Ta hasi kalor. E fan den huki ta hasi mas boroto ku e ta manda bientu. Kamber ta hòrná, lo bo por hasa un webu den e kamber aworakí. Papiando di webu, esnan di Sergio ta blou blou yen yen hincha. E ta papiando ku Amanda via un videocall.
"lagami wak bo gas, yen kos bo ta papia lagami mira awó" Amanda ta yama afó.
"bo tin sigur? Pa aki ratu mi no tende ta ami ta ònbeskòp" Sergio ta kontesta. "ademas e ta na soño, bo ta yudami lant'é?"
"kon bo ke mi yudabu ? mi no tin un idea" Amanda ta bisa miéntras e ta lanta para dilanti e pantaya. E kansion dos catorce di Rauw Alejandro ta toka den background i Amanda ta baila sensual riba e ritmo.
Amanda ta for di kondishon. E a laga su kurpa bai. Den su bista su tete nan ta kologá, su barika ta grandi i su sanka nan ta plat i hanchu. E no ta ni kòrda delaster bes ku e a sinti su mes sèksi. Pero
Sergio ta pone sinti manera un reina.
Amanda ta sigui baila. E sa bon bon ki e ta hasiendo pero ta hunga kèns i hinka su man bou di su shirt. Ku bèrgwensa pero kayente pa sa e reakshon e ta kita su BH.Sin pèrdè kontakto ku e wowo nan e ta keda wak kon Sergio ta atmirá e show otro banda di e pantaya.
Amanda ta mira kon Sergio ta len patras i kita su karson. Amanda ta gusta kon eksitá Sergio ta. E ta mira kon Sergio ta tene e kos diki pretu ey den su man. E stima ora e trèk e kueru patras saka e kabes lombrá muhá.
Amanda ta hala mas serka pe gosa mihó. E ta buk dilanti e pantaya i su pechu nan ta kologá den e frame di bista. E ta morde su lep i puntra ku su stèm mas sèksi posibel "he eh, ta ken bo ke mata ku e arma ey? ta ami tin bo asina papi?"
Sergio ku no por kontené su eksitashon ta kuminsá move su man i masturba mas agresivo.
"si, hala e koi p'ami, trèk e brutu, choke bon. Sinti kon pèrtá mi ta" Amanda ta tenta i apoyá alabes.
No ta dura hopi promé e tende kon Sergio ta keña i spùit susha tur su man i karson.
Sin por a sasia su kandela kompletu Sergio ta puntra "ki dia nos por topa personal pa kaba mami?"
"ami ta kla kla aki. Ta abo tin ku yega. Bo sa ku ami no tin manera di bini" Amanda ta kontesta.
Sergio por mira i sinti e desapunto den Amanda su kara ora e kòrta e yamada. E tin ku bai traha.
"dependé ki ora mi kaba mi lo bèl bo" Amanda ta primintí promé e sera.
Sergio di paden tin hinter un kombersashon ku su mes.
Mi gust'é hopi mes. Ta ku n'e mi ke ta aunke e a menasa kaba ku e lo kuminsá papia ménos. Su atrakshon na ami ta oumentando kada dia mas. Pero si mi no por yega no tin motibu pa e sintimentu nan sigui krese.
Kaya ta hot tambe. Tin bòshi kaiman na boka di riu. Mi sa ku tin basta hòmbu su tras na Boneiru ey. Ami, no ke kompetí pe mas. Mi ke pa e sa i mira ku ta ami ta esun pe. Mi ke ta ku n'e.
Ta ora pa mi tuma un riesgo i demostrá esei. Mi lo mustr'é ki ku mi ta kapas pa hasi tur kos pe.
Un ticket pa Boneiru ta fuera di mi alkanse. Apénas tin sèn. Pero mi a logra bende tur kos den kas i ta kasi kla pa bai. Mi a keda blo bashí pero esaki lo ta e solushon. E trep pa Boneiru lo ta e eskape, e komienso nobo i fresku ku mi meresé.
Porfin e dia a yega.
Sergio su kurason ta te den su garganta. Apénas e por hala rosea di nervioso ku e ta. Den su ardu nan no tin sanger ta sirkulá mas. Ta puru emoshon i eksitashon.
Di tur manera a purba prepará pa e momentu aki, awor te ora di bèrdat.
Ayera nochi mi no por a drumi mes. Den mi kabes mi a keda repasá e akshon aki mas ku mil biaha.
Ta un lugá deskonosí. Nunka e a bini aki nan.
Shit, mi no ke sigui mas. Mi tin miedu. Ma kambia di idea mihó mi bira bai kas bek. Pero no. Mi tin ku mustr'é ku no ta hende pendeu mi ta. Mi ke ofresé tur kos, mi ke nos gosa di un bida sin preokupashon pa maske ta un ratu.
Desidido Sergio ta sigui ku su plan. E bientu fresku di anochi ta supla riba dje. E ta soda friu. Mas serka e yega mas pisa su stap nan ta bira.
E por mira e dama ta kana paden dor di e porta ku ta habrí. E stèm interno ku ta splik'é pe stòp ta keda hisa di volúmen.
Sergio ta tapa su kara ja asina e por sorprendé e dama.
KEDA KETU. Sergio ta grita e stèm interno ku ta ras den su kabes. Mi mester hasi e kos aki. Bo ke ta felis òf no?
Sergio su man ta tembla. E no por guli mas. Bira bek? No awor ta muchu lat.
E dama ta bira wak e. Sergio por mira su preokupashon i tòg un tiki alivio den su wowo nan.
Ta aworakí òf nunka. Sergio ta hisa su man. Su pistol nikel nikel ta bria manera un djamanta den e lus di e toko.
"No move !" Sergio ta grita e dama Chines. "Ta un atrak..."
Un zonido su tras.
Sergio ta bira.
Ta un hòmbu
E tambe tin arma den man i ta drei pareu ku n'e.
Den e toko tin vários hende drumi yen miedu abou.
Sergio ta realisá e momentu ei ki ta pasando. Meskos ku n'e e hòmber a bin tira un atrako.
E si tabata mihó prepará ku Sergio. E hòmber si tabatin un plan i a no a aktua riba emoshon. E si a kòrda di bisti un kapuchon ku ta tapa tur kos ménos su wowo nan.
E hòmber ta mik riba Sergio, pero su arma ta pega. E ta keda bringa ku n'e.
Spantá pa su mes bida Sergio na su turno ta apunta su pistol ku no tin ni bala aden. Temblando i gagando e ta grita un menasa bashí "Stòp, st st stopp. No, no hasi moveshon"
E hòmber ta keda toffer ku su arma. E ta hisa kabes wak Sergio. Bo por mira su sonrisa ta forma bou di e maskarada pretu. E a resolvé e problema i su man ku e pistol ta bayendo laria direkshon di Sergio.
Un tiru.
Tur kos ta bira pretu.
E kurpa ja sin bida ta kai abou duru i friu manera un blòki eis.
Kon por ta posibel? E arma no ta tin ni municion. E guy ku a dunami e a garantisá mi esaki.
Polis i ambulans ta kore yega. Sergio a pèrdè speransa. E no ke kore e ta entrega.
Prensa tambe ta djis den bocht.
Tur hende ta kontentu i orguyoso di Sergio. Mañan e headline nan den korant lo ta –héroe ku a stòp atrakador nan na toko chines-
