طمني بوجودك لو كنت بتعزني
وامسك ايديا عشان قبلك كتير هدني
قولي اني شخص جميل حتي ان معكش دليل
خليك معايا اصيل لو يوم اميل شدني
الدنيا مش سهله ف بلاش تزدها حمول
هو الكلام ب فلوس قول اني طيب قول
انا حزني دا بيزول من كلمه والله
جبر الخواطر سهل علي القلب ليه مفعول
في كلمه بتداوي وفي كلمه وفي كلمه بتعور
في ناس بتطفينا يجي غيرها وينور
انا شوفت حزن كبير وقابلت خلق كتير
ومشيت في ناس مشاوير وعرفت بلاويهم
الناس هاتحترمك لو عشت دور النبي
وهايقتلوك بالدور لو عشت تديهم
خليك وماتسبنيش زي الي كان قبلك
انا عندي قلب كبير وحنانه متسابلك
لو كنت غيرهم بس طمنتني بحاجه
هاديك عنيا بطوع وحياتي تحسبلك
أنا ياما دوقت جراح فبلاش تكون واحد
انا نفسي بس نكون اتنين في روح واحد
اكبر طموحي بسيط انا نفسي متسبنيش
ان ذاد مابينا الزعل ماتكونش فيه جاحد
انا جايز ابقي ساعات انسان غريب اطوار
بس اللي ايده ف تلج غير اللي ايده ف نار
اوقات بخاف من الناس ف ساعتها طمني
امشيلي لو خطوه هارمح عليك مشوار
صدقني لما الناس بالكدب ترميني
الكل يقتلني ف ألاقيك بتحيني
إن عري جرحي الزمن وكشفني للأيام
اجري عليك ف سلام ف ايديك تغطيني
خلي الخصام لين خلي الجفا حنين
مش عيب ف يوم تزعل العيب اكون هين
ميزني عن غيري وساعتها هابقالك
ايام بتحلالك وايادي بتزين
انا ياما دوقت المر لو دوقته من تاني
ف بلاش يكون ب ايديك
وان دق بينا الزعل خليها مره عليا ومره تانيه عليك
انا قد اكون حساس وكئيب ومتشائم بس ان طلبت العين
هاوهبها لجل عنيك وان جيت بلاش تمشي
انا برضوا لحم ودم يكفيني تبقي قريب لو احكي تقوم تهتم
كل خناقتنا تزرل كل الجراح تتلم
الدنيا لو تتهد ف وجودنا سوا دا اهم
ابقالك المتوي تبقالي كتف يشيل
ابقالك الايام تبقالي عمر جميل
نعمل سوا التفاصيل ونموت علي ال70
لو جيت ي رب تكون ي رب تكون فارق عن الباقين
وعجبي ♥️✨
أنت تقرأ
♥كلام موووج♥
Ficção Geralمزيج بين الحزن والفرح بين الشعر والقصائد للشعراء المختلفين ببن النصائح والحكم من جميع الحكماء ادخل واقرا وامشي ورايا ومش هتندم محدش مشي ورا موج وندم ولو ندمت ف دي مش اول مره يعني 😂😂😂 نتمنى لكم رحله قراءه ممتعه وسعيده في كتاب كلام مووج وكتاب مووو...
