جنة الرسلان

الحلقة الرابعة و العشرون

جنة الرسلان

الحلقة الرابعة و العشرون
❄️❄️❄️❄️❄️❄️❄️❄️❄️

في روسيا
❄️❄️❄️❄️

جهزت زينة كل شي لمغادرة روسيا و العودة الي مصر

مايكل بحزن : خلاص هتسبينا
جاكلين بدموع : بلاش ترجعي خليكي هنا معانا احنا بنحبك
زينة بابتسامة : عارفة انكم اخواتي و اصحابي و مش معني اني هسافر مصر اني هسبكم لا طبعا انا هفضل قاعدة علي قلبكم و كمان البيت بتاعي ده مش هسيبة و كمان الشركة و هفضل اجي كل شوية و انتم كمان هتيجو مصر صح
مايكل بحنان : طبعا زينة احنا عمرنا مهنبعد عنك انتي دخلتي بيتنا و جيه معاكي السعادة و الفرح و كل خير
زينة بابتسامة : طيب يا برنس مش ناوي بقي تنشاء صفحة ليكي و شركتي تدرها
مايكل بغيظ : بت انتي عوزة تاخدي مني فلوس و بس
زينة بضحك : ههههههههههه انا بسيطك وسط الناس
مايكل بغيظ : مش عاوز شكرا لخدماتك
جاكلين بابتسامة : افتحي حبيبتي الصفحة و هيبعت ليكي الفلوس المطلوبة
مايكل بجنان : لااااااااااااااا بقي انا تعبت البت ديه واخده كل فلوسي مرة اعلان مرة صفحة حراااااااام عليكم يا ظلمه
ستيفن بابتسامة : و انا كمان زوزو
زينة بحنان : و انت ايه حبيبي
ستيفن بابتسامة : افتحيلي صفحة و بابي هيدفع
زينة بضحكة رنانة : هههههههههه هههههههههه ابوك هيولع فينا كلنا ده هيتحول لرجل عصابات علشان يعرف يقتلنا
مايكل بغيظ : و انت يا حيوان عاوزها تدير صفحتك ليه عندك كام صديق و متابع ده كلهم ٥ او ٦
ستيفن بغرور : ٥ او ٦ دول بتوعك انت انا بيتابعني ملايين مش ذيك
مايكل باستغراب : ملايين ليه
ستيفن بغرور : انا من اول مصحي لغاية منام بنزل فيدوهات و ليا متابعيني كتير
جاكلين بابتسامة : طبعا ابني حبيبي مشهور
لوسيندا : مامي و انا كمان
مايكل بصراخ : نعم انتي كمان انتى لسه صغيرة مكملتيش ٤ سنين ليكي متابعيني كمان
جاكلين بضحك : ههههههههههه كان نفسي اقولك بتضحك عليك بس فعلا ليها متابعيني كتير
مايكل بغل : اللي عاوز البت ديه تمسكله الصفحة بتاعتة يدفع ليها من جيبه انا مليش دعوة

ضحك الجميع علي مايكل و بعد فترة ودعت زينة تلك العائلة التي احتوتها في وقت ضعفها و حزنها و وقفو بجوارها الي ان استعادت قوتها

❄️❄️❄️❄️❄️❄️❄️❄️❄️

في الطيارة
❄️❄️❄️❄️❄️

كانت زينة تجلس في الطيارة في انتظار انطلاقها فتنهدت بحرقة و اخرجت الفون و اتصلت علي روتانا و لكن منعت الاتصال

اسحاق بابتسامة : مالك زينة
زينة بتنهيدة : خايفة من اللي جاي
اسحاق بحنان : متخفيش اظن احنا اتخطينا المرحلة ديه و لازم نفكر صح
زينة : اكيد بس لازم بردو نحط كل الخطط علشان خاطر اللي جاي
اسحاق : هننزل علي الصعيد
زينة بابتسامة : توتوتوتوتوتو احنا الاول هنروح علي البيت و نستريح و بكرا هنروح الشركة نمضي العقد و نشوف ديكور البرنامج و نظبط كل حاجة و بعدها هنروح الشركة نتابع الشغل
اسحاق : كل ده بكرا اهدي شوية انا راجل كبير
زينة بضحكة : ههههههههههه يا راجل ده انا هدور ليك علي عروسة
اسحاق : يا ريت الواحد قفل ٤٠ و لسه أعذب
زينة بسخرية : يا راجل لسه أعذب انت خلصت علي ستات روسيا كلها
اسحاق بابتسامة : دايما فهماني صح عاوز اجدد نشاطي هنا
زينة بسخرية : يا خوفي لتدبس و هنا غير هناك
اسحاق : اسكتي بقي و نامي تعبتيني معاكي
زينة بصدمة : انا اللي تعبتك تصدق انك ظالم
اسحاق : المهم دوري ليا علي عروسة
زينة : عليك و علي خالتي بمبا
اسحاق بخبث : طيب اروح لرسلان احسن
زينة : رخم علي فكرة
اسحاق بحنان : علي فكرة انا و انتي عارفين انك بتحبي رسلان
زينة : كنت و دلوقتي نام بقي عوزة استريح شوية
اسحاق بيأس : نامي يا ختي نامي