الـــــمـراهــقــة و الــــحـشــــايـشــــي (مغربية)

~1~

• الــــــمـراهـــــــقــة و الــحشــايـــــــــشي•
بقلم الكاتبة باربي ♡

فالحديقة ديال واحد الفيلا من الطبقة الراقية. كيلعبو دوك جوج وليدات ولد وبنت فالعمر ديالهم ثمن سنين تقريبا....

_________بعد مرور عدة سنوات ______________

أمام الباب ديال ديك الشريكة الطويلة والكبيرة بحال ناطحة السحاب كتوقف سيارة رونج روفر كيفتح الحارس الباب وكيتحط على الأرض قدم أنثى برقة حذاء ذو كعب عالي فالأسود وكسوة سوداء قصيرة على الركبة وضيقة تظهر المنحنيات ديال الجسم ديالها المنحوت وشعرها لي كينافس الليل فالسواد ديالو مطلوق واصل لمنتصف ظهر مطلوق كيتمايل مع الهوا بأريحية تقدمات ودخلات الشركة والإبتسامة  مكتفارقهاش

أما فمكان آخر وبالضبط فواحد الغرفة باقين الستائر نازلين على الشراجم بحالا باقي الليل وهو أصلا النص فالنهار داز....  فوق السرير رباعي الشكل ناعس داك الشاب رجليه فجيهة ويديه فجيهة والغطا حتى هو مليوح والخدادي طيحين فالأرض..  والتيليفون لي من صباح وهو كيصوني بزز حط إيدو عليه وهو زعفان جاوب وحطو على ودنو حيت عارف راسو غيسمع الإنذارات عوتاني...
فجر : أكيد سي ينيس باقي ناعس
ينيس: صحيح... هادشي لي كندير
فجر : وهادشي اصلا لي فالح فيه........
قطع وخلاه كيهدر حيث هو أصلا مفيهش ميبقى يسمع هاد سيناريو كل نهار. ناض من السرير وهو راسو غينفاجر عليه وبالسيف ميضرو راسو وهو مداخل حتى ل ربعة ديال صباح ليل كامل وهو فالملهى ليلي مع صحابو والبنات مكين غير الشراب والحشيش.....
دخل للدوش تحت الرشاشة طلق عليه الما بارد...  خرج لاوي على النص السفلي فوطة وشعرو فازگ كيقطر على صدرو لي مزينو داك الوشم ديال  king بطريقة رائعة وعضلات البطن ديالو السداسية.  لبس سروال جينز عريض شوية  ومكتوب من التحت ومعا تيشرت كحل وسبرديلة أديداس بيضة وضع الساعة ديالو فالإيد ورش ريحتو الرجولية بإمتياز وصفف شعرو للأعلى بطريقة مثيرة هز تيليفونو وخرج داير نظاظر ديال الشمس ركب الفيراري ديالو ومشي نيشان بإتجاه الشركة... وقف السيارة ودخل وكاع الموظفين لا بنات ولا دراري كيشوفو فيه حيت هو فارس احلام كل بنت ونقطة ضعف كل شاب. مشا نيشان للمكتب ديال سي فجر حيت عارف أنه وخا يتفاداه غيعيط عليه لاهوما يتطوع هو هاد المرة ويمشي عندو داخل عندو وهو على إستعاد بلي غادي يسمع سيناريو حياتو...  غير وصل فتح الباب ودخل مدق موالو حيت هو اصلا معندوش شي حاجة سميتها الصواب فالقاموس ديالو ومشى نيشان لكرسي وبرك قدام داك الرجل الخمسيني ولكن شاد فراسو بحال شي شاب لابس كوستيم فالاسود وبارك فالكرسي بطريقة رجولية متفطح وشاد كاس ديال القهوة و سيجار فيدو... اكيد هو فجر الرزاني فخامة الإسم تكفي السيد وازن فالبلاد الفلوس عندو غير كيلعب بيهم....
فجر: الناس المأدبة ملي كتجي كدق الباب ومتبركش بدون إذن أ سي ينيس
ينيس  :  حشومة تقول ليا هادشي وانا بحال ولدك
فجر:  على الأقل حاول تكون إنسان مسؤول ولو مرة فحياتك حاول تكون بحال مريم خدم حتى نتا وكون مستقبلك..
دار ظهرو وخرج كيضحك مخلي فجر غيتفرگع بالأعصاب...
أما فالمكتب ديالها منبعد مدخلات وهي باركة شدّى شي دوسيات ولكن دماغها غير معاه... واش غيجي ليوم لشركة ولا لا...  حتى شمات ريحتو لي ديما سابقاه وشافتو داخل للمكتب ديال باباها عاد رتاحت... وغير شافتو خرج وقفات عند الباب كتشوف فيه وقالت
مريم  : عوتاني متأخر كيف العادة بسبب البارح
ينيس هز راسو فيها  :  ملي نتي كتجي بكري هداك شي احسن وانا ماشي سوقك فيا..
مريم تقرسات فديك اللحظة حيت معروف على ينيس وخا ضحوكي واجتماعي إلى أنه كيقمع أي واحد..  وباش تتمالك الموضوع بتاسمات وقالت ليه بلي غير كتضحك معاه..  شاف فيها حتى عيا وقرب ليها ملصقها مع الحيط وحط يدو على كتافها...  لدرجة خيالها مشى بعيد وكان يصحاب ليها غيبوسها ولكن آمالها تلاشاو ملي قال ليها بلي مكيعجبوش الضحك الباسل ومشى وخلاها... هي بسبب القرب ديالو ليها قلبها كان كيضرب فالمية بحالا غيخرج من بلاصتو ولكن الطريقة باش كيتعامل معاها ديما كتفقدها الآمل..
البطل ديالنا هو ينيس الرادي ماشي الإبن ديال فجر الرزاني  البيولوجي ولكن هو الإبن ديال الصديق ديالو لي مات هو والزوجة ديالو فحادث سير وفجر تكفل بيه ملي كانت فعمرو ثمن سنين وتاخدو كإبن ليه قراه فأشهر المداريس وصرف عليه.... ولكن فالأخير خرج واحد الشاب لي مستهتر مكتهمو حتى حاجة من غير السهرات والشراب والبنات. مكيهتم لحتى شي حاجة باغي غير يعيش الحياة يشري الحوايج والطموبيلات وكل سيمانة مصاحب مع بنت.. مقابل غير الدوران والسفر والحشيش مكيرجع لدار حتى لأشمن وقت.. الجرائد كاملة كتهضر عليه وهو مكينش هنا مكيفكرش فالمستقبل وإنماكيعيش كل لحضة من حياتو بوحدها عاطيها غير التصاور مع البنات فالبحر والبيسين وكيلوحهم فالسطوريات إنسطا والفايس...