الضابط والبصراويه

البارت 4

الضابط والبصراويه................

للكاتبه نبأ محمد.....................

ـــــــــــــــــــــــــــــــــــــــــــــــــــــــــــــــ

زهراء: الو هلا ايلول
ايلول: فدوه زهراء امو احد من الولد بلبيت
زهراء: شبيج شكو صاير شي
ايلول: عفيه ايه ماجاي تكدر تتنفس ومكو احد بلبيت
زهراء: يي علي هنى قبل شويه اجه هسه ادزه
ايلول: عفيه بسرعه
زهراء: يي ثواني
ايلول: سديته منها ورحت الايه واني اتحلف بهذن شويه وطب علي يركض اجا يمي
علي: ذكو شصاير شبيها ايه
ايلول: فدوه علي ماجاي تكدر تتنفس
علي: تمام جيبيلها شي تلبسه خلي ناخذها للمستشفى ركض
ايلول: يي يي كمت ركضت جبت جبه الي والايه لبستها وطلعنه بسياره علي
ايه: ايلول بعد مكدر اتنفس
ايلول: ابجي فدوه ايه تحملي راح نوصل علي دخيلك ستعجل
علي: هيان راح نوصل ايه تحملي
ايلول: وصلنه نزلناها اخذوها الدكاتره فوتوها للغرفه تريد ادخل وماخلوني  كعدت عل كرسي وابجي اموت اذا صارلها شي
علي: تفضلي
ايلول: رفعت راسي جايب مي شكراً اخذتها شربت منه
علي: اول مره اشوفج هيج تبجين هلكد تحبينها
ايلول: ايه روحي من الدنيا بس هي باقيتلي بهل حياه اذا صارلها شي اموت مااتحمل
علي: مابيها شي ان شالله تلكين ضغطها مرتفع وختنكت هسه ينطونها علاج وتصير زينه
ايلول: ان شاءالله
علي: بس مكلتيلي شصار وياجن ونتي وجهج مخرمش
ايلول: تعاركنه ويه زينب وروئ
علي: ليش؟
ايلول: ماادري اني نزلت على صراخ ايه وشفتهن اموتاتها ضرب ها وكالت عبالجن انسى الكف الي ضربه الها سلام
علي: طاح حضها منئيمت صارت تكره هيح ولا عبالك روئ
ايلول: بس خلي تكوم ايه دقيقه ماابقى هنى
علي: وين تروحين
ايلول: منوين مااجيت ارجع
علي: للبصره
ايلول: طلعت الدكتوره وسكتنه ها دكتوره بيها شي
الدكتوره: لا مابيها شي بس ارتفع ضغطها وختنكت
ايلول: نكدر نشوفها
دكتوره: يي عادي وتكدرون اطلعوها هم بس البنيه مبينه مضروبه
علي: لا بس وكعت من الدرج
دكتوره: اها
علي: تعالي ايلول طبي جوه
ايلول: طبينه ورحت ركض حضنتها شون صرتي
ايه: الحمدلله زينه
علي: الحمدلله على سلامتج ايوته ماعليج شر
ايه: الله يسلمك
ايلول: موتيني خوف
ايه: ايو والله مابيه شي اطمني كافي بجي هاي شبيج
ايلول: ماابجي عليج اصلن بس فات شي بعيني
ايه: ههههه شكد جذابه
ايلول: جعل ماانحرم من هلضحكه
ايه: يروحي
ايلول : دك جهاز علي
علي: هذا مهيمن الو ها مهيمن لا يابه مابيها شي والله هياتها يمي لا تجي هسه شويه ونرجع للبيت بكيفك احنه بمستشفى ال....  ديله مع السلامه هذا مهيمن متخبل هسه دريان وجاي
ايلول: شويه وفات عباس ومهيمن فات يركض حضن ايه
مهيمن: عمري سلامتج هاي شجاج خمه بيج شي متاذيه
ايه: لا كلبي والله مابيه شي هياتني صاق سليم
مهيمن: الف الحمدلله والله وكع كلبي
عباس: سلامتج ولج ثاري طلعتي بوخه من ضربه اسعفوج
ايه:  هنى جنهن ملاكمات هههه
عباس: امداج مكيفه تضحك الفطيره
ايه: لعد شسوي هههه
ايلول: التفت عليه مهيمن واجه يمي سحبني الحضنه
مهيمن: ونتي باعي وجهج يئاذيج شي تعالي نروح الدكتوره تشوفه
ايلول: لا مايحتاج مابيه شي هي خموش
مهيمن: متاكده
ايلول: يي والله باسني براسي ولتفت العلي
مهيمن: شكرا ابن العم
علي: نجب هذا واجبي ماسويت شي
عباس: ديله عاد دوختونها من المشهد الحزين
مهيمن: نجب
عباس: ولج ايلول عبالي سبعه من كد الوكاحه مالتج طلعتي بنفخه تتكومين بلكاع
ايلول: لا والله اني سبعه بس من شفت ايه بلكوه تجر النفس ماضل سبعه
عباس: يي عود صدكتج
ايلول: ولا تصدك دك جهاز مهيمن
مهيمن: هذا ابويه راح اطلع برا
ايلول: طلع مهيمن يخابر وعباس ينكت على ايه رحت يم علي شكراً الك ماانسه وكفتك
علي: اول مره تطلع منج كلمه حلوه خاف مريضه
ايلول: هو مو صوجك صوج الحماره الشكرتك
علي: هههه مكو داعي تتشكرين مو متعود عليج حبابه وياي
ايلول: اطمن صارت بعد متصير
ايه: ايلول شعجب ساكته لحد هسه ماسويتي شي ستغربت صراحه
ايلول:لا طبعاًمو ساكته بس من نرجع للبيت تعرفين
ايه: عفيه ايو بدون مشاكل والله تعبنه
ايلول: انتي ماعليج اطمني بعد ماكو مشاكل راح اريحج ورتاح
ايه: الله يستر منج انتي
ايلول: رجعنه للبيت لكينه الكل غادي فتت بهدوء عكس العاصفه الي داخلي تلاكنه سلام وعمه ايناس وعمه ايمان وبيبي وجدو سلمو على ايه اجتي عمتي ايمان
ايمان: بيج شي يمه
ايلول: لا مابيه
سلام: بابا خمه بيج شي ياذيج شي
ايلول: لا راح الايه ويبوس ويحضن بيها الي عرفته كاتلين روئ وزينب اموتهن مهيمن وسلام هم مو مقصر المهم كلت ايه حضري غراضج الكل باوعتلي
ايه: ليش؟
ايلول: راح اخابر سجاد يجي ياخذنه
سلام: شتحجين انتي وين تروحن
ايلول: مثل ماسمعت راجعين للبصره
مهيمن: تشاقين صح
ايلول: وايمت تشاقيت اني وياكم
سلام: هي بكيفج تروحين
ايلول: يي نعم بكيفي
مهيمن: ايلول وين ترجعن من كل عقلج مكو طلعه
ايلول: لا اكو طلعه البيت الي انهان بي اني واختي واتهم بانو جايه اخذ فلوسكم مابقى بي
جدي: منو تهمج بويه
ايلول: روئ وزينب
جدي: روئ وزينب تعاقبن
ايلول: ميهمني اني مو مجبوره ابقى هنى منيوم اجينه واحنه بس بلمشاكل لو صاير شي الاختي اني شسوي منو يفيدني روئ لو زينب
جدي: حقج بس الحمدلله مابيه شي
ايلول: جدو الله يخليك خليني اخذ اختي واروح تعبت مامستعده اجازف باختي اكثر هلمره عدت سلامات وبعدين اذا صارلها شي شسوي هي هاي البقت من ريحت امي ايه مو بس اختي هاي روحي من الدنيا كمت ابجي واحجي ماتحملت على اقلها غادي محد الو علاقه بينه صحيح قلت مصرف بس هاي مو مشكله الله يخليكم عوفونه تعبت والله تعبت
بيبي حنين: سوده عليه يمه ريت التعب العدوج
ايلول: اجا مهيمن حضني
مهيمن: اش يكفي لا تبجين ماعبالي هيج ضعيفه يكفي ياعيني اشو باعيلي هلمره ابقي وبعد اذا صارت مشكله روحي والله مااتعرضلج واكلج ابقي بس هلمره اخذيها كلمه مني من اخوج
ايه: فدوه يكفي لا تبجين خلص نرجع هو كلو صوجي قبلتي تجين من ورايه
ايلول: اش انتي مالج علاقه لا تعيدين هذا الحجي
سلام: ايلول هلمره ابقي
ايلول: يباوعلي ويحجي بتوسل
ايمان: الخاطري اني ابقي هلمره بس
جدي: اعرف ايلول كلبه طيب ماتروح
ايناس: يي والله صدكت عمي
مهيمن: فدوه ايو الخاطري مالي خاطر عندج
ايلول: ماشي راح نبقى هلمره بس وروح امي اذا احد تعده علينه ثانيه ماابقى
سلام: هاي هي بويه
زهراء: كومي اخذج عدنه شويه
ايلول: لا هنى باقيه
زهراء: فدوه تعالي تتغبر نفسيتج شوفي حالج
ايلول: مالي خلك والله وهم ايه مكدر اعوفها وحدها
زهراء: ناخذ ايه ويانه بس كومي ياعيني احجي شي ايه
ايه: يي ايو فدوه كومي نروح وهم انتي تشوفين صبا مو جنتي تكولين مشتاقتلها
ايلول: يي والله مشتاقتلها
زهراء: يله لعد كومو نروح
ايلول: الله ياخذجن قنعتني
زهراء: هههه تمام يله لعد نكول العمو عمو سلام
سلام: ها عمو
زهراء: راح اخذ ايلول وايه وياي البيتنه
سلام: يي اخذيهن وياج وديري بالج عليهن
زهراء: ان شاء الله عمو يله علي كوم
علي: يله
ايلول: رحنه وي زهراء وعلي البيتهم خطيه استقبلونه خوش استقبال وام زهراء ومرت حسين كلش حبابات كاعدين واجتي صبا
صبا: يااااي ايول هنى
ايلول: هههه تعالي ولج مشتاقتلج اجتي حضنتني باستني بخدي واني هم بستها
صبا: تلش شتاقيتلج
ايلول: والله حتى اني
سجى: يوو يوميه اريد اروح ال ايول واريد ايول مخبلتها البنتي هههههه
ايه: حتى ايلول كالت صبا وحجت صبا
سجى: الله يديم المحبه
ايلول: امين
زهراء: كومو نسوي عشه ونتونس
عمه ابتهال: ولج زهيره عوفي البنيات يرتاحن
زهراء: ياا ماما غير اونسهم
ايه: يي زهوره كومي
زهراء: يله ايلول
ايلول: يي كايمه كمنه اني وزهراء وايه وسجى وصبا رحنه للمطبخ
زهراء: نسوي بيتزا
ايه: يي يله
سجى: ونسوي كبه هم
زهراء: وحلو منو يسوي
ايه: ايلول تسوي يخبل عود الكيك المحشي بل ككاو يجنن من ايدها
زهراء: والله ماتوقعت ايو تعرف
ايلول: وليش بله
زهراء: توقعتج بس وكاحه ههههه
ايلول: طاح حضج هسه نسوي اني وصبا شرايج صبا
صبا: يي يي يله
زهراء: الله يستر منجن انتن الثنين نفس الصنف
صبا: نننن
الكل: هههههه
ايلول: كمنه نشتغل كلمن تسوي شي صدك تونسنه وغيرنه جو اني وصبا نسوي كيك هاي كملت بس بقى نحد الككاو
صبا: ايول حطي كثيرررر لان احبه
ايلول: ادللي حبيبي كمت احط وحطيت على خشمها ككاو وهي هم حطتلي وحده تملقط بلثانيه ونضحك اجتي زهراء
زهراء: عزاااا باع شمسويات بلككاو ههههه
صبا: تعالي احتلج
زهراء: لا عمه ماريد حطو انتو يكفي ماخلصتو
ايلول: بلي حطيتها بلبراد هسه كملنه
زهراء: اطلعو غسلو الغرفتي فوك
ايلول: تمام يله صبا
صبا: يله
ايلول: طلعنه وكالت
صبا: ايول اتي روحي اني اجيبلي ملابس واجي
ايلول: تمام عمري راحت صبا واني طلعت فوك اكو هواي غرف ياهي مالت زهراء معرف فتت على ثاني غرفه عبالي الها جانت عباره عن لون اسود وذهبي الجربايه الحيطان حتى العطورات ولمشط نفس الون توجهت للمرايه باوعت الروحي عززا هاي شنو كلني ككاو ووجهي مخمش هستوني شفته فتحت شعري جان شحاله منيوم الي ماتت بي ماما واني هملته لان هي جانت تهتم بي اووف دااحجي وي نفسي واباوع على شعري ووجهي مااحس الا نفتح الباب الباب عبالي صبا مالتفتت احجي وماباوعت منو بلباب صبا تاخرتي صار ساعه انتضرج التفتت شفت علي يباوعلي فكيت عيوني على وسعهن شدسوي هنى وجريت شالي حطيته على راسي
علي: احم انتي الي شدسوين هنى
ايلول: شنو شدااسوي هنى انت متكدر ادك الباب يعني شهل قلت الادب
علي: اذا اكو احد قليل ادب فهو انتي وبعدين اكو احد يدك باب غرفته قبل لا يفوتلها
ايلول: ششنو غرفتك
علي: يي نعم غرفتي
ايلول: عزاا يعني مو غرف زهراء
علي: اكللها غرفتي تكول مو غرف زهراء بابا شبيج مصخنه
ايلول: يي شبيك اتعيط عبالي الزهراء
علي: مامعيط وبعدين باعي وجهج عبالك متعاركه وي الككاو مثل الجهال ولا جن عمرج 17
ايلول: هسه انت شعليك ممكن اعرف
علي: لا عيني ماعليه بس عيب
ايلول: خلصت كلامك
علي: يي
ايلول: اذا عيب واذا مو عيب يخصني ميخصك انت مو صح
علي: يي بلي
ايلول: جا مره ثانيه لا تدخل
صبا: ايول وينج
ايلول: تعالي صبو هياتني
صبا: يله نغسل
علي: هاي انتي كلج ككو
صبا: عمو ثوينه كيكه تجنن اني وايول
علي: واضح من الككو مالتج
صبا: ايول شعرج تلش حلو وطويل
ايلول: حبيبي انتي هم شعرج يخبل يله امشي نروح الغرفه زهوره نغسل
صبا: تمام
علي: اذا تحبين ابقي هنا غسلي اني رايح بره
ايلول: لا رايحين الغرفه زهوره واعتذر عبالي هاي الغرفه غرفه زهراء
علي: ماصار شي
ايلول: اخذتني صبا الغرفه زهراء غسلنه وبدلت الصبا ونزلنه جوه جان جاي حسين وعمو سلمان سلمت عليهم وكعدنه اني وصبا واجا علي كمنه حطينه العشه وتعشينه واجوي عباس ومهيمن هم طلعنه الكيك السوينه اني وصبا وكيفو علي
عباس: ولج وكحه طلعتي تعرفين تسوين كيك اني عبالي بس تعرفين تتعاركين
مهيمن: تره مااقبل على اختي عبيس
عباس: هو انت شلونك انوب اختك
مهيمن: نجب
ايلول: كضيناها ضحك وسوالف عبيس تخلي الواحد غصب عنه يضحك اجتي
زهراء: ايلول ابويه يصيحج كاعد بغرفته
ايلول: شيريد
زهراء: والله معرف كومي شوفي
ايلول: تمام ستغربت عمو شيريد مني دكيت الباب صاح ادخل دخلت جان هو وعلي ها عمو صحتلي
سلمان: تعالي بويه طبي
ايلول: طبيت كعدت احجي عمو صاير شي
سلمان: لا بويه مو صاير بس تحجي وياج كم حجايه
ايلول: احجي عمو اسمعك
سلمان: بويه ليش هيج ويه ابوج لي ايمت تضلون هيج
ايلول: سلام حاجيلك شي
سلمان: عيب بابا يبقى ابوج شنو سلام
سلمان: اعذرني عمو بس الاب الي يترك بنات 17 سنه حرامات يتسمى اب
سلمان: بس ابوج ندمان
ايلول: بعد ايش ياعمو كلي بعديش ندمان بعد ماترك ماما من عرف بيها حامل منه لان جان معتبرها مجرد تسليه ومايريد جهال وينه هو شو ماما ربتنى وماخلتنه نعتاز شي وما يوم مدينه ادينه الاحد منو جان من نتمرض اني وايه يسهر الليل علمودنه ويطفح بل مستشفى ها عمو منو منو كلي منو وينه هو من جنه بحاجته ابسط شي يا عمو من جنه صغاار بلمدرسه يسالونه وين ابوكم واحنه منجاوب لان منعرف وين هوه  لو نكللهم عاف ماما منورانه ويجي بيوم وليله يكول اني ابوكم وتعال لازم احنه نفتحله احضانه ونرحب بي احسن ترحيب كافي عمو كافي والله تعبت كد ماكاتمه بكلبي كمت ابجي ماتحملت عمو والله تعبت كل عمري 17 سنه ماتت ماما وبقت ايه تره ايه فاهيه لازم احد ينتبه عليها لو مااني وياها الله اعلم شصار بيها ويجي سلام يكملها يعمو والله تعبت ونبي تعبت بعد مابيه اتحمل لو بيدي دقيقة ماابقى هنه بس كلت ميخالف لخاطر اختي ومن يوم اجينه احنه بس عراك وتسميع الحجي يجيلنه واخر شي نتهم جايين من وره ناخذ فلوس سلام عمو ساكت ومنصي ويسمعلي وعلي كل شويه يباوعلي ويندار   احنه صح جنه عايشين على كدنه بس الحمدلله ماما ماجانت مخليه علينه قصور ومن ماتت كمت اشتغل بمكانها كلو حتى ماانزل من مستوانه ونمد ادينه الاحد وحق الله تعبت عمو لا تلوموني من اسوي هيج واتصرف هيج اجا عمو حضني
سلمان: اشش يابه الله يساعدج شكاتمه بكلبج
ايلول: بجيت اكثر لان حسيت بحنيه بصوته
سلمان: بس بابا يكفي بجي علي نطيني مي من يمك
علي: يي هاك يابه
سلمان: هاج بابا اشربي وكافي بجي يله حبابه
ايلول: وخرت من حضن عمو وشربت مي
سلمان: سمعيني بويه الله يساعدج على الي صاير وياج واني ماالومج من تتصرفين هيج ويه سلام بس صدكيني هوه ندمان وداعت ولدي لج اول مره اشوف اخويه عاجز لج يبجي عليج يكول بس اريد ترضى اسوي اي شي
ايلول: ساكته واسمعه
سلمان: بويه انطي فرصه وصدكيني ماراح تندمين ايلول احجيج تسمعيني
ايلول: اسمع عمو
سلمان: جربي تنطي فرصه الخاطركم انتو الاثنين واني اضمنلج ماراح تتندمين
ايلول: عمو
سلمان: سمعي عمو فكري وبعدين رديلي خبر لا تجاوبين رئسن ماشي بويه
ايلول: ماشي عمو
سلمان: عفيه بنيتي
ايلول: حسيت روحي مخنوكه واريد اطلع حجيت اترخص عمو اذا خلصت حجيك
سلمان: اخذي راحتج بويه ومفكري مو تنسين
ايلول: ان شاء الله طلعت بوجهي بره البيت للحديقه كعدت ابجي مو بيدي شكد اسوي روحي قويه بس مو بيدي ابجي سمعت صوته
علي: تفضلي
ايلول: رفعت راسي شفت كلينس باوعتله
علي: لا تباوعين هيج مايلوكلج البجي متعود عليج قويه
ايلول: جذب اني مو قويه مليت من تمثيل دور القوه كعد بصفي
علي: اكثر بنت قويه شفتها بحياتي ووكحه هم
ايلول: ابتسمت من بين دموعي والله مو وكحه اني انت وعباس لازمين هل اسم عليه
علي: بس وكاحتج حلوه
ايلول: باوعتله نعم
علي: هههه شبيج تباعيلي هيج اقصد وكاحتج مثل وكاحت الجهال
ايلول: اها عبالي
علي: شعبالج؟ 
ايلول: ولا شي انسه
علي: امممم اخبار بيت خالج
ايلول: بخير الحمدلله
علي: مامشتاقتلهم
ايلول: ميته شوق الهم بس شسوي مابيدي شي
علي: تردين ترحيلهم؟
ايلول: ليش تسال
علي: جاوبي
ايلول: اكيد اريد اروحلهم
علي: تمام اني باجر رايح للبصر عندي شغل وهم ابوج وصاني اجيب نقل من مدرستكم الجن من زمان بس ماجان بيدي مجال ف باجر اروح تعالن وياي نرجع بنفس اليوم
ايلول: كمت وكفت من الفرحه كول والله
علي: كل هلفرحه لان تردين تروحين
ايلول: اكيد همه اهلي
علي: اممم
ايلول: انت تكول السلام لو اني؟
علي: شنو سلام عيب شوفي خل اكلج ماااخذج اذا ماتكومين تكولين بابا مو سلام
ايلول: اوهو علي والله ماا
علي: لعد مااخذ احد وياي
ايلول: اوهوو
علي: اني كتلج
ايلول: باوعتله صفح
علي: عيونج بربوك
ايلول: لا تغلط
علي: نجبي بخزره
ايلول: يي فتهمنه هاي هي
علي: اكوم افوت احسن انتي ماتتعطين وجه
ايلول: وين وين تعال
علي: نعم
ايلول: تمام بعد مااكله سلام
علي: وشتكليله
ايلول: غمضت عيوني وفتحتهم بابا
علي: عفيه هيج خوش اني عود اخبره واكله
ايلول: تمام
صبا: ايووووول وينج
ايلول: ها عمري تعاي شبيج
صبا: صار ساعه ادور عليج عبالي رحتي
ايلول: لا عمري بعدين شبيهن عيونج حمر؟
علي: شبيج عمو احد حاجاج
صبا: هذا عمو عباث يكول ايول ماتحبج وتضحك عليج وراح تروح وتعوفج ايول اتي تحبيني مو اتي صديقتي اتي كلتي
ايلول: يروحي تعالي حضنتها طبعاً احبج واموت بيج هذا عباس يجذب عليج
صبا: هو كال
ايلول: هياتني عفتج شي
صبا ابجي: لا
ايلول: شوفي يضحك عليج وهسه نروح انطيح حضه
علي: هسه كل هلبجي لا ايلول تروح وتعوفج
صبا: يي عمو
ايلول: تعالي نروح نضرب عباس شرايج
صبا: يي يي امشي
ايلول: فتنه اني وصبا وعلي اخذت كلاص مي ونطيته بيد صبا وكتلها كبي على عباس
صبا:-خاف يكتلني ايول
ايلول:- شحده روحي كبي واني يمج راحت صبا باوعتلها وبتسمت باوعت العلي رفع حاجب بمعنى شسوين هزيت راسي ب ولاشي كبت صبا المي
عباس:- اححح بت الكلب دنعل ابوج شسويتي
ايلول:- اجتي تركض عليه وتضحك شلتها
حسين:- لا يا كلب هاي كبالي هيج لسانك
عباس:- ولج ايلول انتي كتيلها مو
ايلول:- تستاهل محد كالك تجذب عليها
عباس:- بسيطه الج انمانكعتج انتي وهيه اوكفي
ايلول:-  شال الدولكه مالت المي وركض ورانه شايله صبا واركض بصاله ولكل تضحك
مهيمن:- طايح الحض عوفهن
عباس:- الا انكعهن يله اعوفهن
ايلول:-ههههه عباس عفيه بعد مااكدر اركض فدوه ههههه
صبا:- ههههه ايول اسرع اجانه
عباس:- اوكفولي
صبا:- عمو كله خل يعوفنه
علي:- ولك عبيس عوفهن بسك عاد
عباس:- اشو الا انكعهن
ايلول:- طشه علينه وكعدنه فحطانات ضحك
ايه:- برد كلبك هسه من نكعتهن
عباس:- يي والله
ايلول:- ضحكت من كلبي ما اتذكر ايمت ضحكت هيج عبيس المهم نكعتك عادي هههههه
عباس:- من اكول وكحه تزعلين
صبا:- اته وكح
الكل:- هههههههه
عباس:- العتب مو عليج عل وكحه العلمتج ولج انتي من ايمت لسانج هيج طويل بس مشيتي ويه ايلول صرتي مثلها وكحه
ايلول:- هههههه تروحلي فدوه
ايه:- شبيك عبيس تحجي على اختي
عباس:- نجبي انتي الفاهيه
ايه:- هيمو كله لا يكلي فاهيه
مهيمن:- ولك عوف البنات بحالهن لا اكوم اكسرك بعلي
عباس:- دنجب نجب اذا ماركصنك كول ماكال عباس
مهيمن:- عادي اخوهن
ايه:- ننننن تستاهل
عباس:- نجبي
صبا:- نننن عبوثي
عباس:- ولج ام لسان
ايلول:- ههههه تستاهل عباس
عباس:- وكحه
ايلول:- سهرنه ورجعنه ويه مهيمن للبيت وعباس راح البيتهم فتنه الغرفتنه كبل نمنه ثاني يوم كعدنه على صوت عمه ايمان
ايمان:- يله حبيبات كومن الساعه 6 تتروحن ويه علي للبصره
ايه:- كولي والله عمه
ايمان:- هههه يي والله يله اني رايحه حضرن نفسج نص ساعه وعلي يمجن
ايه:- ماشي عمه
ايه:- ياي سمعتي ايلول
ايلول:- امممم
ايه:- جنج مو فرحانه؟
ايلول:- جججج كلش فرحانه بس اعرف لان علي كلي البارحه
ايه:- امممم جن صاير تطورات بينكم شسالفه
ايلول:- ترفع حواجبها وتبتسم وتحجي ضربتها بلمخده نجبي شهل حجي كلشي مكو بينه مجرد ابن عم لا اكثر
ايه:- امممم
ايلول:- وجع عاد اني رايحه اسبح رتبي الغرفه لي مااطلع حتى تفوتين ورايه
ايه:- تمام
ايلول:- سبحت وطلعت وفاتت ايه ورايه لبست بنطرون اسود وقميص ابيض يصل الفوك الركبه باصبع لبست شال اسود وحزام عريض اسود وتكرمون حذاء اسود وشويه مكياج المهم كملنه ونزلنه لكيت بيبي وجدو وعمه ايمان وسلام وعمه ايناس كاعدين وعلي هم صبحنه عليهم سلام انطاه مصرف الايه واجا يمي
سلام:-هاج بابا مصرفج
ايلول:- شكراً بابا باوعلي بصدمه ولكل هم باوعولي باوعت العلي ابتسم برضه
سلام:- كلتي بابا والله كلتي بابا سمعتي يمه كالت بابا واخيرن
ايلول:- حضني بفرحه
سلام:- يا روح ابوج ياعمره شكد حلوه بحلكج بابا
ايلول:- اتمنى مااندم
سلام:- ججج ابد ابد ماتندمين
بيبي حنين:- اللله يكملج بعقلج يا يمه
علي:- يله عمي ترا تاخرنه
سلام:- يي بويه
ايلول:- طلعنه صعدت ايه من وره ردت اصعد اني هم من وره
علي:- سايق الخلفوجن وماادري تعالي صعدي كدام
ايلول:- يي شبيك
علي:- لا تصيحين ويخزر
ايلول:- استغفرالله ربي ركبت وركعت الباب صاح
علي:- ييي على كيفج شون تخليني اكفر بيج هسه
ايلول:- ماجاوبت خزرني وشغل السياره ومشه
ـــــــــــــــــــــــــــــــــــــــــــــــــــــــــــــــ

هاي بارت 3016 كلمه
يتبععع