#عشق_بغدادي

البارت السابع

#البارت_السابع
#بقلم_شروق
#عشق_بغدادي
....
لا احب رحيلك ولكن ...

     احب ان اراك وانتي ترحلين ...!!

.....
محمد.... اتصل بية اخوية لجبير متعصب علية
ابو وسام.... انت اذا تعرفهة الابن عمهة ليش خليتني اروح
محمد.... شكو شصاير
ابو وسام..... مصاير شي بس موصوجك صوجي اني رحت وياك ابوهة كال ابن عمهة رايدهة انت من تعرف هي شكو عاديت لدنية علمودهة وياريت لو تسوه
محمد.... اول شي احترم نفسك ولا تحجي عليهة وثاني شي ماعدهة ابن عم اكبر منهة لوممتاكد جان مارحت وليش هيج متبزع ممجبور تروح زين لولا انت كتلي اني وياك اروح مشكور حبيبي على كلشي هوه اذا اهلك ميردون يرحون يخطبوهة الية انت شتكول
وسديت لخط منه
احس أعصابي نار صارت ليش هيج حضي ليش لا اهل يرحون يخطبوهة الية ولا اخ شلون بلة ليش هيج صار وعدت نفسي اروح واخطبهة بنفسي لواعرف اجمع ناس من لشارع اهواي انقهرت ليش اهلي الاخوية كلهم راحو وخطبولة ليش اليه يتمنون متصير شكو شي بالغرفة كسرتة كلت خلي تمر اسبوع وهماتين اروح عليهم
بس شنو سبب رفضهم ليش تراسلت وية راحتي
....
محمد... هلو حبي شلونج شخبارج حبيبتي لا تضوجين ياروحي انتي والله اخذج لواعرف اموت هم اخذج
زهراء.... هلو حبيبي تمام الحمدلله حبيبي اليحب لازم يضحي  ولازم نتحمل كلشي يصير بينة بس ياقلبي لصوج بيك ليش مجبت امك اواختك تعرف زوجة اخوك عبالك جاية تخطبني الاخوهة مو الك اصلن حجت بس على اهلهة مجابت طاريك وو.... حجيتلة كلشي صار وحتى شلون بابة ارتاح لمحمد بس لمشكلة بابة مرفض محمد لشخصة لا بابة يحب ينطي للاقارب وشاف مامة رافضة لعمود لبعد اني صح ضجت بس جنت مرتاحة لان ماكو سبب للرفض يعني اذا محمد جاب واحد من اهلة راح بابة يقبل كلشي حجيتة لمحمد وخليتة يهده وكتلة اذا اضطر الامر اني اكول لبابة اني احبة واريده وشيصير خلي يصير مرة فترة وبهاي لفترة محمد ابد مبطل كل اسبوع ايدز ناس علينة لوهوة يجي تقريباً قبل هذا ليوم محمد صار خاطبني 8 مرات
...
محمد.... كلت بقت بس محاولتين اذا ماضبطت اخذ جفن واكلة لو تموتني لوتنطيني بنتك لان اعشقهة اتنفسهة احبهة اعرف هذا لتفكير غلط بس عقل مابقة عندي بسبب لرفض واهلي مصرين على قرارهم ميرحون يخطبوهة الية وكل مايرفضون اهلي يفرحون
بيوم كاعدين بالبيت وملتمين شباب ونسابانة يمنة بس اني علاقتي بااهلي صارت معدومة لمهم كاعدين نلعب دومنة وجان فون ابوية يدك
ابو محمد.... الووو
.... السلأم عليكم
ابو محمد... عليكم السلام. ووووو
اهواي حجو الي دك ابو زوجة اخوي لجبير
ابوية فتح سبيكر لان ميسمع زين جان يكول
..... والله ياابو محمد هذولة لناس الي ابنك رايح يخطب منهم موخوش ناس وانتم شلون ترضون ابنكم ياخذ منهم هذولة ناس يدورون مشاكل يدفعون ابنهم كدام لسيارات علمود ياخذون فصل
محمد.... اني انصدمت محمد 😯
وكلنة لموجودين سمعو لحجي كتلة انطينيا احجي ويا ابوية مقبل وسد لخط واني بقيت افور لان اللة شاهد رحنة سألنة عليهم بالمنطقة لناس معروفين وكلهة تحمد بيهم ومنو نسأل يكول زين مااختاريتو معبالك عنده بنات هذا لرجال سمعتهم مثل لكزازة ليش ابو جنتنة هيج يشوه بسمعتهم مااعرف وشنو غايتة هم مااعرف صارت مشكله كلش جبيره بيني وبين اهلي واخاف جانو قابلين واحد بالمية هسة ماكو كلش قفلو اني ماسمعت منهم اخذت غراضي ومن لصبح طلعت لبغداد يم ولد صديقي من ايام لجامعة اخذتهم ورحنة على ابوهة وهم جان ردة لرفض بس اهنا كلش تعبت ولدمعة بطرف عيني لان تعبت وصارت شغلت عناد بيني وبين اهلي وحلفت لوهي لومااتزوج بحياتي واخليهم يتحملون خطيتي
رجعت لبيت صديقي وشافني شكد مقهور وضايج جان يكول
قحطان..... محمد اخوية ليش هيج تسوي بنفسك اذا ميردونك موغصب لزواج
محمد..... والله ياقحطان لوهي لومااتزوج بحياتي
قحطان.... محمد بس اشر واللة انطيك اختي بعبايتهة وهسة بس كول اي
محمد.... اتشرف بيك وعلى راسي بس 😥
قحطان.... بس شنو
محمد.... نفسي بهاي لبنية مااكدر اتزوج ولا احب غيرهة لواعرف كل لعمر اخطبهة مراح امل واله اخذهة واقنع ابوهة
قحطان.... بعد مااكدر احجي وياك وانشاللة تنجمعون سوه
محمد.... اشكرك
اتصلت على راحتي
الوووو
زهراء.... الووو
محمد.... هلا ياراحتي تعبان وبعد مابية اقاوم ملاكي شلونج
زهراء..... مالي لون من بعدك واني هم تعبت وابوية بد يشك كلت اليوم اخلي حد للموضوع وافاتح امي واحجيلهة لحقيقة
محمد.... اني اخذت عنوان شغل عمامج حروح الهم باجر وانشاللة يكدرون يقنعون ابوج
زهراء... انشاللة
....
خلصت مكالمة من محمد وبابة طلع وقررت افاتح امي بالموضوع لأن بس هي تاثر على بابة
مامة..
اريدج احجي وياج شوية
امي.... اي حبيبتي كولي
زهراء... تذكرين من سالتيني وكلتي زهراء انتي تعرفين هذا لولد ليش هيج كام يلح اله انوافق على لزواج وكل هذا لرفض وهوه مستمر
امي..... 🙂 اي كملي
زهراء.... بس متزعلين ولا تتعصبين مني
امي..... 🤨 لا كولي
زهراء.... مامة احنة نحب بعض
امي..... 😳 شلون تعرفينه
زهراء....  شوفي تذكرين من و......... حجيتلهة كلشي
امي..... هاي هي مادام نيتة شريفة اني اقنع ابوج
زهراء.... صدووووووك كولي والله
امي..... ولج ميهون علية فراكج بس مادامج تحبينة خلص اللة يقدم البي خير بس انتي لو من لبداية حاجيتلي جان مصار كل هذا ولا تخاربتي وية خالج روحي اتصلي بي وطمني
زهراء...... 🥺احبج مامة 😊
امي...... امشي لج لوكية 😀
زهراء..... 😉😗
اتصلت ب محمد 🌺
زهراء..... الوووووو
محمد...... هلا ياعافيتي
زهراء..... ياروحي انت عندي الك خبر اله بشده
محمد.... اي حبيبتي كولي محتاج هيج شي علمود ارتاح
زهراء..... كلت لمامة كلشي
محمد..... 😱
زهراء...... اي حبي وكالت اني اقنع ابوج
محمد.... كولي والله
زهراء..... ههههه وغلاتك حبيبتي
محمد..... كللللوووووششش وهاي لرادهة وهاي لتمناهة وهلا وهل حبيبتي امووووت عليج كللللوووووششش
زهراء.... 😂😂
محمد.... ونجب يالشامت اخذت حبيبتي وراح اعرس
زهراء...... هاي شنو 😂
محمد.... تعرفين منو الي اتصلت بيج وكالت هي زوجتي ورادت تخرب كلشي
واتصلت باهلي وطعنو بيكم
زهراء..... عزززززززززه  منو
محمد..... هه زوجة اخوي لجبير
زهراء... 😱 ياااا ليش
محمد.... لان تكرهني
زهراء.... وشسويت
محمد.... ماسويت شي لان جنت مالي خلك
احجي ويه احد
زهراء..... ختولي حبيبي عوفهة بيد الله هاي تغار
محمد..... اللة كريم يجيهة يوم بيدي
زهراء..... صدوك حبيبي انت اليوم رحت لعمامي
محمد.... اي رحت وعمج الجبير استقبلني ورحب بية
بس لصغير حسيتة ضاج
زهراء..... معليك بي لان عمي دز على بابة يحجي وياه تعرف حبيبي بس لازم تجيب واحد من اهلك همه ليش ميجون
محمد...... لصراحة لان معارضين زواجنة
زهراء....  🥺ليش
محمد.... بسبب مرة اخوية وتصرفاتهة عبالهم كل بنات بغداد هيج
زهراء..... 😏 وعد منى اذا صرنة لبعض اله اخليهم يتندمون على هذا ضنهم واخلي كل واحد يشوفنة يتمنة يتزوج لو ياخذ من عدنة
محمد.... فديت مريتي اني
تمام حبيبتي اني راح ارجع باجر للبيت وانشاللة فتره وهماتين اجي
زهراء.... انشاللة حبيبي
يلة باي حبيبي
محمد..... لا ترحين اسمعي هاي الج گلبي
حبيبتي منين منين
حبيبتي من بغداد ❤
زهراء.... جانت هستوهة نازلة اغنية حسام الرسام حبيبتي من بغداد
الحمدلله يارب بدت تفرج اجة بابة وحجة وية مامة كال هذا لولد هم اجة للولد ويحجي وياهم وووو.....بس الي معجبني ليش هيج لح واكثر من مره اجة
امي.... اي ياعيني ايجوز هي هاي قسمة لبنية انته خوما تعارض حكم اللة سبحان وتعالى
بابة..... اي ياام حوراء لولد اجة بس ماجاب اهلة اني شلون اثق وانطي بنتي اله غير يجيب اهلة يالة شوفي اذا اللة كاتب هاي قسمة لبنية يجي واذا لا شنسوي بعد
امي... اللة كريم
زهراء.... اني هيج سمعت طرت من لفرح واكيد منسيت حبيبي وفرحتة
محمد.... كولي والله
زهراء... اي والله حبيبي
محمد.... الحمدلله ياربي الحمدلله راح تفرج علينة
زهراء... اي والله يلة حبيبي اروح اتحضر لان نروح لبيت جدو
محمد.... تمام كلبي باي
زهراء.... باي حياتي
.....
زهراء  بدلنة ورحنة لبيت جدو بابة كاللهم بعد خالي كال شكو بيهة بالعكس لازم تفرح موتشك لان بنتك شريفة وكلهة تحمد بتربيتهة وبسبب هذا لشي لولد جلب بيكم
وبيبي وخالي لصغير وخالاتي كلهم نفس الكلام بعد خالي الي يعرف بالسالفة جان نايم بعد مامة كالت كومي خلي احجي ويه خالج علمود ينحل لخلاف الي بينكم بس الي صار عكس لان لخلاف كبر ماصغر لمهم رحنة عليه ومامة حجت وياه وصارت مشكلة كلت مامة كومي خالي ميتفاهم بعدني ممكملة كلامي مااحس اله 👋 ضربني اهواي ضجت بس منزلت دمعة كدامة لان موضعيفة اني ومغلطانة بشي
امي...... 😯
زهراء... ومن هاي لحضة تغير كلشي وية خالي شكد مجنة اصدقاء صرنة  اعداء وصار ميطيقني ويكول اكرهج وحاول بكل صوره يخرب كلشي بس الحمدلله الله موجود بااخر فتره مكدرت اتواصل بعد وية محمد لان حسيت بابة يراقبني وحوراء مستمره اتواصل وية محمد
.....
محمد.... بعد كل الي صار رجعت للبيت بس احس امي متغيره واحسهة مكسورة على حالتي دخلت سلمت عليهم وبديت الم بجنطتي واخلي اغراضي وقررت اذا ميسوون الي اريدة اهاجر واعوفهم ومااخليهم يعرفون مكاني طلعت ولكل متفاجئ
امي.... بدموع  وين رايح يمة
محمد..... يمة تعبت وانتم ضدي صارلي اشهر اتوسل بيكم تخطبولي الي احبهة وانتم رافضين وخليتوني اتوسل باليسوه ولميسوه علمود يروح وياية مثل واحد يتيم ماعنده اهل سديتو كل لبيبان بوجهي ماخليتولي اختيار ثاني يوم اني رايح والله يسامحكم على كسران كلبي بس تمنيت انتي تحسين بية وبوجعي يمة حتى انتي عفتيني بعد المن باقي مافاد بيكم كلشي كتلج يمة موبس احبهة اعشقهة بس شوفي حالي عبالك شايب صرت من لقهر ولتعب
خواتي.... اي والله لبغدادية بعدهة مجاية وخوش معلمتك
محمد..... 😏  مراح اجوابجن بس راح تتندمن لان تعبت من لكلام
شوفي يمة هذني بناتج ميفيدنج باجر وبعدهن لساناتهن شطولهن
ردت اطلع مااحس اله امي سحبت لجنطة مني وحضنتني 🫂😭
اخ ياريحة لجنة اشتاقيت لحنانج 😭 ليش حرمتيني منج وبعدتيني يمة تعبان والله يمة صار ٩ مرات اخطبهة وابوهة ميقبل لان ماعندي اهل يرحون وياية تعبت وحك اللة تعبت 😭
امي...... لا تبجي يمة انه اسفة واللة نخاف نخسرك مثل اخوك ورفضنة بس مابيدي شي بعد لان بالحالتين اني راح اخسرك واني مااريد بعدك يبعد روحي بس توعدني ماتتغير ولا تبعد مني وحضنتني
محمد.... واللة العظيم مراح اتغير واللة يمة هي ملاك بس تعاشرينهة تعرفيهة لا تكرهوهة من هسة واني اتحمل اي شي يصير يمة بس لو تشوفيهة تدخل اهنا واشرت على كلبي يمة هي ملاك يمة عمرهة 18 سنة انتي تربيهة على ايدج وتعلميهة اطباعنة واللة كلشي نحجة عنهة جذب بس علمود مااخذهة يمة هي مثل لخام الابيض مراح اتصير الج جنة راح اتصير بنتج وتشوفينهة انتي احكمي

امي.. واخواتي 🥺 صافنين علية شنو احجي واعبر عن الي بداخلي
امي..... هاي هي بعد اسبوع اني وياك نروح واخذهة الك غصب عن اهلهة مااطلع اله وهي حلالك وعد مني
محمد..... بفرحة شلتهة وفريتهة وهي تضحك
امي.... 😂😂😂 ولك نزلني راح اكع
محمد.... بعد روحي انتي مااوكعج
امي.... اليوم تنام بحضني لان مشتاقتلك يبزر لكعده
محمد.... وابوية وين ينام اخاف يسطي علية بليل عباله انتي
امي.... 😡 انت ماتستحي
محمد.... ليش استحي بعد روحي
يمة صدك تعاي اشاورج
امي... شتريد
محمد.... 👂🏻🗣 علميني على لعرس شسوي
وعينكم لا تشوف لنعال اجاني طاير
....
محمد اليوم صدك ارتاحيت وفرحت لان اللة فرجهة علية واهلي اقتنعو يرحون وياية بس اني مقبلت كلت بس اني وياج يمة نروح ومرت الايام اشتاقيت لملاكي قل تواصلي وياهة لان مااريد اتصير مشاكل هسة بقيت أخذ اخبارهة من حوراء
زهراء.....
اشتاقيتلة لحبيبي اهواي اهلي طلعو وصارتلي فرصة احجي ويه روحي
....
زهراء..... الوووووو
محمد.... هلا ياراحتي هلا وغلا هلا عمري هلا مريتي هلا ملاكي ولج مشششتاااااالج بكد رحمة الله
زهراء.... اني هماتين حبيبي مشتاقلك موت
محمد.... بعد كلبي شلونج تفيسة
زهراء..... هههه زينة يامليق
محمد.... اووف ولج واللة مشتاق لسوالفج
زهراء..... لمشتاق يجي يشوفني
محمد.... ابشري ولا يهمج لجمعة يمج
زهراء..... چييييذب
محمد.... والله لجمعة اجيب امي واجي اخليج بااسمي
زهراء.... 🫣
محمد.... فديت لتخجل
اله اخذ حقي منج مربع
زهراء..... عزززززززززه بطلت مموافقة
محمد.... بكيفج غصب عنج اخذج
زهراء.... ههههه
محمد.... فديت هاي لضحكة
زهراء.... حبيبي نسوي حفلة زواج
محمد.... ولج احلى عرس اسويلج اذا اللة راد
زهراء..... انشاللة حبيبي
يلة هسة اهلي على جية حبيبي بااااي
محمد..... باي ملاكي
........
بعد مسديتة اجوي اهلي وحجيت كلشي لمامة وكتلهة لجمعة يجون
كالت هلا بيهم وجه يوم الخميس جان كلشي ماعدنة بس بابة مموجود بحي لصناعة لان سيارة عطلانة
وكعدنة اني ومامة نسولف على باجر شنسوي
وشلون يجون
اشوية واندك لباب
فتحت مامة لباب ولمفاجئة
😯
.......
في عينيك.. صباح أخر لي
فأنتِ مدينتي ،
وأنتِ حكايتي ،
وأنتِ  كل أشيائي ،
صباحي مختلف لك و بك .

.
تتوقعون منو اجة؟
هذا لبارت هدية لكل متابعاتي لحلوات احبكم 😍
تتوقعون ابو زهراء... راح يوافق من ام محمد تجي لجمعة تخطبهة لولا؟