الـــــمـراهــقــة و الــــحـشــــايـشــــي (مغربية)

~11~

فنفس البلاصة ونفس اللحضة كانو بجوج..  باتجاهات مختالفة هو خارج وهي داخلة...  يمكن ولو كان غير ضار واحد فيهم كان غيشوف الاخر... 
كانت المقاومة ديال تلث سنين غتسالي..  العشاق غيعاودو يتلاقاو..  ممعروفاش ضروف اللقاء ولكن العيون والقلوب لي كانت غتحكي كلشي..   الدموع والغوت كل واحد كان غيعبر بطيريقتو على الحزن والحب والحقد ديالو.. ولكن القدر مبغاش يمكن فبلاصة اخرى فضروف اخرى وللاا يمكن مبغاش الجروح لي قربات تشافى والدموع لي نشفو والاحزان لي بغاو يتمحاو والوراق لي تكتبو.. يتغير كلشي... 

خرج هو لطونوبيلتو وريحتها لي جات على غفلة فنيفو... عمرو ينساها هي الوحيدة لي كان شمها عندها دون البنات...  الهوا لي حرك شعرها واحساس الخوف والغمة لي جاتها غريبة .. طلعات عند بنتها ضاماها لصدرها من بعد ما عطاوها الدوا وخفضو حرارتها...

سيمانة دازت رجعات  الامور لطبيعتها... مريم خرجات من السبيطار ومطرا ليها والو ولكن نفسيتها تضهورات  .. كدبات كدبة الحمل وحاولات تيقها...  وولات مكتاكلش وقليلة الهضرة... 
نسرين قررات تستقر فالمغرب مع بنتها... ينيس مبقاش بان من ديك الليلة...

ينيس من بعد داك النهار...  مشا لمدينة اخرى برك عند شي صاحبو...  حاول يراجع راسو...  بعد من الضجيج ديال الحياة مخرجش من الدار بارك غير مع راسو.. كيفكر فالماضي شنو دار...  ندم بزاااف وحاول يتقرب من نفسو ويتصالح مع الذات ديالو...

نسرين استقرات فالمغرب..  نقلات خدمتها هنا... المزاد لي جات على قبلو داز ناااضي وربحات من وراه كثر من 30 مليون...  بغات بنتها تكبر فبلادها فبقات هنا...

من بعد ما حس براسو رجع ينيس القديم لي قادر يوقف على رجليه وقرر يبدا من جديد... رجع للفيلا..  كانت شبه خاوية كل واحد فبيتو..  طلع حتا هو..  حل الباب بشوية..  كان ضو طافي شعلو ودخل...  كانت ناعسة او كتمثل انها ناعسة حيت دموع كانو معمرين عينيها..
قرب ليها شوية متحركاتش.. كانت عاطياه بالظهر..  هز مخدة حدها فوق الفوتوي وتلاح متكي..  يدو تحت راسو..

فاقت مريم قبل منهم...  شافتو ناعس معدب قادات ليه المخدة وغطاتو.. باستو فجبهتو.. ودخلات لطواليط...  مشات نيشان ورا واحد الكريم وجبدات بلاستيكة كانت فيها واحد الابرة بحال شي فردي...  حيدات تريكوها الفوقاني وبركات فالارض...  وبدات كترسم فلحمها او كتكتب ف سميتو...  الدم كان نازل كيقطر فالارض البيضة..  مكتحس بوالو وخا الالم كان فضيع الا انها كانت كتضحك بواحد الطريقة غريييبة وعينيها فيهم لمعة وهي كتشوف فلحمها كتزين بسميتو...

فاق وشافها مكيناش.. مشا نيشان للحمام مع حلو مع شاف داك المنظر لي يقدر يدخلك فاكتئاب...   كلشي الارض عامرة دم نازل.. وهي باركة وسط منو فوق ديالها عريان وكلها مطبعة مكتوب سميتو مرة كبيرة مرة صغيرة  ...  وقلوبة ف يديها صدرها كرشها.. كلها عامرة دم ووشامات...  شعرها مطلوق ووجها شاخب نيفها عامر دم...  وجبهتها عرقانة لاصق فيها الشعر.. عينيها منفوخين وباكين. متكية على الحيط سخفانة ..  حالة تشفي العدو متتمناش تشوف داك المنظر ولو فاحلامك...
تصدم صدمة قوية وهو كيشوفها فديك الحالة.... قرب ليها وهزها بين يديه وخرجها فوق السرير وهو كيغوت وكيعيط على والديها...
جابو دوا وداواو ليها الجراحي لي فيها ودارو ليهم فاصمات وهي كانت شبه ناعسة...  شوية حلات عينيها.. شافتو بارك بعيد وناضت بزرة وهي كتضحك بهستيرية...
ينيييس.. اووه كتبان ليا فرحان شنو وش دابا جسمي عجبك هاهو ولا مزوق..  يلاه اجي عندي اجييي

ينيس بدا كيقرب ليها وبدات كتغوت بجهد
بعد.. بعد مني بعااااد.. نتا السباب فكلشي الله ياخد فيك الحق..  بغيتك وكنت نقدم لك كل مكنملك...  نتا عمرك بغيتيني.. ولكن لا مبغيتينيش انا عمرك تبغي غيري... 
بجريا هرسات الفاز ديال الجاج لي كان فوق كوافوزة..  هزات بين يديها وتاجهات نيشان لينيس..  حطاتها ليه على عنقو... 
غنقتلك ونقتل راسي.. ههه وفالجنة غتبغيني نشاء الله
دور ليها يدها وبدلات الاتجاه ولات حاطاها على عنقها.. بغات تقتل راسها غير ينيس لي حيدها ليها وخا تجرح...

سخفات وعيطو ليها للطبيب..  وعرفو بلي عندها اضطرابات نفسية خاصها تعالج ضروري..  ولا غتولي خطار على راسها والناس لي قراب ليها.. بمعنى اخر  مريم تسطات وخاصها سبيطار الحماق.. تبقى فيه مدة حتا تعالج...  عيطو ليها على اومبيلونص خاصة بداك السبيطار..  وفجر ومراتو تبعوها فطوموبيل... اما ينيس بقا فدار...

من بعد ساعتين كانت الصدمة...  تاصلو بيه وعرف بلي فجر دار كسيدة خطيرة وهو تابع بنتو..  ومات هو ومراتو...