اسماء : عهد!!
عهد : شفيك وش صار؟؟
اسماء : مجيد اللي تعرفينه قبل هو المدير العام لهذي الشركه
عهد : نعم! منجدك؟
اسماء : اي تعالي شوفي ، كل شيء يخصه طالع لي
ذهبت عهد تنظر الى الجهاز وقد كان فعلًا مجيد السابق هو المدير العام لهذه الشركة
عهد : هذي مستحيل صدفه !
اسماء : طيب الحين كيف الطريقة؟
عهد : انتي متأكده من كل شيء ؟
اسماء : اي وشوفي كل المعلومات طالعه لي
عهد : لو عرف اني انا هي بيعاتبني
اسماء : عندي لك فكرة حلوه
عهد : وشو ؟
اسماء : انتي اكيد تذكرين سنابه صح؟
عهد : اي
اسما : خلاص ضيفيه وسولفي معه
عهد : وش اسولف!
اسماء : يعني ضيفيه وبعد مايضيفك قولي كيف الحال ومن ذي السوالف
ذهبت عهد تأخذ هاتفها وذهبت لتضيف مجيد
عهد : اسماء قبل الإضافة على طول !
اسماء : شوفي وش بيقول او انتي ارسلي
" عهد : اهلين
مجيد : اهلًا عهد
عهد : ماشاءالله للحين تذكرني؟
مجيد : اذكرك ايش؟ انتي كاتبه اسمك < عهد محمد >
عهد : اوه اعتذر ، كيف حالك؟
مجيد : بخير وانتي؟
عهد : دوم يارب الحمدلله انا بخير
مجيد : عهد وينك طول ذيك السنين؟
عهد : طول السنين؟ شلون عرفتني؟
مجيد : عهد انتي منزله سنابه وانتي مصورة كوب القهوه وانا ما انسى لما كنتي تكلميني وأحترق اصبعك و الحين الأثر بأصبعك "
عهد : اسماء ذا يتذكرني
اسماء : احس عجزت افهم لكم طيب كملي نشوف
" عهد : طيب كيف الحياة معاك؟
مجيد : جاوبيني وينك طول ذيك المدة؟
عهد : اختفيت لأني ماكنت ابي شيء يلهيني عن دراستي والإبتعاث
مجيد : ماشاءالله ابتعثتي؟
عهد : اي الحمدلله تيسرت الأمور
مجيد : كفو والله كنت واثق فيك ولا خاب ظني ، عاد تخيلي اليوم فيه وحده نفس اسمك انقبلت عندنا بالشركة
عهد : اما ؟ وش اسمها الكامل؟
مجيد : والله ما ادري بس اعرف ان اسمها عهد ، طيب انتي توظفتي؟
عهد : لا ماتوظفت
مجيد : تعالي قدمي عندنا وبنقبلك
عهد : وش شركتكم؟
مجيد : من جدك ماتعرفين الشركة اللي انا فيها المدير العام؟
عهد : لا
مجيد : شركة ****** العالمية ، قدمي عليها وبنوظفك
عهد : الصراحه ودي اخذ فتره اكون فيها نفسي وكذا
مجيد : براحتك "
اسماء : احس لازم تقولين له عنك
عهد : لا ما ابي ابغى اراقبه من بعيد الى بعيد..
- في الساعة 6 ليلًا -
ذهبوا جميع الموظفين منذ الساعة 4 ولم يتبقى في الشركة سوى " عهد ، مجيد " ، طُرق باب مكتب مجيد
مجيد : تفضل
عهد : معذرة على الإزعاج لكن جبت لك كوب قهوه
مجيد : شكرًا كأنك حاسه اني محتاج قهوه
قدمت عهد القهوه الى مجيد وعندما أخذ منها القهوه انتبه الى اصبعها الذي فيه حرق
مجيد : عهد ؟
عهد : تفضل
مجيد : لا انا اقولك انتي عهد؟
عهد : انا اسمي عهد ..
مجيد : عهد محمد؟
سكتت عهد ولم تعلم مالذي ستقول له ، وقد كان عقل مجيد مليئ بالأسئلة
مجيد : تفضلي تقدرين تجلسين وتسولفين
بدأوا بالحديث مع بعضهم البعض وكان مجيد متشوق للحديث معها ..
عهد : ماشاءالله مبروك
مجيد : على ايش؟
عهد : الخاتم اللي بأصبعك
توتر مجيد ولم يعرف كيف يواجه عهد
مجيد : اي ... ههه... يبارك فيك
عهد : من متى متزوج؟
مجيد : من سنتين
عهد : ماشاءالله ربي رزقكم بعيال؟
مجيد : لا زوجتي ماتجيب عيال ، انتي تزوجتي؟
عهد : تشوف فيه خاتم بإيدي؟
مجيد : لا بس يمكن انخطبتي
عهد : خطبوني ثلاثه ورفضتهم وكنت متملكة
مجيد : اوف جوي السوالف هذي ، طيب اسمعي خلينا نطلع من الشركة ونروح لكوفي شرايك؟
عهد : وزوجتك؟
مجيد : لا زوجتي ببيت اهلها ف عادي
عهد : تمام نروح مع بعض ولا كل شخص بسيارته؟
مجيد : لا تعالي معي .
ذهبت عهد تأخذ حقيبتها من مكتبها وأتى اتصال الى مجيد " زوجتي جمان "
جمان : متى بتجي؟
مجيد : ما اعرف مواعد زياد الحين نروح نتقهوى وكذا
جمان : زياد اهم مني ؟
مجيد : جمان السواقين كلهم عندك اختاري واحد وروحي بيت اهلك لا تنتظريني اليوم
جمان : كنت متوقعه الرد هذا .
" في بيت جمان "
بدأ التفكير يأكل جمان بسبب الفتاة التي تُدعى عهد الذي دائمًا مجيد يُخطئ بإسمها ، ومن ثم أدركت جمان ان لديها رقم زياد و قد أخذته عندما كان مجيد يكلمها عن طريق رقمه ..
جمان : الو زياد؟
زياد : هلا بزوجة اخوي
جمان : مو اخوك هو
زياد : عشرة عمر انا وهو وفي كل شيء سويناه مع بعض بس امريني؟
جمان : ما يامر عليك عدو ، مجيد اليوم ماراح يجي هو معك الحين؟
زياد : لا مو معي مجيد
جمان : كيف! هو قال انه بيروح مع زياد لكوفي
زياد " توتر " : اييي .. هههه .. كان قلتي لي مجيد ماغيره زوجك حسبتك تقصدين مجيد ولد عمي قلت وش عرفه فيك هههه
جمان : وش ابي اسأل عن ولد عمك ؟ طيب هو معك؟
زياد : ايه معي ورايحين للكوفي الحين
جمان : بس عندك هدوء وش ذا الكوفي الهادي؟
زياد " توتر " : Thanks for the coffee جمان وصلت قهوتنا بكلمك بعدين
اغلق المكالمة زياد ومن ثم اتصل على مجيد
زياد : مجيد مو وقتك رد ... اوه الوو مجيد
مجيد : شفيك؟
زياد : انت قايل لزوجتك انك معي؟
مجيد : ايه وش دراك؟
زياد : حبيبي زوجتك اتصلت علي تسأل
مجيد : كيف رقمها عندك؟؟
زياد : نسيت لما كنت تتصل عليها من رقمي؟
مجيد : ايه صح .. عمومًا ماجبت العيد صح؟
زياد : افا عليك انا اجيب العيد؟ بس علمني مع مين طالع
مجيد : مع عهد
زياد : عهد؟؟ عهد مديرة الشؤون القانونية؟
مجيد : اي
زياد : العب من ورانا صاير توا....
" اغلقت المكالمة "
عهد : مين اللي متصل عليك؟
مجيد : يهمك هو؟
عهد : لا بس سمعت اسمي
مجيد : ذا زياد
عهد : وش يبي ؟
مجيد : بنروح كوفي درايف ثرو بناخذ قهوه وبوديك مكان ولا في الأحلام
عهد : طيب تعرف قهوتي صح؟
مجيد : معقوله بنسى القهوه اللي خليتيني ادمنها بسببك؟
عهد : صدق صرت تشربها؟
مجيد : ما اروق الا عليها
أخذ القهوة مجيد وذهبوا الى مكان جميل جدًا وقد كانت حولهم الورد والشجر
عهد : تصدق مجيد انا نفس الوردة تسقيها وتعطيك الدافع و الحماس واذا تركتها لأيام بدون ماتسقيها يروح جمالها ولا تعطيك دافع وحماس
مجيد : وانا مثل الشجر تموت اوراقها ولا تنهار خشبها
عهد : مثال حلو
مجيد : عهد .. فيه شيء ودي اقوله بس متردد
عهد : قول لا تتردد
مجيد : مو مهم الحين تكلمي عن اللي كان مملك عليك
بدأت عهد تُسرد قصتها مع ابراهيم ..
عهد : وبس الحين راح يدرس برا بتخصص طيران
مجيد : وابوك للحين متضايق منك؟
عهد : اي للأن ، لكن ان شاءالله ربي بيعوضني بالأفضل
مجيد : بيعوضك بالأفضل ؟ انا كنت العوض الأفضل لكن انتي خسرتيني
عهد : خسرتك؟ عشان كذبه بسيطة خليتها اني خسرتك؟
مجيد : انتي رحتي وتركتيني سنوات تايه ادورك لين قررت اتناساك واتزوج وصرت اشوف زوجتي انتي
عهد : هذا مو عذر هذا عقلك اللي مو راضي يقتنع اني خلاص انا رحت وانت الأن متزوج ! خاف الله بزوجتك ماله داعي تظلمها عشاني انا
مجيد : كل اللي يصير بيني وبين زوجتي انتي سببه..
عهد : لا مو سببه هذا بسببك انت
محيد : اجل ليه طلعتي معي دامك تدرين اني متزوج!
عهد : من جدك تفكر كذا؟ انا طلعت معك اشوفك مجرد مدير وصديق فقط لا يروح بالك بعيد
مجيد : اي واضح ، كلنا ندري ان اللي قاعد يصير اتفاق ولا شلون تجين لشركة ماتعرفين مين مديرها
عهد : اعتقد قد قلت ان انا اعرف الرئيس و المالك! وبعدين تراك مدير عام ماتسوي شيء اللي يعطيك الأوامر الرئيس وانت مثل الأهبل تروح وتنفذ
نزلت عهد من السيارة غاضبة وتحمل حقيبتها ، نزل مجيد خلفها
مجيد : عهد ... عهد ، لما انا اتكلم توقفين وتسمعيني
مسك مجيد رسغ عهد
عهد : اتركني مجيد ! ماتوقعت هذا تفكيرك !
مجيد : الحين بتقنعيني انك مو الى الأن تحبيني نفس ما انا الى الأن احبك ؟
عهد : مجيد لو قلت اني احبك واني للحين قلبي يتعذب عشانك هل بيتغير شيء؟ وانت متزوج الحين ! وانا نفس ما ارضى احد يتزوج علي ما ارضى ان انت تتزوج على زوجتك اللي ضحت عشانك وتزوجت واحد يشوفها اللي يحبها قبل ! انت ماتدري ان هذي خيانه؟ هذي موضوع خيانه وموضوع ثاني انك ظلمت زوجتك اذا انت مو قد الزواج لا تتزوج
مجيد : عهد والله اني عجزت احبها عجزت
عهد : اجل ليه تظلمها وتتزوجها !! مو على أسا...
تقدم مجيد مسرعًا ومسك وجه عهد بيديه وبدأ بتقبيلها بشدة ، كان تقبيله لها تقبيل الشخص الملهوف و المشتاق ، كانت تحاول عهد الأبتعاد عن مجيد لكن كان يشدها إليه وكان محكمًا عليها .. استطاعت عهد الإبتعاد عن مجيد
عهد : اذا كنت تتوقع اني بشوفك حبيب وانت متزوج ف انساني يا مجيد
مجيد : سنوات مرت ولا نسيتك الحين تتوقعين بنساك؟
عهد : ايه اذا كان عندك ضمير اتجاه زوجتك
حين كانت عهد تحاول ان تذهب
مجيد : وين رايحه؟؟
عهد : بروح ولا اشوفك
مجيد : المكان خطر عهد بلا استهبال وتعالي اركبي السيارة !
عهد : ما ابي اركب سياره ولا شيء انا بروح بنفسي
بينما عهد تحاول ان تتوازن بالمكان الذي هي فيه ، قد كُسر " كعبِها " و " تعكرف رجلها " ، سقطت عهد متألمه
مجيد : عهد !!
ذهب مجيد مسرعًا الى عهد
مجيد : شفيك عهد
عهد : رجلي توجع ما اقدر اتحمل الألم
حملها مجيد وذهب بها الى سيارته وتوجه الى المستشفى
الدكتور : زوجتك؟
مجيد : لا والله
الدكتور : اختك ؟
مجيد : لا والله
الدكتور : امك؟
مجيد : نعم يا اخوي!
الدكتور : امزح امزح اذا هي ولا وحده من اللي قلتها اجل هي مين؟
مجيد : انت وش عليك الحين؟
الدكتور : تمام ، حنا حطينا جبس على رجلها لأن على ما اعتقد انها تعكرفت وأدت الى كسر
مجيد : طيب هي بخير وتقدر تطلع؟
الدكتور : اي وتقدر تطلع
ذهب مجيد الى عهد
مجيد : الحمدلله على سلامتك
عهد : الله يسلمك ، وترى كل اللي صار لي بسببك
مجيد : ارسلي لي موقع بيتكم عشان اوديك عنده
ارسلت عهد موقع المنزل لمجيد ومن ثم ركبت معه ، وعندما وصل مجيد الى منزل عهد ، كانت عهد نائمه فلم يستطيع ان يطرق الباب على عائلتها ويروها بهذا الوضع ويروا مجيد معها .. توجه مجيد الى منزله وطرق الباب واذا بها جمان فتحت له الباب
جمان : مين هذي؟
مجيد : بعدين اقولك خلي الخدم يفرغون احد الغرف
جمان : لا
مجيد : تقولين لمين لا !!
جمان : انت اقولك لا ، ماراح اطلب من الخدم يفرغون احد الغرف الا بعد ماتعلمني مين هذي!
مجيد : والله بعلمك لكن روحي خليهم يجهزون الغرف
بعد ان انتهوا الخدم من الغرفة ذهب مجيد حاملًا بـ عهد الى الغرفة ووضعها على السرير و أزال معطفها لكي لا تشعر بالحر الشديد .. خرج مجيد وقابلته جمان
جمان : مين هذي ؟
مجيد : هذي عهد
جمان : عهد اللي تهلوس بإسمها دايم ؟
مجيد : اي عندك شيء؟
جمان : لا صراحة لكن كيف جتك الجراءة انك تجيبها لبيتنا
مجيد : هي مديرة الشؤون القانونية لشركتنا ومن هنا قابلتها وعرفت انها هي عهد اللي قبل اعرفها
جمان : اممم عجيب صراحه
مجيد : لا نسولف هنا خلينا نروح لغرفتنا وننام
- في غرفة " مجيد ، جمان " -
وضع مجيد رأسه على فخذ جمان لأول مره في حياته .. ابتسمت جمان بأنه لأول مره يشعرها انها زوجته ..
مجيد : تصدقين جمان ماقد حبيت احد كثر ماحبيت عهد سنين وانا ادورها وفجأه الدنيا تخلينا نتلاقى بشركة .. شايفه حجم الحب اللي بقلبي لها ؟
جمان : لأول مره تتكلم معي بصراحة نفس كذا
مجيد : جمان انا اعترف اني ظلمتك معي لكن لا تلوميني انا في هواها عاشق ..
نام مجيد على فخذ جمان وبينما جمان تحاول حبس دموعِها ..
أنت تقرأ
ولنا في الخيال حيَاة .
Romanceوهل للخيال أن يجمعنا بعد تلك المسافات؟ وهل للقدر أن يجعلنا نتصادف يومًا ما؟ لا اعلم .. لكن لنكتب في المذكرة القصة التي أثارت عقلي و أصبح لا يفكر جيدًا ..
