هلا شخباركم ان شاء الله بخير
اول شي اتمنى منكم تضغطون عالنجمة او الفوت وتكتبون كومنت حلو نفسكم
وقرائة ممتعة
................................................................
قامت مريم تتجهز
حطت مكياج سمبل ولبست عباة رصاصية بشت ويا نعال لوربيانا اسود لبست اكسسواراتها من فان كليف
وخذت شنطتها الايرمز
وصورت وحطت ستوري
علي رد :الاخت وين طالعة
مريم : بتقهوى وبتزهب لعرسك
علي : يالله متى بي يوم العرس
مريم : ترا ندري انك تحبها بعدين ترا باقي شهر ونص ما فيك صبر
علي : اقول جب
مريم : باي بتأخر اذا تميت اسولف وياك
علي : تيك كير
مريم : يو تو
وطلعت من الجات
نزلت تحت وجافت امها
مريم : امايه تامريني عشي
الام : مريوم فديتج يوم تخلصين مري عالجمعية وانا بطرش لج شو ابا
مريم : ان شاء الله امي يلا مع السلامة
وطلعت ركبت سيارتها ومرت عربيعتها وبنت خالتها سارة
سارة : هلا
مريم : اهلين سارونة
سارة : كاشخة اجوفج
مريم : هيه ليش في شي ولا لانه طلقت لازم ما اكشخ
سارة : لا لا اكشخي لين ما تقولين بس جوفي روحي كوفي دبس عقبها خل نروح دبي مول
مريم : تمام
وشبكو اغاني ومنطربين الخوات وصلو الكوفي
وخذو لهم مكان
سارة : مب جنه ها خالد
مريم : هيه شكلها الي وياه حرمته اليديدة
سارة : ما عليج منه اطلبي والحساب علي
مريم : شو هالكرم الي نزل عليج
سارة : يعني انا زطية حرام عليج
مريم : شفيج اتمصخر وياج
طلبو قهوة وسويت ويلسو يصورون
مريم : اقول خلصي بسرعة ترا عندنا مشاوير
سارة : انزين ويت
وراحو دفعو وخالد لمحها وهي طالعة وحرمته تسأله
مها : حبيبي ليش تطالعها ليكون تعرفها
