الـــــمـراهــقــة و الــــحـشــــايـشــــي (مغربية)

~6~

الجو مغيم.... البرد قاسح والثلج كيطيح مزين مدينة انقرة الزوينة...  كان الليل والاضواء منورة الشوارع...  مدينة اقل ما يقال عنها واااو واعرة...  الناس كيتمشاو غادين جايين لابسين عادي كأن الجو مفيهش البرد ولكن اصلا هوما مولفين..  الزين منتاشر والبنات غير التيتيزة على ختها لابسين الكساوي والشعر مطلوق...
اما العشاق ديالنا نسرين لابسة سروال جين وتريكو وفوقهم مونطو شعرها الزوين مطلوق وفوق راسها طاكية فالحمر جات مع لون وجهها البيض لي كيلمع مع الثلج وحنيكاتها مطبزين محمرين وعاد عينيها المشفرين كبار كيبريو...  ابتسامتها الجذابة وهي كتشوف ف ينيس  وذبلانا فحبو..  وحتا هو كيشوف فيها وشاد ليها فيديها كيتمشاو وسط ديك الاجواء الزوينة....  كتمشى وتنقز بحال شي بنيتة صغيرة كتبان فيها البراءة وخا مؤخرا مبقاتش كيف كانت من قبل وينيس وسخ ليها تفكيرها وحتا تصرفاتها...
نسرين  : وااو ينيس شوف غزل البنات شريه ليا عافاك..
ينيس  : لي بغاتها بنتي حبيبتي هي لي تكون..
مشا عند مول الغزل كيهضر معاه بالتركية 
Bana biraz pamuk şeker verir misin?
evet
خدا ليها الصوفة وعطاها.. وعاد بركو فكرسي مقابل مع البحر...  ينيس ضور راسو عند نسرين وحرك ليها وجهها حاطو بين يديه..  عينيهم مقابلين والثلج كيطيح عليهم..  باركين فجو رومانسي شاد ليها حنيكاتها..  وفمها ولا غوز بلون غزل البنات...  وحط راسو  فكتافها وهي مرفوعة لعالم الآخر (المثل ديال الحب كيدوخ بصح ولكن ميكونش عمى)  كتجاوب معاه..

دازو ودارو فشواريع وداقو الماكلة التركية.. خدا ليها البالونات والورد وشكلاط واي حاجة حلات عليها فمها (تسمن العجل قبل الذبيحة ههه)  ...  كراو دار بعيدة على الضجيج.. من برا زوينة مبنية من الخشب غير سفلية فيها دريجات وقدامها حديقة بالوريدات والشجر...  عاد من الداخل مفرشة بطريقة راقية وزينة...  فوطايات ديال الجلد وغالب على الصالون لون الحمر... وعاد الكوزينة منضمة وكاينين دروج وسط الدار كيطلعو الفوق فين كاينين جوج بيوت وحمام...  بيت كبير ديال النعاس  فيه سرير كبير وعاد الماريو وشرجم كبير كيطل على الغابة...  ولبيت لاخر فيه غير فوتويات وتلفازة وديكورات...  المهم دار زوينة... 
نسرين  : واوو متخيلتش هاد الدار تكون بحال هكا بحال داك شي لي كيكون فالافلام..
ينيس  : نتي غير حلمي وانا نفذ بغيتي حتا قصر نحضرو ل روحي كوني غير على خاطرك
نسرين  : فراسك نتا اغلى حاجة عندي فهاد الدنيا...  فالوقت لي كنت بوحدي وقفتي فجنبي وكنتي معايا ووقفتيني على رجلي...  بغيتك من كل قلبي مكنتخايلش حياتي بلا بيك وكون اكيد اني غنكون دائما معاك فالحلوة والمرة حتال آخر يوم فحياتي...

باس ليها على راسها ومشى تلاح فوق السداري مفطح مغمض عينيه وهضر  :  سيري بدلي حوايجك ووجدي شي حاجة ناكلوها...
داك شي لي دارت طلعات لفوق حلات البلاكار ولقات الحوايج وكلشي واجد بحالا دار اصلا ساكنين فيها الناس حيت مجهزة من كلشييي...  هزات كسيوة خفيفة ديال الدار.. بسميطات وصدرها كول V وعاد قصيرة ومزيرة مبينة فورمتها فخاضها فايضين بخير ربي وبيضين مفيهمش حتى خبشة وسيقانها عامرين وبويض... دوشات وطلقات شعرها بعد ما نشفاتو ورشات ريحتها لي كدوخ ينيس... 
هبطات ومشات نيشان لكوزينة... كتعجن وجدات بيتزا على شكل قلب...  شوية كتحس بيه جا من وراها ودار يدو محوط ليها خصرها وخاشي وجهو فعنقها كيشم
ريحتها...  كملو طياب وقطعو فواكه وجبدو الشكلاط وحلوى وقادو كلشي وطلعو نيشان لبيت لفوق فرشو فالارض وجلسو معانقين كيتفرجو ف فيلم....