جنة الرسلان

الحلقة الحادية عشر

جنة الرسلان

الحلقة الحادية عشر
❄️❄️❄️❄️❄️❄️❄️

في جامعة ٦ أكتوبر
❄️❄️❄️❄️❄️❄️❄️

توجهت زينة و الحرس الي احدي المدرجات و قامت بنزع الجاكت و جلست بحرية و وضعت سماعات الأذن و اخفتها بشعرها و غمضت عيونها

اقتربت فتاة و وقفت أمام زينة

الفتاة بسخرية : بقي انتي بنت صاحب شركات الجنة
زينة : لا رد
الفتاة بغيظ : انتي مش بكلمك
زينة : لا رد

هزت الفتاة زينة بحده في ذراعها فتحت عيونها بسرعة

زينة بالم : ااااااااااااه في ايه براحة
الفتاة بحده : انا بكلمك مش بدردي عليا
زينة : سوري حاطة السماعات
الفتاة : انتي قولتي انك بنت صاحب شركات الجنة صح
زينة بتنهيدة : اه خير
الفتاة بصوت عالي : كل خير كل الحكاية انك كدابة
زينة بذهول : كدابة ليه
الفتاة بصوت عالي : علشان صاحب الشركات بيكون رجل الأعمال المعروف رسلان المغربي
زينة بجمود : الشركات ملكي انا
شاب بسخرية : ملكك اذاي يا قطة الكل عارف ان الشركات ضمن شركات المغربي
فتاة اخري : انا بابي شغال مع الشركات و كذا مرة يقولي ان رسلان المغربي هو اللي ليه كل التصرف فيها

نظرت زينة لهم ببرود و نظرت للحرس

زينة ببرود : ملكوش دعوة و الدكتور دخل يالا من هنا

جلس الجميع في اماكنهم و كانت زينة تجلس و هي تريد أن تصرخ و تبكي 

انتهت المحاضرة و اسرع الحرس الي زينة التي حملت الجاكت و متعلقاتها و خرجت بسرعة

ياسر بهدوء : تحبي تروحي فين
زينة بكسرة : المنفي بتاعي
ياسر باستغراب : المنفي تقصدي ايه
زينة بكسرة : البيت البيت

جلست زينة في السيارة و اسرع الحرس بالركوب و نطلقت السيارات خلف بعضهم البعض للتوجه الي قصر المغربي

كانت زينة تبكي في صمت تام حتي استمعت لصوت رنين هاتفها فردت و جدتها جدتها الغالية

زينة : تيتة
سعاد : قلب تيتة يا غالية اخبارك ايه
زينة بابتسامة حزينة : الحمد لله يا سوسو عرفت انك جاية بعد كام يوم
سعاد بحنان : لا يا قلب تيتة انا جاية بكرا الصبح
زينة بفرحة : بجد يا تيتة يعني هنام في حضنك
سعاد بحنان : اه يا قلبي هتنام المهم قوليلي عوزة ايه اجيبة معايا
زينة بجوع : عوزة فطير و رقاق و قراقيش و قرص و رواني و مخلل و جبنة قديمة و هريسة
سعاد بحنان : عملت ده كله يا نور عيني
زينة بدموع : تيتة انا عوزاكي انتي مش عوزة حاجة تاني
سعاد بفلعة : انتي بتبكي يا قلبي ليه
زينة بدموع غزيرة : وحشتيني اوي اوي يا سوسو و رحيمي كمان وحشني
سعاد بحزن : مالك يا قلبي
زينة بدموع غزيرة : هتوصلي امتي بكرا
سعاد بحنان : الصبح هنتحرك من هنا الفجر و هوصل بدري يا غالية
زينة بدموع : ماشي سوسو سلميلي علي رحيمي كتير
سعاد بحنان : حاضر يا بنتي