بعد اسبوع
ام محمد دشت حجرة بنتها وحصلتها راقده
ام محمد : وابوييه شيخه انتي بعدج راقده متى بتجهزين متى بتخلصين
والاخت فسابع نومه
راحت الحمام يابت ماي ويلست ترشها فيه
شيخه انخرشت :بسم الله امايه شفيج خليني ارقد
ام محمد : يارب صبرني اقلج الساعه هنتين قومي بسرعه
شيخه : يا خراشي ونقزت صوب الحمام لانها تاخرت
وطلعت وسارت تصلي
ودقت لها مريم
مريم : شيخوه انتي وينج بعدج ما ييتي الفندق
شيخه : توني قايمه شسوي
مريم : سمعي لا تطولين لانه مال الصالون احين بييون
وسكرت عنها وقامت تتزهب عشان يسيرون الفندق
صوب مريم نزلت تحت تجيك عالقاعة وهالسوالف (اخت المعرس vipes)
مريم : الحمدلله كل شي اوكيه
وصعدت مرة ثانية بس هالمرة سارت لشيخه
استوت 5 وشيخه نزلت عشان تتصور ويا علي قبل ما اييون المعازيم وخلصت وردت مرة ثانيه
هالوقت مريم سارت تسوي شعرها والميكب قالت انه بتسويه بروحها لانه ليش لا
ودقت لها شيخه
شيخه : مريوم بليز هيلب
مريم : ها
شيخه : مال المسكة تحت عادي تستلمينها وتييبينها
مريم : اوكي
وخذت عباتها وسكرتها بس من اول عقمين ونزلت
خذت المسكة وردت الفندق مرة ثانية وفطريقها دعمت فواحد
مريم : عمي انت ما تجوف
.... : انتي العميا يوم تمشين جوفي دربج وبعدين ليش مبطلة عباتج والفستان كله طالع ها
مريم تنرفزت : ترا مسكرتنها من فوق واساسا هزاع انت شكو ما يخصك
توه بيرد بس سفهته وراحت
دشت حجرة شيخه
مريم : ما شاء الله عليج تف تف تهبلين
شيخه : صدق احس شكلي مب حلو
مريم : لا لا والله حلوة وايد بعد مب بس شويه
مريم : خذي مسكتج الكريهة
شيخه : افا ليش
مريم : دعمت فهزاع تخيلي
شيخه : عادي ترا عقب كم يوم بيستوي ريلج
