#البارت_الخامس
#عشق_بغدادي
قال
أدعو عليكي أن تصابي بدائي
وتموتي شوقاً ميتة
الأحياءِ
وتسيرين بين العاشقين معذبا
ظمآنٌ مثلي دون رشفةِ
ماءِ
فقلت:
أهلاً بداءٍ أنت منهُ دوائي
في عشقك ما أجمل البلاءِ
يا معشر العشاقِ إني ميت فيه
وفيه لا أريدُ عزائي
................
محمد..... اشوف ام مصطفى كبالي واني كلش تعبان
ام مصطفى..... اشبيك اخيي ليش هيج حالتك شصاير وياك
محمد... 🥺 راح تروح من عندي كليلي شسوي
جايينهة وسمعت ابوهة يكول لخميس الله كريم 😭احس روحي بيهة تعبان مااكدر افكر
ام مصطفى..ولحل تبقى هيج روح انت اخطبهة اذا انت صدك تحبهة
محمد.... بس ممفاتح اهلي بالموضوع كلت باجر احجي وياهم
أم مصطفى..... ليش باجر خير لبر عاجلا كوم هسة احجي وياهم وانت راسل حبيبتك خلي تفهم اهلهة مموافقة على هذا لزواج ليش هيج تسوي بنفسك وانت تحل مشاكل لناس بس متكدر تحل مشكلتك انت ممسوي شي غلط
خوما تبقى طول العمر بدون زواج اذا مو اليوم باجر تزوج
محمد..... ام مصطفى واذا رفضو وانتي تعرفين بسبب زوجة اخوج لجبير ميردون بعد جنة من بغداد يكولون كلهن نفس لطبع واني مالي خلك احجي
أم مصطفى..... لا مو بكيفهم هاي حياتك وانت حر بيهة انت الي تتزوج مو همة
يلة كوم وياية وبعد لعشة اني وانت نفتح لموضوع وياهم روح اطلع بره البيت ارتاح اشوية او اكلك شي لا اتصل عليهة هسة انت ترتاح 😊
محمد.... اي والله لو اسمع صوتهة ارتاح اوووووف 😔
يلة تمام اني طالع
ام مصطفى..... الله وياك حبيبي
........
زهراء...... من هيج سمعت احس كلشي توقف لحظة..
بس شتتني كلامهة 😟
حوراء. حوراء
حوراء..... ها يروحي شتردين
زهراء..... هلو بابة الله يساعدك يعمري
الاب... هلا بنيتي ويساعدج
زهراء.... تعالي احجي وياج شوية
حوراء.... يلة جاية
....
زهراء..... امي موكالت لا تفتحين لموضوع كدام بابة ليش كلتيلة 🥺 لهدرجة بقائي ثكيل عليكم يعني شنو اني ماعندي رأي ولا كلمة ترى هاي حياتي اني الي اختارهة مو انتم تقررون بدالي لان اني راح اعيش مو انتم
حوراء....... بصدمة 😯ولج انتي شوكت كبرتي وهيج صار عندج لسان شبيج هيج عصبية احنة مجنة نحجي عليج اصل بابة ميعرف بهذا لموضوع تعالي يمي اشوف
زهراء..... رحت نمت بحظنهة ابجي.
حوراء اني احب واحد بس والله مسويت شي غلط حبيتة ومااعرف شلون
حوراء...... 😱
زهراء.... اي لا تباعيلي هيج راح احجيلج كلشي تذكرين من اجيت يمج وووو.......... حجيت كلشي اله
حوراء...... شوفي حبيبتي انتي صح مغلطتي بشي بس غلطتي لان محجيتي لا الية ولا لمامة هذا اكبر غلط بس مو مشكلة اني راح اتصرف وعد مني اني مااخذت الي احبة بس انتي اذا اللة راد راح اخليج اميرة وهوة يمج حبيبتي كافي لا تبجين فدوه حبيبت كلبي كبرت صارت عروس
.....
زهراء..... لعد وهذا لموضوع شلون تحلي
حوراء.... معليج خلي علية
زهراء.... بس شنو بابة كال خليهة للخميس
حوراء........ 😂😂😂
وانتي عبالج علمود لناس للخميس ولج لا كتلة اريد اروح لبيت جدو كال خليهة للخميس اللة كريم
زهراء...... هاااا كولي والله
حوراء..... وجع 😂يمة لحب هيج مسوي بيج
روحي خابري للمسكين وكعتي كلبة
ولا اكلج لا خلي انتي مو كتيلة اثبتلي حبك خلي نشوف شيسوي بس طمني وكليلة اخي راح تتصرف بالموضوع تمام
زهراء...... تمام 👌😜
هلو حبيبي شلونك شخبارك
محمد..... تمام الحمدلله وانتي شلونج حبيبتي
زهراء.... بخير اذا انت بخير
اريد اكلك شي
محمد.... اي حبي كولي
زهراء..... حجيت لاختي على كلشي بينة ووووو........ وكالت اني اتصرف
محمد..... صدك حبيبتي والله فرحتيني هسة يالة ارتاحيت
حبي حظري نفسج لجمعة اني جايكم
زهراء...... هااا 😱 جذييييب
محمد..... كافي وصل حدهة بعد اليوم افاتح اهلي بالموضوع
زهراء..... لا عفية بعدني مجاهزه لهيج شي وشلون تجي اهلي يسالوك منين تعرفهة شنكول خليني ارتب لموضوع يالة لحد ماانت تفاتح اهلك بالموضوع تمام حبيبي
محمد.... ليش حبي اني تعبت من الانتضار ممستعد اخسرج وانتي ردتي اثبتلج حبي وهياتني جاي اثبتة الج
زهراء...؟ مومشكلة حبيبي خلي ننتضر بعد شوية
محمد..... اوكي حبيبتي على راحتج
زهراء..... تمام گلبي يلة باي
محمد..... بايات ملاكي
.......
زهراء... بعد اسبوع من هذا الاحداث حوراء اتصلت بمامة وكالت
حوراء.... هلا مامة شلونج شخبارج مشتاقين
الام..... هل حبيبتي الحمدلله كلنة بخير
حوراء...اكلج مامة لسالفة لكتلج عليهة زوجي مقبل يكول لولد ميستاهل ياخذ زهراء مو كد لمسؤولية وزوجة اخو وياة وموخوش قسمة خليهة تاخذ الااحسن منة
الام..... اي يمة هاي هية هوه اعرف بعد كلشي قسمة ونصيب
......
زهراء....فرحت من داخلي كلت الحمدلله عدت على خير واكيد منسيت حبيبي وفرحتة مرت. الايام نفس لروتين كلت لازم الكة حل علمود بابة ميشك بية ماعندي غير خالي كلش قريب النة اتصلت بحوراء علمود تفهمة لموضوع حوراء اتصلت على خالي كالتلة
حوراء... هلو خالو اشلونك
خالي..؟. هلا وغلا الحمدلله بخير انتي شلونج شخبارج
حوراء.... الحمدلله بخير تكدر تمر علية اليوم محتاجتك بشغلة
خالي.... تمام انشاللة
راح لحوراء وحجتلة علمود موضوعي بس ياريت لو ماحاجين احسن احس استعجلنة او هوة مو كدهة للثقة لمهم بعد مكملت من حوراء اتصل علية وكال
خالي...... الو
زهراء....... هلوووو خا
خالي...... انعل...... يابو خالج بنت ل..... لوموخاطر امج وابوج اخليج بين عالي وناصي واكسر ظهرج هيج اتسوين اني اعلمج ديري بالج اتشوفيني وجهج ادبسز اني تالي اصير الج كو....... د هيج ومن اهلج
زهراء.... سكتت محجيت شي بس كتلة شكرا على مساعدتك بس ارجع لنفسك وشوف ماضيك شنو جان وهسة صرت زين براسي اني غلطانة لان جنت اعتبرك اخ او صديق لو عندي اخ مجان اجيتك ولا دكيت بابك بس موصوجك صوجي اني ياريتك مارحت ولا سمعت لحجينة اشكرك على كلشي
........
اهواي ضجت وكمت اتجنب لروحة لهم لان كل مااروح الهم يذب حجي علية كدام بابة ومرة لازم امي يكلهة انتي نايمة ورجليج بالشمس ديري بالج على بنتج ومن رجعنة للبيت امي سالتني شنو صاير وياج ليش هيج خالج يحجي.... كلت لازم احجي الامي وهي تتصرف بس هسه مو وكتة كلت ماكو شي سلامتج حبيبتي
........
محمد..... بعد ماحجيت وية روحي احس نفسي ارتاحت ومن كالت لتستعجل كلت بعد احسن علمود بالوقت لمناسب احجي ويه اهلي. مرت ايام وجمعت كل اهلي خواتي ل ٧واخوية الاكبر مني بس اخوية لجبير مكدر يجي وامي وابوية
الام والاب..... خير انشاللة ليش ليوم جامعنة شكو
محمد..... انشاللة كل خير اريدكم بموضوع
خواتي..... اي اخيي احجي شنو تريد
محمد... اريد اتزوج
لكل.... 😀😀 اي شكو بيها شايف الف خير
امي..... شايفلك وحده لو اني اخطبلك
محمد..... والله يالغالية اني احب بنية من زمان واريدهة بس مو من ديرتنة
أبو محمد.. عجل منين تريدهة
أم محمد..... ياهي هاي الي تريدهة منين
ام مصطفى..... بغدادية يمة
لكل......😯
الام والاب..... 😡😡
الاب..... اي واحنة مخلصانين من مرة اخوك هنوب تجيب لثانية علمود تاخذك وتروح لبغداد
محمد.... انتم ليش تحكمون عليهة وانتم مشايفيهنة
يعني لجبيره موزينة بنات بغداد كلهن موزينات هذا مو حجي وخليهة بعلمكم اخذهة اخذهة لو اعرف متبرين مني هم اخذهة
الام....... ماتاخذهة لو طول عمرك تبقة بدون زواج
محمد...... ليش تريدين تكسرين گلبي و اني اكلج احبهة بكد حبج الية لومتت راح تنقهرين لولا
الام..... اسم الله عليك 😢
محمد.... لوصارت لغيري اموت ومراح اسامحكم طول العمر...
اخواتي.... ليش اله هاي شمسويتلك علمود هيج تحبهة
محمد..... مااعرف ليش احبهة لان لحب مو بيدنة
اختي ل 4..... لحب ميوكل خبز
محمد..... عندج شي زين احجي ماعندج اسكتي
الاب...... محد يروح وياك ومراح تاخذهة اتبره منك اذا اخذتهة
الام 😶😢
ام مصطفى..... ليش هيج تحجون ليش تكسرون كلبة هوة موبشر ومن حقة يختار عاشروهة يالة تحجون عليهة حرام عليكم
اخواتي...... وانتي شنو لمحامي مالتة
محمد...... كاااااااااافي بسسسس ملييييت منكم واني اقنعكم واللة واللة لواعرفكم متبرررين مني ميهم لواخذهة وغصب عليكم تقبلون لو اهاجر واعوفكم حتى لجنسية اذبهة لان تربطني بيكم.... عفتهم وكمت امي تصيح وراية وخواتي جني مااسمعهم طلعت من لبيت واحس نار يطلع من راسي يدكون علية مااجاوبهم
لنص ليل يالة رجعت للبيت بس مكلت لملاكي الي صار مااريدهة اتضوج واني متاكد بس يعاشروهة يحبوهة رجعت نمت ولصبح طلعت للشغل بس حالي حال يتيم
ابن خالي..... شبيك يول ليش ضايج
محمد..... اسكت مالي خلكك
ابن خالي...... احجي اشبيك
محمد...... اريد اتزوج واهلي..........
ابن خالي..... بس مو من حقهم يرفضون اذا صدك اخذت الي تحبهة يامحمد احلى غرفة نوم مني الك وعرسك علية بس تاخذهة
محمد.... 💔 اللة كريم
ابن خالي..... اجتني فكر 🤔
محمد...... اطربني
ابن خالي..... ليش ماتاخذ ابوية يحجي وية اهلك بالموضوع
امك تحبة متكسر خاطرة
محمد.... بس كسرو خاطري اهواي
نجرب ليش لا
ابن خالي...... اني اكول لابوية وباجر اجيبة لصبح يمكم
محمد..... انشاللة
اتصل بية اخوية لجبير
هلا خوية شلونك
....
ابو وسام..... هلا بيك انت شلونك
محمد..... اني تعبان
ابو وسام.... شصار وياك
محمد...... اهلك رفضو لبنية
ابو وسام..... ليش بكيفهم هاي حياتك وانت حر بيهة همة شكو
ماعليك بس كول واني وياك
محمد..... تسلم اخوية خلى نشوف خالي باجر يجي ونشوف شيصير
ابو وسام..... اللة كريم لاتضوج اللة يفرجهة انشاللة
محمد...... انشاللة
اللة وياك
رجعت للبيت بس مااحجي وية اي واحد بس بهاي لفترة كمت اتواصل وية حوراء لان مرات مااحصل حبيبتي لليل تعبان كلش
كلت خلي احجي ويه راحتي بس هية الي تريحني
اتصلت عليهة
....
زهراء...... الووووو
محمد..... هلا يابعد هلي هلا يابعد روحي هلا يابعد عمري وحياتي وقلبي وفرحي وسعاتي وراحتي فراشتي لحلوه
زهراء..... ههههه هلاووو حبيبي
محمد.... فديت هلضحكة
زهراء...... امممم شبيك يابعد روحي
احسك ضايج
محمد.... لا ياراحتي مابية شي بس شوية تعبان من الشغل
زهراء..... اسم الله عليك حبيبي اخذلك اجازة كم يوم
محمد....... لا ياعمري ميحتاج لان انتي راحتي
زهراء..... فدي لحب اني
محمد...... تعرفين حبيبتي شنو اتمنة هسه
زهراء..... اي حبي شنو
محمد..... اتمنى اضمج بحضني واشم عطرج ولج مشتاقلج موت
زهراء.... 🙈🙈
محمد..... فديت ليخجل اني
زهراء..... حبي تعرف اني احبك اهواي ونطيتك كل لثقة وثقيت بيك ثقة عمياء وقررت ادزلك صوري حتى لو مجنه لبعض
محمد...... بصدمة وفرحة جذااااااااااابة ولج شنو عيدي الي كلتي
زهراء..... ميحتاج اعيد سد لخط ونتراسل
محمد.... اوك حبيبي تمام 😯
زهراء..... دزيت الة صورتي جنت لابسة فستان ذهبي ومشمشي وشال ذهبي بدون مكياج لان احنة منخلي مكياج ولا احفافة الة من نزوج يعني على الطبيعة
محمد.... شفت لصورة واحس كلبي طار شكد فرحت على ثقتهة بية وحلفت اصونهة ومراح ااذيهة بس سبحان الي خالقهة
بنية طولهة وسط لا ضعيفة ولا سمينة لجسم مفصل لوجه حنطي على سمار بس ياربي كل اسمر هيج حلو دمهة يجنن اويلي لشفايف جذبني شوية مليانات اوووووف على لشامة فوق لشفة ياربي اموت واضوگ هاي لشامة
كلشي بيهة عجبني الف الحمدلله ياربي صدك خلقة واخلاق
محمد...... اووووووف شنو هذا لعسل ولج اريد اخليج بكلبي من كل لناس
ملاكي عشقي اميرتي بنيتي فراشتي دلوعتي لسمرا سمبوستي بسبوستي حبيبتي گلبي حياتي عمري
زهراء...... 🙈 شنو
محمد..... اعشقج
حبيبتي اشوكت اضوك هاي لشفايف لعسل
زهراء........ 🤨 هاي شنو مااحب هاي لسوالف مال سرسرلوغية
محمد...... 😂🤣🤣😅
فديت ليخجل
اخ لو يمي جان مااخلي شي بيج صاحي كله ختم ملوكي اسوي
زهراء..... ممممحححححمددد😳 لا تحجي هيج والله استحي
محمد..... فديت لعشق اني
زهراء..... تصبح على خير 🙂
محمد..... احم وين بعد مراح احجي هيج
زهراء...... لا انت متكعد راحة اريد انام
محمد...... تمام تعاي نامي بحظني
زهراء...... عزززززززززه عيب
محمد.... مااسوي شي بنيتي
زهراء...... لا مستحيل اشو مجنت هيج تحجي قبل شبيج صاير سرسرلوغية
محمد..... زوزايتي بدون شقة والله مجنت متوقعج هيج حلوه جنت اتوقعج عبسي 🤣
بس من شفتج صرت على كولتج سرسرلوغية
حركتي لشيطان لجان نايم
زهراء..... 😊
محمد.... لا تخجلين عمري يلة تعاي نامي بحظني
زهراء....... انت متستحي
محمد...... لا حبيبتي اني اخرخر مستحة يلة تعاي
زهراء...... اي مو دا اشوف لمستحة يلطم بالزاوية
محمد..... 😂😂 ولج وراية شغل خوخايتي يلة تعاي
زهراء..... مستحيل انت عاقل
محمد..... زين الزمج الزمج وين ترحين مني الج يوم بيدي
راح اتصل علمود انام سوه معشوقتي
زهراء...... امممممم تمام
محمد..... اممممات يلة باي
زهراء..... بايات
محمد..... مال درج
زهراء...... هههه مضحك
.......
محمد كل يوم يتصل علية بس افتح خط واسكت وهوه يبقة يسولف لحد ماانام يالة يسد لخط
.......
محمد.. بعد مشفت صورتهة بقيت اتخيلهة حتى واني كاعد نسيت كلشي صار وياية وكل مشاكلي كلت بس لو اهلي يعرفونة شكد محبوبة جان اني بخير اشوية واسمع بنيتي صوت انفاسهة اتمنيتهة بحظني نايمة واشمهة من كل مكان وابوسهة لحد مااشبع منهة ياربي اجمعنة بلحلال لا تخليهة حسره بكلبي
نمت واني حاضن صورتهة
...........
هلو حبايب قلبي كل ماتفاعلكم يزيد ازيدلكم
الاحداث او بارتين انزل ❤
.........
حابين نسوي فقرة سؤال وجواب بس انتم تسالون والبطلة او بطل روايتنة يجاوبون؟
