق جاسم و رد؛
جاسم: الوو؟
هند: هلا جاسم؟
جاسم: منو وياي؟
هند: انا هند اختك؛
جاسم: اوه هنوده هلا شبغيتي؟
هند: تعرف وين عبود ادق له مايرد؟
جاسم: ماعرف والله هو طلع قبلي؛
هند: عادي اسالك سوال؟
جاسم: آمري غلاتي؛
هند(ابتسمت): ما يامر عليك عدو...ابا افهم ليش يوم قالوا اني اختكم طلعتوا من البيت لهدرجة كارهيني؟
أنت تقرأ
يا محلى الصدف
Fiksi Remajaالروايه تتكلم عن الصدف و كيف جمعتهم هاي الصدف قراءة ممتعه للجميع
