ولنا في الخيال حيَاة .

PART 2

دخلت عهد الى الكوخ وهي تتمنى لو أن مجيد معها ، اغلقت الباب عهد وذهبت الى اخيها ..
بدر : كيف الكوخ حلو؟
ارتمت عهد الى حضن بدر وهي تبكي
بدر : شفيك ياعيون اخوك؟
عهد : بدر.. ما اعرف وش اقول لكن شكرًا صدق
بدر : تشكريني وهذا واجب على اخوك؟ وبعدين دامه راح لا تهتمين له في النهاية بيجيك الرجال اللي يبيك ويعشقك
- في الصباح الباكر الساعة 8 -
" في طاولة الطعام "
عهد : صباح الخير
ام عهد : على وين؟
عهد : عندي مقابلة عمل اليوم وبفطر وبروح
ام عهد : طيب افطري قبل لا ينزل ابوك
بدأت عهد بالإفطار
ابو عهد : مو انا قلت لك ماتفطرين معنا؟
عهد : اصلًا الحمدلله شبعت بالعافية عليكم
وبينما هي متوجهه الى الباب ..
بدر : عهد
عهد : هلا بدر
بدر : بتروحين لحالك؟
عهد : اي كلمت الحارس يطلع سيارتي ويجهزها لي
بدر : حلو موفقه يارب وان شاءالله يقبلونك
عهد : امين الا صح ليه معك كوبين قهوه؟
بدر : اي صح اشوى انك ذكرتيني هذا كوب قهوه لك
عهد : الله كوب قهوه من احلى اخو
بدر : يالله روحي قبل لا تتأخرين
ذهبت عهد الى الشركة ..ودخلت الى المقابلة وحين انتهت المقابلة
موظف " HR " : حقيقةً ابهرتيني وتم قبولك تقدرين الحين تروحين لمكتبك
ذهبت عهد الى مكتبها بـ منصب " مديرة الشؤون القانونية "
حيث كان مكتبها أمام مكتب الإجتماعات ف كان هنالك رجلان يصرخون على بعضهم ..
زياد : ياخي وش ذي الشركة الفوضوية ! كل موظف ماشي على نظام ثاني من يوم ماطلع مدير الشؤون القانونية و الشركة منقلبة فوق تحت
مجيد : انا ابي افهم متى يجي مدير الشؤون القانونية ! ما استحمل ادير شركة كاملة مثل هذي !
عهد : معذرةً على الأزعاج لكن فيه إجتماع مهم هنا؟
مجيد : سؤال واحد وإجابته سريعه بدون تفكير وش مكتوب برا؟
عهد : غرفة إجتماعات خاصة
مجيد : حلو يعني الحين انتي وش تشوفين
عهد : حقيقة اشوف انكم تتهاوشون
زياد : اختي ذي الغرفة مايدخلها إلا المدراء الموظفين في غرفة الإجتماع الثاني
عهد : بس انا مديرة
مجيد : اختي توكلي على الله حنا بنفسنا ننتظر المدير الجديد لشؤون القانونية
عهد : انا المديرة الشؤون القانونية
زياد : ايه زين انت صدق عاد
تقدمت عهد وذهبت إليهم و اعطتهم اوراق قبولها بـ منصب " مديرة الشؤون القانونية "
مجيد : اسمك عهد ؟
عهد : انت وش تشوف المكتوب؟
اشعل سيجارته مجيد
مجيد : اها لا بس اسأل عمومًا زياد اشرح لها العمل انا بكون بمكتبي
زياد : تفضلي لمكتبك
———
عهد : الحين على حسب فهمي ان المدير السابق لعب بإعدادات الشركة
زياد : اي وصح نسيت اقولك معاك المدير التنفيذي للإدارة المالية زياد
عهد : تشرفت فيك زياد إلا صح قبل شوي مين هو؟
زياد : اما ماتعرفينه؟ محد يقدم على وظيفة في هذي الشركة الا عشان المدير العام
عهد : لا والله ما اعرفه الصراحه اعرف الرئيس و المالك
زياد : اللي قبل شوي هو المدير العام مجيد
عهد : مجيد؟
زياد : اي نعم مجيد ، شوفي هنا الملفات وكل شيء يخص الشركة اقرأي و على الساعة 12 فيه إجتماع ننتظرك فيه
———
زياد : وش مديرة الشؤون القانونية الحلوه!
مجيد : وانت كل ماتوظفت إمرأه خقيت عليها؟
زياد : بس ذي غير احسها انسانه شغوفه وكذا
مجيد : عاد تصدق أسمها قد مر علي
زياد : طيب ترى اسم ، عاد تصدق لما قلت لها عنك ماعرفتك
مجيد : الله اعلم المهم انت جهز الملفات والأمور عشان الإجتماع
——
مجيد : وينها مديرة الشؤون القانونية! تأخرت و الساعة الحين 11:58 !
عهد : السلام عليكم
مجيد : سؤال واحد و إجابة صريحه وبدون تفكير ليه التأخير؟
عهد : الساعة الحين 11:59
مجيد : وش مكتوب لك في الرسالة؟
عهد : ان الإجتماع يبدأ 12
مجيد : قبل الإجتماع بخمس دقايق تكونين موجوده
عهد : ما أعتقد ان في الرسالة كان مكتوب كذا ، عمومًا قد كُتب في الرسالة يبدأ الإجتماع في الساعة 12 وانا جيت قبل الوقت مايحق لك تحاسبني
زياد : عهد تفضلي اجلسي
" في منتصف الإجتماع " الذي كان بين " مجيد ، زياد ، عهد "
عهد : في الواقع بعد ماقريت الأوراق و الملفات اللي عندي فيه شيء بالشركة يُفعل بشكل غَير قانوني
مجيد : مسرع شفتي الأوراق و الملفات؟
عهد : عَمل تُحبه تفعله بسرعة جيدة
زياد : طيب وش اللي في الشركة سويناه بشكل غير قانوني ؟
عهد : زيادة رأس المال بدون أصول اي يعني تلاعب في الحسابات
زياد : نعم ! مافي اي إثبات يثبت ان فيه تلاعب بالحسابات !
عهد : تقدر تشوف الأوراق تبع السنة الماضية و هذه السنة
اخذ الأوراق زياد وكان يبحث ويقرأ
عهد : في السنوات الماضية الأصول كانت مليون ريال لكن هذه السنة قد زادت الى مليون وخمسمائة الف ، وبعد البحث وما الى ذلك قد تبين ان خمسمائة الف الزائدة هي تلاعب في الأصول اي يعني تم إدراج اصول غير موجوده اساسًا على ارض الواقع ، ولا يوجد أي ورقة تثبت ان الخمسمائة الف الزائدة شراء لزيادة رأس المال .
مجيد : عجيب كيف ذا صار ولا ركز عليه مدير الشؤون القانونية السابق؟
عهد : ما اعرف لكن هذا الشيء راح يتجه الى تحقيق
زياد : الحقيقة أبدعتي لكن في الواقع الخمسمائة الف الزائدة لدي ورقة تثبت شراء لزيادة رأس المال
مجيد : تعبتي نفسك على الفاضي
عهد " بخبث " : حسنًا اذا كانت عندك ورقة تثبت مو المفروض الورقة تكون من ضمن ملفات الأصول لهذي السنة؟
زياد " بخبث " : لكن مايحتاج الورقة تكون في ملفات الأصول دام الورقة عند المدير التنفيذي للإدارة المالية
عهد " بخبث " : صحيح كلامك ، لكن أليس من المهم ان تكون هنالك نسخة للورقة في الملف ؟
زياد " بخبث " : ليس له داعي ان ورقة عند المدير التنفيذي للادارة المالية تكون لها نسخة
عهد " بخبث " : اذا ليس له داعي ، فيجب ان تكون الورقة في إحدى أجهزة الموظفين أليس كذلك استاذ زياد؟
مجيد " بصوت خافض " : اقول ذي تحشر لك ولا تبالي
زياد : انتهى الإجتماع
مجيد : انا المدير العام وانا اللي انهي الإجتماع مو انت عمومًا انتي ياعهد اجتهدتي وهذا وهو اول يوم لك .. انتهى الإجتماع تقدرون تطلعون
" في مكتب مجيد "
بينما هو سارح ويفكر بـ عهد الذي كان يحبها قبل سنوات والذي كانت مديرة الشؤون القانونية تذكره بـ عهد وكيف هي عهد الذي كان يعرفها شغوفه في كل شيء .. بينما هو سارح قاطع تفكيره إتصال من زوجته " جمان "
مجيد : هلا جمان
جمان : متى راح تجي ؟
مجيد : ما ادري صراحة لكن تغدي انتي انا بتأخر
جمان : دايم تتأخر ولو مره بس تعال تغدى معي وحسسني اني زوجتك! دايم تجي بالليل وتجي وانت تعبان ومهلوك وتنام حتى مو قاعد تحسسني اني زوجتك!
مجيد : عهد لا تشغليني انا مشغول
جمان : عهد؟ انا جمان يامجيد جمان .
اغلقت الأتصال و أدرك مجيد أنه قال لجمان " عهد "
" في مكتب عهد "
اسماء : هاااايي
عهد : اهليين
اسماء : مبرررووك على المنصب الحلو
عهد : يبارك فيك ، تعالي اجلسي بنسولف
" في منتصف حديثهم "
عهد : عاد تصدقين اسماء المدير العام اسمه مجيد
اسماء : طيب وش المطلوب
عهد : ونفس صوت مجيد اللي اعرفه قبل تقريبًا
اسماء : نععم! تمزحين
عهد : ما امزح هذا الصدق
نظرت عهد الى اسماء ..
اسماء : لا حبيبتي صدق تخصصي آمن سيبراني لكن هذا يعتبر تجسس
عهد : ماراح يعتبر تجسس اذا بتدخلين من جهاز الشركة
اسماء : اخخ طيب وخري عندك رقم مجيد؟
عهد : اي واحد ؟
اسماء : مجيد اللي تعرفينه قبل
عهد : هو عندي بس ماني متأكده منه
اسماء : بعدين انتي عندك رقم المدير العام؟
عهد : اي
اسماء : خلاص طابقيه بين رقم المدير العام و مجيد اللي قبل وشوفي اذا نفس بعض او لا
عهد : الله على ذكائك يا اسماء
اسماء : كيف بس؟
عهد : اتسأل شلون جبتي معدل 4.67 على هذا الذكاء .. انتي من جدك ؟ يمكن رقم المدير العام رقم عمل فقط يعني انا الحين معطيتهم رقم جوال العمل
اسماء : اوه صح طيب خلاص عطيني و أعلمك بكل شيء