#البارت_13
#بقلم_شروق_الشمس
#عشق_بغدادي
.~
{خدج لو يصح فنجان..💎"
عشر سنين مااهزه ..🎈"
هيه العافيه بملكاج ..🔐"
موش بشمة الخبزه..😻"
،ــــــــــــــــــــــــــــــــــــــــــــــــــــــــ
محمد..... اجاني اتصال وكالو خالي اتوفة دخلت على زهور وخطية الكاهة محضره نفسهة ومزينة لغرفة مال عيد الحب واني جنت جايبلهة هدية كلادة اسم الله بيه علمود الله يحفظه من كل شر
خطية تفاجأت من سمعت لخبر اباعلهة بدت تلملم بالغرفة
حبيبتي تعالي يمي ياروحي
زهراء.... ها حبيبي
محمد.... لا تلمين شي كلبي
زهراء.... لا حبيبي اشلون ايصير
محمد.... كلبي المات الله يرحمة الحي ابقى من الميت تعالي اشبع بيج وبعدين نطلع يم امي مستحيل اخرب فرحتج وهاي لزينة كلهة
زهراء..... حبيبي انت صدوك تحجي ميصير هيج عيب من امك كلبي
محمد.... لا عيب ولا شي اصل هي امي كالت لا تكول لزهور هسة لان خطية مسويتلك مفاجئة خلصو وبعدين كلهة
زهراء..... صدوك تحجي حبيبي
محمد.... اي والله كلبي ❤
مخليتهة تخرب اي شي حتفلنة بعيد الحب وانطيتهة هديتهة وهي جانت هماتين جايبتلي هدية ذوقهة كلش حلو خلصنة وبدلنة ولمينة كلشي
زهراء.... مخلاني اخرب فرحتي خلصنة ومسحت المكياج ورحت عزيت لبنات
ها يمة البقاء لله الله يرحمه ويغفر ويسكنه فسيح جناته بستهة من راسهة وبجيت وياهة مواساة اله
ام محمد..... الله يسلمج حبيبتي حياتج الباقية
شفتي يايمة راح وماشفتهة اخ يوخوية اخ ياابن امي وابوية
زهراء.... بدت خطية تنعي واحنة نواسي بيهة للصبح هيج بقة لحد مصبح لصباح ومحمد اخذهة وراح للفاتحة
زهراء..... يمة ديري بالج على نفسج موتبقين بس تبچين وسكرج يصعد
أم محمد... انشاللة يمة ديري بالج على اخواتج وابوج
زهراء.... انشاللة حبيبتي بعيوني
محمد حبيبي ديربالك عليهة
محمد..... انشاللة حبيبتي. مع السلامه
زهراء... اللة وياكم
اتصلت بااهلي انطيتهم خبر هماتين بابة كال باچر نجي كتلهم زين هلا بيكم
لليل محمد رجع وكتلهة اهلي حيجون باجر
محمد..... هلا بيهم وانتي هماتين ترحين لان امي كالت جيب زهُور وياك
زهراء..... انشاللة حبيبي
صار ثاني يوم بدلت وحضرت نفسي اني وحماتي رحنة للفاتحة دخلنة سلمنة على لكل
محمد..... يابة خاله ديبالج على مرتي
خالت محمد..... بعيوني هل بغدادية هاي
زهراء..... شكرا خاله
راح محمد. دخلنة جوه اجتي ام محمد يمة
ها يمة اشلونج
هذا علاجج جبتة وياية
أم محمد..... اي يمة رحمه الله والديج
زهراء..... والديج يمة
أم محمد.... تعالي يمة سلمي على الحبايب هذني كلهن حبايبي.. حبايب هاي مرة محمد ابني
لكل..... هلا بيج احبيبة
زهراء..... سلمت على لكل يمكن حتى جوارينهم سلمت عليهن اخ يابة ضهري انكسر وخدي راح من لبوس
اجوي اهلي طلعت بره علمود ادخل مامة سلمت على بابة
ودخلت مامة جوه يمي ام محمد كلهم عبالهم امي اختي لچبيره سلمنة وكعدنة اشوية وجابو لغده يبوووو اني ومامة وحده تباع على لثانية لان اثنينه مناكل لتشريب بأيدينة منعرف
ام محمد.... ها يمة ليش ماتاكلن
زهراء..... ها لا دناكل يمة
ام محمد.... 🙂عرفت ليش متاكلين يمة
نورا جيبي خواشيك اثنين
نورا..... اي خاله هاج هاي لخواشيك
أم محمد.... هاج يمة اكلي انتي وامج
زهراء..... تسلمين يمة
أم محمد.... بالف عافية
رحمه...... حبيبة اجيبلج تمن ومرك هيج
ام زهراء وزهراء..... لا حبيبة خير هذا
كلهة سالتني هاي منو واني اكول امي
للعصر اهلي رجعو لبغداد شكد كنالهم ارجعو ويانة مقبلو يرجعون واني بقيت يمهم جان وحده تسالني اكلج حبيبة انتي بت ام محمد
من فده شكد حليوه كلت حبيبتي خاله تسلمين لا يعمري اني چنتهة موبتهة
كالت ياهي منهن كتلهة زوجة محمد كالت اها لبغدادية يمة فده هيج حلوات بنات بغداد اشو چنتهم لچبيره مومثلج
كلت خاله كلمن وطبعة بعد
يبوووو كوه خلصت منهة
رجعنة للبيت ولفاتحة خلصت وام محمد هماتين رجعت وره لسبعة للبيت وبدت ناس تجي تاخذ من خاطرهة عيالي عدهم طبع ميلبسون اسود للميت وميچلبون بالحزن
يمنة بداية شهر لثالث لحد نهايتة لناس تطلع سفرات على لجبال فلبنات واني قررنة نطلع سفره هماتين بوكتة محمد مكال شي من رجع من لشغل اخذنة ورحنة
محمد..... لبنات رادن يروحن سفره يم لجبال ياريتنة مرحنة لهاي لسفره
لمهم رجعت من لشغل تغدينة ولبنات لمن لبيت
كتلهن بدلن ونطلع
زهراء..... اني مااتذكر اي شي من الي صار
محمد..... زهور بهذا اليوم كلشيتهة متغير احسهة موويانة بس فرحانة ومرتاحة بدلنة دنريد نطلع جان تكول مااتصلت بااهلي اخاف نتاخر وارجع تعبانة واهلي يضل بالهم اتصلت بااهلهة وطمنتهم وبقت تحجي وياهم وكل اشوية تجي تنام بحضني لوتحضني لو تبوسني وبس تكول اني فرحانة ومرتاحة وياك واحبـــــــك ااااهواي احس كلبي بدأ ينغزني مردت انروح بس كلت خطية مبدلات لبنات خليهن يتونسن بس ابد ممرتاح
اخت محمد مي..... محمد لدنية هوى عالي ليش مناجل لطلعة
محمد..... لان انتن مبدلات ليش نبطل
أم محمد..... دير بالك على زوجتك واخواتك يمة
محمد....... انشاللة يمة
شفت زهور مبدله ومكملة كتلهة حبيبتي ناخذ تكسي لو نتمشة كالت لا نتمشة بس انت لا تعوف ايدي لان احس املك لدنية من تلزم ايدي ونمشي مشينة تقريباً اقل من ربع ساعه يبع لمكان من عدنة كعدنة وتونسنة وبدينة ناخذ صور كتلهة حبيبتي تعالي نروح على هاي لتلة ناخذ صور كالت بس اني ادوخ من شي عالي كتلهة موعالية ولاتباعين جوه لمهم صعدنة واخذنة صور ودنريد ننزل اشوف زهور تريد تنزل من مكان كلش منحدر بعدني ممكمل اريد اكلهة تعالي منا ننزل بس هي خطية مااعرف بيهة دايخة وتمشي بلا وعي مااشوفهة اله اغمة عليهة وكعت من لجبل بقت تدحرج ونهاية لجبل كاصينة مسوينة شارع كله صخر واحجار تقريباً مسافة 5 او 6 مترات عالي من لشارع واتوكع من هاي لمسافة للشارع بعد ماادحرجت تقريباً 10 مترات من لجبل وكعت بس هي من وكعت كعدت من الاغماء بس مو بوعيهة متعرف شتحجي وتصرخ من چتفهة اني مااعرف اشلون نزلت وراهة بس اريد الزمهة واريد سياره اخذهة المستشفى ماكو تخبلت عليهة خليتهة بحضني وابجي اكلهة ثاريج تدرين يصير بيج شي وچنتي هيج تحجين ومتردين تعوفيني تعرفين بنفسج حيصير شي الج وخابرتي اهلج ياراحتي ابقي واعية لا تغمضين ولج انشلع كلبي يالة اخذتج اشلون تعوفيني بسهولة زهوووووور لا تغميض عيونج الحلوه فدوه اروحلج اتحملي حبيبتي هسة اخذج المستشفى حبيبتي لا تعوفيني والله مااكدر بدونج
اخواتي يبجن عليهة ادك على سواق ماكو لناس التمت علنة اخر شي دااريد اشيلهة واجتي سيارة خليتهة بحضني وللسياره ولبنات لمن لغراض حتى ذهبهة اتكطع واطشر من قوة لوكعة وصلنة للبيت لبنات نزلن علمود امي تجي
اجتي امي خطية بدون عباية
أم محمد.... ها ولج يمة زهور يالغالية شجاج
يايمة ردي علية اشوف بلة افتحي عيونج
محمد..... امي من شافتهة هيج كامت تبجي وتكلهة شكول لاهلج يمة ولج بعدج عروس ورحتي ماتهنة بيج وليدي ولا انتي تهنيتي بي
وصلنة المستشفى وكبل الطوارئ وسولهة فحوصات ضغطهة باقي درجة وحده وعدهة كسر بعضم لترقوه الحمدلله مابيهة شي بس تعبانة خلولهة مغذي بس كالو منكدر نچبسهة لان لمكان ميتچبس لدكتور كال بس تصحة تكدرون اطلعوهة بقيت كاعد يمهة اشوية وبدت تحس ها يروحي اتسمعيني
زهراء..... محمد حموودي اااااخ يمة جسمي كله يوجعني
محمد.... ياراحتي مابيج شي حبيبي بس اشوية ضغطج نازل
أم محمد.... ها يمة حمدالله على السلامة حبيبة
زهور..... اريد حمودي
محمد.... هياتني يمج يروحي
حضنتهة واخذته بحضني بس بعدهة مو بوعيهة مثل واحد بالبنج من لخوفة طلعنة من المستشفى وديتهة على مجبرچي يمنة يعني طب عرب بس شافهة عرف وين لكسر كال بسيطة انشاللة جبر چتفهة مت يم لركبة وكال 10 ايام وتشيل لجبس رجعنة للبيت وهي محاسة بشي بس تحجي ويانة بس موبوعيهة
خواتي وازواجهن كلهم ملتمين عليهة اخذتهة للغرفة بدلتلهة وغسلتلهة وانطيتهة علاجهة ونامت
زهراء...... فزيت جسمي كله يوجعني ايدي ثكيلة اباوع مجبسة هاي شصاير
محمد..... ها حبيبي
زهراء... شنو صاير
محمد.... حبيبتي شبيج متذكرين شي
زهراء.... لا مااتذكر يااا عززززة هسة امي بالهة يمي ليوم ممتصلة بيهة
محمد.... حبيبتي هاي شبيج مو اتصلتي بيهة لعصر قبل لنطلع
زهراء.... ليش وين طلعنة وشنو صاير
محمد..... زهور هاي شبيج اعرف هاي مقالبج لبايخة مالي خلك احجي
زهراء..... والله مدااتذكر شي 🥺 شنو صاير
محمد...... حبيبتي من طلعنة وــــــــــــــــــــــــ حجيتلهة كلشي صار
زهراء.... الحمدلله على كل حال
محمد.... حبيبتي متاذية
زهراء... اشوية
محمد...... حبيبتي جبتلج عشة من بره تتعشين واخذي علاجج وارتاحي
زهراء.... ماشي حبيبي
محمد.... حبيبتي لبنات هماتين سلمو عليج وراحو
زهراء..... ليش حبي لبنات هماتين اجوي
محمد..... 😲 حبيبتي هاي هماتين متذكرينهة
زهراء..... لا
محمد...... تمام حبيبتي انشاللة ماكو شي
ضل بالي ليش مجاي تتذكر شي كلت باجر انشاللة اوديهة للدكتور واشوف جبتلهة لعشة مخليت احد يديرباله عليهة لان مااريده تحس نفسهة ثكيله على احد
كعدت لصبح سويت ريوك لزهور ونطيتهة علاجهة وبدلت ملابسهة ولميت غرفتنة وخليت كلشي يمهة قريب وقبل مااطلع للشغل وديتهة للحمام وفرشت اسنانهة حتى شعرهة مشطتة علمود متحتاج شي من لبنات بس وضعهة معاجبني وصيت اهلي عليهة وطلعت للشغل كل اشوية اتصل بيهة كتلهة لا تتغدين اني اجيبلج وياية غده خلصت شغل حجزت اله يم لدكتور للعصر اخذتلهة غده ورجعت للبيت
دخلت للغرفة شفتهة نايمة بس وجههة اصفر
علكيف بدلت وحضرتلهة لغده بدون حس
ها يمة زهور هم كعدت احتاجت شي
ام محمد.... لا يمة وديتلهة ريوك كالت متريكة
محمد محمد سوالي ريوكت ولوكت كله هي نايمة وصفره اخذهة للدكتور
محمد.... اي يمة حجزت لعصر اوديهة
ام محمد.... اني اجي وياكم
محمد.... انشاللة ساعه 4كعديني انروح
دخلت كعدت ملاكي علمود تتغده
زهراء..... الله يساعدك حبيبي
محمد..... ويساعدج يروحي شلون صرتي
زهراء..... الحمدلله بخير
محمد..... كومي خلي اساعدج تتغدين
زهراء..... تمام حبيبي
محمد... اكلت اشوية وبطلت اكل ورجعت نامت اتصلت على اهلهة وكتلهم نمت اشوية وامي كعدتني بدلت وكعدت زهور بدلتلهة وغسلتلهة ورحنة للدكتور شافهة وسوالهة فحوصات الحمدلله مابيهة شي بس رضوض والكسر وسالتة علمود لنسيان كال شي عادي من لصدمة فتره وتصير زينة
رجعنة للبيت وثاني يوم اهلهة اجوي يمنة بقو 2 وراحو بقيت على نفس لحال لمده 10 ايام لحد ماصارت زينة الحمدلله مرت بسلامات من فتحت ايدهة جبتلهة ذبيحة على سلامتة مرت الايام وصار عيد الأم
زهور اتصلت بية كالتلي
زهراء..... حبيبي اليوم عيد الأم جيب كيكة وياك خلي نحتفل بامك
محمد.... انشاللة كلبي
زهراء..... جاب لكيكة زينتهة بالشموع ودخلنة عليهة اني ومحمد نغني
زهراء......... ست الحبايب ياحبيبه يااغلى من روحي ودمي
ياحنينة وكلك طيبة يارب يخليكي يا أمي
محمد..... زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
تعيشي لي ياحبيبتي يا أمي ويدوم لي رضاكي
أنا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
زهراء....... يارب يخليكي ياأمي
محمد🌺 يارب يخليكي ياأمي
لو عشت طول عمري أوفي جمايلك الغاليه علي
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
محمد وزهراء ولبنات 🌺.. يارب يخليكي ياأمي ست الحبايب ياحبيبة 👏👏👏👏👏 عاشوووو
محمد وزهراء.... كل سنه وانتي اجمل ام بالدنية
أم.محمد..... 🫂😭 الله لا يحرمني منكم حبايبي
ويرزقكم لذرية لصالحة
زهراء..... احتفلنة وخلصنة واكيد منسينة امي من لصبح اني ومحمد اتصلنة بيهة وعايدناهة
مشت الايام لشهر 7 اول سنة رمضان واني متزوجة بدينة نحضر لرمضان بس احس وضعي مو تمام اخر ايام رمضان وره لفطور اتعب واني ممسوية شي بس مواعين لفطور علية من اتقرب عليهن تلعب نفسي خطيه محمد يساعدني بيهن كلت وره لعيد اروح للدكتوره واشوف
خلص رمضان وخلص لعيد رحت الاهلي وبقيت يمهم من رجعت يسالوني ليش صايره صفره وضعفانة كتلهم يجوز من لصيام
محمد.... احس روحي تعبانه كلت خلي اخذهة للمختبر اخاف راجع عليهة فقر دم
اخذتهة كوه ورحت سالت ابو لمختبر كال لا هاي مومال فقر دم ساله كم سوال وسوالهة تحليل بس هي متعرف شنو نحجي لان متعرف لغة كردية
زهراء...... حبيبي شصار
محمد... تعالي ياروحي ماكو شي سلامتج خلي نرجع للبيت
زهراء...... مااهتميت لان ماافتهم شنو حجو
رجعنة للبيت دخلنة للغرفة
محمد...... 🫂❤مبرررررررررووووووك يااجمل ام
زهراء...... 😲 شنو
محمد..... انتي حامل حبيبتي راح تجي بيلسان لورده
زهراء....... ههههه والله
محمد..... اي والله حبيبي
زهراء...... الحمدلله يارب
وانت شعرفك بيلسان تجي
محمد..... مو مهم بيلسان او يوسف اهم شي اتمام لخلقة وانتي تكونين بخير
زهراء...... انشاللة حبيبي احس بفرحة كلش جبيره
طلعنة وبشرناهم كلهم فرحو وباركولنة والحمداللة عيالي صارو يموتون علية وخاصة ام محمد تعزني اغلا من بناتهة
بشرت اهلي هماتين والحمداللة
بعد فتره محمد كال لا زم اخذج للدكتوره نطمن عليج وعلى لجنين
رحنة دخلت للدكتوره سوتلي سونار
لدكتوره...... صح مامة اكو حمل بس حملج ضعيف ومابي نبض ننتضر بعد 15 يوم وترجعيلي يصيرلج شهرين ونص
طلعت بس مكلت لمحمد كلت اخليهة على الله
محمد..... ها حبيبي شكالت لدكتوره
زهراء..... مكالت شي بس لحمل ضعيف بعده مثابت شهرين هسة بعد 15 يوم وارجع واني مبية شي الحمدلله
محمد.... اي الحمدلله يروحي
زهراء.... رجعنة للبيت بعد اسبوع من روحتي للدكتوره كعدت لصبح اني موتمام احس وجع بضهري سالتي ام محمد كالت انشاللة ماكو شي
للظهر احس شي حار نزل علية رحت للحمام ولصدمة اهنا دم
طلعت كلت لمحمد جسمي كله يرجف بسرعة بدلت محمد جاب تكسي ورحنة للدكتوره محمد وياية وام محمد دخلت بس فحصتني كالت الله مقاسملج هذا لطفل بنتي
احس لدنية سوده صارة بعيني طلعت
محمد..... بالي يم ملاكي شفتهة طلعت كتلهة ها يروحي شصار
زهراء.... 😭 راح لطفل حبيبي
محمد..... 🥺
أم محمد.... 😭 اللة يعوضكم ابني
محمد.... انشاللة اهم شي هي بخير
زهراء.... رجعنة للبيت ودخلت لغرفتي مااحجي شي بس ابجي ونمت
...........
