الـــــمـراهــقــة و الــــحـشــــايـشــــي (مغربية)

~4~

نسرين باركة فبيتها..  قدام المراية شادة ورقة وستيلو وكترسم.. حيت هي هواية ديالها الرسمة ومنهار عقلات على راسها گاع طاقات كتخرجهم فالرسم...
حتا سمعات الدقان اكيد خافت حيت اغلب المرات فاش كيجي ينيس عندو ساروت مكيدقش..
ناضت كتسلت قربات من الباب كتطل من العين ديالو... كانت بنت ف مقتبل العمر شهبة ولابسة مينية وتريكو ومعاها شي علاقات وصيكان..  حلات نسرين الباب بشوية وهي كتطل..
•سلام انا لورا صيفطني سي ينيس على قبلك
•وعلاش هاد شي
•بغات تغيري من شكلك ولباسك على قبل غدا اول نهار لك فليسي وخاصك تكوني راقية
فسحات ليها الباب تدخل وسدات الباب... دخلات البنت حطات دوك الحوايج فصالون.. وجبدات شي كتوبة وعيطات على نسرين جات بركات حداها..
هادو شي تصاور من مجلات غتشوف هاد البنات وختاري شكون فيهم لي لبسها عجبك اوكي

نسرين حركات راسها ب اه... وبدات كتقلب ف المجلة.. شوي وهي تشوف واحد العارضة بملابس رياضية..  سراول جينز عراض وقبيات وشوميزات طوال شوية وكونفيرسات وشي سنيدلات...  كان داكشي سانبل ولكن زوين وبسيط.. 
اختيار موفق..  هانتي شوفي هاد الحوايج بحال داك شي لي عجبك..  خودي هاد جينز ولبسي معاه هاد الهودي فبيض وسبرديلة بيضة وشةفي كيف غيجيوك..

خدات من عندها الحوايج ومشات للبيت كتقيس...  لبسات دوك الحوايج جاوها فنييين وبانت كيوت..  بحال شي بنيتة صغيرة...  مع هي تقريبا فيها غير ديك 1،67 فطول جاوها هي هاديك وبانت الفورمة ديالها وخا هما ملاصقينش عليها.. شافت راسها فالمراية وقادت زيفها وخرجات عند لورا...

شافت فيها وبات الفرحة على وجهها وهي كتشوف فيها باعجاب..
عرفتي جلك الحوايج واعريين.. ولكن...  من الاحسن حيدي الزيف..  نتي باقا بنت صغيييرة فمقتبل العمر خاصك تعيشي حياتك كيف البنات متغرقيش راسك ف هاد الحوايج ديال الشارفات.. لبسي وتزيني وشوف العالم وحيدي هاد الزيف وخلي شعرك يبان..
نسرين تردات فالاول ولكن هدرة لورا جاتها منطقية هي يالاه فالعشرين من عمرها باقا صغيرة وخاصها تعيش.. هزات ايدها لاحت الزيف فالارض وشافت ف لورا لي ابتاسمات برضى..
بركي فوق هاد الكرسي خليني نقاد ليك وجهك...
دارت داك شي لي كتقول ليها لورا بركات...
دارت ليها ماسك ديال الورد وحيدات ليها les point noir  وقادات ليها حجبانها ونتفاتهم ليها...  دارت ليها مرطب و ومساج لحنيكاتها.. وعاد دازت لشعرها كتمشط ليها فيه...
~مكرهتش نقطع شعري قطعيه ليا عافاك...
~شعرك زوين وطويل وحتا لونو واعر البنات دابا كلهم باغين الشعر الطويل داك شي علاش بلا متقربي ليه
داك شي لي دارت نسرين ضربات الطم وسكتات وبقات كتشوف.. سالات ليها

هانتي راه وجدت لك لبسات لي غتلبسي هاد جوج سيمانات كاملين باكسيسوارات وكلشي...  خاصني نمشي دابا من بعد وغنرجع عندك...(مدات ليها كتاب بعنوان «كيف اصبح راقية»)  .. حركات ليها نسرين راسها ب اه وخدات الكتاب من عندها... ومشات لورا وخلاتها....  لورا هابطة فالدروج جبدات تيلي وهضرات
الخطة غادا كيف بغيتي ا سي ينيس (ضحكات بخبث ضحكة ديال **)  ومشات مكملة طريقها...