جحيمي الأبدي

الجز13🤍📍

الجزء 39
نطق خالد بهاد لكلام وزاد مشا من تما... جلس عصام فبلاصتو وعينيه على اسيل
عصام:علاياش كنتو كدويو قبل منوصل
أسيل:ماشي شي حاجة مهم كان غير كيتعرف على مرات المنافس ديال
عصام بشك:متأكدة
أسيل:اه والله
عصام:وخا صدقتك
أسيل:تعطلتي بزاف فلابيل
عصام:أه
أسيل دورات وجهها مكتحملش طريقة كلامو عارفاه كيبغي أسئلة مباشرة باش يجاوبها معامن كان كيهضر... عصام هز راسو لسيرفور لي فهمو وجاب ليهم التحلية
أسيل:امم هادشي كيبان لذييذ
عصام جاتو الضحكة على تصرفاتها الصبيانية:ههه ونزيدك را كلها شوكولا
أسيل شافت فيه وولات شافت فالحلوة.. قرباتها كلها عندها وبدات تهز من هادي ومن لخرى... كانت كدوق وتبنن وخا شبعت فلعشا الا ان هاد لحلوة شي حاجة بزااف مقدراتش تقاومها... أما عصام عينيه منزلوش عليها هايم فحبها وجمالها و ضحكتها
عصام:عجباتك ولا نطلب ليك شي وحدة أخرى
أسيل:لذيذة بزااف كتخليك مشهي تاكل وحدة من موراها
عصام:وخا انا نطلب ليك وحدة أخرى
أسيل:لا صاف بلاش
عصام:عرفتي.. إلى ربحت هاد الناقصة لي خدام فيها.. غادي نبقاو نسافرو بزاف لإيطاليا و غنوليو عايشين بين إيطاليا وتركيا وديك ساعة غتبقاي تاكلي بزاف ديال شوكولا
أسيل:حلفف واش حتا لهاد الدرجة مهمة عندك هاد المناقصة
عصام هز راسو بآه:اه أأسيل هيا حلم حياتي واخيرا غادي نحققو.. تخيلي غادي تولي للشركة ديالي فرع آخر فإيطاليا... وهادشي كيعني الأنسجة ديالنا غتولي عالمية
سهات أسيل فيه وفلفرحة لي فعينيه كانت باينة شحال مهمة عندو هاد الصفقة
عصام:زعما تالهاد الدرجة انا زوين باش تسهاي فيا
أسيل خنزرات فيه:ناري على هاد التقة لي عاطي
عصام ضحك على كلامها... أما أسيل مسحات فمها لي كان كلو تجلخ بشكلاط
عصام:باقي شوية فجنب
عاودات مسحات ولكن ولا شير ليها كانت باقا نقطة فجنب  مبغاتش تحيد... محسات بيه تا جر لكرسي لي هي فيه وولات حداه... وحط عينيه على شفايفها
أسيل:ع عصام ش شنو غدير
عصام:كنظن مخديتش حقي من لحلوة
أسيل بغباء:راها باقا فوق طابلة
عصام هز راسو كيضحك من كلامها وولا شاف فيها بعينيه لخضيضرين... دوز إبهامو على شفايفها بحركة تقيلة
أسيل:عصام شنو غدير
عصام:مزال مدرت والو.. عاد غندير وغنحيد ديك النقطة من فمك
بعدات أسيل ووقفات ولكن مخلاهاش وولا جرها گلسات
عصام:تبتي لرض ونتي تترعدي ليا.. تنفسي و متخافيش
أسيل:عصام خليني عفاك
عصام:دويت معاك
أسيل حسات بتبوريشة طالعة معاها وهو كيقرب منها... غمضات عينيها لا إرادي ونفسها ولات طلع تقيلة
عصام:تي حلي عينيك مالك راه مغديش نبوسك بلاما تسخفي ليا هنا
أسيل:عصام خليني نمشي لحمام غنحيدها راسي
عصام معطاش لكلامها اهتمام قرب منها كتر وميل راسو حتا غطاها بجسمو كامل... لي من بعيد غيشوف غا ظهرو... أما أسيل نفسها ضاقت وتبوريشة طلعت معاها وهي كتحس بلسانو قاس فلقنت ديال شفايفها كيحاول يمص ديك نقطة ديال شوكولا
عصام:هاد النقطة صدقات صليبة مع راسها مبغاتش تمشي
ولا رجع لنفس النقطة كيمصها ولكن بجهد حتا بلا ليها نص فشفايفها... بلاما يحس غمض مستمتع بهاد اللحظة... مبعد حتا حطات يديها على صدرو كتفيقو
أسيل:صاف باراك
بعد عليها عصام وحط راسو على راسها وشفايفو كيلامسو شفايفها ونطق بصوت خافت
عصام:امم الشوكولا عندها طعم ألذ على جلدك
نطق بهاد لكلام ورجع فبلاصتو حاضيها كفاش مزال مغمضة عينيها وحالا شفايفها
عصام:صاف غير حلي عينيك راني بعدت
أسيل حسات بالاحراج من كلامو وعايرات راسها فخاطرها كفاش قدر داغ يسيطر عليها ويقرب منها بلاما تمنعو
أسيل:شكون سمح ليك تبوسني
عصام:متغوتيش.. انا اصلا مبستكش يعني كنت ناوي غير نحيد ديك النقطة ولكن شفايفي لامسات شفايفك بالغلط
أسيل:تفوو شحال كتستافد من الفرص.. عمرك غتاخد شفايفي بإرادتي..وحياتك كلها غتبقا هكا غير كتستافد من الفرص
عصام:سمعيني بلاما تعصبيني دبا... انا هادي جوج سيمانات مقصتكش فيهم.. وعرفتي هاد شي اش كيعني؟ كيعني بلي عندي طاقة كبيرة نبقا ن*وي مك حتا نهرس ليك شي عظم فخليك متبتة حسن من فقد السيطرة ونصدق داير شي حاجة تندمي عليها
أسيل:متهددنيش.. انا مبغيتش تلمسني ولا حتا تقرب مني.. سير بقا مع دوك العاهرات ديالك لي كتبقا ضحك معاهم وانا منكدها عليا... سير بقا معاها راها باينة كتبغيك
عصام:شنو كتقصدي
أسيل:ديك لي كنتي كدوي معاها من الأفضل تبغيها هيا وتبعد مني شوية وتخليني فحالي
يتبع...