الـــــمـراهــقــة و الــــحـشــــايـشــــي (مغربية)

~2~

سالات جميع الدار وحطات الفطور لباها لي هادي 2 د نهار عاد فايق من النعاس.. نايض مقلوب كيتمشى وكيميل بدا كياكل فداك الخبز واتاي وهو كاره... هز راسو شاف ف نسرين لي باركة حداه مطلعها ومهبطها..
عبد الله (باها) : عندك شي فلوس
نسرين : ااا لا لا معنديش
عبد الله: قلت لك جبديي لي عندك متعصبينيش على الصباح
نسرين: راه قلت لك معندييش.. واش مفقلبك لا رحمة لا شفقة راني بنتك زعما خليتيني نخدم وانا صغيرة وطامع ليا فلوسي ولاش باش تخسرهم فداك الويل
عبد الله تلاح عليها جارها من شعرها وكيصرفق فيها : طوال لك اللسان البرهوشة ولي تي تهزي صوتك عليا ولكن ليوم نشاء الله نقتلك ونلحقك على مك

وكيف العادة الجيران سمعو غوات نسرين وباها قاتلها بالعصا من نهار ماتت مها لي كانت شوية حامياها من سكايري تاع باها وهي عاطية لضهرها الدق... عطاها قتلة ديال العصا وخاد ليها ديك 30 درهم لي كانت باقا خازنا بززز منها وخرج خابط الباب وراه.. ..
وجهها عامر دم وعينيها العسليين تنفخو بالبكا.. ناضت بلي فيها غسلت حالتها ولبست جلابتها وزيفها وخرجات غادة لعند المرة لي خدامة عندها مقابل شي دراهم كتعطيهم ليها من الشهر ل الشهر

خارج لابس ومستيلي الحالة... داير نضاضرو وسايق طونوبيلتو وغادي طاير حيت داير مع صحابو كيف العادة على قبل واحد ل أنيف ديال شي واحد فيهم ...

فيلا كبيرة وناضية جردة مزينة ومزوقة من اضواء ونفاخات وطوابل وطريتور مشهور واقف برجليه على تجهيز الحفلة ديال هاد الأمسية..
داخلة مع الباب كتشوف فالجردة كيفاش مقادة وعامرة بالخدامات وهاد المرة بعدد كبير وماشي كيف العادة لابسين ملابس موحدة وكيتمشاو بسرعة كيقادو فالحالة...
وسط من هاد شي واقفة مرة تكون فالربعينات من عمرها شادة فراسها ومتيكة لابسة كسوة لاسقة عليها فالنواغ وشعرها كحل مطلوق شادة تيلي كتهضر فيه وغير شافت نسرين دخلات قطعات وعيطات عليها...

راما: نسرين اش هاد التعطيلة واش يصحاب لك جايا لدار باك واش هاد الحالة فوجهك عوتاني راك عارفة ليوم لانيف ديال ولدي عمر
نسرين: اه ا مدام عارفة غير سمحي ليا انا دابة نبدل حوايجي ونكمل كلشي
راما: اليوم نهار خاص بالنسبة لينا هداك شي علاش مغتلبسيش كيف العادة داك شي مستور وديري زيف تتت غتلبسي كيف الخدامات الاخرين وتجمعي شعرك كوب شوفال فهمتيي
نسرين عينيها غرغرو: عافاك ا مدام راه منقضرش نحيد زيفي قدام ناس ونلبس بحال هاد الكساوي
راما: غديري لي كنقول لك عليه ولا الباب وسع من كتافك
مشات وخلاتها واقفة والدموع على خدها.. ما عندها مدير هادي كثر من عامين وهي خدامة عند هاد الناس واي حاجة قالوها ليها كديرها.. من نهار جات عندهم كتشقا غير فالكوزينة ب بيجامة طويلة وزيفها على راسها ولكن دابة هاهي مجبرة تحيد هاد شي على قبل باش متخسرش رزقها... ولكن كيفاش غدير تلبس هاد الحوايج قدام الناس...
مشات للحمام غسلات وجهها وخا عينيها بقاو منفوخين
... هزات وحدة من دوك الكساوي.. كانت بحال شي سوارية فالكحل كاملة واصلة حد الفخاض ومزيرة من جيهة الصدر والخصر.. حيدات حوايجها ولبساتها... مشاء الله.. جاتها قنبوووولة.. حيت عاندها واحد الفورمة بومبة الصدر كبير ومبندر وفخاضها خير ربي بيضين بحال الدراري الصغار... ملي لبسات ديك الكسوة جاتها لاسقة مبينا ليها مفاتن جسمها عبرات ليها صدرها لي بقا شوية منو خارج كيبري وجاتها مرفوعة شوية من التحت بسباب طرمتها الكبيرة... بقات كتشوف فراسها فالمراية شحال.. كيفاش هي لي عمرها قدرات تخرج بشي حوايج مزيرين ولو شوية دابا لابسة كسوة بحال هادي... رفعات ايدها محيدة زيف على شعرها لي تطلق لتحت بلونو القهوي ضارب النص فظهرها هزاتو جامعاه الفوق بباندة ومخلياه على شكل كوب شوفال...
دخلو شي خدامات الحمام على قبل يقادو مكياجهوم حتى كيتصدمو بجمال نسرين بقاو غير حالين فهمهم كتبان بحال شي اميرة ديال ديزني... تقابلو مع المرايا كيطليو فواجههم ويعكرو اما هي غير كتشوف فيهم... معمرها دارت المكياج ولا غديرو.. جمالها رباني سبحان من خلقها.. الوجه دائري بييييض ملائكي والعينين كبار ومشفرين عسليين والفم صغير وحمر بلا عكر اما حناكها المنفوخين ونيفها مقرون وحجبانها مقاادين..
اقل ما يقال عليها اية بالجمال...
هزات حوايجها خشاتهم فبلاكار وخرجات من الحمام وكل مرة كتهبط كسوتها وكتشوف فجنابها وكلشي غياكلها بعينيه...
الليل طاح والفيلا عمرات بالناس والمدعوين... البيسين وسط من الحديقة والطوابل ديرين بيه وضواو فالالوان شاعلين... البنات مكاين غير المعري كثر من المغطي... كاين غير شكون وشكون غير ولاد رجال الاعمال والمشاهير... الصحافة مطوقة الدنيا.. ودري لي جا جايب معاه صاحبتو لا تقله فخامة...
واكيد بما ان سي ينيس الصديق المقرب ديال عمر فهو اول الناس لي جاو ومننساوش مريم لي جات معاه..
لابس سروال جينز وشميز بيضة صدايفها الفقانيين محلولي مبينين صدرو.. وشعرو مرفوع لفوق مع ساعة غالية فيدو واقف وشاد فيدو كاس ديال العاصير وحاضي البنات لي بوحدهم كيختار معامن كيشطح هاد الليلة... اما مريم لابسة كسوة طويلة فالحمر وطالون كحل وشعرها مطلوق باريحية واقفة حدا ينيس مكرهاتش تغطيه على عينين البنات لي كيشوفو فيه ولكن هو ممديهاش فيها...