الضابط والبصراويه

البارت 15

الضابط والبصراويه....
للكاتبه نبأ محمد.........
قراءة ممتعه قلبيي.....

ـــــــــــــــــــــــــــــــــــــــــــــــــــــــــــــــــــــــــــــــــــــــ

ايلول:- كمت الصبح علي رايح للدوام سبحت ونزلت..  لكيت زهراء ونور بالمطبخ...  صباح الخير
البنات:- صباح النور
نور:- بعد وقت الدنيا ضهر
ايلول:- اكدر اعرف انتي شدخلج
نور:- مدخلني بس شو انتي حتى علي متنطينه ريوك
ايلول:- لا تخافين علي هوه يتريك بالمركز ويه صديقه وميتريك بالبيت
نور:- اها
ايلول:- يي والافضل لا بكل شارده ووراده مدخله
زهراء:- بنات تالي
نور:- متكولين المرت اخوج تريد تعارك من الصبح
ايلول:- والله مو اني الي اريد اعارك بس انتي بكلشي حاشره نفسج
نور:- هسه شكتلج
زهراء:- تالي ترا مصختوها ايلول روحي تريكي
ايلول:- حتى اذا جان الي نفس اكل نسدت
نور:- شتقصدين
ايلول:- ولا اشي انتي منو جاب طاريج
زهراء:- تالي ايلول روحي الشغلج وانتي نور روحي يم سجى
نور:- اووي رايحه عيني
ايلول:- مشت وجان اغمها عابت هالوجه جرتني زهراء
زهراء:- شبيج انتي متخبله
ايلول:- يعني انتي متشوفينها
زهراء:- بلي اشوفها بس شسوي عوفيها
ايلول:- والله اذا بقت هيج اربيها من جديد
زهراء:- والله اني اشوف شكد نور تستعجل بروحتها احسن
ايلول:- يي والله
زهراء:- دمشي امشي
ايلول:- كلت شغلي ورحت خابرت علي
علي:- هلا يحلوو
ايلول:- هلت بيك حبيبي ايمت تجي
علي:- اخلص واجي
ايلول:- يعني تجي ؏ الغده
علي:- يي ليش
ايلول:- اهوو لا تجي
علي:- ايلول والله اذا سويتي مثل البارحه اطيح حضج
ايلول:- والله ماعليه لا تجي
علي:- وين اولي
ايلول:- روح يم اسد
علي:- والله مااروح البارحه رحت علي ودبرتلي عذر اليوم شعندي لازم اني اضل دايح
ايلول:- يعني شلون
علي:- ماكو شلون اجي يعني اجي من الاخير حتى تكطعين نفسج
ايلول:- بس
علي:- ايلول انهي
ايلول:- تمام ماشي
علي:- يله اني رايح تريدين شي اجيب وياي
ايلول:- لا سلامتك
علي:- باي حلوتي
ايلول:- باي حبيبي..  سديته منه وضجت يعني الا يجي بس هم حقه قابل يضل بشوارع امري الااالله لازم اتحمل نور كمنه نحضر بالغده واجوي عمي وحسين وشويه واجا علي رحت يمه..  الله يساعدك حبيبي
علي:- ويسلعدج حلوتي
ايلول:- طبينه جوه
نور:- الله يساعدك علي
علي:- ويساعدج خويه
ايلول:- عوجت حلكي وحجيت بصوت ناصي...  الله يساعدك علي..  حسيت بكرصه باوعت علي خزرني جان اسكت كعدو الكل وجبنه الغده تغدينه وغسلنه المواعين وكلمن كام يسحب ؏ غرفته علي بس شرب جاي كبل طلع للغرفه اني هم طلعت طبيت للغرفه لكيته مبدل ومتمدد ؏ الجربايه ولازم جهازه ويشرب جكاير عفيه ولا يعوفهن نزعت شالي ورحت يمه سحبت ايده وتمددت بحضنه طفه جهازه وحضني وحجه
علي:- شبيج حبيبي
ايلول:- مابيه شي بس حسيت نفسي مشتاقتلك
علي:- اكيد
ايلول:- يي والله
علي:- اممم
ايلول:-  ما تنام
علي:- بلي وانتي
ايلول:- يي اني هم..  باسني براسي
علي:- حلوتي
ايلول:- ها ؏ـﻣࢪي
علي:- اليوم معزومين ؏ العشه
ايلول:- ووين
علي:- عد اسد بالبيت
ايلول:- شنو المناسبه
علي:- هدى مشتاقتلج وهم يريدون ننجمع
ايلول:- يي حلو والله اني هم مشتاقتلها
علي:- ليش ما تتراسلن
ايلول:- بلي بس مو مثل من نلتقي
علي:- اممم
ايلول:- شويه ونمنه ثنيناتنه  كعدت شفت علي يلعب بشعري
علي:- صح النوم
ايلول:- يصح بدنك حبيبي
علي:- شو محلوه ولج
ايلول:- لازم اني جنت مو حلوه؟؟
علي:- جؤؤؤ انتي تخبلين بس زايد الحلى
ايلول:- امممم
علي:- احبج
ايلول:- مو بكدي
علي:- اكثر منج
ايلول:- لا والله اني اكثر
علي:- والله اني
ايلول:- لجذب
علي:- نجبي منو يجذب
ايلول:- ها اني
علي:- اكص السانج ترا ايلول
ايلول:- اسفه مو بقصدي
علي:- انسي
ايلول:- زعلت؟
علي:- لا حبيبي ليس ازعل بس بعد لا تعيديها
ايلول:- ماشي حبيبي
علي:- يله كومي حضري نفسج خومه نروح على العالم وقت العشه عيب مترهم
ايلول:- ماشي حبيبي كايمه
علي:- حضريلي ملابس افوت اسبح لمن متكملين
ايلول:- اوك...  كمت حضرت ملابسه وهوه فات يسبح واني هم طلعت الي فستان يصل للكوع لونه رصاصي فاتح وعلي قميس ينلبست جواته لون ابيض وشال ابيض وكعب طوله وسط ابيض وجنطه بيضه وشويه مكياج وحمره مثل لون الشفه حتى متبين لان علي ميقبل طلع علي من الحمام باوعلي وصوفر
علي:- عمي شني هاي
ايلول:- هههه حلو
علي:- وج بس حلو وج يشوك شك
ايلول:- الله هههههه
علي:- وج وين اضمج من العالم حتى محد يشوفج
ايلول:- ضمني بكلبك
علي:- حتى بكلبي يشوفوج
ايلول:- يله هسه امشي عاد
علي:- نطيني حلك وروح
ايلول:- والله ما يالله روح
علي:- مو هيه بكيفج
ايلول:- تقرب مني وسحبني...  علي..  لسه ماكملت باسني وبتعد ضربته ؏ صدره..  حتى متنتضر اكمل كلامي
علي:- مكو داعي حلوتي
ايلول:- باوعتله صفح
علي:- عيونج بربوكتي
ايلول:- اووي دمشي عاد راح تاخرنه
علي:- رايح رايح
ايلول:- لبس ملابسه ورحت دكمت القميس مالته ورتبت شعره وحطيتله عطر ولبسته ابساعه وهوه صافن بوجهي باوعتله...  هههه شبيك
علي:- اني شمسوي بحياتي والله رزقني بيج
ايلول:- ماادري هههههه
علي:- الله لا يحرمني منج
ايلول:- ولا يحرمني منك يروحي..  وهسه يله كدامي امشي
علي:- يله
ايلول:- طبعاً اهله يعرفون من الضهر نروح البيت اسد علي كايللهم لزمني من ايدي ونزلنه جانو كاعدين زهراء وعمتي ونور وسجى بصاله
ابتهال:- اللهم صلِّ على محمد عين البارده عليكم يمه
زهراء:- فدوه شكد حلوين طالعين
سجى:- ديرو بالكم لا تنصابون بالعين
علي:- ههههه يله يمه احنه طالعين
ايلول:- باوعت النور عوجت حلكها وخزرتني واني بتسمت بستفزاز
ابتهال:- الله وياكم يمه
ايلول:- ركبنه بسياره وطلعنه وشغل اغنيه هيثم يوسف...( أضعف كدامك)..   ولزم ايدي ويسوق ويغني ويه الاغنيه طلعت جهازي وكمت اصوره هوه ويغني واني اضحك وصل كلمه غير عيونك اني شعندي
علي:- وج شعندي غير عيونج اموت بيهن
ايلول:- هههه احبكك
علي:- مو كدي وعلي
ايلول:- بقينه هيج الحد ماوصلنه ونزلنه لزمني من ايدي ومشه دك الباب وعاف ايدي فتحه اسد
اسد:- هلا بالكواد
علي:- السانك ابن المطي
ايلول:- بقيت ساكته وحابسه ضحكتي باوعلي اسد
اسد:- هلا خويه شلونج
ايلول:- الحمدلله انت شلونك
اسد:- والله الحمدلله طبو طبو ام عناد وينج
ايلول:- طبينه جوه واجتي هدى
هدى:- هلا نور البيت
ايلول:- منو باهله ؏ـﻣࢪي..  اجتي بوستني
هدى:- شلونج شخبارج مشتاقين
ايلول:- الحمدلله بخير انتي شلونج شخبارج والله اني الاشوق
هدى:- الحمدلله بخير بيت عمو سلمان شلونهم
ايلول:- الحمدلله والله كلهم بخير
هدى:- انت شلونك علي
اسد:- بعد وقت
علي:- هههه الحمدلله بخير انت شلونج
هدى:- الحمدلله بخير تفضلو
ايلول:- فتنه كعدنه بالاستقبال كلنه اباوع شكد حلو بيتهم ومرتب ونضيف معدله هدى
اسد:- جان بقيتو للعشه يله جيتو مو بعد وقت
علي:- نجب انت خلصت وجيت
اسد:- وشعندك شو حتى مارحت للدوام اليوم
علي:- وانت شعليك
اسد:- لا ماعليه ابن كلب اذا كمت اطيح حض حضك
علي:- اسد خلينه كاعدين لا انعل شيب اهلك
ايلول:- اباوعلهم واحد يسب بثاني وهدى تضحك عليهم كتلها...  وج هدى هذوله شبيهم واحد يسب الثاني
هدى:- هههه هذا حالهم همه دك سب وفشار
ايلول:- عزااا
هدى:- تتعودين كومي تجين وياي للمطبخ لو تبقين كاعده وياهم
ايلول:- لا خذيني وياج
هدى:- كومي
ايلول:- رحنه للمطبخ وسوت جاي للولد وودته وجابتلي..  اني مااشربه
هدى:- ليش
ايلول:- من اني وصغيره مااشربه
هدى:- جا انتي مو عراقيه
ايلول:- هههههه
هدى:- العراقيين مشهورين بجاي بس انتي لا تشربين جاي ولا حتى شكلتج مثلنه
ايلول:- ههههه لا مو الهدرجه
هدى:- ههههه خاف امج متبنيتج وانتي ماتدرين
ايلول:- والله شكولج حتمال
هدى:- ههههه
ايلول:-  صبت ببسي ونطتني...  وج ليش صبيتي والله مااشتهي
هدى:- دشربي اشربي
ايلول:- اخذتو منها هستوني دشرب ونسحب الكلاص مني باوعت علي
هدى:- ليش اخذته منها هسه اصبلك
علي:- لا مو هيج بس ايلول ممنوعه من الببسي
هدى:- يا ليش
علي:- مو زين الها
هدى:- ها ما عبالي
ايلول:- باوعلي
علي:- كم مره كتلج لا تشربين
ايلول:- ها شسمه
علي:- شسمه
هدى:- يوو علي دعوفها عاد بلكي شتهته
علي:- لا حتى تنتبه اكثر مو زين الها
ايلول:- ماشي انوب انتبه
اسد:- ابن المطي وينك
علي:- والله اذا اكو احد ابن مطي ف هوه انت
اسد:- دعوفهن وتعال هين لو ماتكدر ؏ فراك مرتك
علي:- وانت شعليك
ايلول:- راح علي يم اسد واني وهدى نحضر الاكل ونقلنه ؏ الطبله وخلصنه
هدى:- بقه بس اجيب مي انتي روحي صيحيهم واني اجيب مي
ايلول:- اوك...  رحت للاستقبال..  يله كومو الحشه كمل
اسد:- يي يبعد اخوج يله كوم انت
علي:- كايم
ايلول:- اجوي كعدنه كلنه سوه اني يم علي وهدى يم اسد تعشينه وهدى واسد يجيبون ويرمون كدامي ولا علي عادي عبالك كاعد ابيتنه وياكل اني شبعت اول وحده
هدى:- ها
ايلول:-الحمدلله
اسد:- شكلتي دكلي
ايلول:- والله اكلت الحمدلله
هدى:- وج شكلتي
ايلول:- شبعت والله اني هذا اكلي
هدى:- صحيح علي
علي:- يي والله هذا اكلها هيه
هدى:- بالعافيه عليج حياتي
ايلول:- الله يعافيج ؏ـﻣࢪي..  بقيت كاعده لمن ما خلصو وكمنه ردت اساعدها بالمواعين وما قبلت ف صبيتلهم جاي وهيه غسلتهم بقيت يمها لمن ما خلصت ورحنه كعدنه ويه الولد  وما خلو شي ماجابو بالسهره وبالعشه هم ماقصرو بقينه لل 11 ونص تقريبن
علي:- يله يابه
اسد:- وين
علي:- نروح وين يعني
اسد:- دكعد لا ادفرك
علي:- نجب لا اطيح حضك هاي الساعه 11 ونص كافي
هدى:- بعد وقت خلونه كاعدين
علي:- لا والله يكفي
ايلول:- نجي غير مره ما مكطوعه وانتو هم تعالو
هدى:- الله كريم
اسد:- ابن المطي قفل عاد
علي:- ترا العب الغالي ؏ الغالي
اسد:- ترا اكوم احشي حلكك تبن
علي:- نجب يله ايلول
ايلول:- يله سلمنه عليهم وطلعنه وصلنه النص الطريق وشوف علي يتلفت
علي:- لا يا ولد الكلب
ايلول:- شكو
علي:- مكو شي
ايلول:- اباوعله كام يمشي سريع ويباوع بالمرايه وره خفت لا اكو شي...  علي شبيك شكو خوفتني
علي:- لا تخافين مكو شي
ايلول:- عطت راح نسوي حادث ؏ كيفك
علي:- لا تخافين حبيبي مكو شي
ايلول:- صارت سياره اسرع منه وفاتت كدامنه وسدت الطريق خفت كلش علي ضرب ؏ الستيرن وعاط
علي:- ولد الخره الكواويد
ايلول:- علي شكو فدوه شصاير ترا متت خوف وكمت ابجي..  باوعلي
علي:- لا تخافين ماطول اني يمج مفهوم
ايلول:- طلع مسدسه من الجكمجه وسدها وباوعلي
علي:- ايلول شما يصير ما تنزلين مفهوم
ايلول:- ابجي لزمته من ايده علي فدوه لا تنزل..  عاف ايدي ونزل وغفل السياره واني اباوعله نزلو اربعه من السياره هذيج وعلي راح يتمشه بتجاها ومدري شنو يحجون ويضحكون اني متت خوف انوب بس وصلهم علي كامو يضربو وعلي هم يضربهم واني متت همه اربعه وعلي وحده يربي دخيلك استر علينه واحفضلي علي ياربي دخيلك ادعي وابجي تذكرت اسد كبل جريب جهازي وخابرت فدوه رد رد شويه وجاوب
اسد:- الوو
ايلول:- فدوه اسد الحك
اسد:- شكو شكو
ايلول:- علي ديتعارك ويه اربعه همه لحكونه
اسد:- لا يا ولد الكلب جاي جاي انتي لا تنزلين ديري بالج ولا تخافين
ايلول:- فدوه ستعجل
اسد:- ماشي ماشي
ايلول:- سديته منه وكعدت اباوعلهم وادعي وابجي ضربو علي هواي واني مابيدي شي اسوي كلت خل انزل تذكرت حذروني ماانزل شويه وشفت سياره اجتي سريع وطبكت شفت اسد نزل منها وراحلهم يركض وكام يضرب بيهم وهوه وعلي كامو يضربونهم احس نفسي عبالك بفلم شويه وناس وجهت اسلحتها ؏ ناس هنه دم ماضل بيه متت وااعيط من السياره بس ما يسمعوني شويه وواحد خابر ؏ هذولاك وسده منه ورجعو ؏ سيارتهم ركبو ومشو ووكفو علي واسد جان افتح السياره ونزلت ركض ورحت العلي حضنته كدام اسد وابجي هوه هم حضني
علي:- هششش بويه مكو شي
ايلول:- بتعدت عنه شفت شفته تنزف ابجي واحجي...  بيك شي يوجعك شي
علي:- مابيه شي بويه والله
ايلول:- باوعت ايده دتنزف...  ايدك علي
علي:- مابيها شي
ايلول:- شنو مابيها باوعلها
اسد:- وج خويه كافي بجي ما تشوفينه مثل الكلب ما يصير علي شي
علي:- ابن الكلب سد حلكك
اسد:- ترا اجي اكمل عليك
علي:- دتعال تنعل ابوك
ايلول:- عطت بيهم..  كافيي مو وكت حجيكم امشي اسد ناخذه للمستشفى
علي:- لا مكو داعي
ايلول:- شنو مكو داعي شنو مكو داعي باوع ايدك دتنزف يله اسد امشي
اسد:- تحرك تكدر تسوق لو بسيارتي نروح
علي:- لا اكدر خومه سكط
ايلول:- خلي نروح ويه اسد متكدر
علي:- اكدر امشي
ايلول:- رحنه اسد بسيارته واحنه بسياره علي واني لسه ابجي
علي:- يا روح روحي كافي بجي عيونج راحن
ايلول:- علي منو هذوله وشيريدون منك
علي:- مكو شي حبيبي
ايلول:- عطت شنو مكو شي واني جان خسرتك اليوم شنو مكو شي علي
علي:- خلص كتلج مكو شي هذوله اكو مشكله بيني وبينهم وهاي هيه
ايلول:- ولايمت راح نبقه هيج ها كلي يوميه مشكله شكل ابقه حاطه ايدي ؏ كلبي لمن ما اداوم وترجع خلصت من دوام البصره كلت انقلت ؏ بغداد بلكي هاي هيه انوب هين ال ايمت علي
علي:- شسوي يعني هذا شغلي
ايلول:- عوف هذا الشغل مااريده اذا يخليني اخسرك
علي:- مستحيل اعوفه درست وتعبت لمن ما وصلت للي وصلته انوب تريدين اعوفه بسبب لا اموت واموت شنو يعني اني لا اول واحد ولا اخر واحد
ايلول:- واني شنو ؏ اقلها انتبه النفسك عمودي
علي:- ايلول فدوه اروحلج سدي السالفه وانسي الي صار
ايلول:- شون انسه ها شون انسه
علي:- ايلول
ايلول:- علي فدوه والله دااموت من خوفي عليك ونبي
علي:- اني يمج مااعوفج وعد بس هذا شغلي مستحيل اتركه افهميني
ايلول:- ماشي علي
علي:-كافي بجي حلوتي
ايلول:- مسحت دموعي..  ايدك دتوجعك
علي:- لا
ايلول:- لا تجذب
علي:- شويه بس
ايلول:- شكد ونوصل المستشفى
علي:- هسه راح نوصل
ايلول:- شويه ووصلنه نزلنه واسد هم نزل اني لازم ايد علي فتنه جوه واسد صاح الدكتور عقم ايد علي ولفها ونطه ابره اخذت قطن ومسحت الدم الي يم شفته وصفولو علاج واسد راح يجيبها واحنه طلعنه ننتضره بره شويه واجا انطاني العلاج
علي:- تسلم شريك ما قصرت
اسد:- سد حلكك
علي:-هوه مو صوجك
اسد:- نجب هسه امشو ؏ البيتنه
علي:- لا نروح للبيت
اسد:- يابه دمشي باوع النفسك والمرتك الكلبتها عزا هسه تهبطون اهلك بهالليل امشو باتو يمنه وباجر الصبح روحو
علي:- مكو داعي اسد والله نروح للبيت
اسد:- احجي شي ايلول
ايلول:- علي حجي اسد صح امشي خلي نبقه الليله عدهم والباجر الله كريم هسه عمتي اذا شافتك يهبط ضغطها
علي:- ماشي يابه شماااحجي ماراح يفيد انتو واحد اعند من الخ
ايلول:- ركبنه ورحنه البيت اسد وصلنه ونزلنه اسد فتح الباب واجتي هدى ركض
هدى:- ها شصاير
ايلول:- باوعت العلي
هدى:- عزااا هاي شبيك علي
علي:- مكو شي يابه
ايلول:- اجتي يمه
هدى:- هاي شبي حالج
اسد:- يابه دخل نفوت واحجو جوه
ايلول:- فتنه كعدنه بصاله
هدى:- هسه غير تفهموني احجي ايلول
ايلول:- ماادري والله بس بعد ما طلعنه من هنه لحكتنه سياره ونلو منها اربعه شباب وتعاركو ويه علي واني منشفتهم كلهم علي خابرت اسد وهذا الصار
هدى:- منو هذوله اسد
اسد:- هذوله عدهم مشكله ويه علي
ايلول:- شنو المشكله
علي:- يابه كافي مكو شي
ايلول:- انت ابقه لا تحجي
اسد:- تنهو وكومو ارتاحو كومي هدى اخذيهم يرتاحون راح ينامون يمنه
هدى:- البيت بيتهم يله كومو اخذكم للغرفه ترتاحون
ايلول:- اخذتنه هدى للغرفه طبينه سديت الباب علي نزع جاكيته رحت يمه..  خومه دتوجعك
علي:- لا وداعت عيونج الاحبها
ايلول:- علي فدوه اذا تحبني انتبه النفسك
علي:- ان شاء الله حلوتي
ايلول:- جرني حضني كافي بويه انسي الي صار وديري بالج تحجين الاحد ايلول ديري بالج
ايلول:- مااشي مااحجي بس شراح تكول الاهلك اذا سئلوك
علي:- اكوللهم وكعت ونجرحت ايدي او اي شي المهم ما يعرفون
ايلول:- ان شاء الله
علي:- نزعي شالج ما تعبتي منه
ايلول:- بلي والله..  بتعدت من علي ونزعت شالي علي راح تمدد ؏ الجربايه رحت يمه وحضنته بقوه وهو يلعب بشعري بايده الي مابيه شي
علي:- تدرين ما خفت ؏ نفسي كد ما خفت لا واحد منهم يشوفج
ايلول:- واذا شافوني شيصيار
علي:- راح يستغلوني بيج
ايلول:- باوعتله شون يعني
علي  :- مو شي انسي
ايلول:- رجع راسي ؏ صدره..  علي خفت كولش اخسرك
علي:- لا تخافين حبيبي مكو شي
ايلول:- ان شاء الله...  بقيت حاضنته ونمنه ثاني يوم كعدت وكعدت علي..  صباح الخير
علي:- صباح النور حبيبي
ايلول:- شون ايدك
علي:- زينه ؏ـﻣࢪي لا يضل بالج
ايلول:- كوم يله عيب منهم وهم انت حتى تاكل شي وتاخذ علاجك
علي:- تمام يله
ايلول:- كام علي راح غسل واني رتبت الغرفه ورحت غسلت وعدلت شالي وساعدت علي يلبس الجاكيت مالته وطلعنه لكيناهم كاعدين بصاله..  صباح الخير
اسد + هدى:- صباح النور
علي:- صباح الخير
اسد + هدى:- صباح النور
اسد:- ها شلونها ايدك
علي:- زينه مابيها شي
هدى:- تعالو كعدو حتى نحط الريوك ونتريك
ايلول:- تمام امشي اساعدج
هدى:- تمام تعي
ايلول:- رحت ساعدتها خطيه اسد ما مخلي شي ما جايبه حضرنه وكملنه وكعدنه نتريك خلصنه ورحت جبت علاج علي نطيته الي واخذه
علي:- يله ايلول عمود نرجع البارحه خابرت امي وكتلها نبات اسد ما خلانه نجي
اسد:- زين سويت
هدى:- ابقو تغدو ورحو
علي:- لا والله تسلمين هم يكفي
اسد:- دضلو
علي:- لا يكفي يله ايلول
ايلول:- يله ماعندي شي..  كمنه
اسد:- دير بالك ضلع
علي:- ان شاءالله يله فيم الله
اسد + هدى:- فيم الله
ايلول:- مع السلامه
اسد + هدى:- الله وياكم
ايلول:- طلعنه بطريق وحجه
علي:- ايلول لا تحسسينهم بشي ماشي حبيبي
ايلول:- ماشي حبيبي لا تخاف...  وصلنه البيت ونزلنه دخلنه
ابتهال:- هلا يمه
علي:- هلا بيج يمه
ايلول:- هلا عمه
ابتهال:- يمه هاي شبيها ايدك
نور:- عزا شبيها ايدك لافها
زهراء:- شكو علي
سجى:- شصاير
علي:- يابه مكو شي هاي زلحت ووكعت بيت اسد وايدي نجرحت
ابتهال:- يمه اسم الله هاي شجاك خومه تاذيك
علي:- لا يمه والله مابيه شي جرح بسيط
نور:- لعد ليش لافها اذا بسيط
علي:- اسد لفها
ابتهال:- روح الدكتور يمه
علي:- رحت يمه رحت
ابتهال:- اطلع ارتاح يمه
علي:- ماشي يمه
ايلول:- طلع علي واني كعدت جوه اجتي زهراء يمي
زهراء:- شبيج ايلول
ايلول:- مابيه شي تعبانه
زهراء:- سلامتج من شنو تعبانه
نور:- تعبانه من التخامه
ايلول:- اني روحي صايره بخشمي انوب هاي ؏ راسي كمت وكفت وحجيت...  وانتي شكو شعليج انتي زوجي شي بكلشي مدخله ها
نور:- لا مو زوجج بس باعي لو مو رايحين جان علي ما وكع وايدا نجرت
ايلول:- عطت بيها وانتي شعليج شدخلج شهل وقاحه العندج بابا عيب عليج ترا
ابتهال:- ايلول ماما هسه شكالتلج
ايلول:- لا عمه هيه من اجي لسه بكلشي مدخله اسفه سجى بس اختج بيه صفه تدخل
سجى:- عقج عليه ايلول خلص لا تضوجين وانتي نور مالج شغله لا تدخلين لا والله اخابر ماما تجي تاخذج
نور:- هسه اني شكتلها
سجى:- بس نور
ايلول:- عن اذنكم اروح اشوف علي..  طلعت للغرفه واحجي بيني وبين نفسي ايمت تروح واخلص منها طبيت للغرفه شفت علي سابح ولابس بدله العسكريه..  وين رايح..  !؟
علي:- للدوام
ايلول:- شنو من دوام علي هسه وكت دوام
علي:- ايلول هذا شغلي
ايلول:- بس باوع ايدك
علي:- مابيها شي ايدي ايلول ؏ـﻣࢪي انتي لا تبقين تسوين هيج وشغلك وشغلك اني كايلج شغلي مااعوفه
ايلول:- ماشي هاي هيه بس انتبه ؏ نفسك الخاطري
علي:- لا تخافين حبيبي مكو شي ان شاء الله
ايلول:- ان شاء الله...  تقرب باسني بشفتي وطلع اني هم فتت سبحت وطلعت ونزلت ويه البنات بس نور بغرفه سجى
ــــــــــــــــــــــــــــــــــــــــــــــــــــــــــــــــــــــــــــــــــــــــ
2898 كلمه
لا تنسون التصويت وتعليقات حلوه مثلكم
وان شاء الله عجبكم البارت