الضابط والبصراويه

البارت 25

الضابط والبصراويه........
للكاتبه نبأ محمد.............
قراءة ممتعه פَـياتـ‏ʊ̤ 💘🦋.
ـــــــــــــــــــــــــــــــــــــــــــــــــــــــــــــــــــــــــــــــــــــــــ

علي:- بعد عركتنه اني وايلول من وره ايان الكلب طبيت جوه جنت نار يمكن الي يحجي وياي اجي ابوكس وكاعد ؏ اعصابي شويه واباوع ؏ ايلول كل شويه تعقج وجها قلقت عليها وبقيت اباوعلها شويه وعاطت متوجعا كمتلها ركض مدري شون وصلتها لزمتها واصيح شبيج وهيه بس تعيط متوجعا عاط عمي عمود ناخذها للمستشفى مااهتميت للكل ولا للحجي الي راح ينحجي وشلتها واغمه عليها اباوعلها وجها اصفر خف عليها كلش خفت بالاول كلت يجوز مثل هذيج المره من اكلت حد بس لا هالمره غير من وضعها مبين حطيتها بسياره ومهيمن يسوق وعمي سلام كاعد من كدام وعمه ايمان هم اجت مددت ايلول بسياره راسها  بحضني ورجليها بحض عمه ايمان واحاول اصحيهاومتصحه شكد مااحجي مااوصفلكم شعوري والخوف الي خفته عطت بمهيمن...  لككك ستعجججل ررراح تممموووت
ايمان:- صخام الصخمني ولجج شجااج مااجان بيج شي وفجئه وكعتت
سلام:- ان شاء الله مابيها شي مهيمن ستعجل
مهيمن:- عليي حاوول تصحيهاا
علي:- ماجااي تصحةة ماجااي تصحةة ستعجللل.....  مهيمن يسوق باقصه سرعه المن ما وصلنه المستشفى متت نزلت وشلتها واركض والكل يركض وراي واعيط ؏ الدكاتره عمود يجون يشوفوها اجتي
دكتوره:- شبيها
علي:- ماادري فجه بدت تعيط موجوعه واغمه عليهاا دكتوره سووي شيي
دكتوره:- تمام حطها هين
علي:- اخذتها الدكتوره وطبو ماخلونه ندخل بقينه براا كلنه ؏ اعصابنه واكفين اباوع ولد عمامي وعمامي وجدي حتى ايه جايه واكف والوم بنفسي معقوله بسببي صار بيها هيج معقوله والله اكتل روحي ياربي لا تفجعني بيها هاي روحي طلعت الدكتوره ورحنالها نركض كلنه...  بشري دكتوره
دكتوره:- البنت متسممه وحالتها خطره وحتمال نخسرها
سلام:- شنووو
علي:- ششنو متسممه شدتحجين دكتوره
دكتوره:- يي متسممه ولازم نسويلها غسل معده بسرعه قبل لا نخسرها
ايه:- دكتوره فدوه سوي اي شي بس لا يصير شي باختي
سلام:- دخيلج دكتوره
مهيمن:- لا تبقين واكفه تحركي سوي اي شي
دكتوره:- لا تعيط
علي:- مهيمننن نجببب دكتوره الله يخليج سويلها غسل معده شسوين سوي بس لا يصيرلها شي
دكتوره:- تمام
علي:- فاتت الدكتوره حتى يغسلون معدتها كعدت وحطيت ايدي ؏ راسي وادعي ياربي دخيلك بجه العباس ابو فاضل لا تاخذها مني بجه محمد ياربي دخيلك دخيلك يالعباس لا تاذيني بيها ياربي ايلول حبيبتي وعمري وكل حياتي دخيلك احفضها الي
ايه :- ابجي اخخ ولج ايلول مابقه شي ما صار بيج وينج ماما تعالي شوفي شصار ابناتج من رحتي
ايمان:- ابجي..  كافي ياامي ان شاء الله مابيها شي لا تسوين هيج
مهيمن:- ايلول قويه وما يصيرلها شي ان شاء الله
همام:- بس هيه شون اتسممت
عباس:- مو وكتها هسه همام خلي ايلول تصير بخير وتعدي ؏ خير والكل حادث حديث
همام:- ياررب ان شاء الله ماعليها شي
ايه:- اووف ياخيتي اووف ششوفين انوب
سلام:- كافي بجي بويه ادعيلها هيه هسه بحاجه الدعاء وبس
علي:- اباوع الكل تدعي كمت رحت توضيت اكو غرفه مالت صلا بالمستشفى رحت كعدت اصلي وادعي حتى مااخسرها لان اموت والله بقيت اصلي وادعي يمكن ساعه وجان اكوم طلعت رحت يمهم...  ها بعدها
همام:- يي بعدها
علي:- هزيت راسي وكعدت والخوف محتل كلبي اخاف عليها من الهوى والله العظيم كعدت ؏ اعصابي وانتضر وره ربع ساعه طلعت الدكتوره رحنالها ركض
جدي:- بشري بويه
الدكتوره:- الحمدلله سوينالها غسل معده وهسه راح نحطها بالعنايه لان لسه فاقده
ايه:- الف الحمدلله ياربي
مهيمن:- لطفك يارب 
ايمان:- يارب دخيلك
سلمان:- خومه اكو خطر ؏ حياتها
علي:- يابه دحجي  مو فتيتي كلبي
دكتوره:- لا لاتخافون الحمدلله عدت مرحلت الخطر بس لازم انحطها بالعنايه اربعه عشرين ساعه لان نخاف كلشي يصير وحتمال تبقه فاقده الباجر
علي:- دكتوره الله يخليج احجي الصحيح خومه بيها
دكتوره:- لا والله بس كتلكم لازم تبقه بالعنايه
عباس:- مانكدر نشوفها
دكتوره:- لا لمن متصحه
علي:- راحت الدكتوره ونقلو ايلول للعنايه اباوعلها من الجامه شحالها اخخ يبت كلبي شصاير بحالج بس الحمدلله المهم تصيرين بخير
الممرضه:- لو سمحتو ميصير كلكم تبقون هنه بس اثنين يبقون لان دتسوون ازدحامات
سلام:- ماشي بويه هسه نفض
جدي:- ميصر كلنه نبقه ثنين يبقون والباقي يرجعون
ايه:- جدي اني ابقه
سلام:- لا بويه انتي ترجعين يكفي من الضهر لسه تبهدلتي
ايه:- ميخالف بابا مكدر اعوف اختي
ايمان:- امي انتي روحي اني ابقه ومهيمن
ايه:- عمه الله يخليج خلوني ابقه هنه ماارجع ؏ البيت الله يخليكم
ايمان:- انتي حامل مو زين الج تتعبين
ايه:- ماعليه شي اني باقيه وانتي ارجعي
ايمان:- بس
جدي:- هاي هيه ايه تبقه ومنو يبقه وياها
سلام:- اني
جدي:- لا انت ترجع مهيمن يبقه احسن منك
مهيمن:- يي يابه انتو روحو اني ابقه
جدي:- خوش بويه ديرو بالكم ؏ نفسكم واذا صار اي شي اتصلو
مهيمن:- حاضر جدي
جدي:- يله علي
علي:- اني هم ابقه
همام:- بس ميخلون بس ثنين
علي:- اني اتصرف
مهيمن:- لا علي روح انت هم ارتاح
علي:- خلص مهيمن انهي اني هم باقي وهسه احجي ويه لدكتوره
جدي:-هاي هيه انتو ابقو
علي:- راحو كلهم بقينه بس اني ومهيمن وايه واني حجيت ويه الدكتوره عمود ابقه وقبلت بقينه ننتضر برا دك جهازي باوعتله اسد جاوبت....  الو
اسد:- هاا كواد وينك اليوم مكو حتى مااجيت للمركز
علي:- بالمستشفى
اسد:- خيرك خومه اكو شي
علي:- يي ايلول متسممه
اسد:- يا ستار خومه بيها شي احجي ولك
علي:- سولها غسل معده وفاقده وبالعنايه هسه
اسد:- خطيه وشونها هسه
علي:- يكولون احسن تعدت مرحله الخطر بس ينتضرونها تصحى
اسد:- مابيها غير العافيه ان شاء الله وشون تسممت ماعرفتو
علي:- حالين كلشي مانعرف بس نريدها تكوم بخير
اسد:- لا تخاف ايلول قويه وتعديها مثلها مثل غيرها والله
علي:- الله يسمع منك
اسد:- انتضرني هسه جايك
علي:- لا وين تجي
اسد:- دنجب ترا ايلول اختي
علي:- اعرف يول بس ميخلون احد للصبح
اسد:- هسه شلون
علي:- عود الصبح تعال
اسد:- امري ال الله ماعندي غير حل بس برك اي شي يصير خابرني
علي:- ان شاء الله
اسد:- ما محتاج شي بربك
علي:- سلامتك والله
اسد:- الله يسلمك ولا تخاف ان شاء الله مابيها شي
علي:- ان شاء الله
اسد:- يله يابه مع السلامه
علي:- مع السلامه...  سديته منه ورجعت يمهم باوعت ايه نايمه ؏ كتف مهيمن ومهيمن هم شكله غافي الساعه ب 3 واني ما غمضتلي عين رحت للدكتوره بالكوه خلتني اطب اشوفها لبست ملابس من المستشفى نطتني 10 دقايق طبيت للغرفه اباوع عليها شون ايديها كانونات ووجها اصفر مثل النوميه رحت كعدت يمها بعمري ما جنت متوقع اشوفها هيج لزمت ايدها وبستها وكمت احجي...  حلوتيي يله كافي نوم نمتي هواي يله كومي اشتاقيتلج بنيتي دتسمعيني اصحي واوعدج اغير حياتج واخليها كلها ورديه بعد ماازعلج بيوم ولا اخلي احد يزعلج يروح روحي انتي تدرين شكد احبج واموت بيج انتي احلى شي صار بحياتي ارجعيلي وكافي تخوفيني عليج هيج والله اخذتي نص حيلي بنيتي حلوتي قزومتي كافي نوم يروحي...  بقيت احجي وياها الحد ما طبت
الممرضه:- خلص الوقت لو سمحت تفضل
علي:- هزيت راسي وكمت دنكت بستها براسها وطلعت شفت ايه كاعده
ايه:- ها شفتها اني هم اريد اشوفها
علي:- ما يرضون اني بالكوه
ايه:- شلونها
علي:- مثل متشوفينها
ايه:- كمت ابجي ايمت تصحه والله تعبت راح اموت من الخوف
علي:- حطيت ايدي ؏ كتفها..  كافي ايه نسيتي هاي ايلول القويه
ايه:- شنو راح يصير وياها بعد والله اني مليت من عندي
علي:- الله كريم ان شاء الله تكوم وتصير سوالف
ايه:- ان شاء الله
علي  :- شويه وكعد مهيمن هم وسئل عليها والبنات وعمي سلام كل شويه واحد يخبر يسئل عليها صار الصبح واجوي هم الكل
سلام:- هوووف ايمت راح تصحه
جدي:- الله كريم بويه ماسئلتو الدكتوره
مهيمن:- كالت كلشي كنكدر نسوي الحد ما تصحه
سلمان:- الله كريم
علي:- كاعد وحدي اجتي
ابتهال:- شصاير بحالك من البارحه لسه يا يمه
علي:- شسوي يمه
ابتهال:- اذا تحبها هيج ليش سويت بيها هيج وطلقتها
علي:- يمه رحمه الهذاك الرجال ترا والله مابيه حيل حتى احجي
ابتهال:- الله كريم بعون الله ايلول ماعليها شي
علي:- ان شاء الله...  شويه والدكتوره والممرضين اجوي يركضون للعنايه واحنه ما مفتهمين شي...  شكوو شصاررر
مهيمن:- شبيكم ايلول بيها شييي
ايه:- عزاا العزانيي راحتت اختيي
سلام:- احد يفهمنه شديصيررر
عباس:- ولكم احد يفهمنه شصارر
علي:- كلشي ما مفتهمين بس ركض ونعيط نريد نعرف شكو محد يحجي احس كلبي راح كمت احجي بيني وبين نفسي خسرتهاا هاي هيه خسرتهاا..  حسيت شي حار نزل من خشمي حطيت ايدي باوعت دم
همام:- علي خشمك دينزف تعال اكعد
علي:- وخرر مابيه شي
ابتهال:- يمه اكعد ان شاء الله مكو شي
علي:- بس عوفونيي
اسد:- عليي شكو شصاير شبيهم الدكاتره يركضون
علي:- مااعرف مااعرررف اسدد خااف بيهاا شيي
اسد:- هشش ان شاء الله مابيهاا شيي اسكتت
علي:- بقينه نعيط نريد نفتهم شكو ومحد يحجي شويه وطلعت الدكتوره رحنالها ركض...  ددكتووره ششصااررر شبييهاا
ايه:- الله يخليج احجي
دكتوره:- لا تخافون صحت الف الحمدلله ؏ سلامتها
علي:- بفرحه..  تحجين صدوك دكتوره وشلونها هسه
ايمان:- الف الحمدلله ياربي
الكل:- الف الحمدلله
مهيمن:- لعد ليش جنتو دتركضون وخوفتونه
دكتوره:- لا النبض عدها توقف وبقدره الله رجع كلبها ينبض هاي معجزه بالنسبه النا لان حالتها نادره
علي:- الف الحمدلله ياربي
ايه:- الف شكر وحمد الك ربي
علي:- كلنه فرحنه يمكن الفرحه الي اني بيها اليوم ماتسع الدنيا كلها حضنت اسد
اسد:- ههه الحمدلله على سلامتها يابه
علي:- الف الحمدلله
ايه:- دكتوره نكدر نشوفها
دكتوره:- يي بس لا اتعبوها لان هستوها صحت
ايه:- اكيد اكيد
علي:- كلهم فاتو بقيت بس اني مدري ليش مافتت اتمنه اشوفها وحده حتى احضنها حضنه اكسر ضلوعها بيها
اسد:- ليش مافتت
علي:- معرف
اسد:- امش امش كدامي فوت صارلك يومين حالتك حاله ومن صحت ماتفوت تشوفها
علي:- يله امشي خلي نطب
اسد:- يله
علي:- طبينه جوه الكل موجوده ايه وعمه ايمان ومهيمن كاعدين يمها من طبيت باوعتلي...  الحمدلله ؏ سلامتج بت ايلول...  جنت اريد اكللها بت كلبي بس تلاحكت نفسي
...................................................... 
ايلول:- فتحت عيوني معرف اني وين احس كلشي بيه يوجعني حجيت بالم...  ااني ووين
الدكتوره:- الحمدلله ؏ سلامتج انتي بالمستشفى
ايلول:- شصار ليش كلشي مااذكر
الدكتوره:- تعرضتي التسمم وصارلج يومين فاقده الوعي وبالعنايه والحمدلله هسه صحيتي
ايلول:- اهلي وين وعلي وين
الدكتوره:- اهلج برا ومعرف بيا علي دتحجين بس اكيد برا وياهم اذا من اهلج
ايلول:- احس كل جسمي يوجعني
الدكتوره:- لان هستوج صحيتي ارتاحي انتي هسه اهلج راح يفوتون يشوفوج
ايلول:- هزيت راسي واحس نفسي دايخه شويه وطبت اول وحده تؤمي
ايه:- ايلوول
ايلول:- اجتي ركض حضنتني وتبجي
ايه:- يعمري يروحي انتي ولج موتيني خوف عليج والله يجي يوم واموت من وراج
ايلول:- ااسم الله عليج اني بخير لا تخافين
مهيمن:- ايلول
ايلول:- اجا مهيمن هم حضني
مهيمن:- يروح اخوج ولج هديتي حيلي
ايلول:- لا تخاف اني زينه..  واجا بابا هم
سلام:- بنيتي سبعد كلبي يولي شسويتي بينه من البارحه لسه موتينه
ايلول:- لا تخافون اني بخير...  الكل اجتي وحضنتني وتحمدتلي ؏ السلام وعمه ايمان هاي امي الي ماجابتني من كد الحنيه الشايلتها علينه اباوع ؏ الكل كلهم موجودين بس هوه معقوله مااجا بس الي اتذكره هوه شالني شويه وطب هوه واسد وتحمدلي ؏ السلام ورديت علي بتعب..  الله يسلمك
علي:- شلون صرتي
ايلول:- هزيت راسي بخير
اسد:- الحمدلله ؏ سلامتج خويه مابيج غير العافيه
ايلول:- الله يسلمك..  اتصلن البنات وعمه ايناس وبيبي كامره
بيبي:- ولج عرمه والله الا نموت فد يوم من وراج
ايلول:- هههه شعليه اني
بيبي:- كل كميوم صاير شي
مهيمن:- قابل بكيفها يا بيبي
ايناس:- الحمدلله ؏ سلامتج يمه ولج شسويتي بينه
ايلول:- الله يسلمج الحمدلله شنسوي
روئ:- ابجي..  ايلول
ايلول:- يروحي ها شبيج تبجين
روئ:- خفنه عليج
زهراء:- خفنه نخسرج ايلول
ايلول:- ولجن كافي بجي هاي اشبيجن هياتني مابيه شي والله كافي بجي
روئ:- يي بعد ما نبجي اسكتي زهراء
زهراء:- دسكتي انتي بالاول
روئ:- هياتني سكتت
زهراء:- اني هم
ايه:- هههه ولجن كافي
ايلول:- يعمري انتن
زهراء:- ايمت تطلعين
ايلول:- مهيمن ايمت اطلع
مهيمن:- يمكن الباجر
زهراء:- الله كريم
همام:- يبو ايلول لو تشوفين شصار تحسين فلم هندي
عباس:- يي والعباس غير انكلبتلج مناحه
ايلول:- ياااا
همام:- عباس عباس
عباس:- خير
همام:- والله بعد مااتعارك وياك بس ارجعلنه
عباس:- وبعد مااخذ ملابسج
همام:- وبعد اذا تكليلي صخله مااكلج هايشه
زهراء:- نجبو وجع
عباس:- ههههه اخخ يابةةة
همام:- ينعل يومجن هههه
ايلول:- هذوله شديحجون
ايه:- ديقلدون ؏ روئ وزهراء من دخلتي بالعنايه جانن يبجن ويحلفن بعد مايعاركنج
ايلول:- ههههه هاي صدوك عود
عباس:- يي والله
روئ:- مهيمن احجي شي
مهيمن:- دعوفوهن عاد لكوم اسحلكم
همام:- نجب انت
ايلول:- يا ؏ـﻣࢪي بس الي تجذب اسحلها من عطوبها
زهراء:- نجبي لا تصدكين اصلآ احنه مكلنه هيج
عباس:- جذب احنه شاهدين
ايلول:- بقو عباس وهمام يجاكرون البنات واحنه نضحك...  ولكم كافي حتى بطني كامت توجعني
همام:- فوك منضحكج
ايلول:- يي ضحكوني بس مو هيج
ايه:- ونبي الحد هسه ممصدكه الي صار احس نفسي بكابوس وصحيت منه
ايلول:- يا عمري
همام:-  ولج ايلول لو تشوفين ايه خطيه هيه وكرشها وبجيها جن جايبينها من سوق الجمعه
ايلول:- هههه
ايه:- وجع
عباس:-  سد حلكك لك
همام:- دااجذب شي
عباس:- ها لا والله ههههه
ايه:- بسيطه عباس بسيطه
همام:- اليوم تنام بالحوش ههههه
عباس:- نجب انت لا مريتي ايوشتي اني مو عليج
مهيمن:- دسد حلكك احترمني اخوها
عباس:- انت بيش الكيلو ههههه
مهيمن:- شون يريد اكوم اسحله
سلام:- كافي ولكم عوفو ايلول ترتاح
ايلول:- بقيت اضحك وياهم رغم جنت متوجعه بس حتى الوجع نسيته باوعت العلي شفته صافن بيه يربي هسه اذا احد شافه شيكول مدري اسد شهمسله ونزل عيونه
........................................
علي:- كعدت واباوعلها وشون تضحك وياهم والله ما مصدك عدت ؏ خير ورجعتلي ايلول كاعد اتاملها وناسي الكل الحد ما همس
اسد:- ولك عليوي راح تفضحنه راح تاكلها للبنيه بنضراتك الكل راح ينتبه عليك
علي:- ما مصدك اسد رجعتلي
اسد:- صدك صدك رجعتلك بس لا تبقه مطي وحاول ترجعها الك
علي:- ان شاء الله
...........................................
ايلول:- بقينه هاليوم هم بالمستشفى وثاني يوم سوو ورق التخريج وطلعوني ما صدك اطلع تعبت من المستشفى وصلنه للبيت ذبحو جوه رجلي وطبيت جوه وايه ومهيمن لازميني رغم اكدر امشي اجني البنات يركضن
روئ:- ايوو
ايلول:- يروحي..  حضنتني وتبجي
روئ:- الف الحمدلله ؏ سلامتج
ايلول:- الله يسلمج يعمري كافي بجي
زهراء:- ايلول يعمري ولج والله ممصدكه رجعتيلنه
ايلول:- حضنتزي وتبجي ولجن كافي بجي الحمدلله والله مابيه شي
زهراء:- طبي طبي
ايلول:- طبيت جوه وصاحتني بيبي رحتلها بوستني بخدي
بيبي:- ايلوله العريمه الحمدلله ؏ سلامتج
ايلول:- ههه الله يسلمج ؏ـﻣࢪي...  اجتي عمه ايناس والكل تحمدولي ؏ السلامه طلعت الغرفتي سبحت وغيرت ملابس وكله بمساعدت البنات طبعاً خلصنه ونزلت جوه لكيت هدى هم جايه رحت يمها وحضزتني
هدى:- الف الحمدلله ؏ سلامتج والله شكد خفت عليج
ايلول:- الله يسلمج ؏ـﻣࢪي
هدى:- والله من كلي اسد كاعده واصلي وادعيلج والف الحمدلله الي صرتي بخير
ايلول:- يعمري انتي
هدى:- وشلون صرتي ان شاء الله احسن
ايلول:- لا الحمدلله زينه....  الكل بقه اتغده وجدي عازم هوايه ناس تغدينه وكملنه وناس بقت لليل تروح وتجي علي ما شفته من جنت بالمستشفى صار الليل وطلعت انام رادو ينامون وياي بس اني مارضيت همه هم تعبانين جانو ياي بالمستشفى ف بقيت وحدي رحت للجرباي كبل نمت بين النايمه والكاعده حسيت احد ديبوس بايدي عبالي حلمانه بس سمعت صوته وعرفته علي ديحجي
علي:- حلوتي كومي خلي اشوفج
ايلول:- فتحت عيوني وشفته كبل كمت
علي:- ؏ كيفج
ايلول:- هاي شابك هنه شون طبيت الغرفتي وشدسوي
علي:- اجيت اشوفج
ايلول:- عزاا كوم اطلع لا احد يشوفك كوم
علي:- لا تخافين محد يشوفني
ايلول:- لزمني من ايدي وسحبني علي حضني بقوه...  علي شدسوي
علي:- هشش اسكتي مشتاقلج ولج شسويتي بيه والله ردت اموت من وراج
ايلول:- شعليه اني
علي:- كد ما خفت عليج ايلول تدرين شصار بحالي تمنيت ميت ولا شايفج هيج
ايلول:- صارت ردت فعل وحجيت.. اسم الله لا تحجي هيج...  بعد مني وبقه لازمني من خصري باوع بعيوني وحجه
علي:- تخافين عليه
ايلول:- نزلت عيوني..  لا مااخاف بس اي احد غيرك جنت حكول هيج
علي:- بس اني اخاف عليج
ايلول:- وشسويلك
علي:- ايلول باعيلي اشو
ايلول:- با وعتله
علي:- مشتاق لعيونج الخضر
ايلول:- احس كلبي طبل..  علي فدوه روح لا احد يشوفك ويسويلنه مشكله
علي:- لا تخافين محد يشوفني
ايلول:- انت شلون فتت
علي:- زهراء ساعدتني
ايلول:- زهراء وشون قبلت
علي:- اني جبرتها
ايلول:- بده يتقرب مني اكثر ويحجي
علي:- مشتاقلج بكد رحمه الله بنيتي
ايلول:- علي وخر
علي:- ايلول
ايلول:- علي وخر عوفني روح من هنه
علي:- ايلول بس هالمره
ايلول:- لا علي لا وخر مني فدوه...  ما هتم الحجيي حاولت ابعده بس مكدرت واكون اكبر جذابه اذا اكلول ما مشتاقتله تقرب مني واخذ شفتي بين شفايفه واني ادفع بي بس مكدرتله اخذ شفتي الجوه وبقه يبوس بيه انوب ؏ شفتي الفوك الحد ماختنكت وبعد مابيه اتحمل بديت اضرب بي نبتت اضفري بكتفه وبتعد وكصته ؏ كصتي ويتنفس سريع
علي:- هسه لو يموتوني اكون فرحان
ايلول:- ليش سويت هيج
علي:- ماكدرت ماسيطرت ؏ نفسي مشتاقلج والعباس
ايلول:- وخر مني علي وخر واطلع من هنه
علي:- لا تزعلين مني ايلول بس مكدرت ابتعد
ايلول:- وخرت منه فدوه اروحلك روح لا احد يشوفك
علي:- تمام رايح بس انتبهي ؏ نفسج ايلول ترا يكفي الي صار بيه من خوفي عليج
ايلول:- تمام بس روح
علي:- احبج
ايلول:- ما رديت علي مشه ورجع باوعلي..  روح الله يخليك
علي:- ماشي بت كلبي
ايلول:- طلع ورحت باوعتله من الجام شويه وصار برا بقيت اباوعله الحد ما ركب سيارته وراح كعدت ؏ الجربايه وحطيت ايدي ؏ شفايفي وحجيت...  ليش قبلت تبوسني شصارلي من تقربت الي اووف عليي اووف بجيت لو ما صاير الي صار جا هسه  عايشين احلى عيشه وحتمال حتى جهال صار عدنه بس انت خربت حياتنه وهسه تحاول تصلحها...  سمعت صوت جهازي باوعت رساله من علي كاتب بيها
💬/ صار كم شهر واني عطشان واليوم ارتويت احبج حلوتي واوعدج راح اصلح كلشي
ايلول:- قريتها وما جاوبت شي..  مو بسهل ارجعلك يا علي مو بسهل تعوذت الشيطان وكمت توضيت وصليت ورجعت دنام ومكدر احس ابصار دينعاد كدامي بقيت كاعده للصبح.......
ــــــــــــــــــــــــــــــــــــــــــــــــــــــــــــــــــــــــــــــــــــــ
هلووو يحلوووين شرايكم بالبارتت لا تنسون التصويت وتعليقات حلوه مثلكم + اسفه ؏ الاغلاط 🥲.