رواية دمعة ملاك
بقلم إيمي
Emy Boss
الجزء التاسع والعشرون
أخدت ملاك فعلا العينه واعطتها لامير
وعدت اجازه نصف العام
ورجعت ملاك للكليه
أمير اتصل على ملاك بيقولها النتيجه
أمير : ملاك
انا جبت نتيجه التحليل
والحمد لله
نادر مش اخويا
ملاك : الحمد لله
كده يبقى لازم ندور تاني على معلومه جديده
أمير : في حاجه افتكرتها
ملاك : احكي
أمير : اول مره اتقابلت ماما ودادا صفاء
في الأول
ماما كانت رافضه ان مامتك تعيش معانا
وبعدين ذكرت الحسن والحسين
َانا قولت اللي يرحمه
وبعدين
قالت لماما حاجه بصوت هادي
وبعدها ماما وافقت انها تعيش معانا
ملاك : معنى كلامك
ان طنط ساميه عارفه بالقصه
أمير : انا استغربت وقتها موافقة ماما
مع انها كانت رافضه بشده وجودها معانا في البيت
ملاك : كده بقى انت اللي تسأل والدتك على الفتره دي يمكن نعرف معلومه
مع اني حاسه من كلامك
ان والدتك عارفه ان الحسن عايش
أمير : خليني اتكلم مع ماما وبعدين نفكر
ملاك : تمام
مع السلامه
أمير : سلام
حاول أمير يتكلم مع والدته لكن معرفش اي معلومه غير أن سبب الوفاة
حرارة الحسن ارتفعت ومات
ورجعت الصعيد دفنت الحسن هناك
وفضلت شهر بالصعيد
وبعدين رجعوا
وعاشوا ببيت ملاك
ملاك : انا رأيي تقولها مباشر
ان ماما قالت كده قبل ما تموت
وشوف رد فعلها ايه
أمير : تفتكري هعرف حاجه
ملاك : جرب
أمير : وافرضي معرفناش حاجه
ملاك : نقفل الموضوع بقي
أمير :خلاص هجرب الاول
ملاك : تمام
مع السلامه
أمير : ملاك
عامله ايه في الكليه
ملاك : الحمد لله
أمير : لو محتاجه حاجه عرفيني
ملاك : شكرا
سلام
بدأ يفكر أمير في طريقة
يقدر يقنع بيها والدته
انها تقول الحقيقه
لو كانت عارفه حاجه فعلا
ووصل للطريقة
وفي يوم رجع من الشغل مبكرا
ودخل على والدته
وكان ظاهر على وجهه العصبيه
ساميه : راجع من الشغل بدري ليه
امير : دادا صفاء ماتت
ساميه : ماتت ازاي
أمير : اتزحلقت ووقعت على دماغها
ساميه بحزن : الله يرحمها
عاشت يتيمه وماتت يتيمه
أمير : بس هي قالت حاجه قبل ما تموت
ساميه بتوتر : قالت ايه
أمير : قالت السر اللي كانت عارفاه
وقالت لملاك عليه
وملاك قالتلي على كل حاجه
وانتي لازم تقولي الحقيقه
ساميه : ملاك وصفاء كذابين اوعي تصدقهم
أمير باستغراب : بس انا مقولتش لسه هما قالوا ايه
ساميه : مش عاوزه اعرف
أنت طلقت ملاك
وانقطعت علاقتنا بالعيله دي
بس صفاء شافت كل حاجه يوم وفاة الحسن
وقالت لملاك
وملاك قالتلي الاول
لو ملاك اتكلمت مع حد غيري
مش عارف ايه اللي هيحصل
ساميه بتوتر : اخوك مات ودفنته بالصعيد
( كده أمير اتأكد أن أمه مخبيه حاجه
لانه لم يذكر الحسن بكلامه )
أمير : خلاص
خلي ملاك تتكلم وتقول اللي تعرفه
وبعدها نعرف مين اللي بيقول الحقيقه
انتي ولا دادا صفاء
ساميه : صفاء كانت بتخرف
اوعي تصدق كلامها
هي عاوزه تنتقم مني
أمير : ايه اللي هيخلي واحده بتحتضر تقول كده
الا اذا كانت متأكده
كمان
انا عندي طرق كتير لأعرف الحقيقه
بس لو ثبت ان دادا صفاء كانت بتقول الحقيقه
صدقيني
هرجعك الصعيد عند اخواتك
ومش هشوفك تاني
ولا هتعيشي معايا تاني
وتنسى اني ابنك ولا تعرفيني
ساميه بخوف : لا لا لا
مقدرش اعيش من غيرك
كفايه خسرت واحد وبعدت عنه
هخسرك انت كمان
أمير : يعني فعلا الحسن عايش
ساميه ببكاء : ايوه عايش
خاف أمير يسأله والدته هو مين
لتفهم انه ميعرفش حاجه
أمير يغضب : وليه عاش بعيد عننا
ليه بدلتيه بطفل ميت
ازاي قدرتي تعيشي بعيد عن ابنك
ساميه ببكاء : كان غصب عني
أمير بغضب : ايه المبرر انك تسيبي اخويا يعيش بعيد عني
طول عمري بتمنى ان يكون ليا اخوات
وانت بكل برود بترمي ابنك لغيرك
اديني سبب واحد مقنع
ساميه ببكاء : هحكيلك الحقيقه يا بني
ابوك مات وانا حامل في ثلاث شهور
وكنا مديونين وقتها لناس في البلد
واي فلوس كنا بنوفرها بنبعتها لسداد الدين
لما ابوك مات في الحادثه فجأه
كنت لوحدي ومفيش فلوس حتى اروح اكشف على نفسي
عرفت اني كنت حامل في توأم يوم الولاده
ولدت في مستشفى حكومي علشان مفيش فلوس
بس الدكتور اللي ولدني
كان لسه متخرج جديد
ومفيش خبره
اخوك كان عنده تشوه
والدكتور وقتها قال يمكن يحتاج عمليات كتير
وفجأه تعب مني يوم ولادة لميس
أخذته ورحت المستشفي
استغربت لما لقيت لميس بتولد هناك
لأنها كانت متابعه مع دكتور مشهور
ولما دخلت علشان اشوفها بعد الولاده
لقيت الممرضات بتنضف وتحمي الاطفال
خلعت هدوم اخوك وحطيته
وشيلت الطفل الميت وخرجت بسرعه
كنت عارفه انهم هيهتموا ويعالجوه
وفي نفس الوقت انا عايشه معاه
ومش هيعيش بعيد عني
بس كان لازم ابعد عنه فتره علشان ينساني
فأخذت الطفل الميت ورجعت الصعيد ادفنه
ولما رجعت قالوا ان الأطفال كانوا في الحضانات
صفاء قالت إن واحد عمل عمليه
والثاني كان وزنه ضعيف
وعشت معاه لحد اليوم اللي طردونا فيه
ولولا انك كلمت خالك
كنت هتحايل عليهم علشان يرجعوني
أمير بغضب : وده السبب الرئيسي من زواج ملاك مني
صح كده
ساميه : لا يا ابني
علشان ملاك....
قاطعها أمير بغضب : علشان تقربي من التاني
تجبريني اتجوز واحده مش بطيقها
ساميه : لا يا ابني
أنت كنت هتلاقي احلى من ملاك
جمال ومال ونسب
هتعوز ايه تاني
أمير : وترجعي لابنك اللي رمتيه تاني
ساميه : انا مرمتش حد
كان هيتربى معايا لولا.....
أمير : حتى ملاك كانت مستغربه من موقفك
ازاي سنين تكرهيني فيها
وبعدين تجبريني اتجوزها لأنتقم
وفي الأخر عاوزاني اعيش معاها طول عمري
أمير بصراخ : طلعت انا الغبي الوحيد في القصه دي
خليتك تلعبي بحياتي علشان اراضيكي
وفي الآخر انا الوحيد اللي خسرت
انتي هترجعي لابنك
وانا في ستين داهيه
صح كده
ساميه : انت اغلى واحد في حياتي
أمير بهدوء : تمام
يعني نادر بيكون اخويا
ساميه......
ارجو التصويت للروايه
أنت تقرأ
دمعة ملاك
Misterio / Suspensoتدور أحداث القصه عن فتاه في مقتبل العمر تحلم بتحقيق أحلامها بالحياه لكن تأتي الرياح بما لا تشتهي السفن وتنكشف الأسرار التي تقلب حياتها رأسا على عقب حيث تقابل شابا يكرهها صدفة لتنكشف الأسرار وتدور الاحداث معظم الصور مقتبسه من المسلسلات الأسيويه ابت...
