في الصباح الباكر ، استيقظت عهد وهي مندهشه من المكان الذي فيه ، طُرق الباب
عهد : تفضل
جمان : اهلين صباح الخير
عهد : حبيبتي ممكن اعرف انتي مين وانا وين ووش السالفه
جمان : ماعليك الحين خلينا نفطر انا وانتي وبقولك
بينما هم يفطرون تحدثت جمان
جمان : انا جمان زوجة مجيد
بدأت عهد " تَكح " مندهشه بالذي قالته
عهد : يعني وش انا ببيت مجيد اقصد ببيتكم؟
جمان : اي ، وعرفت ان انتي عهد اللي دايم ينادي على اسمها بدالي
عهد : اسمعي جمان والله اني مبتعده عنه
بدأت جمان بتسكيت عهد
جمان : انا عارفه ، لكن اسمعي انا اتخذت قرار انا بنفصل عن مجيد
عهد : اذا عشاني ف انا اقولك لا
جمان : حقيقةً لا ، لكن مجيد يبي ذريه وانا ما اقدر اجيب عيال انا عقيمه يا عهد ولا ابي اظلم مجيد معي ، وهو يحبك وترى قلبه نظيف وطيب لا يغرك الشخصية المتوحشه ، وانا بكلمه بعد ما اطلع من عندك انه يطلقني والله يتمم لكم على خير
عهد : ماراح اتزوجه
جمان : ليه؟
عهد : لأن ابوي غاصبني اتزوج ولد عمي ..
جمان : غاصبك ولا مو غاصبك ماهمني شيء ياعهد ، انا نويت الطلاق ، مجيد يستاهل ذريه وانا للأسف ما اجيب ذريه .
ذهبت جمان وهي تحاول حبس دموعها وعضِضَت شِفتها السُفلى واغلقت باب الغرفة .. بدأ ضمير عهد يأكلها ويأنبها بشدة
ذهبت جمان الى غرفة مجيد ، وقد كان مجيد ينظر الى شكله ويتزين ليذهب الى دوامه ..
جمان : مجيد
مجيد : هلا جمان ، كيف حال عهد؟
جمان : الحمدلله كويسه
نظرت جمان الأرض وكانت مترددة في قرارها
مجيد : وش عندك تطالعين الأرض فيه شيء بتقولينه؟
جمان : مجيد ... حقيقةً.. ابغاك تطلقني
مجيد : ليش؟
جمان : مستحيل اكمل معك وانت في خاطرك تجيك ذريه وقلبك مو متعلق فيني اصلًا ..
مجيد : تمام ان شاءالله خيره لي ولك ، وورقة طلاقك يا اليوم يا بكرا بتجيك وتقدرين تجهزين اغراضك وتفرغين البيت من اغراضك وتروحين لبيت اهلك و عندي لك جناح كامل في الفندق ***** تقدرين تروحين له وتسكنين فيه .. وانتي طالق يا جمان .
اندهشت جمان كانت تظن بأنه سوف يترجاها لكن خاب ظنها وبعد أن رأت ردة فعل مجيد قالت وهي حاقدة وكأنها تُعاتب وقد كانت تضرب بيديها على صدر مجيد ..
جمان : هذي ردة فعلك؟ اجل اسمع دامك طلقتني لا تتوقع بتتزوج عهد لأن عهد متزوجه ولد عمها !
مسك مجيد يديها وانزلها ..
مجيد : مثل ماطلقتك ، اقدر اخلي عهد تخلعه
جمان " بخذلان " : ابوها غاصبها على ولد عمها !
مجيد : وبعدين تعالي ترى عهد ماهي متزوجه لكن فقط ابوها غاصبها على ولد عمها ، واذا ابوها صامل انا بتزوج عهد ويرضى هو بنفسه والحين روحي شيلي كل اغراضك .
ذهبت جمان تحضر حقيبتها وهي تَبكي و ذهب مجيد الى عهد
طُرق الباب ..
عهد : تفضل
مجيد : صباح الخير
توجه مجيد الى عهد وهو متردد هل يحضنها ام يقبلها ام ماذا يفعل ..
تقدم لها مجيد وقبلها على وجينها .. خجلت عهد لكن لم تُبين خجلها بل قالت
عهد : مجيد ! دامك ماطلقت زوجتك هذي الحركات لا تسويها !
مجيد : واذا سويتها مره ثانيه؟
اقترب مجيد لعهد بشدة وقد تخالطت انفاسهم ..
عهد " بتوتر " : ا.. ما.. ماراح اسوي شيء لكن..
وضع مجيد يديه على وجه عهد وبدأ بتقبيل شفتيها الذي وصفها " شفاة التوت المختلط بالكرز " ، كان يقبلها بشدة الى ان عضِضَت عهد شفاة مجيد السفلى فأبتعد عنها مؤلمًا واضع اصبعه " الوسطى و السبابة " على شفته السفلى
مجيد : ليه عضيتيني؟
عهد : لأن قلت لك لا تسوي ذي الحركات معي وانت ما طلقت
مجيد : طيب شرايك نعيدها لكن انا اللي اعض شفايفك؟
ضربت عهد مجيد خاجله من كلامه العَذب ..
عهد : صح ! الحين كيف بروح لدوامي وانا رجلي مكسوره؟
مجيد : ومين قال لك بتروحين لدوامك؟
عهد : نعم؟
مجيد : معطيك اجازة شهر و الراتب بينزل نفس ماهو
عهد : طيب ياحبيبي سيارتي موقفتها بالشركة
مجيد : وش قلتي وش قلتي؟
عهد : موقفتها بالشركة
مجيد : لا اللي قبلها اللي فيها يا
عهد : اها اقول قوم بس ساعدني خلني اروح لبيتنا وبتفاهم معك ليه انا ببيتك
حملها مجيد وبدأت بالصراخ وتضاحيك وهي تحاول ان ينزلها ، وعندما وصل مجيد الى الباب لم يستطيع فتحه لأنه كان حاملًا بذراعيه عهد
مجيد : افتحي الباب عهد
عهد : ماراح افتح لين تنزلني
مجيد : عهد! افتحي الباب
فتحت الباب عهد وعندما كان مجيد سيذهب الى المصعد وهو حاملًا بعهد قد التقى بجمان حاملة حقيبتها ومتوجهة الى المصعد ..
كانت جمان تنظر له وهو ينظر لها ودخلوا المصعد جميعًا .. كانت عهد تنظر الى مجيد بأن ينزلها لأن لا تريد جمان تراهم هكذا .. نظر مجيد لعهد رافضًا ومسك عهد بشدة ..
اتجهوا جميعًا الى الخارج وذهبت جمان مع إحدى السائقين الى منزل عائلتها و اتجه مجيد وعهد الى سيارة مجيد
انزل مجيد عهد وفتح باب سيارته
عهد : ليه مانزلتني لما شفت جمان موجوده؟
مجيد : لأني مطلقها
عهد : متى!
مجيد : اليوم بعد ما جت من عندك ، طيب يا حاكمة قلب مجيد شرايك تركبين السياره؟
ركبت عهد السيارة وهي تضحك ومن ثم ركب مجيد وتوجه الى منزل عهد .. وصل مجيد الى منزل عهد
مجيد : معك مفتاح بيتكم؟
عهد : اي معي
مجيد : طيب تقدرين تمشين على رجلك؟
عهد : لا بس اقدر ارفع رجلي وامشي
مجيد : لا حبيبتي انتي مو كنغر تقعدين تنطنطين الين توصلين للباب يالله بنزل اشيلك
عهد : مو حلى هو عاد
مجيد : تمام يا أميرتي
نزل مجيد وحمل عهد وتوجه الى الباب وحينما كانت عهد تبحث عن مفتاح المنزل في حقيبتها ، فتح الباب اخيها بدر
بدر : عهد!!
عهد : ماعليك لا تخاف اصابة بسيطة
بدر : كيف بسيطة تستهبلين؟ بالله اخوي وش السالفه؟
مجيد : لا تخاف بس طاحت وجاها كسر واليوم طلعت من المستشفى
بدر : تمام يعطيك العافية
ذهب مجيد مكسور ظنًا بأن بدر زوج عهد ، دخلت المنزل عهد ويصطحبها بدر ، ذهب بدر بعهد الى غرفتها ..
بدر : عهد مين اللي كان معك؟
عهد : اقول بس ماتصرخ علي؟
بدر : اصرخ على الكل الا عليك
عهد : هذا مجيد
بدر : نعم؟ كيف ووشلون ومتى وليه!
عهد " بضحك " : هد هد هههه خلني اشرح لك
بدر : ذي يبيلها جلسة طويلة!
عهد : عشان كذا ابغاك توديني لدوامي واذا خلصت جلست معاك اسولف
بدر : طيب لا تنسين موضوع اسماء
عهد : ودني و من عيوني
بدر : ليه ماتروحين مع السواق؟
عهد : ناسي ان ابوي رافض؟
بدر : طيب تجهزي انا تحت انتظرك
ذهب بدر وذهبت عهد تغير لبسها ومن ثم توجهت الى تسريحتها وبدأت بتزيين شعرها الطويل البُني " ويفي " ووضعت جزء خفيف من احمر الشفاة ومن ثم اخذت " عكازها " وذهبت الى سيارة بدر
بدر : انتي الحين متأكده بتروحين وانتي رجلك كذا؟
عهد : اختك ماينخاف عليها
توجه بدر الى شركة ومن ثم نزلت عهد وتوجهت الى مكتبها وكان جميع الموظفين يتداولون خبر عهد ومجيد ..
وضعت حقيبتها عهد في مكتبها ومن ثم توجهت الى غرفة الإجتماعات..
عهد : السلام عليكم
زياد : عهد! وش فيك وليه كذا!
عهد : الم بسيط وان شاءالله بنتهي منه
مجيد : الوقت ثمين ولا ودي نضيعه عليك
نظرت عهد الى مجيد مندهشة من اسلوبه الغريب! هل هذا هو مجيد الذي كان الصباح خائفًا ؟
عندما انتهى الإجتماع ذهب مجيد وهو لم ينظر لعهد أبدًا
عهد : زياد شفيه مجيد؟
زياد : ما ادري من يوم ما جاء وهو معصب
ذهبت عهد الى مكتبها واتصلت على اسماء ، ذهبت اسماء الى مكتب عهد ، وبدأوا بالحديث ومن حديث الى حديث اتجهت عهد الى حديث اخر..
عهد : اسماء بسألك سؤال..
اسماء : وشو قولي؟
عهد : لو بدر اخوي تقدم لك بتوافقين؟
اسماء : والله يا عهد انا ماراح اتزوج وانا مو موظفه
عهد : بدر عنده شركات كبيرة وتقدرين تتوظفين عنده لكن سؤالي بتوافقين؟
اتى مجيد الى مكتب عهد وقبل ان يدخل سمع اسماء وهي تقول
اسماء : بوافق عليه لأن حتى انا احس بمشاعر لأخوك من ايام الثانوية .. انتظر هذا اليوم بأحر من الجمر
ذهب مجيد مكسور ومخذول كان يظن ان عهد هي من قالت ذاك بسبب ان اصوات اسماء وعهد متقاربة جدًا ..
عهد : اجل خليني اكلمه الحين
اسماء : افتحي سبيكر
عهد : الو بدر؟
بدر : هلا ياعيون اخوك
عهد : مشغول؟
بدر : افضى لك سمي
عهد : اسماء قبل شوي كانت عندي وراحت
بدر : ايوا؟
عهد : وقلت اذا تقدمت لها بتوافق او لا وتقول اي موافقه
بدر : تمزحين!
عهد : لا ما امزح وقالت بعد انها تحس بمشاعر لك من ايام الثانوية
بدر : تكفين عهد الله يسعدك زي ما اسعدتي اخوك كلميها ان اليوم اخوي بيجي يكلم اهلها
عهد : ارفق خليك ثقيل ورزانه وانا بشوف لأنها طلعت من عندي
اغلقت الهاتف عهد والتفت الى اسماء
عهد : اخص طلعتي تستحين
اسماء : وش قصدك!
عهد : ماعلينا اليوم بيجي يتقدم لك ...
في المساء .. في غرفة بدر
الذي بدأ بتجهيز نفسه.. ثوب باللون الأسود ووضع الكبك و العود و العطر و البخور و لبس شماغه .. نظر الى " المرآه " وبدأ يختبر نفسه
بدر : هلا والله خالي كيف الأمور؟ لا لا مو حلوه ، ارحب ياخالي وش الأخبار؟ لا لا للأسف سيئة ، السلام عليكم ورحمة الله وبركاته ليه انا جاي اقول خطبة ؟ ، السلام عليكم كيف حالك يا خال؟ وش الأخبار؟ ايووووه ذي حلوه
" طُرق الباب "
بدر : تفضل
عهد : الله الله وش ذا الجمال معقولة ذا اخوي؟
بدر : ادري اني جميل وبغمزه اطيح خمسين شخص
عهد : اقول رح بس لا تتأخر
نزلت عهد تحت ونزل بعدها بدر وقابلته ام عهد
بدر : اميمتي تكفين دعواتك انها تكون من نصيبي
ام عهد : ان شاءالله انها من نصيبك ولا من يحصل له واحد مثلك يناسبهم
بدر : وين ابوي؟
ام عهد : عنده اجتماع
ذهب بدر الى منزل اسماء وقابل ابو اسماء
" في المجلس " الذي كان يتواجد فيه ابو اسماء و أخوانها الخمسة " عبدالله ، مهند ، ماجد ، طلال ، راشد "
بدر : خلني ادخل على الموضوع على طول يا ابو اسماء انا الصدق ابي القرب منك ويشرفني اني اكون فرد من افراد عائلتك
ابو اسماء : والنعم فيك يا بدر وانت رجال نشتريه بعيوننا ، قم يا عبدالله صب القهوه
عبدالله : تفضل
بدر : تسلم والله ، يا خال خلني اتكلم عني انا مهندس مثل ماتعرف وعندي شركات كثيره و أبد اللي تبونه حاضر فيه
ابو اسماء : شف حنا ما عندنا شروط كثيره لكن انا اهم شرط عندي ان يكون لها بيت مستقل ويُفضل لو كان ملك
بدر : ايه يا خال مثل ماتعرف انا عندي قصر لكن فقط ناقصة الأثاث ولا حبيت أثثه الا اذا تزوجت ومنها زوجتي تختار الأثاث اللي تبيه
ابو اسماء : اجل خلني اقولك شروط اسماء و الله يتمم لكم على خير
بدر : تقدر تتفضل تقول لي شروط بنتك الكريمة
ابو اسماء : اولًا بنتي يهمها جدًا انك ماتعارضها بالوظيفه اذا نوّت تتوظف
بدر : من ناحية الوظيفة ف من الحين اقولك اول ماتقول تم هي لك بكون موظفها بشركتي وبتكون هي المديرة العامة
ابو اسماء : حلو تسهل الشرط الأول ، اما الشرط الثاني بنتي تسوق ولا تبي سالفة مافي سواقه
بدر : من ناحية السواقه لها كامل الحرية لكن الأميرة يا خال السواقين هم يجيبونها ويودونها كل مشاويرها ، وانا في كل الحالتين بخليها تسوق وعندي سواقين وحراس كثير
ابو اسماء : الحمدلله والله يرزقك الاكثر ، اما الشرط الثالث حنا مستحين نقوله لك
بدر : افا يا خال؟ تستحي من اللي تعتبره ولدك؟
ابو اسماء : الصدق ان اسماء تقول شهر العسل يكون شهر كامل مو اسبوع او اسبوعين
بدر : ههههه لها مني شهرين عسل
ابو اسماء : ماتقصر والله ، الشرط الأخير كل سنة تبغى تسافر
بدر : سالفة السفر يا خال مثل ماتعرف انا عندي شركات خارج الدولة ف يعني فجأه بالسنة اسافر خمس اربع مرات لمدن مختلفه ف خلها ترتاح انها بتسافر بالسنة اكثر من مره
ابو اسماء : اجل على بركة الله بتجي البنت الحين وبنخليكم على راحتكم ، ماجد رح ناد اسماء
ماجد : ابشر
ذهب ماجد واصطحب اسماء ومن ثم ذهبوا جميع اخوتها و ابيها ..
اسماء : السلام عليكم
بدر : وعليكم السلام ، كيف حالك اسماء؟
اسماء : بخير و انت؟
بدر : دوم يارب ، الحمدلله بأفضل الحال و الأحوال ، وش تخصصك اسماء؟ اذكره آمن سيبراني؟
اسماء : اي تخصصي آمن سيبراني ...
بدأ بالحديث معها ومن ثم ذهب بدر وهو عاشق لجمال اسماء ... التي كانت ترتدي فستان باللون الأسود .. كان دون اكمام وملتصق على الجسم ..
أنت تقرأ
ولنا في الخيال حيَاة .
Romanceوهل للخيال أن يجمعنا بعد تلك المسافات؟ وهل للقدر أن يجعلنا نتصادف يومًا ما؟ لا اعلم .. لكن لنكتب في المذكرة القصة التي أثارت عقلي و أصبح لا يفكر جيدًا ..
