ع العصر شمسه قاعده تجهز لطلعتها مع صديقة عمرها اليازيه جهزت وخلصت مرت لريلها حمد
شمسه : حمد ترا انا طالعه
حمد : زين ديري بالج ع نفسج
شمسه طلعت عنه ومرت لليازيه ، اليازيه دقت لها
اليازيه : وينج انتي سنه لين اتيني
شمسه : صوب بيتكم انا
اليازيه : جذابه عمري ماصدقج
شمسه : انا برع شفيج
اليازيه : وين برع وانا اسمع صوت الشارع
شمسه : يايه يايه
اليازيه : بسرررعه مابا اطلع ع المغرب انا
شمسه : شفييج تراني يايه صوب بيتكم يلا طلعي
شمسه بندت عن اليازيه
اليازيه : ع بالج صدقتج انج يايه ادري فيج جذابه
اليازيه دخلت الحمام تسبح ، شمسه وصلت عند بيت اليازيه تدقلها ، اليازيه طلعت من الحمام نشفت شعرها شافت شمسه تدقلها عرفت انها وصلت ، لبست عالسريع ونزلت لها ركبت السياره
شمسه : انتي شوو سنه سنه لين تطلعين
اليازيه : لاني ادري فيج جذابه وسنه لين اتين بيتنا
شمسه : ريحه عطرج حلوه يايبتنه معاج
اليازيه : لا اقولج بندي المكيف غاسله شعري عن امرض
شمسه : ليش متى سابحه انتي؟
اليازيه : توني يوم قلتي يايه
شمسه : مب من صدقج يزوي !!
اليازيه : ههههههه والله
شمسه : وانا اقول ليش متاخره وسنه لين تطلعين مالت علييج شو تسوين انتي عيل طول اليوم فالبيت
اليازيه : ماشي يالسه وين بتودينا
شمسه : مادري والله نتمشى ونمر التراكات ناكل ولا ننزل كوفي؟
اليازيه : لا خ ننزل كوفي احسن
شسمه : زين بنروح عيل كوفينا اللي ماعندنا غيره
اليازيه : تمام
