الضابط والبصراويه

البارت 32

الضابط والبصراويه.........
للكاتبه نبأ محمد...............
قراءة ممتعه حبيبي............

ــــــــــــــــــــــــــــــــــــــــــــــــــــــــــــــــــــــــــــــــــــــــ
سلام:- جيتك ؏ عيني وراسي بس خويه من بعد اذن ابوي اني ايلول مااريد اردها العلي
ايلول:- كمت طلعت بره كبل والبنات اجن ورايه وكفنه وره الباب نسمع
علي:- وليش عمي
سلام:- علي مو بسهل انسه كل الصار وسوايتك ببنتي اني انطيتك هيه مره وامنتك عليها بس انت رحت وتزوجت وبسر
علي:- بس يا عمي اني جنت مجبور ؏ هالزواج
سلام:- وشنو الي يجبرك تزوج اني الاعرفه علي ما ينجبر ؏ شي مو هيج
مسلم:- احجي علي ؏ شنو مجبور
علي:- مااكدر احجي عمي اني محلف
سلام:- مكو شي يجبرك تزوج هذا العذر روح احجي الغيري
علي:- عمي اني ما جاي انطيك اعذار
سلام:- علي من الاخير اني بنتي مااريد ازوجها ولا تزعل مني سلمان بس ترا حقي
سلمان:- لا خويه لا ازعل ولا شي انت وياك حق ولو اني بدالك اسوي نفس الشي
مسلم:- يا جماعه الخير مو هيج ؏ كيفكم بالولد بالكي من صدوك جان مجبور وميكدر يحجي احجي شي يابه ليش ساكت
جدي:- شتريد احجي حجي سلام صح علي انت خسرتها
علي:- جدي اني رايدها وسئلوها اذا ما وافقت عود طردوني من هنه
سلام:- لا اسئلها ولا شي وحتى اذا هي وافقت اني مااوافق
علي:- يا عمي هسه انت ليش هيج دتسوي اني احبها واريدها وجاي اردها
مهيمن:- علي احترم نفسك شنو احبها اعرف نفسك شدتحجي
علي:- اني اعرف نفسي شنو دااحجي مااريد احد يعلمني
عباس:- هاي شجاكم شباب
همام:- عيب عليكم ترا
مهيمن:- ما تسمعونه شديحجي شنو اسكت
مسلم:- مهيمن انت اسكت وماالك شغل
مهيمن:- حاضر عمي
مسلم:- هسه خصم الحجي شنو
سلام:- اني بنتي ماانطيها ومن الاخير
سلمان:- هاي هيه خويه
علي:- شنو هاي هيه يابه
سلمان:- عليي بسكك عادد انهيي بنته وهوه حر يزوجها او لا كافي
علي:- كمت وكفت وحجيت...  خوش عمي لا تنطيها بس خلي احجي هالحجايه والكل يكون بعلمه ايلول الي وما تصير الغيري واخذها اخذها لو تخرب الدنيا ولو اعرف راح اموت اذا اخذتها هم اخذها خوووش
سلمان:- علييي كافيي وامشي روح من هنةةة
مسلم:- سلمان مو هيج
علي:- خوش يابة طالع
ايلول:- طلع علي وركع الباب اني طلعت الغرفتي ركض والبنات لحكني كعدت وكمت ابجي...  يعني بابا ليش هيج يسوي ها وحتى جدو رفض
ايه:- ياروحي لا تبجين بالكي يفكر
ايلول:- ابجي... شيفكرر مو سمعتوو كال ماانطيهاا العلي
روئ:- لا تشئمين يا ؏ـﻣࢪي بالكي عمي يقنعه
ايلول:- ابجي....  ماراح يقتنع
زهراء:- خطيه علي طلع خاطره مكسور من هنه
ايلول:- جريت فوني وتصلت ؏ علي كبل جاوب
علي:- ها يروحي
ايلول:- ابجيي...  مو كتلكك كتلكك ماراحح يوافقق بسس انتت اصرريت تجيي
علي:- ولج لا تبجين يا ؏ـﻣࢪي ياروحي انتي اجي مره ومرتين وعشره والف الا يوافق
ايلول:- ابجي...  ماراح يوافق
علي:- بس هسه لا تبجين ياروح روحي دموعج غاليات
ايلول:- ابجي... شتريد لعد ادك واركص طبعاً ابجي بابا ما وافق نتزوج شحيصير بعدين
علي:- باعي خلي اكلج اخذج اخذج لو اموت هم اخذج فتهمتي ولا تبجين مااعوف لو اموت
ايلول:- بقيت ابجي وساكته
علي:- ولج كافي بجي والله اني تعبان انوب من اشوفج تبجين شيصير بحالي
ايلول:- واذا بابا بقه معارض شنو الحل
علي:- ابقه ورااااا الا يمل ويكلي تعال اخذها وفكني منك ومنهاا
ايلول:- ابتسمت من بين دموعين...  ان شاء الله
علي:- روحي هسه وديري بالج تبجين خوش
ايلول:- تمام انت وين هسه
علي:- ماادري والله جاي افتر بالسياره
ايلول:- ماشي حبيبي دير بالك على نفسك
علي:- ماشي بنيتي
ايلول:- يله مع السلامه
علي:- حلوتي
ايلول:- ها
علي:- احبج يا شتل نعناع يا اول تعب ما ضاع
ايلول:- ابتسمت والبنات كاعدات يتغامزن...  اني هم
علي:- انتي هم شنو
ايلول:-البنات يمي
علي:- اها يعني الكاع محضوره
ايلول:- يي
علي:- ماشي حبيبي روحي
ايلول:- من ترجع خابرني
علي:- ان شاء الله ؏ـﻣࢪي
ايلول:- مع السلامه
علي:- الله وياج روح روحي
ايلول:- سديته منه ومسحت دموعي
ايه:- ها شكلج
ايلول:- يكول ابقه ورا الا يوافق
زهراء:- اخوي يموت بالكاع الي تمشين عليها وميعوفج
ايلول:- اني هم احبه واعشقه
روئ:- ياااااارب مثل ما جمعتني بعمار تجمع ايلول بعلي
البنات:- اميييين
ايلول:- باوعتلهن وبتسمت...  الله لا يحرمني منجن
البنات:- ولا منج
ايلول:- اندك الباب... ادخل
ايمان:- ايلول ماما
ايلول:- ها ماما...  اجتي كعدت يمي
ايمان:- باجيه
ايلول:- ها لا
ايمان:- بله جذب
ايلول:- يي ماما بجيت
ايمان:- لان ابوج رفض علي
ايلول:- بقيت ساكته
ايمان:- مو انتي نفسج الي جنتي تكولين ماارجعله لو يبقه اخر رجال بدنيا
ايلول:- يي صح بس هذا الحجي من جنت مااعرف ضرفه بس هسه ختلف الحجي
ايمان:- يعني افتهم من كلامج تريدين ترجعيله
ايلول:- يي اريد ماما اني احب علي وهو يحبني يعني شكو بابا يرفض
ايمان:- ترا حقه ابوج يرفض وحتى اني رافضه هذا الزواج كله
ايلول:- يعني ليشش هاااا ليشش اانتو مااا تتحببوون تتششوفوني سعيدةة مثلآ
ايه:- لا تعيطين ايلول
ايمان:- لا خليها
ايلول:- كامت وشكلها زعلانه مسحت وجهي بايدي وكمت لزمت ايدها...  ماما
ايمان:- شتردين ايلول
ايلول:- مو قصدي اعيط والله
ايمان:- عادي ما صار شي
ايلول:- بست ايدها ونزلن دموعي...  فدوه العينج لا تزعلين مني والله مو قصدي..  حضنتني
ايمان:- اششش لا تبجين امي مازعلانه منج والله
ايلول:- ابجي...  اسفه والله مو قصدي
ايمان:- هاي هيه كافي بجي
ايلول:- وخرتني ومسحت دموعي
ايمان:- لا تبجين الله كريم
ايلول:- ونعم بالله...  راحت عمه ايمان وايه هم راحت البيتهم وزهراء الغرفتها وايه هم واني بقيت بغرفتي ولا نزلت بل 12 تقريبن خابرني علي حجينه شويه وراح نام لان عنده دوام واني هم