ولنا في الخيال حيَاة .

PART 1

في إحدى ليالي الرياض في السنوات القديمة جدًا .. في إحدى برامج التواصل الإجتماعي ، البرنامج الذي لم يتبقى شخص لم يضع بصمته فيه !
في الساعة السابعة مساء " الإربعاء "
إحدى الرجال الذي كان يُدعى " مجيد " قد فتح بث في ذلك البرنامج وبينما فتاة تُدعى " عهد " كانت تتصفح في ذلك البرنامج الى ان خرج بث " مجيد " .. كانت عهد تتمتع بإخفاء هويتها كانت لا تريد أحد يعلم هي أي تخصص و من أين أو ماذا هو إسمها ؟ ، كانت عهد تقول بإنها تدرس في تخصص إدارة أعمال و إنها تُدعى أمجاد ليست عهد ..
كانت تتحدث مع مجيد ويوم عن يوم بدأت عهد لا تترك أي بث يخص مجيد كانت تتمتع في بثوثه ..
تطورت علاقة مجيد وعهد الى علاقة افضل من علاقتهم السابقة .. كأن يسأل عنها ويتطمن عليها بين الحين والأخر ..
مجيد : شلونك؟
عهد : بخير ، وانت ؟
مجيد : بخير مادامك بخير
في إحدى الأيام قد أختفى مجيد لأيام معدودة تتراوح مابين اليومين الى ثلاث ايام ..
عهد : مجيد فيك شيء؟
مجيد : لا ، ليه؟
عهد : ما اعرف ، بس قلقت عليك شوي
مجيد : شوي؟
عهد : ا.. مو شوي شوي مقصدي اني قلقت عليك
مجيد : ههههه عادي ، إنشغلت بالأسهم
عهد : اوه... اجل ما اشغلك بالتوفيق
مجيد : لا عادي تراك تسعديني لما تسولفين معي
عهد : ايش؟
مجيد : تناسي وكأني ما قلت لك شيء ..
قد كانت حالة مجيد وعهد هكذا .. بدأت عهد بالتفكير يوميًا عن مجيد وكيف انها بدأت تميل للإعجاب به لكنها لم تعترف بسبب انها قد كذبت على مجيد بكل مايخصها ..
في إحدى الأيام ذهب مجيد الى المستشفى بسبب عيناه وخرج من المستشفى وهو لا يرى جيدًا فتح بث وبدأ الجميع بالدخول لبثه وطلبت عهد من مجيد ان تساعدة في قراءة التعليقات .. وكانوا يتحدثون وكان مجيد قلبه ينبض بشدة لعهد .. أقفل البث مجيد وكان قلبه ينبض بشدة
مجيد : ليه قلبي ينبض بقوه؟ معقولة بديت أميل لها؟ لا يارجال مو الى هذا الحد تبالغ بالوصف انت ، هي بس طلبت مني انها تساعدني بقراءة التعليقات مو لهذه الدرجة يا مجيد .
- في منزل عهد -
عهد : اسماء اسمعيني انتي تدرين اني احبه حيل لكن ما اقدر اعترف ، بسبب اني كذبت عليه!
اسماء : قد قلت لك من البداية انك لا تكذبين لأنك بتندمين لكن ماتسمعيني!
عهد : امس في الليل شغل اغنية وقال انها اهداء تتوقعين يقصدني؟
اسماء : ما ادري ياعهد ، ما اقدر اقول لك ان مجيد يحبك ما اقدر افهمي!
عهد : أسماء شفيك انفعلتي ؟ ما قلت شيء انا بس ابي اتطمن !
اسماء : عهد انتي تكرهين الكذب ويمكن تنقطع علاقتك مع مجيد بسبب كذبتك استوعبي اللي اقوله ياعهد!
عهد : ما اقدر اعترف .. قلبي يحبه .
اسماء : إعترفي ! لا تركزين على عاطفتك!
عَضِضت عهد شفتها السفلى وتنظر الى الأرض وتحاول ان دموعها لا تتساقط.. لكن ؛ تساقطت دموع عهد
أسماء : لا عهد لا ، لا تبكين تكفين ! ، عهد انا ما ابي احط لك أمال وتنخذلين منه ، ما ابي عشان كذا اقول لك حطي احتمالات ..
عهد : لكن انا حبيته يا اسماء مستوعبه؟ حبيت الرجال اللي راح و أبتعث و اللي درس ماجستير واللي يعرف كيف يهتم بنفسة وبأدق تفاصيله .. حبيته يا أسماء
اسماء : اتوقع انك حبيتي مجيد عشان يهتم بنفسه ولا ؟
عهد : ايه ههه
اسماء : الا صح كيف شفتي وجهه؟
عهد : ماشفته بس مره كان مصور كشخته بس مو مصور وجهه
ضحكت اسماء وبادلت عهد بالحضن ..
بعد ايام كان مجيد يلمح لعهد ..
مجيد : من يوم دخلتي قست عشان تساعديني وانتي ضيعتي هيبتي وشخصيتي ..
عهد : لهذي الدرجة؟
مجيد : و اكثر ، ضيعتي هيبتي بالكلام وشخصيتي ضيعتيني كلك ، تعبتيني بمراوغتك ، هو فيه اعجاب بينا؟
عهد : الله اعلم.
مرت الأيام وقررت عهد انها تذهب وتعترف لمجيد بكل شيء ، كانت عهد قبل لا تُراسل لمجيد كانت تردد كلام " اذا هو يحبك بيسامحك "
عهد : السلام عليكم مجيد ، بقول لك كل شيء وانت براحتك بالتفكير ، انا اول شيء اسمي عهد مو امجاد و تخصصي مو ادارة اعمال تخصصي قانون .. انا اسفه مره ماكان مقصدي اكذب لكن تذكر انه لمصلحتي ..
مجيد : تمام
عهد : بس هذا اللي بتقوله؟
مجيد : شكرًا لصدقك معي ..
برود مجيد بعد كلام عهد اثبت لعهد بأنه من المستحيل ان يرجع لها الثقه نفس ماكانت سابقًا .. بدأ تعامل مجيد يتحول الى الرسمية ، كانت عهد في ذيك الليالي لا ليلها ليل ولا نهارها نهار .. لا هي التي قادره عن توقف حبها لمجيد ولا هي التي قادره ان تكمل حبها .. حاولت عهد ان تصلح الخطأ لكن مجيد أخذ موقف منها وتراجع .
في إحدى مذكرات عهد الذي اطلقت على مذكرتها " ولنا في الخيال حياة "
{ تحسب ان حبي لك تغير مجراه؟ لا والله انك غلطان واكبر غلطان .. حبي لك يامجيد زاد ماقل ، انا ادري اني غلطت لكن العاشق يشفع لعشيقه }
انتهت من مذكرتها عهد وركبت سيارتها لتغير من نفسيتها .. لكن دخلت عهد الى أحد برامج التواصل الإجتماعي وكان مجيد مصور على اغنية عبدالمجيد عبدالله " مع السلامة "
( مع السلامه ياتارك بـ قلبي علامه
ومسحة حزن ماتداريها ابتسامه )
ومن ثم صورت عهد على اغنية ماجد المهندس " ليطمئن قلبي "
( من اللي جاب طاري الفراق ابد هذا عتب عشاق
ابيك تحس بي وتشتاق .. ليطمئن قلبي )
رأى " الستوري" مجيد ومن ثم ذهب ليغرد بأغنية ماجد المهندس " يهزك الشوق "
( تعال ابي اعرف وش كثر مشتاق لي
ابيك كثر صبري كثر ما تطري علي )
ومن ثم غردت عهد بأغنية راشد الماجد " ولهان "
( لا انت عرفت اللي بلاني من الشوق
ولا السماء تاسعها وش قد انا اهواك )
ومن ثم غرد مجيد بأغنية ماجد المهندس " رفوف الذكريات "
( تهت في بحر الشعر والأغنيات
لا معي مينا ولا قلبي رساها )
ومن ثم غردت عهد بأغنية عباس ابراهيم " امنتك الله "
( أنا بغيب وان كان لك قلب إزعل
أعطيني أعذار وأنا أبقى بحبك )
حذفت حساباتها عهد من كل البرامج واختفت عن حياة مجيد .. مرت الشهور و السنوات وتعب مجيد من البحث عن عهد كان فقط يريد منها لو حرف واحد بس يطمئن قلبه انها بخير ..
تخرجت عهد من الجامعة و قد أبتعثت عهد الى خارج بلدتها و في تلك السنوات التي كانت عهد مختفية عن مجيد ..
ابو عهد : عهد بنتي بكلمك بموضوع
عهد : تفضل يبه
ابو عهد : انتي تخرجتي الحمدلله ..
عهد : يبه من الحين اقولك ابراهيم ما ابيه
ابو عهد : انتي صلي الأستخاره وشوفي وردي لي خبر
بعد اسبوع
ابو عهد : شوفي يا تاخذين ابراهيم ولد عمك يا اذلفي عن وجهي ما ابي اشوفك
عهد : يبه مو غصب ما ابيه!
ابو عهد : الرجال شاريك لا تردينه
قررت عهد انها توافق وتتأكد انها خيره رغم ان قلبها متعلق بمجيد ولا يزال القلب ينبض لمجيد .
في أحد الأيام بعد ما خطب ابراهيم عهد
ابراهيم : مابقى الا كم شهر على زواجنا ، تصدقين عهد من يوم وحنا صغار وانتي بقلبي عجزت اطالع غيرك وعجز قلبي يحب غيرك ، اخيرًا صرتي لي وصرتي مالكة القلب وصاحب القلب..
عهد : اسمع ابراهيم دامنا على البر بصارحك
ابراهيم : قولي ياعيون ابراهيم وقلبه
عهد : الصراحه مستحيل اكمل مع شخص مايعرف يهتم لنفسه ويكشخ ، وحقيقه مستحيل اكمل مع شخص ماكمل جامعته ، حنا مانناسب بعض ..
سحبت يديها عهد من بين يد ابراهيم واخذت الخاتم من اصبعها ووضعته على الطاولة وذهبت لسيارتها وهي حابسة دموعها
عهد : الو اسماء اقدر اجيك لبيتك؟
وصلت عهد الى بيت اسماء وفتحت الباب اسماء و ارتمت بين احضان اسماء عهد ..
اسماء : شفيك عهد ؟
عهد : انفصلت عن ابراهيم
اسماء : نعممم!
عهد : ماقدرت اكون مع احد غير مجيد
اسماء : عهد تستهبلين؟ مجيد شوفيه الحين عايش حياته وانتي متعلقه
عهد : وش دراك انه عايش حياته؟
اسماء : انا اقولك الواقع لو هو يبيك جاء لك
بدأت عهد بالبكاء وهي بحضن اسماء الى ان نامت عهد دون ان تشعر بإنها بحضن اسماء ..
استيقظت عهد واخذت هاتفها وحصلت اتصالات من اهلها ..
" ابو عهد : ردي وينك انتي ؟؟ ماتستحين!! " 99 مكالمة فائتة
" ام عهد : عهد منجدك انفصلتي عن ابراهيم ! " 10 مكالمة فائتة
" بدر : عهد ابوي معصب حاولي ماتجين للبيت واذا ماعندك مكان تروحين له روحي لفندقي " 5 مكالمة فائتة
عهد : اسماء اسماء قومي
اسماء : شفيك بسم الله
عهد : ابراهيم قال لأهلي اني انفصلت
اسماء : عهد !! اسمعي انتبهي تروحين لهم والله بيخلونك عبرة لمن لم يعتبر
عهد : انا بروح اواجههم تعبت من التحكم
اسماء : بس عهد اخاف يسوون لك شيء
عهد : اذا صار لي شيء تذكري انك اختي واعزك و اغليك
اسما : طيب بحضنك اخاف مانتقابل بعد هذا الحضن..
عهد : اقول اعقلي كلها كم ساعه و اجيك
" رسالة بريد الكتروني "
اسماء : اخاف الكم ساعه ذي تصير كم سنه
عهد : اصبري جتني رسالة بالإيميل دعواتك انها قبول وظيفة
اسماء : انا وين وانتي وين
عهد : لحظه !! اسماء !!
اسماء : شفيك بسم الله ؟
عهد : انقبلت بالشركة اللي انا ابيها و بالوظيفة اللي انا ابيها !!
اسماء : قصدك انقبلتي بالشركة ******* العالمية ؟ وبتصيرين مديرة الشؤون القانونية ؟؟؟
عهد : اي!!
صرخت اسماء وبدت تحضن عهد ونسوا الكارثة اللي تنتظر عهد ..
عهد : مع السلامه بروح لأهلي الحين
- في بيت عهد -
ابو عهد : فشلتني عند اخوي وولده ! الحين وش اسوي بالبنت هذي !
بدر : يبه انت منجدك ؟؟ انا لو اني بنت وتزوجت ابراهيم اني بنفصل عنه اجل مزوج بنتك لواحد ماكمل جامعته ؟؟
ابو عهد : بدر انت الوحيد اللي لا تتكلم ، اختك هذي فيها بلا لكن يصير خير ياعهد يصير خير
عهد : اهلييين
اتى ابو عهد مسرع وشد على شعر عهد
ابو عهد : اهلين اجل ؟؟؟ اخلصي علي الكلام اللي قاله ابراهيم صدق ولا !!
بدر : يبه اترك البنت اتركها
ابو عهد : وخر انت ، بتتكلمين ولا اوريك نجوم الليل بعز الظهر!!
عهد " ببكاء " : وش قال ابراهيم !!
ابو عهد : وش قال ؟؟ مسويه تنكرين يعني ؟ بدر جيب الجوال خل نقول لسيدة كلام ابراهيم
ترك ابو عهد شعر عهد واخذ هاتفه من بدر
ابو عهد : سلام عمي ابو بدر بنتك انفصلت عني عشان ماعندي جامعه وماتنلام عمومًا ياعم مالي نصيب بالبنت اللي احبها وانا رايح اكمل دراستي برا وبتخصص طيران و ان شاءالله لا تخرجت تقبل فيني عهد ولا تتواصل مع ابوي لأني انا بكلمه عن هذا الموضوع والله يوفقك ويوفق بنتك . الحين عرفتي وش قال ابراهيم ؟؟
عهد : يبه انا ما ابغى اتزوج واحد غير متعلم !
ابو عهد : على الأقل غير متعلم لكن مخه تجاري ! يقدر يفتح شركات بس انتي للأسف عنيده ما ادري طالعه على مين
عهد : بس يبه ..
ابو عهد : لا بس ولا غيره لا عاد اشوفك بينا الى اليوم اللي يجي ابراهيم يخطبك .
ذهب ابو عهد و عهد عيونها دموع.. قرب بدر لعهد وبدأ بتهدئتها
ام عهد : انتي لو صبرتي لين اقنع ابوك مو احسن؟ لكن شوفي اللي جاك
ذهبت ام عهد تهدئ ابو عهد
بدر : لا تبكين ياعيون اخوك واللي سويتيه صح وانا ماكنت راضي بهذا الزواج نهائيًا و الحمدلله انك انتي اللي رحتي وتكلمتي معه افضل من اني انا اتكلم معه
عهد : صدق بدر كنت بتكلمه ؟
بدر : ايه ياعيون اخوك ، امشي نروح مكان نغير جوك فيه
عهد : مالي خلق بدر
بدر : والله انك تروحين
عهد : والله ما اروح
بدر : اجل صومي ثلاث ايام لأني بسحبك نروح
مسك بدر يدها وصار يشدها وهي كانت تضحك عليه ، فتح بدر باب السياره
بدر : يالله ادخلي بوديك مكان حتى ما اتوقع انها في احلامك ..
ركبت عهد السياره وهم في الطريق
بدر : عهد اعترف لك بشيء
عهد : وشو
بدر : شوفي صدق انك اختي وعلى العين وعلى الراس لكن الصدق ..
عهد : وش فيك خوفتني ؟
بدر : اسماء كيف حالها؟
عهد : كيف حالها؟؟ غرد غرد وش اللي بقلبك ؟
بدر : الصراحه من فتره طويلة وانا احس بالحب لأسماء
عهد : امممانه ؟ ولا علمتني !
بدر : هذاني علمتك الحين
عهد : عقب وش عقب ماصرت تتعب من الحب ؟
بدر : طيب هي تبادلني ؟
عهد : وانا اقول كلام الحب اللي تنزله سناب و الأغاني ومشتغل على نفسك ليل ونهار طلع كله عشان اسماء ؟
بدر : ايه عشانها ما ابي اذا تزوجتها تقول اتمنى حياة فلانه ابي جميع البنات يقولون نتمنى حياة اسماء
عهد : الععب كلام كبير
بدر : طيب هي تبادلني ؟
عهد : صراحة ما ادري وما اجيب طاريك عندها واجد لكن بشوف نبضها و اعلمك
بدر : تكفين عهد علميني بكل التفاصيل
عهد : اييي صح نسيت ، انقبلت بالشركة ****** العالمية بوظيفة مديرة الشؤون القانونية
بدر : تمزحين!
عهد : اي والله
بدر : متى مقابلتك ؟
عهد : بكرا بروح و اشوف الأوضاع دعواتك
بدر : بالتوفيق ياشيخه والله فرحت لك
عهد : طيب مو كأن مكانك طول ؟
بدر : وصلنا ..
عهد : بدر وش جابنا للكوخ ذا؟
بدر : اول شيء اعتذر اني تدخلت في امورك لكن في مره كنتي نايمه وانتي تكتبين مذكرتك .. وقريتها
عهد : بدر صبر انت فهمت غلط
بدر : لا ياعيني عادي وكلنا نمر بهذي الفترات اللي نصير نشتاق لأحد وكذا عمومًا مو كان حلمك كوخ كبير فيه ورود واللي مصممه انا ويكون ذا الكوخ خاص فيك وفي مجيد؟
عهد : يعني قريت كل شيء ؟
بدر : انا اعتذر على الفضول لكن شدني إسم المذكرة وحبيت اقراها ، عمومًا هذا مفتاح الكوخ روحي شوفي وعلميني اذا فيه تعديل بتصميم او شيء وترى مأثث وحطيت فيه كل شيء ..