جنة الرسلان

الحلقة الأخيرة

جنة الرسلان

الحلقة الواحد و الثلاثون و الأخيرة
❄️❄️❄️❄️❄️❄️❄️❄️❄️❄️❄️❄️

غادرت صفاء الفيلا و توجهت إلي القسم حتي تسأل عن ابنتها

رحيم بكسرة : ليه الكره ده كله و ياترا مين غير صفاء بيكره الميت و اليتيمة
محمد بحزن : وحد الله يا بوي انت عارف ان صفاء كده دايما بس يشهد ربنا عليا اني عمري مكرهت منصور لو للحظة واحدة انا لو كنت بكره كنت سميت ابني علي اسمه أنا بحب اخويا و يشهد عليا ربنا اني بقول الصدق منصور مش بس اخويا لا ده كان ابني
سلمي بدموع : و الله العظيم يا بابا انا بحب ابيه منصور لانه كان اخويا و ابويا هو اللي وقف معايا لغاية مكملت تعليمي و خلاك توافق اني اجوز مازن انا عمري مهكره
سعاد بدموع غزيرة : معقولة معرفناش نربي عيالنا و ظلمناهم
هنا بحزن : وحدي الله يا حجة هي بس قالت كده من حزنها علي بنتها
لميس بدموع غزيرة : انا لغاية اللحظة ديه مش مصدقة ان سارة اللي ربتها هي اللي تاذي بنتي ليه كل ده علشان خاطر ايه مازن هي اصلا مكانتش موافقة عليه
منصور : اهدو يا جماعة و وحدو الله كله قدر و مكتوب
روتانا : يا جماعة احنا كده عرفنا مين السبب في اذيه زينة بس منعرفش مين الشخص اللي كان عارف كل حاجه و كمان غير البرشام و ايه قصده انه يخلي زينة تتجوز رسلان بالذات
ماجد : هو ايه ده احنا كل شوية ندور على حاجه يعني ٥ سنين بنجري علشان نعرف مين قدر ياذيها و هنرجع ندور على مين اللي عاوز يحميها
هنا : ايه الحظ ده
روتانا : انا شايفة اللي حصل ده كويس يعني في شخص واقف في ظهر و مش عاوز يظهر
هنا : يالا يا جماعة اطلعو نامو علشان بكرا يوم طويل

و بالفعل صعد الجميع الى الأعلي حتي ينالو بعض الراحة

❄️❄️❄️❄️❄️❄️❄️❄️

في جناح رسلان
❄️❄️❄️❄️❄️❄️

كانت زينة تنام بين أحضان رسلان و صحيت علي صوت الهاتف

خرجت زينة من حضن رسلان و مسكت الفون و ردت

زينة بنوم : الو
المتصل : الو اذيك زينة
زينة بنوم : مين معايا
المتصل : انا صقر زينة
زينة : اذيك صقر
صقر بحنان : انا كويس زينة انتى اخبارك ايه
زينة : الحمد لله
صقر : ممكن تصحي و تفوقي و تيجي ليا علشان الدنيا هنا مقلوبة
زينة بانتباة : ليه ايه اللي حصل
صقر : موضوع امبارح أتقدم ليا كذا بلاغ و من كذا محامي و انتي لازم تيجي
زينة بجدية : تمام صقر ساعة بالظبط و هكون عندك
صقر : ماشي يالا سلام

أغلقت زينة مع صقر و وضعت رأسها علي صدر رسلان 

رسلان بحنان : حبيبتي مين صقر ده
زينة : النائب العام
رسلان : انتي تعرفيه
زينة : اه عرفاه من البلد من عندنا و كمان كان بيلعب معايا و انا صغيرة
رسلان : نعم يا ختي بيلعب معاكي هو مش انا كنت صاحبك الوحيد
زينة : لا كان عندي أصحاب كتار غيرك