جنة الرسلان

الحلقة السادسة

جنة الرسلان

الحلقة السادسة
❄️❄️❄️❄️❄️❄️

في قصر المغربي
❄️❄️❄️❄️❄️❄️

كانت هنا تتحدث مع لميس و هي تنفعل عليها و أغلقت معها بحده

رسلان باستغراب : هو في ايه
روتانا : معرفش
رسلان : في ايه يا ماما اول مرة اشوفك بتتكلمي كده مع لولي
هنا بعصبية : علشان غبية و مستهترة
رسلان : براحة بس يا امي في ايه
هنا بعصبية : زينة تعبانة بقالها فترة و مش عوزة تروح للدكتور و لميس مش قاردة عليها و بتقول تعب عادي
روتانا : هي زوزو لسه تعبانة انا كلمتها امبارح قالتلي بقت كويسة
هنا بخوف : هي بتستريح يومين و بترجع تتعب تاني انا خايفة عليها
رسلان بجدية : و قدام كده بيحصل ليه محدش عرفني
هنا : انا كل ماقول لميس او لزينة هقول لرسلان تقولي لا
رسلان بجدية : مفيش حاجة اسمها خلاص انا هظبط الدنيا كلها النهاردة و بكرا الصبح هكون مسافر الصعيد ليهم اطمن عليها بنفسي
هنا بابتسامة : ربنا يخليك لينا يا رسلان انت عارف اني بخاف علي زينة اوي
رسلان بجدية : كلنا بنخاف عليها اهدي بس و كل حاجة هتتظبط انا رايح الشركة
روتانا : و انا كمان هقابل ماجد علشان خاطر نشوف اخر التجهيزات
هنا : ماشي و بقي هاتي ماجد معاكي علي الغدا
روتانا : اشطا

خرج رسلان و اسرعت روتانا الي الأعلي حتي تجهز نفسها

❄️❄️❄️❄️❄️❄️❄️❄️❄️❄️

في الصعيد
❄️❄️❄️❄️❄️

في منزل زينة
❄️❄️❄️❄️❄️

كانت لميس تلاحظ تعب زينة ففي البداية كانت تعتقد أن تعبها من تغير الجو بسبب اهمالها لنفسها و لكن زاد التعب و الغريب انها تشتهي لطعام معين كانت ترفض ان تتناوله من قبل و كانت تنام كتير فنهش القلق قلبها فأخذت سياراتها و غادرت البلد و توجهت إلي المحافظة و اشترت اختبار حمل و عادت مرة اخري

دخلت لميس الي جناح زينة الغارقة في النوم

لميس بحده : زينة زينة زينة اصحي
زينة بنوم : في ايه يا مامي سبيني انام تعبانة
لميس بحده : اصحي و فوقي كده و تعدلي
زينة : في ايه مامي
لميس بحده : قومي اغسلي وشك و تعالي عوزاكي بسرعة
زينة باستغراب : حاضر مامي

وقفت زينة و توجهت إلي الحمام و غسلت وجهها و خرجت

زينة بابتسامة : خير يا ست لولي
لميس بجدية : امسكي ده
زينة : ايه ده مامي
لميس بجدية : ده اختبار حمل عوزاكي تعمليه
زينة بشهقة : انتى بتقولي ايه مامي يعني ايه اعمله و ذاي
لميس بحده : اللي اقولك عليه تنفذية يالا