السلام عليكم
اول شي مبارك عليكم الشهر
سوري وااااااااايد
ادري ادري اني اقهر لاني سحبت سنة
بس صارت وايد اشيا من دراسة وغيره وتعرفون انه متقدم يباله دراسة وجهد خصوصا انه كنت تاسع فكنت اشتغل على نفسي عشان اييب درجات واتم
المفترض كنت انزل رمضان الماضي وتكلمت حتى بس صار لي كم من شي خلاني اسحب واختفي
بس خلاص رديت وراح اكمل بدون سحبات
سو انجوي وابا تفاعلكم وتشجيعكم
.............................................................................................................................
عقب اسبوع
فبيت ابو علي
ام علي : يلا انتي ودي ها ميلس
ميري : اوكي ماما
ام علي : وانتي طلعي الدلل والفنايين
لاندا : حاضر ماما
مريم : اماية هاذوهن السويتات وصلن
ام علي : الذبايح بعدهن ما يابهن ابوج
مريم : ماشي مشكلة ترا بيوون الساعة 2 فشي وقت
ام علي : ترا عزيمة عودة يعني لازم كلشي يطلع مرتب
مريم : اماية لا تحاتين كل شي بيكون اوكي
ام علي : انزين مريم مري عالميلس جوفي اذا كلشي تمام تعرفين ميري اخاف تكسر لي شي ولا تخرب شي
مريم : تمام
وسارت مريوم وكانت تغني وما انتبهت انه في حد قاعد
مريم : الميلس كل شي فيه مرتب مادري ماما ليش توسوس وايد
وتوها تنتبه للي قاعد اخر الميلس
مريم صرخت جان ينتبه الي قاعد
هزاع : انتي شو تسوين هني
مريم ما ردت وعطتها وضعية اهربو
هزاع : هالبنت كل يوم احس انها غبيه اكثر من قبل
...........................................................
شردت ودشت البيت وقفت فنص الصالة تاخذ نفس
مريم: اخ تعبت
ام مريم: هيه مريوم نسيت لا تمرين الميلس لانه هزاع موجود
مريم داخلها اخيه عقب شو : اه صدق يالله يوم بيطلع بسير
وسارت غرفتها تطلع لبس وتتجهز
استوت ساعة 1:30 ونزلت عسب تجوف اللمسات الاخيره لانه شوي والضيوف بييون
