_قالوا في الأب إنه سند العمر
الحيطه الي شايله البيت
وأنا قولت أبويا يعني سند العمر
يعني الإيدين الخشنه والضهر اللي مايملش
يعني إللي يشيلك وقت الناس مابتشلش
يعني إللي عوده يميل ولا يسيبك تميلش
تتعجز عليه ولا تخاف
حنان أمك يبان أكتر فتكتب عنه وتزود
وهو حنانه مداري بيظهر بس مش متشاف
وقت أمك ماتغرفلك يبقي الأكل
تغطيك أمك إن تبرد ف يبقي لحاف
تشوف ف عنيه زمن وحياه وأيام عاشها علشانك
ويتبهدل من الدنيا وياخد ضربها مكانك
بتزعل لما يقسي عليك عشان ماتدوقش من مُره
وراحته تروح عشان راحتك ويدبل عمره ف زمانك
أبويا كفوف تشيل ما تميل
أبويا السيره والتفاصيل
أبويا الحب من الأيام وحب حقيقي دول تمثيل
أبويا قلب هادي جميل ووش عجوز وشكل شبااااب
أبويا إن غاب تغيب الشمس
وبيتنا يبات بدون الباب
حلوه الأيام وانا بتحامي ف ضهرك من الجاي
بتباهي ب إنك من دمي وبشوفك وسط الناس هيبه
بتعلم منك أكون إنسان وإن إحنا مابتطلناش عيبه
قسوه وحنيه ف نفس الوقت
وبحور بتفيض جبر وطيبه
وحجات أكبر من كونها حجات
ومين يعني يحبك تبقي أحسن منه غير أبوك بالذات
أطيب قلب ف العالم وشيال الهموم عنك
يانور دايما ف قلب البيت رضاه بيدخل الجنه
ياحاجه الدنيا مخليه الدنيا أمان وسلام وفيها براااح
ياوش بشوفه كل صباح وصوت ف القلب ليه رنه
أبويا الإيد إللي ف ضهري وعارف إنها دايما سانده
أنا أبويا الشخص اللي لما أحتاجه بيجيلي لوحده
بدون م انده مسمار الضهر ونور العين سيد كل الناس
وحبيب الكل أنا أبويا يطل الدنيا بخير والحاجه تقك
إن كانت عانده ف إيديك عديت أول شارع
بعنيك بصيت علي الناس ف أمان
من عمرك عشت أجمل أيام وبسيرتك بمشي ف اي مكان
بتقف لك كل الناس تقدير وتشلني الناس تقدير لجلك
عيني ماتنزلش لأيا كان تنزلك لوحدك ولأجلك
ربنا ماينزل عينا لحد
موجود وسطينا هالجألك ف الدنيا تمام
ربنا ياااباا يديمك عكاز ويطول حسك ف الدنيا
طبعا إنت مش موجود ف غابت الشمس وبيتنا
بات بدون الباب 😢💔
ربنا يرحمك ويصبرنا علي فراقك مع اني عارف ويعوضنا خير
مع اني عارفه إن مافيش عوض يعوض مكانك ف حياتي
ولا اي حد ولااي حاحه تملي الفراغ اللي انت سبته
ربنا يرحمك ي غالي 💔😭
أنت تقرأ
♥كلام موووج♥
General Fictionمزيج بين الحزن والفرح بين الشعر والقصائد للشعراء المختلفين ببن النصائح والحكم من جميع الحكماء ادخل واقرا وامشي ورايا ومش هتندم محدش مشي ورا موج وندم ولو ندمت ف دي مش اول مره يعني 😂😂😂 نتمنى لكم رحله قراءه ممتعه وسعيده في كتاب كلام مووج وكتاب مووو...