ام حمد : ياي روحك وين اليازيه عنك؟
حمد : بالفندق ييت اسلم عليج شمسه مداومه؟
ام حمد : هيه دوام عندها اليوم
حمد : مايت البيت امس؟
ام حمد : والله مادري ماشفتها اذا يت او لا ليش صاير شي بينكم؟
حمد : شكلها بدت الغيره تطلع فيها الحين
ام حمد : غيرة شو الحين !
حمد : امس متصله لي اخر الليل تقولي خل اليازيه بالفندق وتعال رد انا برجع البيت
ام حمد : لا ماظنتي غيره يمكن كانت تباك ف شي
حمد : امايه شو تباني اخر الليل شافت اليازيه مصوره معاي ودقت لي ع طول
ام حمد : عيل امسك اليازيه عن التصوير
حمد : قلتلها امس اي شي يصير بيني وبينج لا تصورين لا تطرشين لها
ام حمد : وانت اليوم بتم بالفندق بعد؟
حمد : هيه حاجز يومين باجر بني ان شاء الله
ام حمد : انزين روح لليازيه لاتخليها روحها بالفندق
حمد : ان شاء الله انتي شوفيها هاي شمسه
ام حمد : خلاص عندي موضوعها انت روح استانس
حمد طلع من عندها راح محل ورد وخذ باقة ورد لليازيه وسار الفندق لعندها دخل اليازيه اتفاجات يوم شافته يايب لها باقة ورد
اليازيه بدلع : اووه حقي
حمد : في حد غيرج هني؟
اليازيه حضنته وباسته ع خده : حبيبي مشكور واييد احب الورد شكررا
حمد : كاني سمعت كلمه اول مره اسمعها منج؟
اليازيه بغباء : مشكور؟
حمد : لا عاد
اليازيه مسحت ع خده : حبيبي
حمد : ياخخخي والله فديتج وانتي تنطقينها
اليازيه : اوك بسمعك كل يوم حبيبي انت طلعت عسب تاخذلي ورد شو؟!!
حمد : لا مريت امي وعقب وانا طالع شفت محل ورد قلت خ اخذ لج تستاهلين الورد ياويلج اذا صورتي
اليازيه : ههههههه مابصور وعد
