رواية انا ماودي الا عيونك تحتويني

البارت الثاني

اليازيه : مفاجاه مفاجاه
شمسه : انزين يزوي خلج مكانها بترضين لو خطبتج لريلي؟
اليازيه : طبعا لا مينونه انتي مهما كان نحن خوات واكثر بس ماباخذ ريلج نعم يعني !!
شمسه : عادي خذيه بنقعد نفس البيت وبنجابل بعض طول الوقت وبنسهر مع بعض وبنسحب ع ريلنا
اليازيه : هههههههههه وايد تحلمين انتي ترا
شمسه : شسوي خليني عايشه باحلامي
اليازيه : اصحي ياقلبي ومسكي ريلج لا تزوجينه عن تندمين عقب
شمسه : ع شو اندم حبيبتي انا عفت شي اسمه زواج وريل والله خلاص طفح فيني الكيل عمتي مب مقصره بعد
اليازيه : انفصلي بس لا ترضين تكون شريجه فوق راسج
شمسه : مابا احس مب جاهزه للانفصال وبعدين حمد وايد زين معاي ليش انفصل عنه !!
اليازيه : مادري انا هذا رايي وانتي مب راضيه تسمعيني لا اتيين عقب تصيحين عندي شلت ريلي وخطفته عني حمد سحب علي وحبها وماقام يحبني
شمسه : لا حبيبتي انا ماقول جي شو ع بالج انا ها؟
اليازيه : والله مادري عنج بندي صدعتيني شموس بسوالفج
شمسه : بعدج انتي ماشفتي شي وقلتي صدعت ياحليلج والله
اليازيه : شو بشوف اكثر من جي يلا بندي
شمسه : ههههههههه يلا اوكييه نتشاوف باجر
اليازيه : ع خييير يلا مع السلامه
شمسه : الله يحفظج

اليازيه بندت عنها

هند : هاي ربيعتج شموس بعدها ع قرارها تبا تزوج ريلها
اليازيه : هيه تخبلت عمتها مخبلتنها ماخلت فيها عقل تقول حصلت وحده لريلها والله مب صاحيه
هند : قوليلها العروس جاهزه انتي ههههههههههه
اليازيه : نعم تخبلت انا اتزوج ريلها هالناقص بعد مابا اخسر ربيعتي عسب ريال
هند : اسولف معاج بلاج خذتيها جد
سلامه : اتخيلي عاد تخطبج لريلها
اليازيه : مستحيل اخذه مستحيل لو شو مايصير ما اخذ ريل شموس اختي قبل ماتصير ربيعتي 
هند : انزين نحن نسولف معاج بس لا تقبلينها جد
سلامه : يزوي تراج بالاخير بتاخذين نهيان ولد عمي
اليازيه : خليت نهيان لج حبيبتي بعدني ماتخبلت عسب اخذه وغايوه اخته
سلامه : مسكين هو ماله خص هاي غايوه سوسه بس
اليازيه : والله انتي المسكينه ياقلبي انا ماحب الريال البارد اللي ماعنده شخصيه
هند : والله انا اشوف احسن لج الريال يكون بارد دمه مب العصبي اللي من يتنفس تزيغين منه
اليازيه : انا ابا واحد عصبي ابا واحد يعصب علي ويطلع حرته كلها فيني واهم شي يغار علي ويحبني وحنون
هند : وايييي تغث ماجربتي انتي لا تقولين جي عن تبتلين صدق بواحد عصبي نار ما يتحاجى
سلامه : الله يخليج هي روحها ما تتحاجى بعد تبين ريلها مايتحاجى ان شاء الله تاخذين واحد بارد بس مب وايد شوي عشان مايرفع ضغطج
هند : يلا ان شاء الله نهيان يتعدل ويصير زين معاج
اليازيه : اكلي تبن انا اقول اقوم اسير غرفتي احسن
هند : تعالي بنتعشى الحين
اليازيه : سديتي نفسي مابا