الضابط والبصراويه

البارت 34

الضابط والبصراويه.........
للكاتبه نبأ محمد............
قراءة ممتعه حبيبي.......

ــــــــــــــــــــــــــــــــــــــــــــــــــــــــــــــــــــــــــــــــــــــــ

ايلول:- رجعت من الجامعه للبيت طبيت
ابتهال:- الله يساعدج
ايلول:- ويساعدج عمه علي اجا شي
ابتهال:- لا امي مااجا
ايلول:- اها خوش عمه...  كلت بكلبي اكيد مكابل الضابط عسل والله لو يمي جا طشرت راسه
ابتهال:- روحي حطيلج اكل اكلي يمه
ايلول:- يي عمه هسه...  طلعت للغرفه بوجهي للحمام سبحت ولبست البرنص  وطلعت لكيته كاعد ؏ الجربايه
علي:- نعيمآ حبيبي
ايلول:- ما رديت علي رحت ؏ المرايه
علي:- لسه مطنكره
ايلول:- اني مو كتلك ؏ البيت لا تجي
علي:- لازم بيت سلام
ايلول:- لا مو بيت سلام ومو بيتك هم كوم روح الغرفه امك او للصاله شكو جاي الغرفتي
علي:- ترا غرفتي مثل مو غرفتج
ايلول:- شغلت الشسوار وطنشته باوعت بالمرايه جان يباوعلي ما درتله بال شسورت شعري وحيت مرطب الوجهي واخذت مرطب حتى احط الشفايفي
علي:- تعالي اني ارطبهم الج احسن م هذا
ايلول:- علي تسكت لا والله اسوي يوم اكشر عليك
علي:- اليوم حميانه حلوتي
ايلول:- باوعتله وخزرته ورحت اخذ ملابس من الكنتور طلعتهم وفتت للحمام لبست وطلعت لكيته واكف بالباب
علي:- حبيبي
ايلول:- ما رديت
علي:- بنيتي
ايلول:- هم مارديت
علي:- دنيتي عالمي حلوتي عافيتي اميرتي
ايلول:- وخر مني مااريد احجي وياك
علي:- هسه ليش زعلان الحلو
ايلول:- ما جاوبت
علي:- هسه اني شعليه يا عيني غير تشتغل ويانه
ايلول:- افتهمنه تشتغل وياك شكو تكلك علوش شو اني من اكلك ما ترضه
علي:- زين انتي ما سمعتيني من كتلها لا تكول
ايلول:- يي سمعت بس لو كايللها قبل هالمره ما جا رجعت تكول مو
علي:- يي بلي بس وداعتج مااتقرب منها ؏ كد الشغل
ايلول:- ما يهمني وخر
علي:- هسه شكو مطنكره عليه
ايلول:- تقبل واحد من ولد القسم يدلع اسم مرتك
علي:- اشك حلكه والعباس
ايلول:- اهااا لعد ذون تريد ارضه مره غيري ادلع اسم زوجي
علي:- اني كلني الج نسوان الدنيا كلها مو بعيني
ايلول:- باوعتله
علي:- ﮭوِﮭ أُلَعُنًدِﮭ مِثَلَجُ يْخِجُلَ يْبّأُوِعُ لَغِيْرٌجُ
ايلول:- ابتسمت
علي:- اموت بهاي الابتسامه
ايلول:- وخر لا عبالك رضيت
علي:- لعد شكو بتسمتي
ايلول:- شعليك
علي:- وشون ترضين
ايلول:- لو يهمك جان عرفت
علي:- ابوسج وترضين
ايلول:- لا
علي:- اطلعج
ايلول:- لا
علي:- اغنيلج
ايلول:- لا
علي:- اجيبلج هديه
ايلول:- لا
علي:- زين شسوي لعد
ايلول:- لو يهمك جان عرفت
علي:- الله نطاج ضحكه وعيون تشك شك بس هالخبال والنكد ليش؟
ايلول:- يعني هسه اني نكديه مو؟؟؟
علي:- لا يابه انتي والنكد ما تلتقون بطريق
ايلول:- وخر مني اصلآ اني جنت اعرف بس هسه تاكدت
علي:- شتعرفين
ايلول:- اعرفك متحبني وهسه كمت تكول عليه نكديه مو جنت تكول احبج بكل حالاتج
علي:- ولحد هسه احبج بكل حالاتج
ايلول:- وخر وخر لا تجذب اعرف متحبني  ....  راح كعد ؏ الجربايه وحط ايده جوه خده وحجه
علي:- دخيلك يابو فاضل مثل ما وكعتني بهال مشكله طلعني منها لان ما جاي اعرف الحل شنو
ايلول:- يعني اني صرت مشكله مو ها علي هااا
علي:- ايي لااا لحد هنةةة ويكفيي انتي ما تجين بعيني واغاتيي
ايلول:- اجا شالني ؏ كتفه وشعري صار بالكاع....  ياااا شدسوييي وخررر تخبلتتت
علي:- يي والله تخبلت تخبلت من وراج
ايلول:- شعريي هستوني شسورته وخرر لا تخربه علييي...  حطني ؏ الجربايه وجاب لاسق...  شدسوي
علي: - اريح راسي منج
ايلول:- جر ايديني وصار يلفهم بالاسق...  تخبلت علي شبيكك
علي:- اششش ولا حرف
ايلول:- رجع يحط ؏ حلكي حاولت ادفعه بس مكدرتله
وراح جاب مكياجي من الميز واني اباوعله اجا يمي
علي:- تنكدين بعد
ايلول:- هزيت راسي باي رمه الحمره ؏ الكاع ونكسرت واني مكدر اعيط لان ساد حلكي ولا اكدر اكوم
علي:- تنكدين
ايلول:- هزيت راسي ب لااا
علي:- ما تنكدين بعد
ايلول:- هزيت راسي باي
علي:- وتعوفين النكد وتعوفين خبالاتج
ايلول:- هزيت راسي باي
علي:- متفقين
ايلول:- اشرتله حتى يفتح حلكي عمود احجي
علي:- راح افتح حلكج بس اذا عيطي راح اكسره كله
ايلول:- هزيت راسي باي....  اجا شال الاسق من حلكي ردت اعيط ورفع الفونديشن مالتي
علي:- اكسره
ايلول:- تمام تمام مااعيط بس رجع المكياج بمكانه فدوه رحتلك
علي:- بعد مكو عناد
ايلول:- مكو
علي:- مكو نكد
ايلول:- مكو
علي:- وخبالاتج تبطليها
ايلول: - صار بس رجع المكياج بمكانه
علي:- ماشي
ايلول:- راح رجعه بمكانه واجا يمي جان الزمه من ايده وعضه
علي:- اخخخ الهايشه
ايلول:- لا عبالك كسره الحمرا مالتي تروح هيج
علي:- هيج صارت
ايلول:- يي...  دفعني ؏ الجربايه ولزمني عضني من ركبتي....  اوووي والله الا اكول البابا عليك وخرر
علي:- هيج تعادلنه
ايلول:- والله ما تعادلنه...  وجان اعضه من كتفه
علي:- مربيلي كلبه اني
ايلول:- رجع عضني من خصري...  اوووي يماماااا والله الا امووتك
علي:- دتعالي تشوف منو يموت منوو
ايلول:- وتعاركنه اني اعضه وهوه يعضني واحد زورك الثاني الا تعبنه وجان يكرصني من زندي...  اووي عليووي وخرر
علي:- ستسلمي
ايلول:- ستسلمت بس وخر...  وخر مني ومنين ما الزم جسمي يوجعني...  اووووي يماما يابه يا علي الا اكول البابا عليك
علي:- ههههههه عود كوليله
ايلول:- كمت من الجربايه رحت باوعت ؏ ركبتي مزوركه رفعت التيشرت باوعت الخصري هم مزورك باوعتله يضحك...  اضحك اضحك
علي:- ههههه تستاهلين
ايلول:- كون يا علي تمشي ؏ الدرج وتوكع وتتكسر
علي:- اذا كمت الا اشك حلكج اول مره اشوف مره تدعي الزوجها يتكسر
ايلول:- ولا اكولك كون تعثر وتوكع كدام اسد حتى يبقه يضحك عليك
علي:- مو اذا كمت اشكج
ايلول:- اووي خفت...  كام من الجربايه واجا يمشي بتجاهي
علي:- هاا يعني مو خايفه
ايلول:- علي ارجع المكانك لا والله...  ما كملت وشالني...  وخررر شتسوي
علي:- مو موخايفه
ايلول:- حطني ؏ الجربايه وقيد حركتي ويباوعلي ويبتسم
علي:- شو محلوه ولج
ايلول:- من يوم يومي حلوه
علي:- مكو شك
ايلول:- قرب وجها مني
علي:- مشتاقلج
ايلول:- احلف
علي:- وداعت عيونج الاحبها
ايلول:- ابتسمت...  تقرب مني وباسني بشفتي وباسني بخدي دخل ايده تحت التيشرت وايده تمشي ؏ بطني رجع باسني بشفتي وووو
علي:- احنه مو قبل شويه جنه امالخ
ايلول:- متمدده بحضنه....  ههههههه والله مااعرف
علي:- وحك ربج والغمازات الي بخدودج مثل نكرات حب من اباوعلج انه اغرك بيهن وبحبج
ايلول:- يوول انتت يوميه تخليني احبككك اكثررر
علي:- ههههه
ايلول:- علوش
علي:- كولي علي
ايلول:- علي
علي:- عيناي
ايلول:- انت شنو مسوي بحياتك والله رزقك بيه
علي:- جنت لا اصلي ولا اصوم وضلمت ناس والله عاقبني بيج
ايلول:- باوعتله وهوه يضحك جان الزمه من كتفه واعضه
علي:- اخخخخ ولج ههههه
ايلول:- احجي
علي:- ماادري والله شنو مسوي بس الله رزقني بيج حتى اتوب يمكن
ايلول:- امممم
علي:- وهسه وخري مني لا ادفرج اوكعج من الجربايه
ايلول:- وليش بله
علي:- اريد اىوح للمركز
ايلول:- تمام
ايلول:- كام سبح ولبس ملابسه ووكف يمشط شعره باوعتله...... علي
علي:- روحه كولي
ايلول:- عسل
علي:- والعباس ابو فاضل مالي شغل بيها
ايلول:- سطرك العباس
علي:- والله اذا جيتج اكمل عليج زماله
ايلول:- بالعباس الي تحلف بي اذا سمعت متقرب منيم صخيمه عسل الا اموتك
علي:- خوش
ايلول:- كمت رحت وكفت يمه..  ايمت ترجع للبيت
علي:- مااجي
ايلول:- لزمت خصري وليش...  عض شفته ومسح لحيته
علي:- ايدج وخريها لا اكسرها الج
ايلول:- نزلت ايدي..  ليش ما تجي
علي:- خفاره اليوم
ايلول:- اها
علي:- يي
ايلول:- لبس حذائه وسحبني علي باسني بشفتي وبتعد
علي:- في امان الله
ايلول:- الله وياك حبيبي دير بالك ؏ نفسك
علي:- صار
ايلول:- نزل علي واني هم رتبت الغرفه ولبست ملابس وشال ونزلت جوه سويت العشه كملته واجو عمي وحسين حطيته وكعدنه نتعشه
سلمان:- علي وين
ايلول:- عمو عده خفاره ما يجي
سلمان:- ها
ايلول:- يي والله...  خلصنه واخذت المواعين غسلتهم وكعدنه سهرنه شويه وطلعت للغرفه نزعت شالي وفتحت شعري وخابرت البنات جاوبن
البنان:- هلووو
ايلول:- هلا عارات ما تخابرن الا اني اخابر
زهراء:- ووجع استلمتينه
ايه:- والله اني ملتهيه بمريومه وابوها والجامعه وما بيدي مجال
ايلول:- شونها حبيبت خالتها
ايه:- فد وكحه خليها ؏ الله هسه ابوها اخذها وطلعو
روئ:- ؏ منو تطلع
ايلول:- شتقصدين ولج
روئ:- اني كلت انتي
ايلول:- انجبي
زهراء:- يي شكو ماكو
ايلول:- كلشي ماكو
ايه:- عزااااا هاااي شنو
زهراء:- شنو
روئ:- شنو
ايلول:- شبيج ولج
ايه:- يااا باع ركبتج ولج ايلول هذا عليوي شمسوي بيج
زهراء:- خريطه
روئ:- طاح حضج ايلول شني هاي
ايلول:- اوووي ووجع لا يروح بالجن بعيد
زهراء:- لعد وين يروح
ايلول:- نجبن مو البالجن هاي تعاركنه
ايه:- بالله وشون تعاركتو
ايلول:- حجيتلهن السالفه
روئ:- مثل توم وجيري هههه
زهراء:- يمصخمين هههه
ايه:- انتي هم عضعضتي
ايلول:- يي والله زوركته بس يستاهل كسر الحمرا مالتي
زهراء:- هههههه كاعده اتخيلكم والله متتت هههههه
ايه:- باله هوه هالكده وانتي جنج بزونه هههه
روئ:- ههههه
ايلول:- ووجع انتي وهيه هههه
ايه:- والله محد سوها قبلكم
زهراء:- بس والله شكلج مشيبه اخوي بنكج
ايلول:- اذا جيتج اسحلج عساس اخوج ملاااك
زهراء:- يي طبعاً ملاك
ايلول:- دولي
روئ:- ههههه تكافشن
ايلول:- مو يمي جان دفرتها
ايه:- حتى تكوم تولد كبل ههههه
زهراء:- يي والله هههه
ايلول:- لا بطلت مالي بهال شغله ههههه
ايه:- طاح حضجن هههههه
ايلول:- بقينه نحجي ونضحك الا كلمن راحت الرجلها عاد اني هم كمت رحت بدلت لبست قميس علي لونه اسود واجيت كعدت انتضره يتصل بال 12 ونص اتصل
علي:- الو حبيبي
ايلول:- هلا ؏ـﻣࢪي الله يساعدك
علي:- ويساعدج اميرتي
ايلول:- حبيبي
علي:- شدسوين
ايلول:- كاعده بالغرفه
علي:- افتحي كام مشتاااق
ايلول:- ههههه اوك حبيبي...  فتحت كامره وهوه هم فتح ثبتت الجهاز وكعدت باوعلي وعض شفته
علي:- كوون اني يمج شطالعه ولج
ايلول:- اخبل مو هههه
علي:- تموتين
ايلول:- ههههه
علي:- هذا مو القميس مالتي
ايلول:- ييي مالتك مالتي
علي:- هاا
ايلول:- يي نعم
علي:- جا خوش
ايلول:- ورث جكاره وكعد يباوعلي شفته صفن...  ؏ شنو صافن؟
علي:- عليج
ايلول:- ترا جكارتك طفت!
علي:- مو مشكله اني اشتعلت
ايلول:- باوعتله ونزلت راسي
علي:- احبج ايلول
ايلول:- اني هم احبك
علي:- احبج يا شتل نعناع يا اول تعب ما ضاع
ايلول:- ابتسمت..  عوض ربي الحلو
علي:-حبيبي
ايلول:- خومه صخيمه اجت يمك
علي:- ههههه صخيمه لا مااجت ما شفتها
ايلول:- احلف
علي:- وداعتج
ايلول:- همزين
علي:- يي
ايلول:- تثاوبت بنعس
علي:- نعسانه
ايلول:- يي
علي:- باجر مكو دوام
ايلول:- يي شفت المنشور قبل شويه
علي:- نامي
ايلول:- وانت
علي:- تمددي ؏ الجربايه وثبتي الجهاز عليج ونامي
ايلول:- سويت مثل ما كالي وتمددت وبقت الكامره مفتوحه واني كبل نمت الصبح نايمه وحسيت نفسي مختنكه ردت انكلب ما كدرت فتحت عيوني شفت علي نايم ؏ صدري ابتسمت وبسته براسه ردت اوخره حتى اكوم ما كدرت...  علي حبيبي
علي:- هممم
ايلول:- وخر خلي اكوم
علي:- اممم
ايلول:- ؏ـﻣࢪي وخر خلي اكوم
علي:- ابقي
ايلول:- لا الدنيا الصبح خلي اكوم.... رفع راسه وفتح عيونه وباوعلي
علي:-  ما تخلين واحد ينام
ايلول:- ههههه لا ومنو كالك تنام ؏ صدري لو نايم ؏ المخده ما كعتك
علي:- وين ما يعجبني انام انام
ايلول:- اهااا
علي:- يي نعم واني م البارحه هذا القميس ساطرني سطر
ايلول:- رفع ايده وفتح كم دكمه من القميس...  وخر وخر شسوي
علي:- نجبي
ايلول:- حط راسه بصدري...  علي
علي:- اريد انام هنه
ايلول:- بس اريد اكوم
علي:- شويه وكومي
ايلول:- ماشي
علي:- لعبي بشعري
ايلول:- كمت العب بشعره باسني ورجع عضني... اوووي انت شنو مشكلتك وياي بس تعض بيه
علي:- احب اخلي ختم ؏ ممتلكاتي
ايلول:- بس ترا مزورك جسمي من وراك
علي:- كميوم ويروحن
ايلول:- بقيت شويه العب بشعره..  يله وخر خلي اكوم
علي:- وخررت كومي
ايلول:- كمت من يمه وهوه رجع نام اخذت ملابس وفتت سبحت وطلعت بعده ؏ نومته مشطت شعري وحطيت شويه مكياج وطفيت الضوه ونزلت نضفنه البيت وطلعت ردت اكعده وما رضه ف بقه نايم وسجى سوت الغده لل 1 وطلعت كعته فات سبح واني رتبت الغرفه وغسلت الملابس ونزلنه تغدينه للعصر وحجه
علي:- كومي نروح البيت جدي
ايلول:- يي عفيه والله مشتاقتلهم
علي:- خوش بس مو تتاخرين
ايلول:- لا شعندي بس البس صايه
علي:- ديله تا نشوف اني نازل اشغل السياره
ايلول:- نزل علي واني هم اخذت صايتي لبستها ونزلت رحت كلت العمتي راح نروح الاهلي وطلعت ركبت بسياره ورحنه وصلنه ونزلنه دكينه الباب طلعت
روئ:- هلا والله
علي:- هلا بيج
ايلول:- رحت بوستها شونج
روئ:- الحمدلله انتي شلونج
ايلول:- الحمدلله
روئ:- شلونك علي
علي:- الحمدلله بخير وانتي شلونج
روئ:- الحمدلله
ايلول:- طبينه جوه سلمنه ؏ امي وعمه ايناس وبيبي ولكينه عباس وايه هم سلمت عليهم ورحت البيبي لزمتها من خدودها وكمت ابوس بيها...  مشتاقتلج يحلووه
بيبي:- ولج وخرري مني شلعتي خدودي
ايلول:- ضربتني بعوجيتها...  اووي بيبي
بيبي:- ولي لا خلفت عليج هوه هيج ال يسلم
ايلول:- غير مشتاقتلج
بيبي:- ولك عليوي اخذ مرتك يمك لا والله اكسرها
علي:- ليش ليش ترا اريدها
بيبي:- مستهتره
عباس:- وانا اشهد
همام:- انت بس لو تنجب
علي:- يي والله
عباس:- كم انت شعليك
همام:- كل ما واحد كال شي وانت هم
عباس:- لان صحيح
بيبي:- انجب انت ويا
عباس:- حاضر بيبي
ايلول:- بيبي يروحي يعمري ونبي مشتاقتلج هييييج كوووومه
بيبي:- اكولج انتي تريدين شي مني
عباس:- هههههه
ايلول:- يا شريد
بيبي:- لعد منين نزل عليج هذا الاشتياق
ايلول:- والله يا بيبي مو صوجج عود مشتاقتلج وانتي اطردين بيه هسه يجي جدو واكله عليج
بيبي:- يول يعليوي مطلع عينها
علي:- شعليه اني
بيبي:- طلعت عينها بدلالك
علي:- والله يا بيبي هيه عرمه
ايلول:- ها علي ها ها
بيبي:- نجبي انتي
ايلول:- بيبي شبيج اريد احجي
علي:- بمحمد بيبي انتي جاي تزلكيني حتى احجي عليها  وهسه ما تعرفين شسوي
بيبي:- والله اعرفها هالوكحه هاي
ايمان:- شبيكم ؏ بنتي كلكم
زهراء:- والله يا عمه بنتج عرمه والكل تشتكي منها
ايلول:- نجبي انتي صخله
زهراء:- ها عمه شوفي
ايمان:- ولج ايلول لزمي لسانج
ايلول:- باعو خلي اكلكم
الكل:- شنو
ايلول:- ونبي اني مستعده اسيطر ؏ كلشي بحياتي الا لساني اذا مااحجي اموت
ايه:- واني اشهد
علي:- صريحه مريتي
ايلول:- يي نعم
عباس:- لا مو هنه المشكله المشكله بنتي طالعه نفس لسانها تكول رشاش
روئ:- الي خفنه منوحصل ههههه
ايلول:- ووجع اصلآ هنيالك مو علي
علي:- طبعاً طبعاً
همام:- شحدو ما يكول طبعاً الله اعلم شمسويه بالولد
ايلول:- سد حلكك انت
همام:- ووجع
ايلول:- بقينه نحجي ونضحك واجوي بابا ومهميمن وجدي بقينه تعشينه وسهرنه احنه وعباس لليل ورجعنه.......