تدور أحداث القصه عن فتاه في مقتبل العمر
تحلم بتحقيق أحلامها بالحياه
لكن تأتي الرياح بما لا تشتهي السفن
وتنكشف الأسرار التي تقلب حياتها رأسا على عقب
حيث تقابل شابا يكرهها صدفة لتنكشف الأسرار وتدور الاحداث
معظم الصور مقتبسه من المسلسلات الأسيويه
ابت...
رواية دمعة ملاك بقلم إيمي Emy Boss الجزء السابع فجأه الباب خبط بهدوء فتحت نسمه الباب بهدوء علشان محدش يسمع لقت يوسف اخوها نسمه بهدوء : كله تمام يوسف بهدوء : ايوه يلا بينا ملاك : هنروح فين نسمه : تعالي بس بالراحه مش عاوزين صوت راحت ملاك مع نسمه ويوسف وهي مش فاهمه حاجه فتحوا باب الشقه بهدوء وخرجوا وقفلوا بهدوء ملاك بهدوء : هنروح فين شاورت نسمه انها تسكت ومسكت ايدها وطلعوا سطح البيت يوسف دخل اوضه كان واضح ان والدة نسمه بتربي فيها طيور ملاك واقفه مش فاهمه حاجه ومستغربه اللي بيحصل لقت يوسف ماسك فرخه في الضلمه وخرج والفرخه بدأت تطلع صوت نسمه : بسرعه بسرعه هنتفضح يوسف قام بذبح الفرخة بسرعه ملاك : كانت اول مره تشوف ذبح فرخه كانت مصدومه وخايفه ومش فاهمه حاجه نسمه : بسرعه بسرعه امسك قصادي مسكت نسمه الفرخه وحطتها في كيس ونزلوا بهدوء ودخلوا الشقه وعلى المطبخ بسرعه نسمه بصوت هادي أنت عليك تراقب وانا هخلص هنا ملاك بهدوء : انتي هتعملي ايه نسمه : انتي على اوضتنا متخرجيش لحد ما اجيلك لقت يوسف مسك كتاب وقعد قصاد غرفة والدتهم ووالدهم وملاك دخلت غرفتهم بعد ساعه ونصف لقت نسمه داخله بحله وداخل يوسف بعدها وقفلوا الباب بهدوء ملاك : ممكن افهم ايه اللي بيحصل نسمه بضحكه مكتومه : انا مش قولتلك هناكل اكل ملوكي ملاك : اه نسمه فتحت الحله : هي دي الأكل الملوكي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ملاك باستغراب : فراخ نسمه : مش الفكره انها فراخ الفكره ان لو امي عرفت هتعلقنا في المروحه ملاك : طيب كنتي قولتي لمامتك نسمه : انتي هبله كانت هتعلقنا بردوا ومش هترضي الفراخ دي بتربيها علشان رمضان ملاك : يعني مش عارفه عددهم نسمه : عدد ايه احنا عندنا طيور امي متعرفش عددهم انا ويوسف بنعمل كده على طول ومش بنتمسك كلي كلي وانتي هتشوفي حلاوتها ملاك : وافرضي امك قفشتك نسمه : هتتخانق شويه وممكن قلمين وينتهي الموضوع ملاك باستغراب : وانتوا عادي خناقه وقلمين وينتهي الموضوع نسمه : انتي مكبره الموضوع ليه نتكلم واحنا بناكل ملاك : ممكن تتمسكوا سهل لو مامتك او باباكي صحي ودخلوا عليكوا نسمه : متخافيش يوسف بيراقب ولما بيصحوا بيكح وانا بخبي الحله ملاك : والريحه نسمه : بيبقوا مش مركزين وهما صاحيين من النوم وانا بغطي على الريحه باني بحرق عيش بعمل نفسي بسخن عيش ( نسمه بتحاول تقطع الفرخه ) شكل الفرخه مستوتش اوي هقوم اجيب المقص ملاك : ليه نسمه : اصبري جابت نسمه مقص ودخلت يوسف بهدوء : كانت عاوزه تستوي اكتر ملاك : ممكن اسال بس هو ليه شكلها كده فين جلدها نسمه : انتي بتهزري هو انا لسه هنضف احنا بنسلخها علشان الوقت ملاك : وريشها بيروح فين نسمه : دي مهمة يوسف بنخبيه في اوضته لحد بكره هياخدوا يرميه بره البيت كلي كلي ملاك مستغربه الاكل بس نسمه اجبرتها تاكل يوسف مسك الفرخة الأول وبدأ ياكل يوسف : مش راضيه تتقطع اللحمه لسه جامده نسمه مسكت المقص : استنى لما اقطعها يوسف : حاسبي شفتي تقطعيها وابتدي الضحك نسمه أخدت الفرخه من يوسف : انا اللي عليا وخلي بالك وانت بتقطع لتقطع شفتي ملاك من كتر الضحك مش قاده تتكلم نسمه بضحك : انتي اللي عليكي الدور ملاك بتحاول توقف ضحك : منقطعها بالمقص وبعدين ناكلها نسمه : تصدقي مجتش في دماغنا هاتي نقطعها الاول يوسف : مليش دعوه انا عاوز نصيبي وانتوا براحتكم في نصيبكم نسمه : بس ملاك معانا المره دي يوسف : مليش دعوه انا ليا نصف الفرخه والكبده وانتي وملاك النصف التاني نسمه : يا يوسف مترخمش بقي ملاك : انا مش هاكل كتير اديله نصيبه نسمه : خد نصيبك وبسرعه علشان اغسل المواعين ملاك ونسمه ويوسف فضلوا ياكوا ويضحكوا لما خلصوا اكل وخرجت نسمه غسلت الحله ودخلوا يناموا ملاك : انتوا دايما كده بتضحكوا نسمه : لا مش دايما اوقات الحاجه ام نسمه بتجري ورانا بالشبشب وصوتنا بيسمع الشارع كله ملاك : كان نفسي يبقى بيتنا زيكم كده نسمه : في ايه الخبيزه اللي محدش بيحبها وكل اسبوع امي بتغصبنا ناكلها ولا يوسف اللي كل شويه يعمل مشكله معايا ويضايقني ولا اخويا الصغير اللي طول النهار يرخم علينا وماما دايما واقفه في صفه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ملاك : اللي مضايقك ده كان امنيه حياتي كان نفسي اخواتي حتى لو هيرخموا عليا بس بيسألوا عني اذا موجوده ولا لا بنظره ومن غير كلام يوسف بيبقى فاهم انتي عاوزه ايه عملتوا مصيبه سوا من غير ما حد يحس بيكم لأنكم بتتكلموا بالنظرات دفئ العيله اللي هنا كان امنيه حياتي احسه بقالي يومين هنا لا ام ولا اب ولا اخ ولا اخت اتصل عليا نسمه باستغراب : ازاي مامتك كل شويه بتتصل ملاك : لا دي المربيه بتاعتي نسمه بذهول : دا انتي طلعتي غنيه بقى وعندكم مربيه ملاك : بنظري هي امي الوحيده امي اللي خلفتني متعرفش عني حاجه الغني غني الروح اي اغنياء بس الفلوس مش قادره اشتري بيها حب اهلي واهتمامهم بيا الفلوس بتشتري راحتنا زي ما مامي بتقول بس بيتنا كله غم ونكد بيحاولوا يعوضوا اللي ناقصهم بالرحلات والفسح لكن مشفتش حد منهم ضحك ضحكة من قلبه زيكم كل ضحكتهم مجاملات للناس بس مفيش هدف في حياتهم غير انهم يمتعوا نفسهم ومفيش هدف لبابي غير انه يجمع فلوس علشان يشتري راحتهم لا بابي بيرتاح ولا هما مبسوطين يعني من الاخر مش بيت وبدأت الدموع تنزل من عيون ملاك نسمه بدأت تطبطب على ملاك نسمه : اهدي بس وانا معاكي وهشبعك ضحك وبعدين عادي بكره اخلي امي تجري وراكي بالشبشب شويه علشان تحسي بدفئ العيله ملاك بابتسامة ممزوجه بالدموع : هههه نسمه : يلا امسحي دموعك وخلينا ننام
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
