بعد شهر
ام علي تصارخ : مريم مريم مريم
سارت لها الغرفه
اول مادشت الغرفة ظلااااام وبارده والاخت فسابع نومة
ام علي : مريم وصمخ قومي
قامت ومسكت فونها
مريم ببرود الدنيا : ياليل شفيج امايه بعده وقت جوفي توها 3
ام علي : انا ماعرف هزاع كيف بيتحملج بهالطبايع قومي جدامي يالله
مريم : قايمة قايمه
وسارت الحمام تتسبح وتسوي سكن كير
استوت 4 وتوها تلبس عباتها عشان تسير الفندق
خذت شنطة الفندق ونزلت الدري
مريم : اف يواعنة الف
وسارت المطبخ تدور اكل
مريم : اقولج ميري ودي الشنطه داخل سيارة مالي اوكي
وسارت تاكل وفي عز وناستها امها دقت لها
ام علي معصبة : مريم متى ناوية تشرفين يوم المعازيم اييون
مريم : والله ودي
ام علي : اقول الحين تسيرين السيارة لا ايي اسحبج
وبندت عنها
مريم : اف محد يرتاح فهالبيت كفاية اليوم اخيس يوم فالحياه
وصلت الفندق
وسارت الغرفه الي حاجزينها
ام علي : تو الناس جان طولتي اكثر
شيخه : انتي وينج من الصبح مال الميكب يت ومعصبة
مريم : انتو شفيكم ريلاكس ريلاكس مب صح عموه
ام محمد : يا برود الدنيا الي فيج
وسارت الغرفة عسب تبدا ميكب
مريم : جوفي ابا شي بسيط مب اوفر ولمعة وخرابيط وسوي شغل عدل ومرتب مب تخربين لي ويهي ( متأخرة وتتشرط بعد )
الحرمه معصبة منها : بس انتي عروس لازم الميكب تبعك يكون حلو ومليان شغل
مريم : لا مابا سوي شي بسيط وراوتها صورة
الحرمه : متل ما بدك
والحرمة بدت تمكيجها ويت مال الشعر
مريم : ابا ويفي خفيف
استوت 6:30 وصارت جاهزه
شيخه : يالله عشان تتصورون
ام محمد : يلا مريم عشان نجيك عالقاعه عقب
مريم : نعم !!!! لا مابا
ام علي : شو اللي مابا لازم تتصورين ويا ريلج يلا جدامي
