الضابط والبصراويه

البارت 13

الضابط والبصراويه......
للكاتبه نبأ محمد...........
قراءة ممتعه قلبيي.....

ـــــــــــــــــــــــــــــــــــــــــــــــــــــــــــــــــــــــــــــــــــــــ

ايلول:- حسيت  بوسات ؏ خدي فتحت عيوني شفته علي بتسمتله
علي:- صباح العافيه حلوتي
ايلول:- صباح النور حبيبي شكد الساعه
علي:- 7
ايلول:- شو بعدك مارايح للدوام
علي:- ردت اشوف هالعيون الحلوه قبل لا اروح
ايلول:- ابتسمتله  تريد ريوك
علي:- لا هسه اتريد بالمركز ويه اسد
ايلول:- ماشي حبيبي واني نعسانه غمضت عيوني حسيت شفته ؏ شفتي باسني ما بتعد الا حس بيه ختنكت بتعد ويتنفس سريع حجيت....  انت ليش متبتعد الا بعد متحس بيه مختنكه
علي:- لان البوسه الي ماتكطع النفس ماتتسمه بوسه
ايلول:- اممم
علي:- رجعي نامي بويه
ايلول:- بعد طارت النومه
علي:- بعد وقت تكومين من هسه رجعي نامي
ايلول:- ماشي حبيبي
علي:- يله بويه اني اروح
ايلول:- الله وياك حبيبي..  راح انوب رجع فتح الباب
علي:- حلوتي مو تبقين بله ريوك تره اعرفج واذا ما تريكتي شربي حليب لا تبقه معدتج فارغه
ايلول:- ابتسمتله ماشي حبيبي..  ابتسملي وراح بقيت متمدده بعدين كمت رتبت الغرفه وفتت سبحت ونزلت عمي وحسين طالعين بس عمتي والبنات..  صباح الخير
الكل:- صباح النور
ايلول:- شفت زهراء دتسوي ريوك..  زوزي بربج صبيلي حليب
زهراء:- امشي ؤلـَـʊ‌ خومه مبتليه بيج
ايلول:- ترا اكوم ادفرج
زهراء:- ماتولين ما بقه عليه غيرج
ايلول:- عابت هالشكل
زهراء:- امري ال الله هسه اسوي
ايلول:- منج من الشيطان..  صبت ونطاني هوه
زهراء:- لا ؏ـﻣࢪي بس يكولون من سقه گلب دخل الجنه
ايلول:- والله لنتف عطوبج خل اشوفج منو كلب..  كمتلها رادت تركض ولزمتها عضيتها من زندها
زهراء:- اوووي وج ماما تعي شوفي جنتج انجلبت من صدوك وج وخريي وي ماماااا
ايلول:- وخرت منها
ابتهال:- هاي شبيجن
ايلول:- زهراء تفرك مكان العضه رفعت ردنها وتشوفها العمتي
زهراء:- شوفي ماما شسوت بيه الكلبه
ابتهال:- هاي ليش ولج
ايلول:- عمه هيه تكول عليه كلب ف خل اصير كلب من صدوك واعضها
سجى:- بس لو اعرف انتن ايمت تعقلن والله صبا اعقل منجن
ايلول + زهراء:- نجبي انتي
ايلول:- باوعت الزهراء وضحكت هيه هم ضحكت
زهراء:- اووي الكلبه
ايلول:- لازم تريدين اعضج انوب
زهراء:- امشي ؤلـَـʊ‌ لازم نربطج انوب يم باب الحوش لا تروحين تعضين احد
ايلول:- ﺄمـَشـʊ‌ ؤلـَـʊ‌ من يمي لا العب الغالي ؏ الغالي
زهراء:- كبوررر
ايلول:- كبرج
ابتهال:- ولج انتي وياها بطلن وامشن خلصن شغلجن لا واكفات مثل الكلاب وحد تعوي ؏ الثانيه
ايلول:- خلف الله عليج عمه سويتينه كلاب
زهراء:- يي والله يمه
ابتهال:- اشاقه وياجن بس تحركن
ايلول:- حاضر عمه...  رحنه كلمن الشغلها وخلصنه وكعدنه للضهر رجعو عمي والولد من الشغل حطينه الغده وكعدنه نتغده خلصنه كمنه غسلنه المواعين اني وزهراء كملنه وطلعت للغرفه باوعت العلي نايم الغرفه بارده وضلمه تشهي الواحد ينام فتت نزعت شالي وفتحت شعري ورحت عالجربايه تمددت وجان يجرني علي وحضني ضهري صار ؏ صدره...  انت مو جنت نايم
علي:- اممم بس من تمددتي حسيت عليج
ايلول:- وهسه راح ترجع تنام
علي:- اممم
ايلول:- بقه حاضني ونايم اني هم نمت كعدتعلي ما موجود شكله رايح للمركز كمت غسلت وجهي ورتبت الجربايه ونزلت بس لكيت بس زهراء..  ها صخله
زهراء:- هلا بالهايشه
ايلول:- اشو مااكو احد
زهراء:- بابا طلع وعلي راح للمركز وحسين وماما وسجى راحو للدكتوره سجى عدها مراجعه
ايلول:- يعني مكو بس احنه بالبيت
زهراء:- بضبط
ايلول:- لزمت جهازي وكعدت
زهراء:- اكولج نعال
ايلول:- خير
زهراء:- باعي شفت وصفه اكل كومي نجربها
ايلول:- اشو شوفيني
زهراء:- باعي
ايلول:- شفته تحط طماطه وخيار وفلفل ولمندوز وليمون وملح..  وج شكد تشهي
زهراء:- كومي نسوي
ايلول:- يله..  كمنه طلعنه الغراض وثرمنه الطماطه والخيار وحطينه عليها البهارات ضكناها
زهراء:- يممم والله طيبه بس حاده مو
ايلول:- هوه لان حاده طيبه اكلنه زهراء اكلت شويه وبطلت كالت مااكدر حاده بس اني اكلت هواي احب الحاد
زهراء:- وج يكفي تره الحد مو زين
ايلول:- يي يي بطلت..  كمنه حضرنه العشه اني وزهراءا جا عمي..  الله يساعدك عمو
سلمان:- ويساعدج بنيتي
زهراء:- الله يساعدك بابا
سلمان:- ويساعدج بابا
ايلول:- راح عمو يغسل
زهراء:- اروح اشوف الاكل ؏ النار لا يحترك
ايلول:- ماشي..  شويه وطب علي..  الله يساعدك حبيبي
علي:- ويساعدج حلوتي
ايلول:- شويه واجوي الكل حطينه العشه اني مااشتهي بس هيج اكلت شويه وبطلت احس بطني كل شويه تمغصني مادرت بال شلنه المواعين جاي نغسلهم اني وزهراء احس الوجع زاد حطيت ايدي ؏ بطني بوجع باوعتلي زهراء
زهراء:- شبيج ولج
ايلول:- ماادري زهو بطني موتتني وهسه زاد الوجع
زهراء:- خاف الشسمه
ايلول:- لا مو وقتها هسه
زهراء:- لعد ليش
ايلول:- ممادري..  ماتحملت كعدت ؏ الكرسي وج زهراء الوجع مو طبيعي راح اموت..  غسلت اديها واجت ركض يمي
زهراء:- اروح اصيح العلي يا خذج للدكتور
ايلول:- بكيفج
زهراء:- رايحه
ايلول:- راحت زهراء واني اتلوه من الوجع شفت علي اجا ركض يمي والكل اجوي
علي:- ششبيج شنو يوجعج هااا
ايلول:- علي بطني احس دتتكطع
ابتهال:- ولج يمه هاي شجالج قبل شويه ماجان بيج شي
علي:- زهراء ركض جيبي شي تلبيه خل اخذها للدكتو
زهراء:- يي يي
ابتهال:- اروح البس عباتي اني هم اجي
علي:- بس ستعجلي يمه
ابتهال:- يي يمه
علي:- زهراء نمتي
زهراء:-اجيت اجيت
ايلول  - اجتي زهراء لبسوني الصايه بالكوه مااكدر اتحرك من وجع بطني اخذني علي للمستشفى واني احس دااموت من وجع بطني  وهوه يسوق سريع اني متمدده بحضن عمتي
ابتهال:- ولك يمه ؏ كيفك لا تروح تسوي حادث
علي:- يمه يا ؏ كيفي متشوفينها
ايلول:- وصلنه المستشفى ونزلنه بالكوه امشي جان يشيلني علي وفوتني اخذوني الغرفه اجتي الدكتوره فحصتني وحطتلي مغذي وابرر وعلاج وعلي كاعد يم راسي وعمتي هم
علي:- ها حبيبي شون صرتي
ايلول ابوجع:- شويه احسن من قبل شويه
ابتهال:- دكتوره ليش هيج صاير بيها
الدكتوره:- صاير عدها التهابات قويه بالمثانه
علي:- وشنو سببها دكتوره
الدكتوره:- ماكله شي حاد
ايلول:- باوعلي علي
علي:- ها
ايلول:- ها
علي:- شماكله
ايلول:- شسمه يي اكلت سلطه حاده
علي:- كم مره كايلج لا تاكلين حاد بس ميفيد عناد بدمج يمشي
ايلول:- هوه بس شويه اكلت
علي:- بخزره بالبيت نتفاهم
الدكتوره:- شويه واجي اشوفج
ايلول:- طلعت الدكتوره
ابتهال:- ها يمه شون صرتي
ايلول:-الحمدلله عمه جاي يروح الوجع
ابتهال:- يي الحمدلله ولج يالعرمه موتينه خوف عليج
ايلول:- مابيه شي عمه.... دك جهاز علي اعتقد حسين عمود يطمنون عليه طمنهم وسده شويه واجت الدكتوره
الدكتوره:- ها ماما شون صرتي
ايلول:- الحمدلله راح الوجع
علي:- دكتوره نطلع
الدكتوره:- يي اطلعو وهذا علاج وصفته الها وشكد تكدر لا تاكل حد لان مو زين
علي:- ان شاء الله دكتوره
ايلول:- طلعنه للبيت وعلي وكف يم صيدليه اخذ العلاج ورجعنه للبيت لكينه الكل تنتضره الساعه ب 12 فتت والكل تحمدتلي ؏ السلامه اخذني علي عمود ارتاح طبينه للغرفه نزعني الشال والصايه
علي:- ابدلج
ايلول:- ها لا اني ابدل اكدر
علي:- ماشي يله بدلي وتعالي نامي
ايلول:- اخذت بجامه وتيشرت بدلت واجت تمددت ؏ الجربايه واجا علي هم جان يحضني وباسني بشعري
علي:- تعرفين شكد خفت عليج متت والله
ايلول:- اسم الله عليك يروحي
علي:- من شفت هيج حالتج مدري شصارلي
ايلول:- رجع كفخني ؏ راسي بخفه..  اووي شبيك
علي:- انوب اكلي حاد الا اكسر راسج
ايلول:- ماشي
علي:- حلوتي
ايلول:- ها حبيبي
علي:- خومه متئاذيه
ايلول:- لا ؏ـﻣࢪي والله مابيه شي
علي:- الف الحمدلله
ايلول:- بقه حاضني ويلعب بشعري الحد ما نمت ثاني يوم صبحت جمعه وعطله باوعت باقين ؏ نومتنه بقيت كاعده واباوع العلي انوب ضجت كلت خل اكعده رفعت راسي بسته بخده..  علووش حبيبي يله كوم..  عكش عواجبه بس ما فتح عيونه رجعت صحت... حبيبي يله كوم
علي:- حلوتي سدي حلكج لا ادفرج من فوك الجربايه
ايلول:- هههه يله علوش حبيبي..  فتح عيونه وباوعلي
علي:- لا تكولين علوش لشكج
ايلول:- بله وليش
علي:- اني ورتبتي وصخامي وتالي تجي وحده شبر ونص تكلي علوش دخل يسمعوج واحد من جماعتي لو اسد مو اصير مضحكه عدهم
ايلول:- هههه اني احب ادلع زوجي
علي:- دلعي بس بغير طريقه
ايلول:- وغمزلي ضربته ؏ صدره..  شكد صاير منحرف انت
علي:- هههه هوه الي عنده هيج مره تخبل مايصير منحرف
ايلول:- علي
علي:- روح روحي كولي
ايلول:- شنو اكثر شي تحبه بيه
علي:- انتي كلشي بيج احبه
ايلول:- اكثر شي
علي:- عيونج الي مدوخاتني
ايلول:- بس
علي:- جؤؤؤ
ايلول:- لعد
علي:- وشعرج وخدودج وشفايفج وهاي الغمازه الي بخدج وطولج الشبر ونص وبياضج وخصرج الي شاعل عشيرتي
ايلول:- اممم
علي:- وبعد اكو شغلات هواي
ايلول:- غمزلي وضحك..  ضربته منحرف قليل ادب والله لكوم وعوفك كمت جان يرجع يجرني ووكعت ؏ صدره وحاوط خصري
علي:- هههه
ايلول:- وخر وخر انت صاير منحرف
علي:- هههه زعلتي
ايلول:- يي
علي:- ابوسج ونتراضه
ايلول:- مااا
علي:- بلي
ايلول:- ماا ماا
علي:- بلي
ايلول:- دخل ايده تحت التيشرت ويمشيها ؏ ضهري وخصري كلبي كام يدك سريع كلبني ؏ الجربايه وهوه صار فوكايه وخر شعري من وجهي وقرب وجها من وجهي غمضت عيوني باسني بخدي ورجع باسني بخدي الثاني رجع باسني يم شفتي انفاسه الحاره تضرب بوجهي باسني بشفتي وكل شويه نوبه ؏ شفتي الفوك نوبه ؏ شفتي الجوه انوب نزل ؏ ركبتي يبوس بيها وايده تمشي ؏ بطني عضني بركبتي.. اووي علي لا تعضني
علي:- ششش لا تكولين اووي
ايلول:- بده يتجره اكثر  ..  همست علي..  يحجي بهمس
علي:- هممم
ايلول:- مو هسه..  رفع راسه وباوعلي وعيونه ذايبه بلع ريكه وحجه
علي:- ايلول
ايلول:- عفيه مو وقتها
علي:- ؏ راحتج حلوتي
ايلول:- باسني بشفتي بوسه سطحيه وكام.. بقيت متمدده هوه اخذ ملابسه وفت للحمام سبح وطلع باوعلي
علي:- لازم طابتلج النومه حلوتي
ايلول:- ها
علي:- حبيبي بالا فهاوه العني الشيطان ال ها مالتج مالت وحده خدرانه
ايلول:- شلت مخده يمي وضربته..  وجع علي
علي:- هههه شعليه اني يله كومي
ايلول:- كايمه..  كمت رتبت الجربايه واخذت ملابس وطبيت للحمام سبحت وطلعت علي نازل شسورت شعري وحطيت شويه مكياج ونزلت حضرت ريوك العلي تريك غسلت المواعين انوب تغدينه وكملنه ندكت الباب اجوي اهلي كلهم سمعانين بيه البارحه وجايين ثاري زهراء كايله المهيمن كاعدين كلنه احنه والبنات نحجي ندكت الباب طلع علي فتحه ودخل
عباس:- سلامون تليكم
جدي:- متكلي ايمت تعدل سلامك
عباس:- من يبيض الديج ههههه
بيبي:- شكد ملطلط كم لا بارك الله بيك
عباس:- ليش بيبي ما ترجيتها منج
بيبي:- نجب لا اكوملك بهالعوجيه
عباس:- تمونين بيبي
ايلول:- انوب باوعلي
عباس:- ها ولج شو صرتي سمعت رايده تموتين
ايلول:- بس مامتت
عباس:- تدرين اني سامع العار مايموت بس اليوم تاكدت
ايلول:- والله مكو غيرك عار
عباس:- شوف عمي شوف شطول لسان بنتك
سلام:- تستاهل محد كالك حاجيها
عباس:- هم صوجي
ايلول:- الله يعين ايه لمن الله بلاها بيك
مهيمن:- يي والله صحيح
عباس:- دسكتي اسكتي ؏ اساس انتي الله مابالي علي بيج مو علي
علي:- احلى بلوه الله بلاني
ايه + زهراء:- الللله
ايلول:- باوعتله بتسمت بخجل ودنكت
ايمان:- عين البارده عليكم يمه
عباس:- هاي شني هاي ولك علوش هاي الصخله شمسويتلك وساحرتك
علي:- يمكن جلدك يحكك انت مو
ابتهال:- طبعاً تسحر بهالجمال هذا
عباس:- يا جمال يا عمه حتى الصخله احلى منها
سلام:- اول سد حلكك لكوملك
ايلول:- عبيس ليش ما تنجب
عباس:- والله انكمتلج
روئ:- انتو صايرين مثل الضراير بس تتناكرون
ايلول:- هوه حمار شسويله
عباس:- والله مكو غيرج حماره
مهيمن:- يولي ايلول لا تضلمين الحمار من تشبهينه بعباس
ايلول:- يي والله
عباس:- دنجب انت نجب هوه انت شلونك عاد
عباس:- ولج مريتي تعالي اخذج ونروح اخوتج ما ينعاش معاهم
ايلول:- شفت ايه خزرته لان تخجل عود هههه
مهيمن:- اول نجب احسن ياخذها كم عابت هالوجه
عباس:- والله انماسكتت لكوم اخربط معاني وجهك
حسين:- ليش ما تنجبون ثنينكم ترا مصختوها
ايلول:- بقو واحد يحجي ؏ الثاني
ايه:- ولج تؤمي خومه لسه متوجعه
ايلول:- لا حبيبي ما بيه شي
ايه:- الف الحمدلله
روئ:- والله من كال مهيمن متنه خوف عليج
ايلول:- يروحي
زهراء:- اذا هيه مثل الهايشه اكللها يكفي لا تاكلين هيه تاكل
ايلول:- ضربتها بعكسي
زهراء:- اووي
ايلول:- والله محد غيرج هايشه
زهراء:- نجبي عوبه
روئ:- هههه لازم انتن كل النهار هيج
سجى:- اصلن هذا شي بسيط اربع عشرين ساعه هذا حالهن وحده تعض الثانيه وحده تركض وره الثانيه هيج
ايه:- مثل الكلاب
ايلول:- لا يا كلبه
زهراء:- يي والله
ايه:- الله يعينج سجى
سجى:- معوده اسكتي انةي صبا صايره مثلهن نفس الصنف
روئ:- ههههه الله يساعدج
سجى:- يي والله
ايناس:- ولج ايلول انوب لا تاكلين حاد ماطول هيج سوه بيج انتبهي النفسج يمه
ايلول:- ان شاء الله عمتي
ايمان:- يي يمه استري علينه
ايلول:- ههههه عبالك مدري شمسويه
بيبي:- ولج ايلوله
ايلول:- ها بيبي
عباس:- بيبي ايلول مو ايلوله
بيبي:- نجب انت لا خلفت ؏ وجهك
عباس:- وصلت بيبي
بيبي:- وينج العوبه
ايلول:- ها بيبي ها
بيبي:- انوب اذا اكلتي حد الا اكسر هالكرعان ولج استري ؏ نفسج بدال ماتحبلين
ايلول:- حجيت بهمس عزااا بيبي مو هيج
بيبي:- ولك عليوي
علي:- ها بيبي
بيبي:- عندك هالعرمه انماكدرتلها جيبها عليه اكسرها والله
علي:-لا بيبي سالمه اريد مريتي اني
بيبي:- هيه عاد شلونها مريتك عاب هالحلك انوب مريتو حتى يطلع عينها هالوكحه العرمه
علي:- تخبل بيبي تخبل
ايلول:- ضحكت بخجل والبنات يهمسن يمي
مهيمن:- ابو الشباب راعي شعور الاخوه
علي:- ماتولي
عباس:- اكص ايدي اذا هالوكحه مو مسويتلك بله
الكل:- هههههه
ايه:- عمي شني هاي ولج شهل حب
ايلول:- ههههه
زهراء:- ساحره اخوي انتي
روئ:- طبعاً تسحره انتي بس باعي الهالعيون
ايلول:- هههههه
زهراء:- راح تنجلب علينه كافي تمدحونها
ايه:- نجبي
ايلول:- بقينه ضحك وسوالف اهلي بقو تعشو وسهرو وراحو
............................................................................

2036 كلمه
كلولي شرايكم بالقصه واذا حابين استمر وكل اشكد تحبون انزل بارت ومنو اكثر شخص حبيتو بالقصه جاوبوو مو تغلسونن 😒