#البارت الرابع
#عشق_بغدادي
.
.
بعض المشاعر لا تتڪرر🌹
بعض العناوين مهما رحلنا لا تتغير🌹
بعض المياه وإن لوثوها لا تتعڪر🌹
وبعض الصمت..عالي الصوت🌹
وبعض البدايات.. موت🌹
يمر العمر وأنت ڪما أنت🌹
ك استعمار لوطن يرفض التحرر🌹
لأجل أن نعيش واقعا أجمل🌹
علينا أن ندرك بأن كل ما كان في الماضي 🌹
هي دروس نتعلم مِنها🌹
و ليسَ خيبات نحملها على عاتق حاضرنا🌹
........
شكرا جزيلا على رد تعليقاتكم الحلوه
. شنو رايكم بفقرت الاسئلة حابين تتكرر اولا
...
.
.... نبدي
زهراء.... عقلي مخربط مااعرف شنو اجاوبه اخاف استعجلت أو قراري غلط اخاف اتقدم خطوه ومااعرف شنو تاليهة
للعصر رحنة لبيت ايمان
ايمان..... هلو حبي شلونج شخبارج مشتاقين
زهراء.... هلو عمري انتي شلونج الحمدلله بخير
ايمان.... شبيج يبين مريضة بعدج تفكرين بالي صار وياج حبيبتي انسي
زهراء..... لا والله بس موضوع غير شي
ايمان..... شنو هو احجيلي
زهراء..... تعبانة من لتفكير
ايمان.... ليش
زهراء.... ولج هذاك اليوم دا احجي وية محمد ودزيتلة مسج غلط و....... حجيتلهة كلشي
وهوة حجالي كل مشاعرة اتجاهي معقولة اكو هيج شخص صادق وبسرعة يحب
ايمان.... ليش مو معقولة ياعمري مو انتي حبيتي من دون متعرفينة شكو بيهة اذا كلامة
صدوك
زهراء.... مااعرف 😭 احس كلشي مخربط عندي اخاف والله اخاف من عواقبهة
ايمان... ولج شنو الي يخوف اذا الله كاتبلكم تكونون لبعض راح تصير واذا لا مراح تكمل خليهة على الله وتقدمي خطوة
زهراء.... تعرفين اني اول مره احب من كل كلبي ابد محسيت هذا الاحساس الحب شي حلوووو
ايمان...... الله يحفظكم ويسعدكم كلبي
زهراء.... تسلمين حياتي
بعد مارجعنة للبيت قررت وفكرت كلش زين
وقررت اراسل محمد..
.....
محمد..... بعد ماطلبت وقت تفكر احس ارتاحيت من الي بداخلي
وبقيت انتضر لرد.
....
زهراء... هلو محمد اشلونك
محمد.... هلو سمر الحمدلله بخير انتي شلونج
زهراء..... الحمدلله تمام
محمد.... دوم يارب
زهراء..... تسلم
محمد.... سمر فكرتي بالموضوع
زهراء..... احبك ❤
محمد...... جذااااااااااابة 😳
زهراء...... ليش
محمد...... متوقعت
زهراء...... اني من زمان حبيتك بس مجنت اكدر احجي
محمد...... لا لا لا مستحيل يمكن حلم هذا (اوف يارب احس كلبي فز من مكانة ياربي اني بحلم لوعلم)
وعد راح اخليج اميرة حبي وبنت كلبي وعشيقت روحي ودلوعتي وبنيتي وكلشي الية سمورتي
زهراء....... ☺️ احم بس اني اريد نبني حبنة بالصدق واني كذبت عليك اني مو سمر اسمي زهراء و.... حجيتلة كل حقيقتي
محمد......(من فرحي ماهمني لان مو مهمات الي خفتهن ومنحقهة فعادي ماكو اي مشكلة عندي) بس هذني بعد ماكو شي خافيتة
زهراء..... لا والله هاي كلشي
محمد.... ميهمني الي يهمني انتي بعد كلبي
بس زوزايتي ممكن طلب
زهراء..... تفضل
محمد.... ممكن تثبتين ماسنجر بس علمود اسمع صوتج لان ميصير نبقة هيج والله مااتحمل بعد
زهراء..... مااعرف بس اخاف اتصيرلي مشاكل
محمد..... ليش اتصيرلج مشاكل
زهراء..... مو ميقبلون اهلي بالماسنجر
محمد.... لعد اشلون نتواصل
زهراء.... امممم تمام اني عندي رقمي لخاص بس بشرط متتصل ولا ادز مسج الة اني ادز
محمد...... جذااااااااااابة ولج شنو هاي لمفاجاات ليوم تخرخرين مفاجأت 😆
ربي رحمتك
زهراء..... ههه بعدك مشايف شي عيوني
محمد..... بوية هنوبة عيوني لا اني اريد سميرة انتي مغيرين اعداداتج
زهراء...... عزززززززززه هاي شبيك
محمد...... تعاي نتفق اتفاق
زهراء..... الي هوه
محمد..... شوفي بعد اسمي واني هم مااكول اسمج بس اذا زعلانة مني تمام گلبي
زهراء...... اممممم اوك تمام عيوني
محمد..... حبيبتي تعرفين اليوم اسعد يوم بحياتي كلها
زهراء...... صدوك يارب دوم انشاللة لفرح ولسعادة يمك
محمد..... كلشي مااريد اريدج بس انتي
زهراء.... تسلملي عيوني
يلة اخذ راحتك
محمد..... بنيتي انتي راحتي يلة تعاي
زهراء..... وين اجي 😳
محمد.... انتي مو تكولين اخذ راحتك واني كتلج تعاي لان انتي راحتي
زهراء...... ما يفهم الدكتور ماعنده عرفه 💔
حسباله كل وجعان ترهمله وصفه💔
كاتبلي كومه علاج يضحك عليه 💔
مايدري عطر هواي جن صيدليه 💔
ذب القلم دكتور شك الشهادة💔
ومحلفك آلقران عوف العيادة 💔
مو كل وجع تنطيه حبايه وابره 💔
داء العشك هيهات تلكاله خبره 💔
تصبح على خير 😍
محمد...... يا اللة فدوة اروح للي تتغزل
وانتي بخير بنيتي نامي زين احبج عسولتي
......
محمد..... يارب شكد فرحت احس طرت من لفرح وعدت نفسي مااسوي اي شي يغضب رب العالمين لان اريدهة حلالي ومااريد تعرف اشياء موزينة لان احسهة خام ابيض فدوه الهة بنت گلبي ربي لا تحرمني منهة اجمعنة بالحلال مو بالحرام
.......
زهراء..... فرحت واحس احساس غريب بداخلي نمت واني مرتاحة بس نسيت انطي رقمي ولو يلة ميخالف ميصير اذب ميانة بسرعة شيكول علية
......
ثاني يوم لصبح
....
محمد.... صباح الخير حبيبي 😍
صباح الورد ياقلبي
صباح العسل ياعسل
صباح الحب والسعادة
صباح الجمال
صباحك ورد وياسمين
....
حبيبتي يلة اكعدي ليش نايمة لحد هسة اشتاقيتلج بنيتي
......
حبيبتي اكعدي نتريك سوه
اريد اتريك باابتسامتج لحلوة
وارايد عسل من شفايفج لعسل
اريد كاهي من خدودج لجنهن تفاحة
.......
زهراء.....
اول مكعدت لصبح اخذت فوني وفتحت لفيس
ياربي شنو هاي لكلام لحلو من لصبح
.....
زهراء...... صباح الخير حبيبي
محمد..... صباح الورد والياسمين حبيبتي
احلى كلمة حبيبي اسمعهة منج عسولتي
زهراء..... شنو هذا الكلام الحلو من لصبح
محمد....... كل يوم الج مني هيج صباحيات
زهراء..... تسلملي حبيبي
محمد.... يلة فراشتي كومي غسلي وتريكي زين
زهراء...... تمام حبيبي.وأنت هم روح اتريك
محمد..... حبيبتي اني تريكت قبلت لان عندي شغل انتي تريكي وانتظريني حد ماارجع من لشغل ونتراسل
زهراء....انشاللة حبيبي دير بالك على نفسك
بس منطيتني رقمك
محمد ..... يابة من لصبح ولعسل يطلب رقمي اخ ياربي الف الحمدلله
تمام كلبي هذا رقمي......... 077
زهراء..... اوك حبيبي تمام بااقرب وقت انشاللة اتصل بيك
محمد..... تمام. بنيتي يلة باي
زهراء..... بايات
.........
محمد..... طلعت للشغل بس بالي بغير مكان ابن خالي صافن علية
ابن خالي...... ها محمد شبيك صافن شمتعشي
الووووووو
لصفنة موالك 😂
محمد...... ووجع شبيك
ابن خالي...... شنو شبيك صار ساعة احجي وياك وانت بغير عالم شكو
محمد..... بنت لذينة وكعتني اااااااخ
ابن خالي..... 😂 تستاهل
محمد...... ولك لبارحة كالتلي احبك ❤
احس فراشات طارت من كلبي
ابن خالي..... محد ركعك بنعال وكع فراشاتك
محمد...... ابن ل...... موصوجك صوجي احجيلك
ابن خالي..... لا والله عوف لشقة وعوف لصدك احجيلي
محمد.... شلون يعنب اعوف لشقة واعوف لصدك عجل شحجيلك ابن لحلو
ابن خالي..... صدك تحبهة
محمد..... اي والله وقررت بعد كم شهر يمر افاتح اهلي باموضوع اشوية وجهازي دك رقم
غريب.....
محمد....... الو نعم
...... الوووو هلاووو
محمد..... تفضلي منو
....... بكيفك سمر او زهراء
محمد..... بصدمة وفرحة هلا والله هلا وغلا فديت هلصوت يابة اليوم منين لشمس طالعة
زهراء..... من بغداد 😉
محمد..... فديت بغداد وبنت بغداد
هسة ارتاحيت
زهراء..... ليش
محمد.... عبالي حبيت جبار 😂
بس طلع جبار صوتة ناعم وكيوت
زهراء..... ههههه
محمد..... بوية فديت هاي لضحكة
زهراء.... احم تسلم
محمد.... اي ملاكي شلونج
زهراء..... تمام الحمدلله
محمد..... دوم يارب بخير حبيبتي
زهراء..... تسلم عيوني
انت شونك شخبارك شكو ماكو
محمد..... من سمعت صوتج صرت زين ماكو شي سلامتج حبيبتي اني بالشغل
زهراء...... دوم يارب لعد اخذ راحتك
محمد..... انعل ابو لشغل اهم شي صوتج اسمعة.
زهراء...☺️
محمد..... تعرفين مجنت متوقعج تتصلين بية
زهراء.... ليش
محمد..... يا ولج دقيقة
زهراء.... شكو
محمد.... حبيبتي نسيت انتي لمتصلة سدي واني اتصل بيج
زهراء..... لا عادي ماكو مشكلة
محمد.... لا گلبي ميصير
زهراء.... تمام
محمد...... سدت لخط واني رجعت اتصلت بيهة بس ابن خالي صافن علية ويسمع شنحجي لان صوت عالي شوية وكال
ابن خالي.... رحمة لوالديك ماكو بعد وحدة عدهم هيج صوتهة يريح گلبي مثلك
محمد..... 🤨 لا ماكو
زهراء....؟. 😳 عزززززززززه شكد عيب محمد احم اقصد حبيبي
محمد..... اشتعل عمي على هاي لكلمة
يروح حبيبج
زهراء..... من ترجع للبيت نتراسل على لفيس هسة خلص شغلك وبعدين نكمل كلام
محمد.... اوك تمام بس شعجب اتصلتي
زهراء..... مو بس اني بالبيت بابة و مامة طالعين فلا تتصل الة اني اتصل عليك تمام
محمد.... تدلليل بنيتي يلة اخذي راحتج حبيبتي باي
زهراء.... تمام حبيبي
.......
محمد... بعد هاي لمكالمة حسيت رحت بغير عالم الحمدلله على رزقك ياربي بعدني صافن ومااحس الة دفرة بصفحتي
ابن خالي.... وين صفنت
محمد..... 😡😡 ابن ل...... ليش جفلتني من وراك كطعت لخلفة
ابن خالي..... يول لهدرجة تحبهة وانت مشايفهة لك شوف لحلك راح ينشك من الابتسامة
محمد..... 😀
ابن خالي..... سد حلكك لا تفوت ذبانة
محمد... 😡 ولي منا
ابن خالي... انت ولي لان صاعد بسيارتي مواني بسيارتك
محمد...... ها اي هم صدك 😂
...............
زهراء..... كعدت لصبح تريكت وكملت شغلي اكيد بمساعدة مامة
بابة أخذ مامة وطلعو بقيت وحدي بالبيت كلت خلي اتصل على محمد
دك اول دكة ولثانية كال الو
احس كلبي راح يوكف بس لا غلط بالرقم لمهم بقينة نسولف لحد ماسمعت ابن خاله يحجي وياه مكدرت اكمل كلام سديت لخط شوية واهلي اجو كلت الحمدلله بالوقت لمناسب صار من سمعت صوتة احس كلبي ارتاح
........
مرت الايام نفس لروتين وبدت علاقتي بمحمد اتزيد متنقص وصار عندي بالدنية كلهة وهوه بعده على وعده الية مطلب بعد اي شي مني بس بمرة كال
......
محمد..... هلو ملاكي اشلونج شخبارج مشتاقلج بكد رحمة الله
زهراء..... هلوووو عمري الحمدلله بخير دامك بخير اني اكثر مشتاقتلك
محمد..... حبيبتي مشتاق اشوفج
زهراء...... 😳 يعني شلون
محمد...... شنو شلون
زهراء...... انت تعرف بية اني مااطلع ومااكدر ادزلك صوره
محمد..... ليش متثقين بية
زهراء..... لا مو شغلت مااثق بيك صار سنة احنة سوة ماكو يوم مثقيت بيك بس انت اعرف ليش
محمد...... يعني شنو
زهراء...... بدون زعل بس شنو يثبتلي متاأذيني بصوري بعدين وانت اعرف بعد
محمد..... ولج انتي روحي اشلون ااذيج اعرف صعبة عليج بس ولا يهمج اني راح اتصرف
زهراء..... حبيبي لا تزعل الله عليك 😟
محمد..... لا حبيبتي مزعلان مااكدر ازعل منج عسولتي
زهراء...... تمام حبيبي
محمد..... تمام بنيتي اخذي راحتج
زهراء..... ماشي حبيبي باي
محمد...... باي حياتي
..........
محمد..... اهواي ضجت لان ماعدهة ثقة اوتخاف ااذيهة بالصور بس مستحيل اذيهة وهي روحي وقررت افاتح اهلي باموضوعي
واخلي حد لكلشي بعد كافي صار سنة اذا اطول متصير حلوة والله هم ميقبل
كلت يوم الجمعه اجمع اهلي وافاتحهم بالموضوع مشت الايام ليوم الخميس اللة لا يعود هذا اليوم لمشؤوم
.......
زهراء..... بعد ماسديت لخط من محمد حسيتة ضاج من كلامي بس صعبة علية ادز صوري لو اطلع وياة فهمتة من شنو اخاف لمهم مشت
الايام ليوم الخميس
اجتي بي اختي حوراء بس حوراء بعدهي متعرف بعلاقي وية محمد اجتي ضحك وسوالف وتغدت يمنة للعصر كالت
.....
حوراء.... مامة عندي حجي وياج
الام..... اي يمة كولي
حوراء..... مامة زوجت عم زوجي شافت زهراء
وتريدهة الاخوهة ولولد ميعيبة شي وحتى بيتة وحد ام وابو ميتين بس خواتة وكلهن متزوجات
زهراء..... 😳 بصدمة مااكدر احجي كدام امي
وحوراء مستمره تسولف وكالت اذا بابة يجي اكلة اهنا بعد مااتحمل لان اذا توصل يم بابة كلشي يخرب لان امي اكدر احجي وياهة كلت لا والله اني مااريد استعجل بالزواج بعدني صغيرة ممجبوبة هسة ازوج 😢 عفتهم وكمت
امي وحوراء.... 😳😳 هاي شبيهة
حوراء.... عوفيهة مامة اني اشوفهة شبيهة
الام..... اي روحي شوفيهة شبيهة وهذا الحجي خلي بيناتنة لا تحجين كدام ابوج
حوراء.... اي مومشكلة اني اشوفهة واقنعهة
زهراء شبيج ليش تعصبتي حجيت شي غلط حبيبتي اني لمصلحتج ولولد خوش ولد وثانيا خلي يجي وشوفي اذا ماعجبج ارفضي
زهراء.... حوراء مو هاي لمشكلة
حوراء..... اي حبيبتي اعرف خايفة من الحياة الجديدة بس لزواج استقرار للبنية شكو بيهة وبعدين امي وابوية مادايمين النة بعد عمر طويل واحنة ماعدنة اخوان علمود نكعد بفيهم فكري زين
زهراء..... حوراء افتهميني هذا كلة ميهمني اني مرافضة لزواج كلة بس 😟
حوراء.... بس شنو
الام..... حوراء مامة ابنج يبجي تعالي بعدين كملن اسوالف
حوراء..... اي مامة جاية يلة حبيبتي بعدين نحجي
زهراء.... تمام بس لا تحجين كدام بابة
حوراء.... اوك تمام....
زهراء.... 😢😢اتصلت على محمد بس كال الو
محمد..... الووو هلا بالحب
زهراء..... 😭😭
محمد.... شكو شصاير ملاكي شبيج تبجين
زهراء.... بعصبية كلت... اذا انت صدوك تحبني وتريدني اثبتلي حبك واذا لا لسبوع ليجي خطوبتي
محمد..... 😶😯انتي شنو تحجين
زهراء.... هذا لعندي جاييني خطابة بس ملحكت احجي وية اخت بسرعة كالت الامي وانت بكيفك... و.... وحجيتلة كلشي
محمد...... حبيبتي لا تضوجين روحي واني احلهة
زهراء.... تمام باي
محمد.... باي حياتي
....
محمد.... احس نار 🔥وصار بية مااعرف شسوي بس احس دموعي تنزل اخاف اخسرهة ياربي لا تفرقنة 😢احس سعادتي وفرحتي وياهة كلشي مااريد منك يربي لافلوس ولااطفال ولاصحة اهم شي هي ياربي احبهة لا مااحبهة اعشقهة اتنفسهة ياربي اريدهة حلالي مااتخيل غيري يلمسهة اموت والله خلص لازم انهي لموضوع واخذهة حتى لو اخسر كل دنيتي علمودهة 😭موعيب لرجال اذا نزلت ادموعة على وحده يحبهة بس عيب اذا مااخذهة حسيت ايد عليهة 😢اباوع اشوف اختي ام مصطفى 🫂
.........
زهراء هستوني اريد اروح يم اهلي واسمع بابة يكول لحوراء شكوبيهة بنيتي خليهة على يوم الخميس 😟😯واللة كريم
......
