الدكتورة : المريضة الحمدلله مافيها شي بس تعرضت لصدمه وهالشي كان بيأثر
عليها لو تاخرتو خصوصا انها مريضة سكر الافضل انها ما تتعرض لصدمات مثل جي خلال هالفترة
هزاع : الحمدلله مشكوره دكتورة
الدكتورة : العفو واجبي
وسار صوب غرفة يدته ودخل
هزاع : بعدها ما قامت
فاطمه : لا بس اتوقع شوي وبتقوم
هزاع : هيه زين
وفجأة حد دق عليه فطلع يرد ورد مره ثانيه الغرفه
هزاع : فاطمه اذا ممكن اتصلي على مريم تيي لانه مضطر اروح
فاطمه الي مستغربة كيف ماعنده رقم حرمته وهم من شهر مالجين : ها هيه اوكي بدق لها تقدرتروح
بعد 4 ايام
مريم تصارخ : امييييه سيارتي ما تشتغل
ام علي: وانا شو اسويلج ابوج محد
مريم : اف انا متاخرة شو ها
ام علي : دقي على ريلج يوصلج
مريم : اماية تعرفين انه ماعندي رقمه صح
ام علي : هو مب ريلج كيف ماعندج رقمه
مريم : اوه خلاص امايه سكري السالفة
وسارت غرفتها ودقت على شيخه
شيخه : اف شو تبين انتي من الصبح
مريم : شيخوه مب متفيجة حقج عطيني رقم اخوج
شيخه : يا ربي صباح الليل توج تدورين رقمه بطرشه واتس يلا باي
وبندت عنها
مريم خذت الرقم واتصلت
مريم : اخيه ها سنتين لين ما يرد شو
هزاع : الو
مريم : هلا
هزاع مستغرب : منو
مريم : افا ما عرفتني
هزاع تنرفز : بتقولين منو ولا بسكر
مريم : حرمتك انا شفيك ما عرفتني
هزاع : وانتي توج تدقين تو الناس
مريم : جوف هزاع مب فاضية اتضارب معاك من الصبح
هزاع : خلصيني شو تبين
مريم : سيارتي ما تشتغل وانا متاخرة اباك توصلني
هزاع : اوكي 5 دقايق وبتحصليني برع بس اذا تاخرتي بروح عنج
مريم : اوكي
وبندت
وهي تترياه سارت تسجل رقمه وسمته " ❤️ "
سمعت صوت هرن فلبست كعبها ونزلت
