اليازيه : شو تبا مني؟ خلاص شمسه حامل روح لعندها انت ماخذتني عسب اييب لك عيال الحين شمسه حامل فولدك او بنتك اللي من سنين تترياها ، انت ياي للمكان الغلط يلا روح الله يحفظك
حمد : مب رايح من هني غير لما بتين معاي انتي
اليازيه : مب سايره معاك مكان اسفه
حمد : لا ترديني اليازيه انا اباج قريبه مني
اليازيه : في هذا الوضع اسمح لي
حمد : شو اللي تبينه بسويه لج بس ردي معاي
اليازيه : مابا شي
حمد : عيل ليش مكبره راسج وطالعه من البيت !!
اليازيه : لانه مالي مكان من بينكم
حمد : مكانج موجود واذا ماشالج البيت عيوني تشلج
اليازيه : ماظنتي
حمد : ليش مب مصدقتني للحين !! اليازيه لو انا ما ابيج مابتشوفيني ياي لعندج واترجاج تردين معاي
اليازيه : انت ياي بنفسك ولا عمتي هي اللي قايلتلك اتي تراضيني وارد معاك؟
حمد : قالتلي وبنفس الوقت والله اني كنت ياي من نفسي لاني ابيج تكونين قريبه مني
اليازيه : ما اصدقك
حمد : شو اللي تبينه اكثر عسب تصدقيني اليازيه يلا سيري يبي اغراضج وتعالي معاي اذا لي خاطرج عندج لا تكسرين كلمتي
اليازيه : اسفه اليوم مابسير معاك مكان
حمد : اوك باجر؟ خلاص باجر بييج عقب ما اطلع من الدوام ع طول باخذج من هني
اليازيه : ولا باجر
حمد : عيل متى عقب يومين؟؟
اليازيه : لا عطني وقت افكر بس
حمد : دخيلج لا تبطين علي ما اصبر عنج انا
اليازيه : اوكييه بشوفك هالمده بتصبر علي ولا بس كلام فاضي
حمد : صرتي مني وفيني ما اصبر عنج لو تختفين دقيقه مني
اليازيه : زين ممكن تروح الحين
حمد : حاولي تقللين مدة تفكيرج انا ابيج وشاريج وماقدر بدونج اكمل حياتي
اليازيه : جذاب
حمد : حتى لو جذاب بعد برد اقولج انا ابييج واحبج واباج تردين قريبه مني مب حاب بعدج عني
اليازيه : زين اوك يلا روح
حمد : بروح بس متى بينتهي تفكيرج هذا؟
اليازيه : قلتلك عطني وقت افكر وعقب بكلمك
حمد : طلبتج لا تبطين علي
اليازيه : ان شاء الله
حمد : ما ودي اروح عنج
اليازيه : لا بتروح مب ع كيفك
حمد : انزين تعالي ابوسج قبل ما اروح
اليازيه بعدت عنه : ماشي يلا روح
حمد : خلتيها ف خاطري بس يلا بروح عنج لا تنسيني
اليازيه : عن تنساني انت
حمد : لاوالله انسى روحي ولا انساج
اليازيه : اوك صدقتك
حمد : هاي اللي تباني اذبحها اليوم
اليازيه : خلاص يلا روح
حمد : ان شاء الله بروح متى ارد؟
اليازيه : انا بكلمك بس روح يلا
حمد : ديري بالج ع عمرج اوك قلبي؟ ولا تنسين اني احبج وابيج
اليازيه : اوك
حمد : يلا الله يحفظج
