အပိုင်း- ၅။
ဝမ်အိမ်တော်မှာ နေရတဲ့အချိန်တွေက သိပ်ကိုသက်တောင့်သက်သာရှိတယ်။
အရင်တုန်းကလို အဆိပ်သုံးရတာမျိုး၊ သေနတ်နဲ့ဖြေရှင်းရတဲ့ အလုပ်မျိုးဆိုရင်တော့ အခုချိန်လောက်ဆို ဝမ်အိမ်က သတင်းမှန်သမျှ ရှောင်းကျန့်လက်ထဲ ရောက်နှင့်နေလောက်ပြီ၊ လူသေအလောင်း မလိုသေးတဲ့အလုပ်ဖြစ်နေတော့ ခါတိုင်းထက်သတိထားပြီး ဖြည်းဖြည်းချင်း လုပ်နေရတယ်။
အားနေတဲ့ရှောင်းကျန့်က နေ့ဘက်တွေဆိုရင် ဝမ်အိမ်တော်ရဲ့ ကိုယ်ပိုင်စာကြည့်တိုက်ထဲမှာ အချိန်ကုန်တာများတယ်၊ တစ်ခါတလေ ရှန့်အားရီဆီသွားပြီး ဖက်ထုပ်လုပ်နည်း သင်တယ်၊ ပျင်းလာရင်တော့ ခြံထဲ လမ်းဆင်းလျှောက်တယ်။
ဝမ်ရိပေါ်ကတော့ သူ့အလုပ်တွေ စောစောပြီးခဲ့ရင် ရှောင်းကျန့်နဲ့ ညစာအတူစားတယ်၊ ပြီးရင်တော့ ရေချိုးခန်းကနေအိပ်ရာပေါ်ထိ ရှောင်းကျန့်နားကနေ မခွာတော့ဘူး၊ ဝမ်ရိပေါ်က ရှောင်းကျန့်ဘက်က တစ်ညလုံး အချိန်ပိုဆင်းပေးရင်တောင် မလုံလောက်ချင်ဘူး။
အပြင်က နောက်ကျမှပြန်ရောက်လာရင် ဝမ်ရိပေါ်ဆီက အရက်နံ့လှိုင်လှိုင် ရတတ်ပြီး၊ မြေအောက်ခန်းက ပြန်တက်လာတဲ့ အချိန်တွေဆိုရင်တော့ သူ့ဆီမှာ သွေးနံ့တချို့ ကပ်ပါလာတတ်တယ်။
အဲ့လိုနေ့တွေဆိုရင်တော့ ဝမ်ရိပေါ်က ရှောင်းကျန့်ဆီမလာဘဲ ရေချိုးခန်းကို တန်းသွားတယ်၊ ပြီးမှ ရှောင်းကျန့်ရင်ခွင်ထဲ တိုးဝင်ပြီး တစ်ညလုံး ငြိမ်ငြိမ်လေး အိပ်တတ်တယ်။
ဘယ်လိုပဲကြည့်ကြည့် ဝမ်ရိပေါ်ပုံစံက ရုပ်သေးအစိုးရကို ဆန့်ကျင်တဲ့လူတိုင်းကို ဖမ်းပြီးညှင်းပန်းနှိပ်စက်တတ်တဲ့ အလိုတော်ရိခွေးတွေနဲ့ သိပ်မတူဘူး။
ဝမ်ရိပေါ်က အလိုက်သိပြီး ရှောင်းကျန့်လိုတာကို ဂရုတစိုက် ဖြည့်ဆည်း ပေးတတ်တယ်၊ သူများကိုဂရုစိုက်တာမျိုး မလုပ်ဖူးတဲ့လူလိုမျိုး အလွဲအချော်လေးတွေတော့ ရှိတတ်တာပေါ့။
အိမ်က အလုပ်သမားတွေကလဲ ရှောင်းကျန့်ကို ကောင်းကောင်းမွန်မွန် ဆက်ဆံကြတာမို့ သူအရင်ကရောက်ဖူးတဲ့ အာဏာရှိ အသိုင်းအဝိုင်းတွေလိုမျိုး စိတ်မသက်မသာ ဖြစ်စေတာမျိုးမရှိဘူး။
YOU ARE READING
The Winds of May •COMPLETED •
Fanfiction⚠️ Republic Era, Spy war noir, BJYX, Yizhan. - The Winds of May coax flowers into bloom - I do not own this story. Authorized translation. All right reserved to original writer: Stickmarionatte「AO3」 Full credit will be given to owners of all images...
