تدور أحداث القصه عن فتاه في مقتبل العمر
تحلم بتحقيق أحلامها بالحياه
لكن تأتي الرياح بما لا تشتهي السفن
وتنكشف الأسرار التي تقلب حياتها رأسا على عقب
حيث تقابل شابا يكرهها صدفة لتنكشف الأسرار وتدور الاحداث
معظم الصور مقتبسه من المسلسلات الأسيويه
ابت...
رواية دمعة ملاك بقلم إيمي Emy Boss الجزء التاسع عشر غيرت ملاك هدومها ونزلت لشقة حماتها ملاك : ماما صفاء : تعالي يا ملاك انا في المطبخ ملاك : بتعملي ايه صفاء : بجهز الاكل حماتك تعبانه دخلت تنام ملاك بصوت هادي : ماما انا شفتلك شقه وهنستلمها النهارده لو عاوزه نتغدى وننقل حاجتك صفاء : ليه ام أمير وافقت اني اعيش هنا ملاك : بس انا مش مرتاحه صفاء : ليه ملاك : يعني ان كان حبيبك عسل..... صفاء : هما محتاجيني هنا ام أمير رجليها كانت مكسوره ومحتاجه حد يساعدها ملاك : وانتي هتشتغلي خدامه ليهم صفاء : ليه بتقولي كده انا بساعدهم بس وبعدين ما انا هعمل اكل ليا كل يوم مش هعمل حاجه زياده ملاك : حاسه ان أمير مضايق صفاء : انا المهم عندي انتي انتي في جامعه ومذاكره مش هتفضي لشغل البيت وانا عاوزاك تحققي حلمك بأنك تكوني دكتوره في الجامعه وبصوت هادي وان شاء الله قريب تقابلي حبيبك اللي..... دخل أمير : ماما ساميه من غرفتها : انا هنا يا ابني أمير دخل يتكلم معاها صفاء : ملاك نادي لجوزك وحماتك انا خلصت الاكل ملاك خبطت على الباب ملاك : دكتور أمير الاكل جاهز خرج أمير واكلوا كلهم ملاك : ماما انا طالعه ورايا مذاكره كتير لأن الامتحانات قربت محتاجه حاجه يا طنط ساميه : مش انا قولت بلاش طنط ملاك : على ما اتعود طلعت ملاك لتذاكر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقعد أمير مع والدته لحد ما طلع على النوم عدت الأيام كان أمير يرجع من شغله متأخر ويقعد مع والدته لحد ما يطلع ينام عدت الأيام وملاك خلصت امتحاناتها دخلت ملاك على صفاء وساميه ملاك : ماما صفاء : تعالي حبيبتي ملاك بفرحة : خلصت الامتحانات اخيرا هرتاح شويه صفاء : ارتاحي شويه انتي خسيتي اوي من قلة الأكل ملاك : هنزل ادور على شغل بكره صفاء : ليه هو انتي محتاجه فلوس ملاك : هو لازم اشتغل علشان محتاجه فلوس خليني ارتاح النهارده ومش عاوزه حد يضايقني هطلع انام عاوزه حاجه صفاء : ادخلي لحماتك ملاك : حاضر اطمنت ملاك على حماتها وطلعت نامت وصحيت العشا ونزلت لتتعشي مع صفاء وساميه لقت الفون بيرن ملاك : الو نادر : ملاك عامله ايه ملاك : الحمد لله نادر : خلصتي امتحانات ملاك : اخيرا نادر انا جايلك في الطريق ملاك : اي دلوقتي نادر : ايوه انا سألت دادا وقالت انك نايمه وهتصحي العشا فاضلي نصف ساعه وهكون عندك ملاك : ملوش لازمه تتعب نفسك انا بخير ساميه : عيب يا ملاك خلي اخوكي يجي يتعشى معانا نادر : انا كنت مش بجيلك زي ما كنتي بتقولي لأنك مش فاضيه لكن دلوقتي ملكيش حجه انا في الطريق ملاك بخوف : منتظراك تنور وصل أمير البيت أمير : عاملين ايه هو عندنا عزومه ولا ايه ساميه : اخو ملاك جاي يزورها وصفاء جهزت اكل ليتعشي معانا أمير نظر لملاك وبصوت هادي : مش المفروض اعرف ان جاينا ضيوف ولا انا كيس جوافه في البيت ملاك : انا كيس جوافه زيك لسه عارفه أمير بغضب : ملاك ملاك : بتلعب بالفون ومش مهتمه بكلامه الباب بيخبط وصل نادر أمير فتح الباب نادر : السلام عليكم الكل : وعليكم السلام ورحمة الله وبركاته أمير : اتفضل نادر حضن ملاك ملاك : تعبت نفسك ليه نادر : مفيش أغلى منك دي حاجات بسيطه لأختي حبيبتي ملاك بصوت هادئ : هعمل نفسي مصدقه نادر سلم على الكل واتعشوا نادر لأمير : ممكن اكلم ملاك على انفراد أمير : على راحتك ملاك : خلينا نطلع فوق نتكلم براحتنا طلعت ملاك ونادر شقتها ساميه لأمير : انت ازاي تسيبهم يطلعوا فوق لوحدهم أمير : ماما ده اخوها وعاوز يتكلم معاها لوحدهم مش هياكلها ساميه : حتى لو اخوها محدش يطلع فوق وبعدين هو يحضنها ويبوسها عادي كده أمير : ماما هنا عادي ماما اهدي بقي نادر قعد مع ملاك نادر : ملاك انا كنت عاوزه اكلمك في موضوع كده واجلت كلامه لحد ما تخلصي امتحاناتك ملاك : سامعاك نادر : انتي ليه مش بتردي على بابي اتصل عليكي كتير وانتي بردوا مش بتردي حتى لما رن من موبيل مختلف بردوا قفلتي ملاك بصوت عالي : الموضوع ده انتهى من يوم ما باعني لأمير ومهما حاولت استحاله اسامحه ولا اسامح العيله كلها ساميه : هي ملاك صوتها عالي ليه اطلع شوف في ايه أمير : هطلع اعمل ايه هي واخوها ساميه : خلاص هطلع انا أمير : خلاص اقعدي انا هطلع ساميه : لو في مشكله بينهم حاول تحلها أمير : حاضر ( طلع أمير ليشوف ملاك ونادر وبدأ يسمع الحوار ) نادر : خلاص اهدي مش هتكلم تاني في الموضوع ده طيب ليه مش بتستخدمي الفيزا اللي معاكي قولتلك انا اللي هبعت ليكي فلوس مش بابي وهيكون سر بينا ملاك : بس انا قولتلك مش محتاجه فلوس وخليتها معايا لو احتاجت حاجه هبقي استخدمها نادر : وبتصرفي من أين ملاك : أمير مش مقصر بيديني فلوس زي ما كنت عندكم واكتر كمان ( أمير في نفسه باستغراب : انا اديتها فلوس امتى )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نادر : أمير بيعاملك حلو ملاك : ايوه كأي زوج حنين وطيب ومش بيزعلني خالص ( أمير في نفسه باستغراب : هي بتتكلم عني ولا عن حد تاني اسمه أمير بردوا ) نادر : يعني بابي زوجك لراجل حلو اهو مش راميكي ملاك : الفكره اني اتجوزت غصب عني والأصعب ان زواجي مقابل فلوس واللي مش قادره اتقبله انه موت حلمي من اني اتزوج حب حياتي نادر : مش كل الناس اللي بتحب بعض بتتجوز وَتنجح بابي ومامي متجوزين عن حب شايفاهم مبسوطين ملاك ببكاء : انا حاربت الدنيا كلها علشان اتجوز حب حياتي دلوقتي حتى لو قبل فيا وعرف اني متجوزه او حتى مطلقه استحاله يوافق أنتوا عارفين عملتوا فيا ايه نادر حضن ملاك : اهدي يا ملاك مسحت ملاك دموعها خبط أمير على الباب نادر : اتفضل لايك وتعليق
