هند شلت تلفون اليازيه وردت عليها
هند : هلا والله شخبارج شمسه
اليازيه : شو هالحركات انتي
شمسه : الحمدلله وينها اختج ماترد علي
هند : تتغلى ماعليج منها
سلامه : قوليلها صايره فلفل ما تتحاجى
شمسه : اوفف ليش !!
هند : مضغوطه
شمسه : انتو طالعات؟
هند : هيه نتمشى والحين بنسير الكوفي اللي صوبنا
شمسه : اها زين اوكييه مابعطلج يلا انجووي سلمي ع المتغليه
هند : ان شاء الله "بندت" تسلم عليج
اليازيه : شعندها شو تقولج
هند : ماسمعتي شو؟
اليازيه : ماركزت
هند : ماقالت شي
وصلوا الكوفي و نزلوا .. صوب شمسه
شمسه : حمد قووم يلا بسرعه بنطلع
حمد : وين نطلع بطلع الحين انا مب فاضي لج
شمسه : بليز لا تردني خاطري اطلع معاك ونسير كوفي بليز لا تردني
حمد : خليها عقب
شمسه : دخيلك الحين
حمد : شعندج انتي تحنين براسج شي؟
شمسه : لا ولا شي بس خاطري اسير معاك يلا قوم سرينا
حمد : زين يلا لبسي و خ نطلع
شمسه سارت تلبس ع السريع وطلعت مع حمد رايحين الكوفي اللي سايرينه اليازيه وخواتها
شمسه : حمد زيد سرعتك شو هذا وايد بطيء
حمد : ليش تبيني اسرع انا مرتاح جي
شمسه : اسرع انت مابا الكوفي يطلع من خاطري ع سواقتك
حمد : الله يعيني علييج
