ولنا في الخيال حيَاة .

PART 6 الأخير .

*رساله *
مجيد : عهد انا تحت انتظرك
نزلت عهد وهي ترتدي فستان ابيض قصير وحريري وله فتحة ظهر ..
انهذل مجيد من جمالها المُلفت و المُفتن و الخلاب .. شعرها البُني الطويل ، عيناها العسليتين ، شِفتيها الورديتين ، وجنتيها الحلوتين ، فكِها الحاد ، خصِرها المنحوت ، طُولها المُعتدل ، غمازتيها الجميلتين ..
مجيد : معقولة الزين هذا كله بيكون لي اليوم؟
خُجلت عهد ومن ثم ركبت السياره وتوجهوا الى منزل بدر ..
بدر : شفيكم تأخرتوا !
مجيد : كان الطريق زحمه ، جاء الشيخ؟
بدر : هذاه بالطريق
بعد نصف ساعة ..
الشيخ : بارك الله لهما وبارك عليهما وجمع بينهما في خير واغنهما بحلالك عن حرامك وهب لهما الذرية الصالحة ..
ذهب الشيخ وتقدم مجيد الى عهد ومن ثم مسك يد عهد ووضع الخاتم بإصبعها
مجيد : وصرتي زوجتي وحياتي كلها ملك لك يا عهدي وعهودي
كان بدر ينظر الى مجيد وعهد وهو متكئ على كتف اسماء ..
عهد : محظوظه فيك وماخذه حظ الدنيا كلها توعدني ماتتركني ؟
مجيد : اوعدك و اوعدك ماترمش عيني الا وانتي قبَالي .
اسماء : الله فيه اشياء حلوه هنا
بدر : والله احلى من المسلسلات
التفت مجيد لهم بينما عهد تضحك وتنظر الى الأرض
مجيد : خلصتوا؟
بدر : الصدق لا لكن ورانا ردح بروح اتجهز و اكوي ثوبي و اتجهز لأن الليلة انا عريس
عهد : اوووه صح! اسمااء ضروري الحين نروح نضبطك بتتأخرين
مجيد : وانا وين اروح؟
بدر : انت تعال تساعدني
ذهب الجميع يُحضر زفاف بدر و اسماء ..
" في القاعة " الجميع ينتظر زفة اسماء وطلتِها الجميلة ..
١ ٢ ٣
فُتح الباب وبدأت اسماء تخرج من الباب بِطلتِها الجميلة .. فستانها الأبيض وتاجها وجمالها الخَلاب .. الجميع يتأملها ويتأمل جمالها بالفستان الأبيض ..
وصلت اسماء الى " الكوشة " ومن ثم بدأ زفة الرجال ..
دخل والد اسماء و إخوانها الخمسة و إتجهوا الى اسماء ومن ثم دخل العريس " بدر " جميع الفتيات كانوا ينظرون اليه دون اي رمشه منهم .. طولِه واكتافه العريضة ، إبتسامته المُلفته ، غمازته الجميلة ، وجهه الحاد جدًا ، عضلاته البارزة .. كانوا جميع الفتيات يتمنون بدر زوجًا لهم ، لكن قد كان بدر من نصيِب اسماء .
بدأت المصورة بتصوير اسماء مع عائلتها و تصوير بدر مع عائلة اسماء ، ومن ثم طلب بدر صورة مع عائلته ، عائلته التي تحتوي على 11 ولد و إبنه واحده " عهد "
اتو الأخوه وبدأوا بالتصوير ..
بدر : وين عبدالرحمن!
عبدالرحمن : دقيقه دقيقه توني اوصل كنت انتظر بشتي يخلص لا تصورون
ضحك بدر ولحسن الحظ ان المصورة إلتقطت صورة عائلة عهد وبدر وهم يضحكون على عبدالرحمن ..
ذهب الرجال وتبقى بدر مع اسماء وبدأوا بالرقص ..
وبدون اي سابق انذار فور ان انتهت الأغنية مسك يدها بدر وبدأ بالركض اتجاه البوابه فكانت اسماء تقول بضحك " بدر لازم اشيل فستاني ما اقدر امشي كذا " ، فحملها بدر وذهب الى البوابة وخرجوا ..
انتهى الزفاف ، خرجت عهد تنتظر السائق يأخذها فكان الجو باردًا جدًا ..
ام عهد : عهد ماراح تجين معي ؟
عهد : لا وين روحي انتي مع ام اسماء لبيت بدر و اسماء انا بنتظر السواق
بينما هي تنتظر السائق .. أتتها رسالة من " مجيد "
مجيد : عهد انا عند الباب انتظرك تعالي
عهد : بس انا انتظر السواق
مجيد : داري كان موجود وانا قلت له رح ..
توجهت عهد الى سيارة مجيد وكانوا يتحدثون عن الزفاف .. وتوجه مجيد الى مكانهم السابق المكان الذي كانت تحتويه ورود جميلة ، نزل مجيد وتوجه الى باب عهد وفتح الباب ..
مجيد : حاكمة قلبي ماودها تنزل؟
نزلت عهد واندهش مجيد من لباسها الخفيف والقصير والذي دون اكمام وله فتحة ظهر !
مجيد : عهد ! ماجبتي شيء معك تلبسينه؟؟
عهد : مادريت ان الجو بيكون بارد كذا
ذهب مجيد واخذ البشت الذي كان يرتديه في زفاف بدر و جعل من عهد ترتديه
مجيد : صح خفيف لكن على الأقل يدفيك شوي
حمل مجيد عهد ووضعها فوق سيارته .. كان واضع يديه على خصر عهد وهي كانت واضعه يديها على اكتاف مجيد.. وبينما هو يتأملها ..
مجيد : مو قادر ارمش ما ابي اضيع ولا شيء فيه انتي ، عيونك العسلية ، خدودك الحلوة ، شفايفك الوردية ، غمازتك الجميلة ، فكك الحاد ، خصرك المنحوت ، شعرك الطويل ، إبتسامتك المُلفته ، كل شيء فيك ماودي ارمش و افوته ، والله احبك عهد لا تتركيني نفس قبل ممكن؟
عهد : وهل تتوقع قلبي بيرجع يتشجع ويتركك؟
ابتسم مجيد .. ومن ثم اقترب منها الى ان تخالطت انفاسهم وقبلها بشدة ..
" في السيارة " في حضنه نائمة وكان مجيد واضع انامله على شعر عهد الطويل البُني ... اخذ بشته وبدأ بتغطية عهد التي كانت نائمة في حضنه و أغلق انوار سيارته ومن ثم نام معها مُتعبًا من التفكير بسبب غدًا وبسبب فكرة اسماء ..
في الصباح استيقظ مجيد من النوم بسبب اتصال بدر
مجيد : هلا بدر
بدر : ترى ابراهيم عندنا وانا و اسماء تونا واصلين انتم وينكم؟
مجيد : مسافة الطريق وجايينكم
اغلق الإتصال مجيد ، وبدأ بمحاولة ان عهد تستيقظ من نومها ..
مجيد : صباح الخير
عهد : صباح النور
وبعد ان ادركت عهد انها نائمة في حضنه وانها لم تذهب الى منزلها ..
عهد : ايش ! انا نايمه عندك
مجيد : طلعتي حلوه حتى وانتي نايمه
عهد : مجيد بلا استهبال الحين كيف بروح للبيت !
مجيد : بوديك الحين السوق اشتري لك ملابس وميكب تسوينه على السريع
ذهب مجيد بعهد الى السوق وبدأت بالتسوق و إرتدت فستان متوسط الطول وكان دون اكمام لكن كان مُلتصق على الجسم ..
مجيد : باقي الحين الميكب
عهد : خلنا ندخل على هذا وناخذ ميكب ! حرفيًا ميكبهم حلو
بدأت عهد تأخذ من مساحيق التجميل وخرجت
مجيد : عهودي فيه شيء نسيتيه؟
عهد : لا مافي
مجيد : الا فيه ، تعالي نروح نشتري لحاكمة قلب مجيد طقم الماس
عهد : لا مجيد بيكون مره غالي !
مجيد : مافي شيء يغلى عليك وانتي زوجتي ولو تبين عيوني عطيتك
اختارت عهد طقم الألماس و إرتدته
توجهوا الى منزل عهد
وفتح الباب بدر ومع اسماء ..
بدر : زين انكم جيتوا انتي الحين عهد روحي مع اسماء على اساس انكم توكم جايين لأن اسماء مادخلت تسلم على اهلي
مجيد : وانا؟
بدر : انت تعال اجلس في المجلس الخارجي ..
" في المجلس الداخلي "
عهد : سلام
ابو عهد : هلا بعهد سلمي على ابراهيم
عهد : ليه اسلم عليه؟
اسماء " بصوت خافض " : بنت سلمي وانتي ساكته
ابو عهد : وش قلتي !
عهد : لا اقول ابشر ، كيف حالك ابراهيم؟
ابراهيم : الحمدلله بخير ، كيفك انتي ؟
عهد : دوم يارب
اسماء " بصوت خافض " : شفيك سحبتي على سؤاله!
عهد " بصوت خافض " : يحمد ربه رديت عليه
ابراهيم : مبروك الزواج اسماء
اسماء : يبارك فيك
ابراهيم : عاد بدر ولد والنعم فيه وتستاهلينه
اسماء : اي والله ، الا صح ابراهيم ليه جا...
ضربت عهد بطن اسماء ..
عهد : ههههه قصدها ان نورت البيت
ابراهيم : النور نورك
ابو عهد : عهد يابنتي ابراهيم اليوم عندنا جاي من السفر يخطبك
عهد : اما كنت احسبه جاي عشان زواج بدر
ابو عهد : هو جاي لكل الاثنين
بدر : السلام عليكم
ابو عهد : وعليكم السلام ، مين ذا اللي معك؟
مجيد : معاك مجيد طال عمرك
ابو عهد : والنعم تفضل اجلس هنا
مجيد : لا يعطيك العافية افضل اكون هنا
ابو عهد : مجيد مين انت ووش ترجع له ووش سالفتك
مجيد : انا المدير العام لشركة ******** العالمية ، اي يعني مدير عهد بنتك
ابو عهد : ماشاءالله والنعم فيك والله
بدأ مجيد بالتحدث مع ابو عهد وبدأ يأخذ ويعطي الى ان تحدث مجيد
مجيد : عاد والله ياعم انا جيت اليوم عشان اتقدم لبنتك الكريمة رسمي
ابراهيم : نعم!! عهد لي وانا لها !
مجيد : بأي قانون هذا بس ؟
ابراهيم : مو شغلك عهد لي رضيت ولا ضف وجهك!
مجيد : دامها ماهي لك ف انا يحق لي اجي اخطبها !
ابراهيم : انا خطبتها من ابوها !
مجيد : كيف تخطب وحده متزوجتني !!
ابو عهد : وشو !!!
ابراهيم : وش تقول انت !!
مجيد : ايه يا عم انا متزوج عهد على سنة الله ورسوله !
ابو عهد : عهد اللي يقوله صدق !!
ذهبت عهد الى مجيد وكانت خلفه وكأنها تقول " احميني مجيد "
ابو عهد : يعني كلامه صح !!
مجيد : ايه صح وعهد لي وصارت زوجتي واعلى ما بخيلك اركبه يا ابراهيم
شبك يده مجيد بيد عهد ومن ثم خرج من الباب مسرعًا ..
وحينها كان سيذهب خلفهم ابراهيم و ابو عهد الى ان استوقفهم بدر قائلًا
بدر : والله ما اخليكم تروحون وتخربون سعادة اثنين يبون بعض
ابو عهد : يعني كنت تدري وساكت!!
ابراهيم : بدر خلك شقردي وخلني اروح امردغه !
بدر : بلا حركات عربجه يا ابراهيم وخلاص البنت اختارت اللي تبيه
ابو عهد : بدر وخر عن الباب اسمع كلام ابوك!
بدر : ابوي وعلى عيني وراسي لكن شيء بيخرب سعادة اختي وزوجها والله ما اسمح ولا شبر منكم يطلع ..
اتصلت عهد بأسماء تخبرها انها خرجت من الشارع ومن ثم أشارت اسماء لبدر بأنهم قد خرجوا من الشارع ..
بدر : الحين تقدرون تروحون لكن صدقني يبه عهد عمرها ماراح تسامحك لو خربت سعادتها وانت يا ابراهيم عهد عمرها ماراح تخليك تعيش متهني اذا خربت سعادتها ، اسماء انا انتظرك بسيارتي جيبي اغراضك وتعالي
ذهبت اسماء مع بدر وبقي ابو عهد و ابراهيم .. اتت ام عهد بعد ان سمعت جميع الذي حدث ..
ام عهد : تصدق يا ابو عهد ؟ ، محد ظلم بنتك الا انت ! اي لا تنصدم انت اللي غصبتها تتزوج واحد ماتبيه وهذا نتيجة التصرف انك ماخليتها هي تختار الرجل اللي تبيه ! شوف هذاها كسرت كلمتك وتزوجت واحد غير اللي انت تبيه واما انت يا ابراهيم اذا كنت تعتقد ان عهد اذا غيرت من نفسك واسلوبك وحياتك راح تتزوجك ف انت غلطان ! عهد انسانه تبغى شخص قلبها ارتاح له قلبها اختار هذا الشخص والله حتى لو تتغير حياتك عهد مستحيل تحبك و السبب ان ابوها غصبها عليك وحسبي الله عليكم اثنينكم ان كانكم نويتوا تعاسة بنتي .
ذهبت ام عهد وبقى ابو عهد في الكرسي واضع يديه على رأسه و إبراهيم يحاول ان يُدرك الذي حدث ...
وصلوا مجيد وعهد الى الكوخ
عهد : تعال بوريك الكوخ اللي كان حلمي اسكن فيه معك
بدأت عهد تصطحب مجيد بين الغرف .. الى ان اتوا بدر و اسماء
بدر : اهم شيء انتم مرتاحين هنا؟
مجيد : والله طلعت مبدع بالتصميم يا بدر
بدر : اعجبك عاد الأثاث وكذا عهد هي اللي جابته ..
عهد : صح انتم متى سفرتكم؟
بدر : جينا نسلم عليكم ونروح وماراح تشوفونا الا بالمكالمات لمدة شهرين ..
بعد سبع سنوات ..
عهد : وتوتا توتا خلصت الحتوته
رائد : طيب ماما جابوا ولد ؟؟
عهد : اي ياعيون ماما جابو ولد قمر زيك
مجيد : رئودي ياعيون بابا وينك؟
ذهب رائد يحتضن أبيه مجيد ومن ثم نزلت عهد
رائد : بابا
مجيد : عيون بابا؟
رائد : ماما قبل شوي قالت لي قصة حلوه مره
مجيد : وش هي القصة؟
رائد : القصة مره طويلة بس ان في اثنين كانوا يحبون بعض وبعدين اختفت البنت و التقوا بشركة وتزوجوا
مجيد : القصة عجبتك؟
رائد : اي حتى ماما تقول جابوا ولد نفس القمر
مجيد : انت القمر ، طيب خذ هذا شريته لك من السوبرماركت
رائد : جبت شوكولاته؟
مجيد : ههه اي جبت يلا روح الحين تابع تلفيزيون
ذهب رائد واقترب مجيد من عهد ..
مجيد : لاحظت صرتي تقولين لرائد قصتنا ؟
عهد : قصة حلوه لازم اقولها
اقترب مجيد منها وقبلها ، ومن ثم حضنها وهو يبتسم .. فكان رائد خلف الجدار ينظر لهم ويبتسم ..
عهد " بصوت خافض " : شوف مجيد يطالعنا
مجيد : وينه؟
عهد : شوفه وراء الجدار
رأه مجيد ومن ثم ذهب له مسرعًا وذهب رائد متجهًا الى غرفه ، الى ان مسكه مجيد ووضعه على سريره وبدأ باللعب معه وكان رائد يضحك الى ان أتت عهد وبدأت " بدغدغة " رائد الى ان رن الجرس ...
رائد : جت دُنيا
ذهب رائد مسرعًا الى الباب ولم يستطيع فتح الباب فكان يصّوت على أبيه وأمه
اتوا مجيد وعهد وفتحوا الباب واذا كان خلف الباب بدر و اسماء و إبنتهم دُنيا
رائد : دُنيا
دُنيا : رائد
حضن رائد دُنيا ومن ثم أخذها الى غرفة الألعاب لتلعب معه
بدر : صدقوني ذولا الأثنين بيتزوجون بعض واذكركم
ذهبوا الى المجلس وبدأوا بالجلوس
اسماء : عاد تصدقون دُنيا امس مانامت الا لما قلت لها نامي عشان بكرا نروح نشوف رائد
عهد : نفس رائد رفض ينام لين جاء مجيد وقال اذا مانمت ماراح تجي دُنيا وتاكلون تشوكلت
مجيد : الا كيف عمي وعمتي بدر
بدر : الحمدلله بخير
عهد : صح لا تنسون ترى ابوي عازمنا الجمعة هذي ضروري كلنا نكون موجودين
مجيد : انا مرتبط
عهد : مجيد لا مو من جدك !
مجيد : مرتبط بحبك
بدر : لا حول هذا بالله خلوه يسكت
اسماء : تعلم منه على الاقل يقول كلام حلو على هالصبح مو واحد يقول صباح الخير خليتي الخدم يسوون فطور؟؟
ضحك الجميع
وإنتهت قصة أربعة أحبوا بعضهما بشدة ...

الكاتبة : ارجوان محمد