socialသိပ်မသုံးတတ်တဲ့ကိုကိုက သုံးတဲ့အချိန်အနည်းစုမှာလည်း ကြောင်ချစ်သူများgpထဲမှာပဲအချိန်ကုန်တတ်တယ်။ တစ်ခါတစ်လေဆို ကလေးပုံလေးတွေနဲ့ကြောင်ပုံလေးတွေကိုသိမ်းထားတတ်တယ်။ သူ့ဖုန်းထဲနှောင်းဓာတ်ပုံအပြင် ကြောင်ပုံနဲ့ကလေးပုံတွေပဲရှိတဲ့အထိ။
အခုလည်းရှားရှားပါးပါးပိတ်ရက်မှာ နှစ်ယောက်သားအချိန်အတူကုန်ဆုံးကြတော့မှ ကိုကိုကသူသိမ်းထားတဲ့ကြောင်ပုံလေးတွေကို နှောင်းကိုပြလိုက် သဘောတကျရယ်လိုက်နဲ့ကြည်ကြည်စင်စင်။
"ကိုကို"
"ဟင်"
"ကိုကိုကြောင်ချစ်တယ်မလား နှောင်းတို့တစ်ကောင်လောက်မွေးကြမလား။"
လက်ထပ်ပြီးနောက်ပိုင်းမှာ ကိုကို့အပြုံးကပိုပိုပြီးနွေးထွေးကြည်စင်လာတယ်။ အခုလည်းခပ်ဖွဖွပြုံးပြီး နှောင်းဆံစတွေထဲနှာနစ်ပစ်နေသေးတာ။ သူ့ရင်ခွင်ထဲထည့်ထားတဲ့နှောင်းကိုအားမရသလို ဖျစ်ညှစ်နေရင်း ပါးနဲ့နားသယ်စပ်တွေထိ သူ့နှုတ်ခမ်းတွေနဲ့ကျူးကျူးကျော်ကျော်။
"ကလေးနဲ့ကြောင်မွှေးကဓာတ်မတည့်ဘူးလေ။ မမွေးပဲနေကြရအောင် ကိုကိုကကြောင်ချစ်တယ်ဆိုပေမဲ့ ကလေးကိုပိုချစ်တာ။"
နှောင်းကအမေးသဘောနဲ့ရွေးချယ်ခိုင်းသမျှကို ကိုကိုကသူ့သဘောအတိုင်းတိတိပပငြင်းဆိုတယ်။
"ဟုတ်ကဲ့"
ကြောင်နဲ့ဓာတ်မတည့်တဲ့အကြောင်း ကိုကိုပြောမှလက်ထပ်ပြီးနောက်ရက်ပိုင်းလောက်အချိန်ဆီ အတွေးကပြန်ရောက်သွားမိတယ်။
အဲ့တုန်းကကိုကိုနဲ့သူ့ကြားက လေထုကသိပ်ငြိမ်သက်ပြီးအေးစက်လွန်းခဲ့တယ်မလား။ တစ်နေ့လုံးကိုယ့်အလုပ်နဲ့ကိုယ်လည်ပတ်နေကြပြီး အိမ်ပြန်ရောက်ရင်တောင် စကားသိပ်နည်းခဲ့ကြတာ။ စကားနည်းတာထက်ပြောစရာမရှိတာမျိုးများလား။ တစ်ယောက်နဲ့တစ်ယောက်စကားလုံးဝမစရဲခဲ့ကြတဲ့အချိန်ကာလတွေမှာ ကိုကို့အချိန်တွေကိုဘေးအိမ်ကကြောင်လေးကပြည့်ပြည့်ဝဝအပိုင်ယူခဲ့တာလေ။
ကိုကို့ရှေ့မှာကြောင်နဲ့တစ်ခါလောက်ကစားပြီးနောက် ပြင်းပြင်းထန်ထန်ဓာတ်မတည့်မှုဖြစ်ခဲ့တာကြောင့် ကိုကိုကကြောင်တွေနဲ့လုံးဝမကစားတော့ဘူး။ အိမ်အနီးနားမှာရှိတဲ့ပိုင်ရှင်မဲ့ကြောင်တွေအကုန်လုံးကိုလည်း ကြောင်ဂေဟာတွေ မွေးချင်တဲ့သူတွေဆီအကုန်လိုက်ပေးပစ်ခဲ့တာကို သတိရမိသေးတယ်။
YOU ARE READING
He belong to Me
Romance"နှောင်းကိုယ့်ကိုယ်ကိုယ် ကိုကို့ဆီအပ်လိုက်တာ။ ကိုကိုကလက်မခံပေမဲ့ ကိုကိုကမကြည်ဖြူပေမဲ့ နှောင်းတကယ်ပေးအပ်ခဲ့တာ။ ကိုကိုတကယ်လက်ခံရရှိသွားတာကတော့ ဝမ်းသာစရာပဲ။ " နေခယံ♡နှောင်းယုယချို Start -24.2.2023(fri) End-11.10.2023(wed) . . . . Zawgyi Ver "ႏွောင္းကို...
