#البارت_ال_14
#بقلم_شروق_الشمس
#عشق_بغدادي
...
ماريد الوكت وعلة الوكت زعلان
من يوم الغبت مامرة صالحتة
هيج تريد واحدبالعشك مجنون
من تغيب يزعل حتة وي وكتة
شنو نفع الوكت شوبس هضم وفراك
وبس نار العشك دلالي حاركتة
افكر بيك دوم من الصبح لليل
واجذب لو اكلك ليلي مانمتة
نمت لكن ونيني ايكعد الصوبين
مثل ونت عليل يلوج من علته
..........
زهراء.... ضجت وتعبت حلمي وفرحتي كلشي انهدم بلحضة رجعت مااعرف شكد مر وقت بين بچي ونوم فزيت على وجع بطني يموت بس ماعندي نزف من لوجع مكمت اشوف كدامي بقيت اصيح على محمد
محمـــــــــــد
محمد..... اسمع زهور تصرخ بس صرخة الم طفرنة عليهة كل احنة
ها يروحي شصار
زهراء..... حموت من لوجع 😭
محمد.... اسم الله عليج حبيبتي وين علاجج
زهراء..... مااعرف
محمد.... بقيت ادور على لعلاج
هذا لكيتة
مي جيبي ماي 💦خلي تاخد علاج
أم محمد.... لا يمة ميصير كلشي مماكلة من لصبح بنات روحن سون لاختچن عشة بسرعة
محمد.... لا يمة اروح اجيبلهة تكة من بره واجي تعوض لدم
ام محمد.... يلة روح وانت سولهة شوربه اشوية وعصير برتقال
لبنات.... اي يمة 🥺
ام محمد..... سوده عليه حبيبة عين 👁ما صلت على النبي
بديت اقره لمعوذات عليهة وسور لصغار افرك بظهرهة بس هي تلوب من لوجع 😥
محمد.... رحت بسرعة جبتلهة لعشة شفت لبنات محضرات كلشي انطيتة الهن
بنات خلنة بالصينية وجيبو
لبنات.... صار
والله خطيه متستاهل الي يصير بيهة لان زينة لو هي مثل هذيج لحقير لچبيره چان كعد حضهة
محمد.... رحت للغرفة اووووف احس كلبي انمرد عليهة كعدت يمهة وخليتهة بحضني
حبيبتي ليش هيج تسوين بروحج يروحي انتي
زهراء..... محمد تعبانه 💔وطفلنة راح 😭
محمد.... حبيبتي الله يعوضنة انشاللة ممقسوم النه هسة يروح احسن مايكبر وياذيج ياكلبي
لبنات... محمد محمد
محمد..... تعالن
لبنات..... هذا لعشة
زهراء.... مااشتهي
لكل.... مو بكيفج
محمد..... سويتلهة لفة صغيره ونطيتهة الهة
زهراء.... مااريد حبيبي
محمد.... لخاطري بس هاي
زهراء.... تمام
مي..... وهاي لفة صغيره لخاطري من ايدي
أم محمد..... وهاي مني اكليهة يمة
لا بعد وحده هماتين مني
لان اني اكبر وحده لازم حصتي اكثر
زهراء..... يمة مااكدر
أم محمد.... أزعل منج اذا متاخذيهة ليش تاخذين من محمد ومي واني لا
زهراء..... ماشي
لبنات.... وهاي هماتين لخاطرنة
زهراء.... والله شبعت
لبنات.... لا موبكيفج تره احنة نوكلجياهة غصب
زهراء..... ماشي
محمد..... تعرفين يروحي احلا شي شنو هسة
لكل....... مسالمة ومتعاند وووووااااااووووو
لكل.... 😂
زهور اخذي علاج وصيري زينة بسرعة الله يعوض لراح انشاللة تعودنة على ضحكتج بالبيت
زهراء..... انشاللة 🙂 شكرا على كلشي
لبنات.... انچبي احنة مو غربة
محمد.... يله حبي اخذي علاج
زهراء.... انشاللة حبيبي
اخذت علاج بس لوجع بعده مراح
محمد.... ها حبيبي شلون صرتي
زهراء..... بعدني موجوعة
محمد.... اتصلت على لدكتوره مالتهة وانطتني اسم ابره رحت جبتهة اله وامي جابت جيرانة ضربتهة لابره
اتصلت على اهل زهور وخبرتهم خطية امهة كامت تبجي بس زهور متكدر تحجي لان تعبانة
زهراء..... مر 3ايام صرت زينة بس ضجت لان اهلي مااجوي اجتي مي تتطمن علية
مي..... ليش تبجين شبيج
زهراء.... شفتي اهلي مكلفو نفسهم علمود يجون يشوفوني
مي..... اعذريهم حبيبتي يجوز عدهم ضروف
زهراء.... بعدني ممكمله اندك لباب سمعت صوت بابة طفرت لباب لحوش 🫂
ليش مكلتولي حنجي
وانت محمد تعرف وجايبهم ماكايلي
محمد..... علمود اتصيرين زينة بسرعة
امي..... واني مالي حضن 🫂حمد الله على السلامة حبيبتي
زهراء..... الله يسلمكم
مي.... هستوج تحجين عليهم وشفتيهم نسيتي كلشي
امي..... ههه عتب لحبايب چذاب
لكل..... هههه
زهراء.... الحمدلله من شفت اهلي ومر كم يوم صرت زينة اني مااعترض على حكم رب لعالمين بس صعبة مرت الايام على فكره هذا كله صار بعيد زواجنة
محمد.... بعيد زواجنة محتفلنة بااول سنة لزواجنة كلت خلي اتصير زينة ونروح للشمال نجدد شهر لعسل مالتنة والحمداللة صارت زينة بعد ماشافت اهلهة حجزت بنفس لموتيل ونفس لسويت بس بغير طابق حجزت اسبوع النة
رجعت للبيت
زهراء..... هلو حبيبي الله يساعدك
محمد.... ويساعدج يروحي
حضري نفسج عندي الج مفاجأة
زهراء..... امممم شنو هي
محمد.... لا حبيبي مراح اكلج اخذي جنطة ملابس بس كثري بيهن ملابس امممم لرومانسية وملابس طلعة لا تاخذين ملابس بيت
زهراء..... ههه عرفت
سفره لوحدنة
محمد..... اكيد بس تعرفين وين
زهراء.... امممم لا
محمد..... يلة حضري نفسج باجر لصبح نطلع
زهراء...... وين الله عليك كول علمود اعرف شحضر
محمد.... للشمال بس مراح اكلج وين
زهراء..... يس تمام حبيبي
حضرت كلشي الية واله وانطينة خبر للبيت ام محمد فرحت كالت سفره سعيده مقدما
روحو تونسو ثاني يوم لصبح طلعنة
وصلنة للدخولية مال لشمال جانو اذا عرب لازم يسوون اقامة فامحمد يحجي لغتهة مسووله بس اني لازم اسوي
محمد.... سيدي زوجتي وهذا لعقد مالتنة
لضابط..... انت كردي عادي بس هي
محمد.... هي هماتين كردية سيدي بس ساكنين بغداد
لضابط..... وينهة لخلي اشوفهة
زهراء.... اجه لضابط للسياره شافني بس قبلهة محمد كال اذا اجة اي احد وياية عليج اي شي لا تحجين بس اشري بيدج 😂
اجه لضابط وكام يحجي ويه محمد ويباعون علية كال روحو طريق السلامة
اجة محمد
ها حبيبي
محمد.... حليتهة يروحي
زهراء..... اشلون
محمد.... كتله.و.......
زهراء.... زين لو حاجي وياية واني مااعرف لغتهم
محمد.... لا تخافين حبيبي كتله زوجتي خرسة
زهراء..... عززززززه سويتني خرسة
محمد.... 😂 شسوي حبيبي لازم علمود لا نبعرهة
زهراء...... 🤨
محمد..... اشو سكتي
زهراء..... غير خرسة
محمد..... 😂 هم صدوك
زهراء..... وصلنة وااااااو سليمانية
محمد..... بشنو يذكرج
زهراء.... احلا ايام
محمد.... بعد مفاجأة اكبر
زهراء..... لا لتكول نفس لموتيل
محمد..... اي يكلبي ونفس لسويت بس بغير طابق
زهراء...... وووواوووو انت احلى زوج بالعالم واحلى حبيب
اموووت عليك
محمد..... فديت هاي لفرحة كلبي ❤
وصلنة للموتيل اخذنة لحجز ولمفتاح ورحنة للسويت
حبيبي يلة ادخلي
زهراء..... امممم احلى شي
محمد..... بس حبيتي مراح نبقه بالفندق راح نطلع ونتونس
زهراء..... انشاللة حبيبي
بس حبيبي مناكل بره اهنا ناخذ راحتنة اكثر
محمد..... انشاللة حبيبي
يله خلي لغراض نروح نجيب لنحتاجهن ونجي
زهراء..... تمام حبي
نزلنة لسوبرماركت اخذنة رويك وحبشكلات للسهره وصمون وكلشي اخذنة
رجعنة للفندق لمطبخ كلشي بي يعني منحتاج شي من بره بس محمد مقبل اني اطبخ كال جايين نتونس
راح جابلنة غده بس خير من الله بحيث لوجبة لوحده كفتنة يومين غده بيهة
اسبوع كامل تونسنة نطبع لعصر نرجع بالليل ساعة 12 ولنهار نايمين مخلينة مكان مرحنة النة واخذنة هداية للكل صدوك اتونسنة ونسيت الايام لمضت الحمدالله خلص لاسبوع رجعنة للبيت سلمت على لكل وانطيناهم هداياهم بس سمت بيت حماية حيجون اني مشايفتهم من اتزوجنة لهسة بعد كن يوم عيد الاضحى جان قبل لعيد بيوم اجوي عادي سلمت عليهم بس سلام عادي
محمد... اجيت من لشغل شفت بيت اخوية عدنة اني مااحجي وية زوجتة وهوه هماتين ميحجي وياية بدون سبب دخلت للبيت سلمت على اخوية مااخذ سلامي واني هم عفتة ورحت لغرفتي مااحجي شي بس كلت موصوجة صوجي اني حذرت زهور متندمج وية مره اخوية
زهراء..... بس مشفت شي من لبنية ليش اعاديهة
محمد.... لا عبالج لناس كلهم نفسج حبيبتي
هاي حية
زهور ديري بالج منهة ولا تاكلين شي من ايدهة مفهوم كلامي
زهراء.... صار حبيبي
طلعنة دنريد نتغده جانو لكل كاعده على لغده بدو يحجون على بغداد بس لحجي مو يمهة
جان تكول والله ل...... كلهم ازباله تقصد لمنطقة الي واني ساكنة بيهة 🤨
محجيت شي لخاطر لموجودين خلصت تنظيف لمطبخ وطلعت لكيتهة كاعده
كلت مي تعرفين ليش نضوج ونكره اهل ل..... منطقتهم اقصد
مي..... ليش
زهراء..... لان بيهم ناس نكسين حتى اللة متبري منهم 😎
محمد.... بم في منتصف الجبهة
لكل...... 😂 طارت لهيبة
هي هيج تباع علية 😠
زهراء... 🤭 حبيبي حجيت شي غلط
محمد.... لا يعمري محجيتي شي بس قصدتي اهل لصمون لان ممتعودين ياكلون خبز معدتهم تخرب
زهراء..... امممممم ايـــي لان كيوت 😉
محمد..... والله وصدك كيوت دبل قماره
لبنات....... 😂
أم محمد..... كومو نامو احسللكم
محمد وزهراء..... اي واللة لان اكو شي اهنا يصعد لجالي
كمنة
محمد..... يمة عود دزي كونية مال طحين للفرن
أم محمد.... ليش يمة
محمد.... علمود يسوولنة صمووووون لان معدتي متتحمل خبز اوووي
أم محمد..... 😠
متكعدون راحة
زهراء.... يايمة اني شعلية
أم محمد..... يلة لغرفتكم
محمد وزهراء.... رحنة 😂
ثاني يوم جان عيد كلنة تعايدنة اله زوجة حماية مااجتي تعايد لان احنة كاعدين اني مااحب اشيل حقد بكلبي لمهم اجتي للهول اني وكفتلهة علمود اعايدهة
هي عايدت ام محمد ولبنات وعافتني وراحت يبوووو لفشلة تموت بس من هاي لحضة مكمت احجي وياهة عفتهة طبقت مقولة علاج الجاهل التجاهل
مرت اشهر
أم محمد.... اليوم اريدكم كلكم تنجمعون عندي حجي وياكم
لكل...... صار
لليل انجمعنة كلنة بعد لعشة
أم محمد.... يمة اسمعوني لبيت ماعاد يكفينة واحمد لازم يزوج محمد يمة انت اخذ مرتك واطلعو بالمشتمل علمود توفي بوعدك اله وهم اخوك يصير مجبور يتزوج لان ماعدنة جنة بالبيت
زهراء..... 🤨 لازم مليتي من عدنة يمة
أم محمد... اكو وأحد يمل منج يبعد عمري اني اريدكم تعتمدون على نفسكم لان احنة مدايمين الكم
محمد...... بس يمة
أم محمد..... لابس ولا شي يمة انت ومرتك ممقصرين بشي اختاريت ونعم الاختيار ابني اللة يوفقكم ويبارك بيكم
شوفو اني ماقصرت من ام زوجي داريتة وباريتهة وماتت بيتي مايوم تعاجزت منهة واني انشاللة كبرتي وموتي يمكم انت ومرتك
محمد وزهراء..... لايمة لا تحجين هيج اسم الله عليج عمرج طويل انشاللة
ام محمد.... بس كون اللة يطول بعمري لحد ماازوج احمد ولبنات اروح واني مرتاحة
لكل..... اسم الله عليج
محمد..... هاي هي يمة مازال انتي رايده هذا لشي تدللين
أم محمد..... اي يبعد امك مكانكم ضيك اخذ لمشتمل وارتاح ابدي رتب بي وتحول
محمد..... انشاللة
أم محمد..... زهور يمة لا تزعلين يعز علية طلعتكم بس اريد ارتاح واطمئن عليكم
زهراء.... لا يمة هاي هي الي تردينة يصير
أم محمد..... بارك الله بيج بنيتي
زهراء.... مرت ايام وعدلنة لمشتمل وصبغنا اشترينة اغراض للبيت وام محمد هماتين طلعتلنة اغراض للبيت احنة بيناتنة باب بالحوش يعني موبعيدين رتبت لبيت واول غده سويتة بيتي عزمت عيالي وتغدينة سوه
صار لمشتمل النه بس للنوم نهارنة كله يم بيت اهل محمد بس نجي نام بيتنة يعني مااختلف شي
مرت الايام والسنوات لحد مابيوم مي انخطبت وسوينالهة حفلة اتجنن واكيد اني كلشي مترئستة لترتيب والاختيار لان هي رادت كله على ذوقي وبعد مي بفتره حماتي لسادسة هماتين انخطبيت وتزوجت ونفس لسويته لمي سويته الهة
ومي واختهة حبلن سوه فرحت الهن اهواية بس خطية مي جابت سبيعي اجتي يمنة بقت اما اختهة لا جابت عادي يعني كامل بيوم بليل كاعدين نتعشة اني ومحمد بيتنة بسنة 2019 دك فوني
زهراء..... الوووو هلو بابة
ابو زهراء.... هلو حبيبتي شلونج
زهراء.... بخير الحمدلله
ابو زهراء... عندي الج مفاجأة
زهراء..... ياالله شنو
ابو زهراء.... امج حامل
زهراء.... بصدمة ماشاء الله صدوووك
ابو زهراء.... اي حبيبتي انشاللة يجيجن اخ سند الجن
زهراء.... كللللللللللللوووووووووش
وهاي فرحة وبعد فرحة واليحب يباركلنة
فرحت وبجيت الحمدلله يارب بعد انتضار 18سنة صارت معجزه يعني امي صارت زينة لان جانت مريضة عدهة غده بالدماغ وهذا لحمل معجزه صار والحمداللة بعد 9 اشهر شرف اخوية لغالي بصحة وخير فرحتنة متنوصف بي بيومهة بالسبعة سوينالة حفلة اتجنن مرت الايام
وبيوم جاي ينضفون لبيت عيالي وجان يشوفون اكول اعوذ بلله منه عمل مشمور بالسطح 😱
جان مكتوب بي عدم خلفة وقطع رزق وعدم زواج واشياء اهواي مفتهمناهة على فكره حماية جان كل ميكولولة اتزوج ميقبل بعد مشفنا منعرف هاي لسوالف ام محمد حركتي وذبتة بعد فتره حماية قرر يتزوج راحو على اهواي ناس بس مصارت قسمة بالتالي اتزوج بنت جوارينة اكثر اثنين تعبنة بزواجنة اني ومحمد بكلشي وكفناله بس حرامات مغزر بي شي جان هوه يطلع لشغل ومحمد عاف شغلة لخاطر اخوه صبغ غرفتة واثثناهة وكلشي سوينه الهم بس ياريت لو ممسوين لمهم صار لعرس مال حماية زفينا وبقينة ننتضر لبشاره خطية للساعة 1 بالليل مكدر ياخذ زوجتة اتصل على محمد وكله كلنة يجوز مرتبك او خايف لمهم محمد مخله شي مسوا اله ودا للدكتور وللسيد واخر شي لسيد كال هذا مسواله ميكدر يتزوج احنة هنا تذكرنة الي شفنا بالسطح ام محمد شاطره بس بهاي لسوالف متعرف لمهم وصفولهة على وحده وراحت الهة
أم محمد..... رحت على الي وصفوهة الية سولفتلهة كلشي
كالت هذا وحده منج وبيج مسويتهة ومو بس لهذا ابنج مسوية لبنج لثاني وزوجتة علمود ميخلفون ولا يصير عنده افلوس تقصد على محمد
اني هنا انصدمت من عرفت منو الي مسوية هذا لشي وكالت انتي من حركتي زيدتي منقصتي لمهم شغلهة غالي كتلهة افتحي من لعريس وبعد فتره تفتحينة من محمد وزوجتة علمتني اشلون افتحة اخذت غراض وكلشي رجعت للبيت علمود اسوي حضرت كلشي لان ابني صارله شهر متزوج ميكدر ياخذ زوجتة بديت اسوي لشغل وجان لچنة لجديده تحجي بس حچيهة زرف كلبي تكول هذا لتسوينة اسوالف شيطانية حرامج عليج
دكيت على راسي ولطمت وبچيج تالي عمري اني هيج ينكالي كتلهة زوجتة محمد كلنة عاديناهة ومردناهة بالبداية واول مدخلت بيتنة كسبتنة كلنة خلتنة نموت عليهة مايوم سمعتني حجاية تغث صارلهة 5 سنوات ويانة مااذتنة وانتي مصارلج شهرين هيج تحجين وياية بس لصوج مو بيج بية اني الي ادور مصلحتكم لليل احس صحتي مو تمام ابد
زهراء..... شفت امي تعبانة ها يمة شبيج ليش كل هذا لبچي
أم محمد..... ولج يمة هاي مرت حماج هيج تكلي وووو.....
زهراء..... عززززه هاي متستحي
أم محمد.... لايمة متستحي ولو ابني عنده شرف جان عرف شنو يتصرف وياهة مو بس اجتي باست راسي وراحت
زهراء.... يمة بس هذا لمضوجج
أم محمد.... لا يمة عرف اهواي اشياء بس اصير زينة كلهن احلهن علمود الله يفرحكم بالذرية الصالحة
زهراء.... انشاللة يمة
أم محمد.... انشاللة الله يرزقج توم
زهراء..... علمود محمد من رجلينة ويذبنة بره
أم محمد.... يابكيفة اخلي ينام بالغرفة وانتي وجهالج انومج يمي
زهراء..... من فدوه اروحلج
أم محمد..... احس باقية توالي عمري
زهراء.... لا يمة اسم الله عليج حبيبتي
ثاني يوم اني مرت حماية علاقتنة قوية بالاول هاي صاحتلي وشوفتني بياضهة فرحتلهة وباركتلهم ورحت بشرت ام محمد بس محسيتهة فرحت بس كالتلي شفتي بعينج كتلهة اي يمة وسكتت
من هذا ليوم بدت أم محمد تتعب بس تكول راسي
اتصلت على محمد كتلهة تعال نودي امي للدكتور
محمد..... خير شبيهة
زهراء.... محمد امك تعبانة
محمد.... يلة احضري نفسج وبدليلهة هسة اجي
زهراء.... تمام بدلت وحضرت امي وانتظرنة محمد اجة واخذنة للدكتور بس شافهة سوالهة تحويل لدكتور جملة عصبية
رحنة على دكتور لثاني سوالهة فحوصات وتحاليل وهنا لصدمة
الدكتور..... جلطة دماغينة 2 مضروبة ديروبالكم عليهة من، 3لان تموتهة
محمد وزهراء...... 🥺🥺
ــــــــــــــــــــــــــــــــــــــــــــــــــــــــــــــ
حبايبي بعد بارت او اثنين وتخلص لقصة
احبكم
انطوي تعليقاتكم على هذا لبارت
