تدور أحداث القصه عن فتاه في مقتبل العمر
تحلم بتحقيق أحلامها بالحياه
لكن تأتي الرياح بما لا تشتهي السفن
وتنكشف الأسرار التي تقلب حياتها رأسا على عقب
حيث تقابل شابا يكرهها صدفة لتنكشف الأسرار وتدور الاحداث
معظم الصور مقتبسه من المسلسلات الأسيويه
ابت...
رواية دمعة ملاك بقلم إيمي Emy Boss الجزء الحادي والعشرون ملاك : انت جايب لي شغل ( بسخريه ) فين أمير : معايا في الشركه مجال كليتك تاخدي خبره ملاك باستغراب : معاك احنا مش طايقين بعض في البيت هنشتغل مع بعض أمير بسخريه : لتكوني مفكره اني بحبك وعاوزك جمبي كل الحكايه اني وعدت والدك انك تكملي كليتك وانا مش بخلف وعدي ملاك : ووعدته انك هتخلي بالك مني ولا ده مش وعدك أمير : انك لسه عايشه هنا باحترام ده وعدي المهم اذا مفيش شغل معايا يبقى مفيش شغل خالص ملاك : وهشتغل ايه أمير : مساعد مهندسين لأنك لسه في الكليه ملاك : المرتب كام أمير : مش الفلوس اللي هنتكلم فيها لا هظلمك ولا هاكل حقك بس تقدري على الشغل ملاك : هقدر أمير : اتمنى لو تقدري ملاك : انت لسه متعرفش ملاك أمير بصوت هادي وسخريه : فاكره نفسها لسه الملكه ملاك التفتت : المره دي انا متأكده اني سمعتك أمير : سمعتي ايه ملاك : سمعت اللي قولته أمير : مجنونه ودخل بسرعه غرفته ملاك : انا اكيد اتجننت لو صدقت اللي بيقوله تاني يوم صحيت ملاك بدري وجهزت نفسها وانتظرت امير صحي امير ملاك : انا جاهزه أمير : وانا اعملك ايه على شغلك وهناك نتقابل ملاك : بس انا معرفش مكان شغلك أمير : هكتب لك العنوان وروحي بتاكسي ملاك : هو بعيد أمير : لا ابعد من الجامعه بشويه ملاك : بس لازم نخرج سوا علشان ماما وطنط أمير : ملاك اوعي تكوني مفكره زي الافلام لما نتعرف على بعض هنحب بعض وكده ملاك : الأفلام دي انا عشت اسوء منها لدرجة اني مش بصدق الافلام وبعدين انت ليك حبيبتك وانا ليا حبيب يعني مستحيل نكمل مع بعض مسألة وقت أمير : كده تمام اهم حاجه محدش يعرف في الشركة انك مراتي ملاك بسخريه : مراتك أمير : مش لازم كل كلمه تردي عليا ملاك : اوك كتب أمير العنوان لملاك ونزلوا وراحوا الشغل وكالعاده بتركب ملاك مع امير لحد اول الشارع وتنزل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلت ملاك الشركة وأمير عرف الكل انه وظف مساعده للمهندسين اتعرفت ملاك على الكل وبدأت تتعلم الشغل عدت الأيام وكل يوم ملاك تروح الشغل والجمعه تقضيه مع العيله كان أمير بيضايق ملاك في الشغل وكان عارف انها هتسكت لأنها محتاجه فلوس بس ملاك كانت بتاخد حقها في البيت في يوم أمير صحي علشان يروح الشغل لقى ملاك قفلت المنبه وراحت الشغل وهو اتأخر على اجتماع مهم أمير بعصبيه : ماشي يا ملاك ولبس وخرج بسرعه ولما ضايقها تاني أخدت مفتاح العربيه ومشيت أمير بغضب : ملاااااااااااك واضطر ياخد تاكسي لحد الشركة ومره تانيه حطت كل هدومه في الغساله أمير بصراخ : ملاااااك لما تجيلي هتبقى ليلتك سوده وفعلا معرفش يروح الشغل
