"Hello"
Messengerကဝင်လာတဲ့စာတိုတစ်ခု။ တိတ်ဆိတ်နေတဲ့ကျွန်တော့်နေရက်တွေထဲ တစ်ခုတည်းသောဆူညံမှုလေး။ စိတ်အနှောက်ယှက်လို့အမြဲမှတ်ယူထားပေမဲ့ မရှိတော့မှာကြောက်မိတဲ့ ကလေးမတစ်ယောက်။
ဝင်လာတဲ့notiကို မသိချင်ယောင်ဆောင်ပြီး လုပ်လက်စအလုပ်ကိုဆက်လုပ်လိုက်တယ်။
"အလုပ်ကပြန်ရောက်ပြီ ကိုကို။ ဒီနေ့လည်း မန်နေဂျာပေးတဲ့ဖိအားကို သည်းခံပြီး ကောင်းကောင်းဖြတ်ကျော်ခဲ့ပါတယ်နော်။"
ထပ်ဝင်လာတဲ့စာတိုကြောင့် မျက်ခုံးတွန့်လိုက်မိတယ်။ ကျွန်တော့်နေရက်တွေထဲ ဒီကလေးမရဲ့တစ်နေ့တာကို အလိုလိုသိနေရခြင်းက ပုံမှန်လိုပါပဲ။ သူမရဲ့မပျော်ရွှင်တဲ့အစိတ်အပိုင်း၊သူမရဲ့သူငယ်ချင်းတွေစနောက်ခေါ်တဲ့နာမည်ပြောင်ကအစ ကျွန်တော်သိနေရခြင်းတွေပါပဲ။ ဒီကလေးမကရိုးစင်းတယ် ဖြူစင်တယ်။
ဒီလိုကလေးမက ဆယ်စုနှစ်တစ်ခုလောက်ကြီးတဲ့ ကျွန်တော်လိုကောင်ကို နှစ်သက်မိတာတစ်ခုမှလွဲရင် အတော်လေးပြစ်ချက်ကင်းတဲ့ကလေးမပါပဲ။
အချစ်ဦးကိုအသည်းထဲစွဲနေတဲ့ ကျွန်တော့်အတွက်တော့ ဒီကလေးရဲ့ကြိုးစားမှုက အသုံးမဝင်ဘူးလေ။
"ညစာစားဖို့မမေ့နဲ့နော် ကိုကို။ စောစောလည်းအိပ်အုံး ပြီးတော့ အတွေးမလွန်နဲ့။ နှောင်းကအများကြီးချစ်ပေးမှာမို့ ဒီနေ့လည်းစိတ်ချလက်ချ အနားယူလို့ရတယ်နော်"
ထပ်ဝင်လာတဲ့စာတို။
ကဲကြည့် ဒီကလေးမဒီလိုဗျ။ ကျွန်တော့်ရဲ့မသိချင်ယောင်ဆောင်မှုကိုတောင် အပြစ်မမြင်ပဲ သူအလိုလေးအတိုင်းဆက်ပို့နေတာ။
"လွမ်းလိုက်တာ ကိုကို။ လွမ်းလို့ရူးရတော့မလားပဲ။ "
"ကိုကိုကလူဆိုးကြီးပဲ အမြဲအလုပ်မအားတာတော့ လွန်လွန်းပါတယ်။ နှောင်းကိုပေးစရာအချိန်မရှိတာက ကိစ္စမရှိပေမဲ့ ကိုယ်တိုင်ကိုတော့ဂရုစိုက်မှပေါ့။ အခုတော့ အလုပ်ထဲပိနေတာများ။"
"စိတ်ပူပေးရတဲ့လူကြီးတစ်ယောက်ဖြစ်နေတာ ကိုကိုသိရဲ့လား။ ဖေဖေကလွဲရင် စိတ်မချရတဲ့အမျိုးသားဆိုလို့ ကိုကိုပဲရှိတာမို့ ကိုယ့်ကိုကိုယ်တော့ ဂရုစိုက်ရမယ်နော်။ အခုလောလောဆယ်တော့ ကိုကို,ကိုပဲ အားကိုးပါရစေ။ နှောင်းရဲ့ကိုကို,ကို ဂရုစိုက်ပေးပါအုံး"
YOU ARE READING
He belong to Me
Romance"နှောင်းကိုယ့်ကိုယ်ကိုယ် ကိုကို့ဆီအပ်လိုက်တာ။ ကိုကိုကလက်မခံပေမဲ့ ကိုကိုကမကြည်ဖြူပေမဲ့ နှောင်းတကယ်ပေးအပ်ခဲ့တာ။ ကိုကိုတကယ်လက်ခံရရှိသွားတာကတော့ ဝမ်းသာစရာပဲ။ " နေခယံ♡နှောင်းယုယချို Start -24.2.2023(fri) End-11.10.2023(wed) . . . . Zawgyi Ver "ႏွောင္းကို...
