هند : بس لا يعني هي الحين المفروض تكون بالسادس لانها قبلج بكم اسبوع موول مافيها كرشه
اليازيه : انتي وين تركزين انا ماشوفه بطنها كله مغطيتنه حتى حمد مايشوفه مول ماتخليه يقرب صوبها واذا رقد عندها تحط حاجز من بينهم
هند : دخيلج متى ريلج رقد عندها دووم اشوفه راقد عندج
اليازيه : يوم يتهاوشون ايي يرقد عندي هالفتره زايده مشاكلهم وايد حبيبي حمد دوم ايي يتشكي لي منها بس بعد المفروض يعذرها هرمونات الحمل الصراحه وايد تلعب دور
هند : عيل مالعبت فيج انتي اشوفج هاديه ماسمعتج مره تهاوشتي معاه
اليازيه : بسم الله علينا حبيبتي انتي تعرفيني انا اعصابي بارده وبعدين حبيبي دووم يونسني وشايل همي وتعبي عني ومايبي يشوفني متضايقه ليش انكد عليه صح مرات ينرفزني بس عادي اطوفها له واذا زعلت منه ع طول يراضيني مايخليني زعلانه ويروح عني
هند : يعني اللي فهمته حمد يرتاح يوم يكون معاج انتي اكثر من مايكون مع شمسه
اليازيه : هيه بس بعد انا ماباه طوول الوقت معاي مرات اقول له بس روح عندها لا تم طول الوقت معاي وتنساها هي بعد لها حق عليك
هند : همومج حلوه والله
اليازيه : الحين سوالفي صارت هموم بالنسبه لج !
هند : طبعا الله يخلي لي ثاني حبيبي لي روحي
اليازيه : يلا شدي حيلج وحملي عن يحط لج ثانيه
هند : يخسي خ يجرب ويسويها
اليازيه : شو بتسوين يعني؟
هند : بخلعه بعد شو ، عيل انا وحده اتي تشاركني بريلي؟ لا بابا مب انا هند اللي اقبل بالمشاركه
اليازيه : الله يهديج انا اقول بس عطيني الملابس اروح ابدل احسن لي
