#البارت_15_والاخير
#للكاتبة_شروق_الشمس
#عشق_بغدادي
ــــــــــــــــــــــــ
قد يهجروك البعض
والبعض منهم يصافحوك
منهم من يجاملك ومنه
الذي يعاملك وأهمها
الذي يرفقك بقلبه
ويسأل عنك بمثابه
شقيق للروح ببساطه
ان تعطي كما أنت وتاخد كما
انت فالبساطه دليل النقاء
وحمايه لكل صراع بداخلك
ف لاتجعل شكلك يتغير
لمجرد رأي او انتقاد
وربما النقد دليل على
مترقبيك وحاسديك
ومن يسلط عليك ضوء الحب
وانت لاتدري...
💕
محمد..... محجينة شي كدام امي بس اني وزهور نعرف
أم محمد..... يمة زهور تعبتج وياية كلبي وربي راضين عليج يمة سامحيني اذا بيوم ضنينة بيج ضن السوء
زهراء...... اسكتي يمة تعبج اكبر راحة الية مراح امل ولا اعوفج انشاللة ترجعين بالسلامة مثل قبل
أم محمد.... لا يمة هاي نهايتي لچنة لجديده رجلهة شوم ولسانهة اطول منهة ديري بالج على محمد وصيتي اله مايخلي عليج ضره لو كل لعمر مراح تخلفين
زهراء.... 🥺 يمة لا تحجين هيج فدوه اروحلج
نامت على رجلي لحد متجي لسياره ونرجع للبيت لدكتور انطاهة علاج والحمداللة اني اعرف بهاي لسوالف رجعنة للبيت كنالهم كلهم لتمو عليهة بس مخليناهم يكولون بيهة جلطة دماغينة هذا كله حماية اله شهر من متزوج بس هي من لسبعة مالته موزينة ونراجع بيهة يم لدكاتره
كل يوم اسويلهة اكل وانطيهة علاجهة ولليل يالله اروح على بيتي بيوم كعدت لصبح شفتهة متريكة كلت انطيهة علاج بس وضعهة مو تمام انطيتهة علاج صارت لساعة 12 لضهر خابرت محمد
محمد.... هلو حبيبتي
زهراء.... هلو عيني الله يساعدك
محمد.... ويساعدج يروحي شلون صارت امي
زهراء..... حبيبي بس لا تخاف
محمد..... شكو يروحي
زهراء..... امك حيل تعبانة وايدهة مجاي تتحرك تعال ناخذهة للمستشفى
محمد..... شنو يله اني جاي
زهراء.... تمام
محمد..... من هيج كالت زهور مااكدر اشوف كدامي بعد
رجعت للبيت وجان اشوف امي بحاله الله لا يخلي لواحد بهيج موقف
زهراء...... اجة محمد وشاف امه بسرعة طلع بره كعد بالمرجوحة بالحوش طلعت وراه اشوف عيونة حمر دم 🫂😭 حضنتة
حبيبي كوم اخذهة للمستشفى الله يشافيهة
محمد..... ولج يمكن انضربت لجلطة لثالثة
زهراء..... الله لا يكولهة يلة حبيبي كوم
محمد..... حمد وين
زهراء.... بالشغل
محمد.... زوجتة
زهراء.... بغرفتهة
محمد.... يعني معرفت بالي صار
زهراء.... مااعرف
محمد.... خلي اتصل واشوفة وينة
الوو ها وينك
حمد..... بالشغل
محمد.... عوف لشغل وتعال امي تعبانة
حمد.... يلة جاي
زهراء.... خوما تنتظر يجي خلي ناخذهة للمستشفى وهوه يجي ورانة
محمد.... روحي البسي جبتج وتعالي
زهراء.... رحت لبست واخذت فوني ومحمد اخذ افلوس جاب تكسي ورحنة للمستشفى كبل الطوارئ بس شافوهة سوولنة تحويل لغير مستشفى الي يداوم بيهة دكتورهة نقلناهة بالاسعاف اجه ورانة حمد وبنتهة ممتزوجة ارملة لحكونة للمستشفى هي طول لطريق لازمة بيدي بس شوية احسن تكدر تحجي
رحنة اني ومحمد وحمد وبنتهة رجعو للبيت علمود يجيب غراض نحتاجهن بالمستشفى ويجي ورانة صعدنة وياهة بالاسعاف ورحنة وصلنة اشوية وحمد اجة ورانة بس هي بدت اشوية اشوية تفقد دخلناهة وسوولهة لازم خليناهة بغرفة بس لليل فقدت كلشي بقة بس تحرك ايدهة او عيونهة لثاني يوم كلشي ماكو
لدكتور.... للاسف جلطة ثالثة ومحركة الاثنين لساكنات
محمد..... دكتور ولحل
لدكتور.... يم الله لان بدت تدخل غيبوبة بعد
زهراء.... لا دكتور كول غيرهة
لدكتور.... بنتي لبيدنة سوينا ولباقي يم الله بس ديرو بالكم عليهة من كورونا لان ماعدهة مناعة الله يشافي امج بنتي
محمد وزهراء وحمد...... 🥺😭🥺
ثالث يوم بناتهة كلهن اجني للمستشفى بس ولا وحده من لجناين اجتي غير زهور
شافنهة
لدكتور.... ليش هذا لتزاحم يم لمريضة يلة بدون زحمه لكل بره
بس ابنهة وبنتهة يبقون
طلعنة كلنة بقة محمد وحده من لبنات
لدكتور..... ليش واكفة باب اطلعي بس انتي ابقي يقصد زهراء (عباله بنتهة)
محمد..... بقينة اني وزهور يمهة لدكتور فحصهة بس نفس الكلام ماكو تغيير
خليت لبنات يرجعن كلهن لان ميصير كلهة تبقى
ام مصطفى..... زهور انتي ارجعي ارتاحي واني ابقة يمهة
زهراء... لا حبيبتي ماارجع اني باقية اهنا
مريم حتبقه ويانة
لبنات.... ميصير هيج لازم نتناوب عليهة
زهراء.... مو انتم عدكم جهال اني ماعندي شي باقية اذا نتعب عود اخابركم وارجع
لبنات.... الله كريم
حمد..... محمد تحتاجني لو ارجع وباجر اجي
محمد.... 🫤 بكيفك 🤨
رجعو لكل بس اني وزهور واختي مريم بقينة
كل ساعة يجي واحد من اقاربنة لليل تناوبنة عليهة لان مخلين صونده بخشمهة ونخاف تسحبهة
مريم نامت بقينة اني وزهور كاعدين
حبيبتي انتي نامي واني كاعد
زهراء.... لا حبيبي كاعده انت نام
محمد.... من تنعسين كعديني ولا اطلعين بره وحدج اذا تردين للمغاسل كعديني
زهراء.؟. انشاللة
نامو كلهم كعدت يم راسهة وبجيت كلت ها يمة اتسمعيني لولا
ياصديقتي وحبيبتي انتي صرتيلي كلشي بهذاك لبيت جنتي حتى شعري تمشطي وتضفرينة اشتاقيتلج ياضوه لبيت اشتاقيتلج ياام ضحكة لحلوه شنو قهرج وكعج ليش هيج تسوي وتضمين بكلبج يمة كلشي موحلو بدونج وكعتج صارت غربيل حتى بين لخوان
هيج اذاج كلام مره حمد وكعج لو اكو شي ثاني
يمة محمد ميكدر بدونج جان كل يوم يحجيلي عنج ابد ماكال اهلي ميردونج اله بعد لزواج حجالي عن حنيتج وطيبة كلبج يمة ماشبعت منج خمس سنين عبالك خمس اشهر عشتهن وياج مايوم تحاجينة مثل كل عمة وجنة يمة انتي موتكولين كبرتي يم محمد لان هوه بزر لكعده وتكولين خلفي واني اربي اشو ماوفيتي بوعدج...؟
محمد..... فزيت على صوت ملاكي وهي تحجي وية امي كلت خليهة تحجي الي بكلبهة مااقاطعهة
زهراء..... يمة موكلتي اصير زينة وهذا لعمل اخلصة من لبيت ليش ماحجيتي منية لمسويتة
يمة اهواي تعلمت منج اشياء بسببج كدرت اطلع فواتح واجبات بسببج صار عدنة بيت انتي مو تكولين اني امج لا تهتمين اذا مرحتي لبغداد
من اتمرض تكعدين يمي للصبح من طفلي راح دمعتج قبل دمعتي نزلت عليه
....
انتبهت عليه اكو دمعة على خدهة نازلة
لزمت ايدهة وحجيت يمة تسمعيني اذا تسمعيني بس حركي اي شي انطيني اشاره
ضغطت على ايدي مااعرف شنو حسيت
بس كتلهة يمة ابريني لذمة سامحيني اذا بيوم ضوجتج
هم ضغطت على ايدي ضحكت كتلهة
يمة احبج
محمد..... شفت ملاكي مبتسمة وهي تحجي وية امي كلت الحمدلله ياربي انطيتني مره كل واحد يتمنة عنده هيج مره بيتة دارت امي اكثر من بناتهة وامي تموت عليهة
حبيبتي اسم الله شبيج
زهراء..... فزيت من صاح عليه
مبية شي
محمد.... يلة تعالي نامي اني اكعد بدالج
زهراء.... تمام من يصير صلاه كعدني
محمد..... انشاللة حبيبتي
زهراء..... مددت بس ماكو مخده
محمد.... شفتهة ممرتاحة بالنومة مالتهة
حبيبتي تعالي نامي على رجلي
زهراء..... كعد محمد بالكاع خليت راسي على رجله ونمت بس نايمة نص ونص
محمد.... اعرفهة متنام اذا ماالعب بشعرهة او تلزمني من طرف لفالينة لداخليه وتخلي خشمهة بركبتي شفتهة تحوس
ها حبيبي متكدرين تنامين
زهراء..... اي
محمد..... 😊 بديت العب بشعرهة ولشال نص مخليتة اخاف احد يجي شفتهة غفت بستهة وبقيت اراقب امي الي لا ايد ولا رجل والاكثر لقهرني حمد عافنة بهاي لضروف علمود يروح يم مرتة ولله لان بعده عريس صارت صلاه كعدت لبنات صلينة
مريم انتي عينج على امي واني انام
مريم.... انشاللة
محمد.... ثاني يوم اجه حمد لضهر للمستشفى شفتة انصدمت من منظر ركبتة
زهراء..... شفت حمد حسبي الله على بنات ابليس كلت بكلبي ليش هذا لشي بي تباهي لوشنو امك بالمستشفى وانت رجعت علمود هذا لشي الحمدلله ياربي
رگبتة صايره طبع ازرق بيهة يعني شوفوني اني جنت يم زوجتي بلليل
محمد.... بقينة على هاي لحاله اسبوع بالمستشفى
اجة اخوية لجبير اني وياه منتحاجة من يوم زواجي كل مااجي اريد اصالحة يدفعني بالاخير عفتة شكد امي اتوسلت بي بس جان ميقبل لان مااحجي وية مرتة لمهم اجة وهوه حجة وياية اني هم عادي لان مالي خلك ومن هاي لحضة تحاجينة بس اكو مسافة بينة
زهراء...... كومي يمة شوفي عمرج كله تمنيتي ولدج يتحاجون على حياتج وهسة من وكعتي كامو يتحاجون كومي افرحي بالصلح مالتهم
باخر يومين اهواي سائت حالتهة سكرهة فوق ل500
وضغطهة صاعد وصخونة
لدكتور...... للاسف صار بيهة كورونا بالدماغ
ولازم اطلعوهة للبيت لان اذا بقت يودونهة للحجر وحالتة متتحمل حجر طلعوهة هي والله منكدر بعد نسوي اكثر من هيج
لكل...... لا حول ولاقوة الابالله العلي العظيم
محمد..... طلعناهة للبيت مرة حمد ابتعدت من عدنة ومخلية على خشمهة شالهة علمود لا تنعدي كورونا
حيل انقهرت
زهراء..... اعرف اذا تروح لبيتهة محد راح يداريهة لان بناتهة متزواجات ومرة حمد مستحيل تتقرب منهة كلت
محمد
محمد..... ها حبيبي
زهراء..... ناخذهة للمشتمل مالتنة اهناك اني ادارية
محمد.... اي شي اكيد لان نعرف شكو بيت ابوية
زهراء..... خليت الهة جرباية بالهول قريب على لمبرده وفراش نضيف ونومناهة وبقينة اني ومحمد معفناهة ابد نسهر ليل كلة وياهة ولساعة 8 لصبح يالة نام تجي وحده من لبنات يمهة
ثاني يوم كلت خلي اسبحهة شلناهة للحمام ولبنات وياية سبحتهة وكملت طلعناهة من لحمام خليناهة على لجرباية كلت كعدوهة خلي امشط شعرهة
حمد..... اني اشيلهة واكعدهة
زوجة حمد..... لالالا لا تشيلهة هيج البس اچفوف يالة
لكل.... 😠😳
محمد..... وخر اني اكعدهة تره امي انضف من لدنية كلهة
على فكره نسيت اذكر قبل لا توكع ام محمد
احداث ماضية
ــــــــــــــــــــــــــــــــــــــــــــــــــــ
قبل لسبعة مال حمد بيومين
بليل طلعت اسوي لمولد لجوزه عطلانة طلعت
بس اني اهواي تعبت قبل لعرس مال حمد
لمهم كحيت وعطست بس احس ظهري خنجر 🗡 صار بي دخلت للبيت
زهور يا زهور
زهراء.... ها ها حبيبي شبيك
محمد.... ظهري مااعرف شبي
زهراء.... ساعدتة وديتة لبيتنة مدد بالهول جانت لساعة سبعة لمغرب ولنومة نومة لثاني يوم ميكدر يتحرك مثل واحد مشلول صار
كلنة يجوز دمار لو متشنج بيوم ثنين تلاثة بالسواء صار
ام محمد.... ليش متروح للدكتور يمة
زهور احجزولة يم لدكتور يمة
زهراء.... اي يمة لعصر انشاللة
حمد..... منو يروح وياكم
زهراء.... ليش منو اكو غيري اني اخذه واروح
حمد.... اذا تحتاجون اجي وياكم
زهراء..... لا رحمه الله والديك ميحتاج 🫤
أم محمد.... انت تحجي صدك بنية شابة تاخذ رجلهة وتروح لوحدهة صار شي وكع هي شتسوي وحدهة
حمد..... ها لا احنة نروح وياهم
أم محمد..... انتم منو
حمد.... اني وزوجتي
أم محمد.... ههه بيهة لخير انشاللة رايحين ونسة
زهراء..... يمة ميخالف خلي يغيرون جو من الي صار
أم محمد.... انشاللة
زهراء...... رحنة للدكتور كال عنده انزلاق انطاه علاج ورجعنة
بس كل مااشوف محمد تطلع لدنية من عيني
محمد.... اشوف زهور محتاره بيني وبين امي
اثنينة نايمين بالغرفة وتنطي علاج النة
امي اسبوع تعبانة حمد مكال اخذهة للدكتور ليش هيج بسرعة تغير مااعرف
رجعت من لدكتور بنفس لسيارة اخذت امي وابوية ورحنة للدكتور علمودهم لان ابوية هم تخربط
(هسة تكولون جذب بس الله شاهد حتى سبعة الاخوية مسوينة لان بيوم سبعتهة اني وامي وابوية تخربطنة)
لبنات..... تخبلنة من اجينة على اهلي امي وابوية ومحمد كلهم بالفراش نايمين عين مصلت على لنبي
أم مصطفى.... اي طبعاً عين اذا محمد وزهراء بالعرس عبالك عشاق اول لقائهم وبس يركصون سوه اباوع لناس عايفة لعرسان ويباعون الهم
مريم..... وحده تكول هذا مستحيل حب عادي اله ساحرتة وهيج يموت عليهة
ــــــــــــــــــــــــــــــــــــــــــــــــــــ
نرجع للواقع
........
محمد... بية مابية كعدت امي اني وزهور مشطت شعرهة
زهراء..... بقينة على هاي لحاله لمدة 20 يوم بيوم 28/8/2020 صادف عيد زواجنة لرابع وندخل لسنة لخامسة كل سنه نحتفل وانتي ويانة وهل سنة مكابلينج وكاعدين
فتحت عين وحدهة بس مااعرف شنو جان سبب فتح عينهة ههه احنة فرحنة عبالنة صحت
محمد محمد
محمد..... ها شكو
زهراء.... امك امك
محمد..... شبيههههة
زهراء.... فتحت عينهة
محمد.... والله
زهراء... تعال شوف
محمد.... شفتهة بس للاسف عرفت شنو معناهة بس محجيت شي
زهراء..... لليل اشوفه صارت زرقة
كلت لمحمد
محمد..... مااعرف اخاف بردانة
لزمت جسمهة بارد ثلج
اتصلت على لدكتور كال جيبلهة اوكسجين
طلعت للحجر لصحي ساعة 12بليل عندي صديقي اهناك جبت الهة واجيت خليتة الهة ولوكتور علمني اشلون نستعملة بيقينة للساعة ب8 لصبح وياهة تعبت بعد مااكدر للسهر مااعرف اشلون غفيت
وافز
اختي..... محمد محمد.
امي متتنفس
محمد..... 😱
زهراء.... فزيت مرعوبة
محمد..... مااعرف شسوي
ابن اختي يمة راح جاب تكسي
زهراء..... اباوع محمد صار اصفر عرفت ضغطة صعد بطل مي ثل ذبيتة على راسة علمود يصحة
محمد.... حسيت مي نزل على راسي يالة صحيت
لفيت امي خليتة بالتكسي ززززهووووور البسي بسرعة وتعالي
وية طلعتنة خالتي دخلت هي وابنهة لحكونة للمستشفى
زهراء.... دخلناهة للمستشفة على لطوارئ لممرض بسرعة سحبهة راسهة انضرب بحافة لسياره عطت بي
كتلة
انت شبيك متحس اكو واحد هيج يسحبهة
لممرض.... محجة شي
زهراء..... دخلناهة الطوارئ بسرعة شكو ثوبهة فحصتهة لممرضة كالت
لممرضة..... لبقية بحياتكم صارلهة ربع ساعه مفارقة لحياة
محمد...... لاااااااااااا فدوه سويلهة صدمات كهربائية خليهة تعيش
لممرضة.... ليش تعذبهة اخوية خلص يومهة
زهراء..... اباوع محمد نام طول بطول وياهة
محمد...... لااااااااا يمة لا فده ياربي بقيهة هيج بس لا تحرمني شوفتهة
يمة كومي بعدج ماشايفة جهالي
ولج يمة شلعتي كلبي
يمة حاجيني يمة
زهراء.....ياعزيزتي ياصديقي ياحبيبة يايمة كومي
حمد..... 😭
زهراء..... رجعنة للبيت واشوف لناس كلهة ملتمة صريخ وبجي بس طبيت
لبنات...... ها ولج راحت صديقتج ودعتيهة
حضنني وحده وحده 🫂 نصرخ ونبجي
لنسوان...... بالعافية عليج يامرة محمد ونعم لتربية باريتية وداريتيهة اكثر من بناتهة
ام مصطفى.... ماجانت تريد وحده بس زهور تريدهة
مي...... من يوم لوكعت لحد هسة زهور وياهة
لباقيات من لبنات...... ااااااخ يمة رحتي بحسره جهال محمد يمة هاي لان زينة الله مانطاهة جهال
محمد..... احس ممصدك فقدت امي
اجوي اهل زهور علاقتي قوية بيهم
ام زهراء..... ها يمة حمودي راح لغالية
محمد..... اييي يمة راحت صرخت وبجيت بحضن ام زهراء
زهراء..... بيوم لثاني تحاجينة اني ومرة حماية لجبير ناس رايحة وناس جاية كلهة تكول رحمه الله والديج زهراء
كلت الحمدلله مقصرنة وياهة
خلصت لفاتحة وبدت لمشاكل بين حماتي الارملة ومرة حمد مشاكل وعرك وهي هم لسان طويل محمد كال تعبت من لمشاكل وامي ماصارلهة سنة
كعدهن اثنينهن وقسم لشغل عليهن ونفس لشي مشاكلهن صارت مشكله جبيره واجتي يمنة هي وحمد وبسببهم عمي طردنة من لمشتمل بس كال اني موالج لحجي بس لمحمد
مطلعنة احنة بس همة طلعو بمساعده محمد وعاده لكل علمود اخوه بس للاسف خلصت مصلحتهم منة وراحو كل يوم محمد يذكر امه
